[ بيع سلعة شخصية ] أعمالي كروشيه للبيع .................أطفال و نساء - الصفحة 7

أم معاذ أم معاذ · 2012-07-20, 20:28

اقتباس:

السلام عليكم أختي أم معاذ من أي ولاية أنت لدي طلبات عديدة لكن طريقة البريد لا تساعدني لدي أحد صدور الكروشي أرسل لكي صورة له هل تستطيعين صنعه لي والمدة أن امكن صح رمضانك

أنظري المشاركة السابقة

أم معاذ أم معاذ · 2012-07-20, 21:01

السلام عليكم أخواتي

بالنسبة لطريقة التعامل معي
كثيرا من الاخوات يتخوفن من التعامل عبر النت
حتى لو كانت السلعة جيدة
أرجو أن يطمئنوا

أي واحدة تحب تخيط أي حاجة عندي
مفارش - ملابس - صدور - ملابس أطفال - اطقم مواليد - ديكورات - لانجري - واي فكرة مرتبطة بالكروشية ننفذها لك بإذن الله
تبعثلي صورتها على الخاص و نتفاهم على

:
- الثمن
- اللون
- العدد (كم قطعة )
- المدة (مثلا : قبل شهر ماي )

بعدها أقوم أنا بخياطتها

و نتفاهم على طريقة التوصل

بالنسبة لي أنا أستطيع التوصيل للولايات التالية :
- الجزائر العاصمة
- البليدة
- عنابة
- الطارف
- سوق أهراس
- تبسة
و الباقي أرسل بالبريد

ملاحظة :

أرجو من كل واحدة أن لا تطلب مني الخياطة إلا إن كانت جادة فقط
حتى ما تخسرني ما تربح دعاوي الشر

jza2ria · 2012-07-20, 21:56

السلام عليكم و صحة فطوركم ...أختي ام معاذ وصلتني رسالتك وا ن شاء الله كي تجي اختي هاد اليامات ناخدو القياسات و نرسلهملك ... وشفتي الفكرة عجبت البنات ما شاء الله ربي يبارك في يديك.

أم معاذ أم معاذ · 2012-07-20, 22:01

بارك الله فيك أختي جزائرية
في الإنتظار
المشكل تاع العرايس أنهم يدخلو غير لقسم تجهيزات العرائس فقط ما يطلوش على الأقسام الأخرى هههههههههههههههه

لازم يديرو عندهم قسم للبيع و الشراء

jza2ria · 2012-07-20, 22:13

اقتباس:

المشاركة الأصلية كتبت بواسطة om mo3ad

بارك الله فيك أختي جزائرية
في الإنتظار
المشكل تاع العرايس أنهم يدخلو غير لقسم تجهيزات العرائس فقط ما يطلوش على الأقسام الأخرى هههههههههههههههه

لازم يديرو عندهم قسم للبيع و الشراء

صح عندك الحق رغم ان الشراء من اهم يوميات العرائس هههههه ان شاء الله موضوعك يفتح الباب للتعامل في امور اخرى

jza2ria · 2012-07-20, 22:25

اختي ام معاذ بخصوص الموضوع الاول لاني اعتمدت على اختي في الاستلام ثم جات العطلة قاتلي مانروحش لهذا لم اؤكد على الطلب و خفت تعتبريني استهزء على هادي قتلك ادا تحبي نفارسيلك الان حتى تعرفي اني جادة .

المبتغية لمرضاة الله · 2012-07-20, 23:07

السلام عليكم اختي تقبل الله صيامك
خيرت هاذو بشحال يطلعولي وراني من غرداية كيفاش يوصلولي في حال اعتمدت عليهم

الطموحة دوما · 2012-07-20, 23:43

السلام عليكم أختي أم معاذ ماهو سعر هاذ العمل ماهو الثمن وهل بإمكانك تبعثيلي رقم الحساب البريدي الخاص بك في رسالة خاصة

كنوزنبراس · 2012-07-21, 01:23

ختي كي وليت بعيدة نحاول نشوف ادا لقيت وحدة تعرفلهم نوريها لي موديل ادا ملقيتش راني نولي ليك
اوك ربي يوفقك

أم معاذ أم معاذ · 2012-07-21, 10:07

اقتباس:

اختي ام معاذ بخصوص الموضوع الاول لاني اعتمدت على اختي في الاستلام ثم جات العطلة قاتلي مانروحش لهذا لم اؤكد على الطلب و خفت تعتبريني استهزء على هادي قتلك ادا تحبي نفارسيلك الان حتى تعرفي اني جادة .

لا بأس أختي
كي نجي راح نخدملك درك نقولك تفارسيلي إن شاء الله

اقتباس:

السلام عليكم اختي تقبل الله صيامك
خيرت هاذو بشحال يطلعولي وراني من غرداية كيفاش يوصلولي في حال اعتمدت عليهم

الأول بـ 100 ألف
الثاني 120 ألف
الثالث 80 ألف
و التوصيل يوصلوك بالبريد على شكل طرد لباب الدار أو تصلك ورقة من البريد أنك تروحيلهم تستلمي الطرد
و كي نبعثهم يصلو في يوم واحد

اقتباس:

السلام عليكم أختي أم معاذ ماهو سعر هاذ العمل ماهو الثمن وهل بإمكانك تبعثيلي رقم الحساب البريدي الخاص بك في رسالة خاصة

الثمن 130 ألف رقم الحساب نعطيهولك كي نعود راح نخدملك
خاطر في شهر رمضان عندي خدمة و يا ربي نكملها
بعد رمضان بإذن الله كي نعود راح نبدالك في الخدمة نمدلك رقم الحساب

اقتباس:

ختي كي وليت بعيدة نحاول نشوف ادا لقيت وحدة تعرفلهم نوريها لي موديل ادا ملقيتش راني نولي ليك
اوك ربي يوفقك

ربي يسهل
أنا في الخدمة متى شئت

الطموحة دوما · 2012-07-21, 10:43

صباح الخير أختي الكريمة يعطيك الصحة ربي يحفظك حطيني في بالك بلاك تنسايني وإذا عندك مودالات لاعمال اخرى حطيهم تعيشي خاصة للعرايس مايهمش لبعد رمضان نشاء الله صدقيني جادة معاك كان بودي اذا عندك طريقة اخرى للتواصل معاك كم يستغرق منك العمل من وقت لانو مولاتهم عروس عندها وقت محدد وشكرا مسبقا

أم معاذ أم معاذ · 2012-07-21, 11:02

النت مليء أختي بالمودالات
و أنت جيبي فقط الصورة اللي حابة تخدميها فقط و أنا نخدملك
و بإذن الله العمل ما يستغرقش وقت طويل حسب الحاجة اللي نخدم فيها

و بعد رمضان قوليلي الحاجة وقتاه تستحقيها و أنا نقلك هل نستطيع نكملها في الوقت أو لا ؟

الطموحة دوما · 2012-07-21, 11:40

أقصد هذا المودال

أم معاذ أم معاذ · 2012-07-22, 13:18

السلام عليكم و صح رمضانكم
تم أختي

jza2ria · 2012-07-22, 18:04

السلام عليكم اخواتي .... اختي ام معاذ راح نكون انانية شوية (بعد ما حبيت اخواتي العرايس يستفادو منك ومن خبرتك) تبدايلي انا الاولى دبري راسك هههههههههه