~¤ô¦¦§¦¦ô¤~ بيتك جنتك و رضاء ربك مبتغاك 5 ~¤ô¦¦§¦¦ô¤~ - الصفحة 7

نافلة · 2014-04-21, 00:01

بالنسبة لتطبيقاتي ليوم الاحد كالتالي
الديني الحمد لله و الشكر
التنظيفي اليوم سيقت الدار كاملة بعد ما لميت الغرف و كنستهم و نظفت الدوش و المرحاض حاشاكم
و من بعد فوتت على الغبرة و رحت نصبت لغدا درت لحم مفور و لوبيا خضرة مع لصوص تومات بعد ما فورتها و السلاط و ....
رجعت حكيت النوافذ بلا ما ننسا المدخل و سيقت بالطبع و رجعت كلشي لمكانو و في الاخير بعد الغدا بخرت الدار
الجانب التجميلي بعد الميناج اللي هد حيلي دوشت و شعري خليتو مكريبي قلت نروحو شويا من السيشوار + مكياج خفيف الله الله
الجانب التربوي راني نجاهد مع بنتي في الدراسة و اليوم بالضبط درتلها درس في سلوكياتها و انو الله ميزنا العقل و لهاذا كل انسان عندو مسؤولية خاصة بيه راني نحاول نحملها مسؤولية بعض الاشياء.....

نافلة · 2014-04-21, 00:11

اه نسييييييييييييييت
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
الجانب النبوي اكيد اكيد العياط ما نستغناش عليه ههههه
رايحة نحاول باذن الله ربي يفقنا لما فيه خير لنا
ميصح الابتسامة ماخطاتنيش

نافلة · 2014-04-21, 00:20

fani09 · 2014-04-21, 07:25

الصباح هو صفحة الحياة الجديدة ، فأبتسم لتستنشق بياض الصباح و تنسى ما أحزنك بالأمس . صباحكم تفائل !

fani09 · 2014-04-21, 07:27

fani09 · 2014-04-21, 07:32

الدر المكنون 7 · 2014-04-21, 08:18

السلام عليكم ورحمة الله وبركاته
اليوم بحول الله ما عنديش برنامج تنظيف لأني معولة نفتل الطعام
الجانب الديني الصلاة في وقتها،وكذلك رجعت لاتمام حفظ سورة البقرة بعد ما كانت عندي ظروف مانعتني يارب ثبتها في قلبي
الجانب التجميلي تقريبا 0000راني سامحة في روحي
بما أنو حطيتو وصفات للتخسيس ما تنساوش نصيب النحيفات رايحة نحطلكم وصفة خطيرة تتطلب المداومة عليها أكثر من شهر
مشروب الأنوثة
المقادير
كوبين من الماء
كوب من الحلبة
نعناع أخضر
معلقة ينسون
معلقة شمر
معلقة بردقوش
معلقة عرقسوس
كراوية
مريمية
يغلى الخليط من 10 دقائق الى 15 دقيقة ويشرب كوب صباحاً وكوب مساءا لمدة لا تقل 3 اسابيع لمن يعانى من الضغط لا يضع العرقسوس مع العلم ان العرقسوس له نفس تأثير الكورتيزون على الشكل وزيادة الوزن ، مع تناول فول الصويا
حليب الصويا غني بهرمون البروجسترون الذي يجعلك اكثر انوثه بتكبير المؤخرة والارداف وتصغير الخصر وتكبير الصدر ويحسن من نوعية الشعر ويقوي الاظافر ..
سلامي للجميع

fani09 · 2014-04-21, 10:02

إلى كل من تشتكي ضنك المعيشة، ومتاعب الحياة،
تأمّلي هذه الصورة ، وإحمدي الله على كل حال

الدر المكنون 7 · 2014-04-21, 11:41

فعلا فاني نحن في نعمة والحمد لله

نخله. · 2014-04-21, 12:53

الجانب الديني راني مقصرة في الفجر نصليه على 7 وقريت الجزء3 يعني وردي اليومي وحفظت 3ايات من الطور وحطيت تسمسعي

بديت بكحل و بوندو وديبوكل كبار كتغييرودهن اليدين بزيت اللوز قبل وبعد التنظيف

الجانب التربوي راجعت مع ولدي اية الكرسي و نحاول نمنع الجري داخل البيت و نأكيد على غسل الايدي

الجانب التنظيفي بديت بالغدا..التنظيف اليومي للمطبخ وبقية البت والكنس فتح النوافذ والابواب للتشميس

الى الميناج العميق.........بدبتو على سا9 قطعت الكهرباء غسلت باب المدخل والسقف نوافد المدخل عندي 2 صغار غسلتهم و نحيتلهم الستائر الى آلة الغسيل

غسلت حيوط المدخل او الجزء الاول 3متر * متر ونص وزدت ربطت الغاز على المدفاة نع المدخل وغسلتها مليح............ولما بديت نحس بالتعب حبست وسيقت المدخل بصح مازال ما كملتوش .........قسمتو الى مراحل...........و رحت لصاله رفدت الفراشات للي فيها تحضيرا للتنظيف العميق هنا خلااااص تعبت وما قدرتش نكمل...............الاستحمام وانا في انتظار آذان الظهر

ام عبودة · 2014-04-21, 14:13

صباااااااحكم سعيييييد وصببباح الهمة والنشااااااط
الجانب الديني
غاظتني عمري سمعت الفجر وحبيت نوض نصلي وقعد بليس يقولي رامي مريضة وشاربة الدواء زيدي ارقد واااااااع
نظت غير على 6:30 صليت واستغفرت ربي وذكرت
وحفظت اياتان فقط من سورة البقرة وراجعت الايات الاخيرة اللي حفظتهم والحمد لله
الاستغفاااااااااار رووووووووعة
الجانب التنظيفي
نحيت لي ريدو تاع غرفتي وغسلتهم وبدلت غطاء السرير ومسحت الموبل والمرايا وسيقت وغسلت اول حاجة الزرابا قبل ما تطلع الشمس حااارة
وغسلت الحوايج ونشرتهم رغرفة لسع نادية من التسياق وركبت لي ريدو ناديين وبخرت امممممم روووعة هكذا تقعد الريحة لاصقة
ومن بعد نح لي ريدو ونحددهم والريحة اممممممم

الجانب الصحي والجمالي
انا عندي قاعدة لا جمال بلا صحة كل ما كانت الصحة بخير كنت جميلة هههههه
راني نتبع في وصفة كاس حليب دافئ محلى بملعقة عسل حر خصوصا لزوجي قبل القهوة تاع الصباح والحمد لله زوجي عجبو الحال كان صدرو واجعو ريح منو
لان العسل مفيد لكن احسن طريقة هي تذويبو في كاس ماء دافئ انا برك درت الحليب
شرب الماء بكثرة الايتعاد عن القلق والنرفزة
وترطيب الجسم بمرطب بعط التسياق خصوصا وننصحكم بالزبدة للشعر راهي ريحتها صح مش مليحة بصح روووووع. للشعر راني نشوف ومش مصدقة هههه رجع رطب وراحلو ذاك الجفاف انا راني درتها من الصباح ورقدت بيها لغدوة باش غسلتها ودايرة السيلوفان ومتحملة الليل كامل وطار عليا النوم
وكاين وصفة اخرى اكيد نجربها صفار البيص مع الزبدة وزيت الزيتون لنهار كامل كي يكون الزوج ما كانش نجربها
والرياضة ابطا ما ننساها على الاقل مشي خمس دقائق او عشرة
الجانب التربوي مع الاولاد
الابتسامة والحمد لله انا دائما مبتسمة نمشي بمبدأ اضحك للدنيا تضحكلك ههههه وكن جميلا ترى الوجود جميلا
وتحديت نفسي ما نعيطش على ولادي ونتحمل منهم كل شئ ونجحت هههههه

oum radja · 2014-04-21, 14:44

السلام عليكم
الجانب التنظيفي لليوم000000000000
الصباح جهزت بنتي راحت للمدرسة ودرت الغدا يطيب مقارون وسلاطة باش ما نتأخرش
و ديت رفيق للسبيطار باش يدير الفاكسان وفوت صباحي تما الغاشي بالزاف
رجعت قريب 11 كملت الغدا وخملت الغرف و مسحت الغبرة هاذا ماكان
الجانب الديني عادي صلاة وتسبيح
الجانب التجميلي درت قناع بياض البيض رااااااااائع غير جربوه
اضافة الى الترطيب اليومي
وللشعر راني نستعمل كريم نيفيا مليح
وبلا ماننسى الرياضة نصف ساعة في اليوم

oum radja · 2014-04-21, 14:51

تدبيرة اليوم
كاين ناس بالزاف يبغو يستعملو الحلبة في وصفات عديدة خاصة وصفات زيادة الوزن لكن الرائحة تاعها تخليهم يتراجعو على استعمالها
ومن خلال البحث لقيت بعض الطرق للتخلص من رائحة الحلبة
***للتخلص من رائحة الحلبة اضيفي كمية من قشور البرتقال عند الغليان ستنقطع الرائحة
***اظافة بعض اوراق النعنان ايضا تقطع الرائحة
***تحميص الحلبة في مقلاة قبل استعمالها ايضا يقطع الرائحة
وفي الاخير نتمنى نكون افدتكم
ترقبو المزيد من التدابير

أم شيماءْ · 2014-04-21, 15:37

مساءكم سعيد حبيت نشارك معاكم
نبداو بالجانب الدين راني مقصرة في صلاة الفجر نوضني زوجي وراح للمسجد انا وليت رقدت
اليوم سيقت وغسلت المطبخ كامل يعني انهد حيلي ههههههههههه ولغداء بقالي من البارح طاجين الزيتون وضك ريحت شوية وراني رايحة ندير لفطور لزوجي صائم

Oum Aness Bba · 2014-04-21, 15:38

السلام عليكم أنا في الغد ان شاء الله أبدا أسبوعي معكم البارح و اليوم مريضة والحمد لله على مل حال و صراحة تعمدت ما نشاركش باش نشوف كيف تسير الأمور .. الأخوات ما شاء الله عليكم صراحة حمستوني كثيراااا انتظروني في الغد ان شاء الله .. أعانني الله و إياكن سلاااام