|
قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الطبعة العاشرة لدورة الرقي بمدبرة منزل مثالية
|
أدوات الموضوع | انواع عرض الموضوع |
2012-11-19, 12:29 | رقم المشاركة : 91 | ||||
|
كيراكم دايرين يالفحلات اليوم حبيت نشارك معاكم بنشاطاتي .انا من الناس لي يحبو النظافة و النظام و لهاذا كي وجدت هذا العنوان نتاع الدورة عجبتني الفكرة و تحمست بزاف . الجانب التنظيفي :في الاسبوع الماضي قمت بتنظيف عميق لغرفة النوم قسمتها على 3 ايام و السبب كي جيت نخرج ملابس الشتاء حاجة جبدت حاجة حتى كملتها . ثم درت للحمام و نضفتو ايضا تنظيف عميق .و كي شفت برنامج الدورة طبقتو و كان التنظيف ساهل ما تعبنيش . الجانب الديني نص نص الجانب الجمالي البارح درت ماسك لوجهي نتاع البيض مع النشاء. بنتي تدرس في السنة 3 ابتدائي كملت الفروض الاولى و الاستجوابات و هذ الاسبوع عندها الفروض رقم 2 ربي ينجحها . اليوم درت للغداء لحم مع لوبيا خضراء مع بطاطا في اكياس الفرن جات هايلة في وقت فراغي راني كملت الصوكات ( حذاء بالكروشي)نتاع بنتي ودوك نبدا في نتاوعي ان شاء الله.
|
||||
2012-11-19, 12:39 | رقم المشاركة : 92 | |||
|
السلام عليكم و رحمة الله تعالى وبركاته
تطبيقات اليوم أولا نقولكم حاجة كي تعود داري انظيفة نحب انموت يجوني عليها الضياف مالي راني عازمتكم كاااااامل على سينية تاي تجو و إلا تخلوني وحدي؟؟؟؟ الجانب الديني : الحمد لله على كل حال اذكار الصباح قمنا بها ربي يتقبل منا الإستغفار ما حبستوش على طول ماراني برا في السوق و كي جيت للشغل الجانب الجمالي : ترطيب اليدين و الرجلين أنا و بناتي تفريش الاسنان أنا و بناتي الكحل للعنين، درت الخميرة لوجهي و لكن بدون نتيجة يبدو أني ماعرفتش الطريقة الصحيحة أرجوكم قولولي عليها ، غسلت شعري و سشورتو "قالولي لبنات .... واااااااااي بابا جاي" راح انموت بالضحك تفكرت أم ملاك كي تمكيي يقولولها وين رايحة هيهيهيه الجانب التنظيفي : بيت الجلوس نظفتها من كلش أولا خرجت كامل المطارح و المخايد للبالكون و معاهم الزربية و هي شوية ثقيلة طاح جهدي فيها و أنا ننفظ فيها أيا تكلمتلي جارتي قاتلي وش تلعبي فيها نظيفة ؟؟؟ راهي ما خرج منها والو "في الحقيقة فرشتها غير أول أمس" المهم مع العرق و التعب تاع الخبيط نضت دعيت على سندس قلت روحي يا مريم ربي يجيبلك راجل يهنيك و يفرحلك قلبك و كل يوم يدخل عليك بزربية ........... نتاع ورد و فل مشكل اللهم آمين ..... و نظفت الستارة و التاقة ونظفت الليفينق مع كل الكتب الي فيها و الزينة و التلفزيون و مشتقاته و الميني طابل و الفاز الي فوقها و مسحت الكاروات تخيلو وش لقيت أخت المونستر الغولة تاع مينا... الي هي أنا قبل ما نحط الحطة و نظفت السنيوات راني حاطتهم كيما ناس بكري في الشوكة و سيقت كيما امبارح بالجافيل و الصابون و امبعد درت السانبون و الماء بدون تبذير فقط 2 بادن ماء كفاو و وفاو فرشت رجعت نفس الفراش لأني من يومين برك فرشتهم و التعطير راني شريت معطر آيرويك جديد تاع الخزامة ريحته روووووووووووووعة شفت الساعة لقيتها عاد العشرة و ربع قلت انكمل الكويزينيار يعني الكوشة نتهنى منها زدت فوت مسحة على الفريجيدار بالخل و الكربونات و بدلتلو كامل غلافات ليطاجار و نظمتو صار روعة "قلت هك باش تسهال عليا غدوة الكوزينة لأنها تخنتيبها بزاف" شفت الساعة صرت نجري لقيتها 11 و لبنات قريب يجيو و زدت كملت مسحت كامل الدار و طيبت المادلان على السريع باش يديوه لمجة معاهم زاد فوحلي ريحة الفاني و غطا بيها على ريحة الشوفلور جانب الاعتناء بالاولاد: في الليل نقولكم وش درنا امبعد راني نجاوب حباباتي على حديثهم معايا و حبيت نقترح حاجة على سندوسة أيا امبعد إن شاء الله راني رايحة نتغدا درك |
|||
2012-11-19, 13:20 | رقم المشاركة : 93 | |||
|
تطبيقاتي ليوم الاحد :
الاجانب الديني: قراءة ما تيسر من القران بعد كل صلاة + اذكار الصباح و المساء+التسبيح و الاستغفار الجانب الجمالي:تفريش السنان، ترطىيب اليدين و الرجلين+ماسك للوجه الجانب التربوي :مراجعة الدروس+تحضير الفروض الجانب التنضيفي:تنظيف عميق لغرفتي مسح السقف +الجدران و الزجاج ، نزع الغبار ، تنظيف السرير ، غسل الستار،........عندي الزهر الغرفة ديما نخليها نظيفة ينعي ما تعبتش مليح فيها يوم الاثنين: الجانب الديني قراءة ما تيسر من القران بعد كل صلاة + اذكار الصباح و المساء+التسبيح و الاستغفار الجانب الجمالي:تفريش السنان، ترطىيب اليدين و الرجلين+ماسك بالليمون للشعر لجانب التنضيفي:تنظيف عميق لغرفة المعيشة : مسح السقف و الجدران ، الزجاج و الغبار الطاولات الثرايا التلفاز ، بالنسبة للخزانة انا ماعنديش (تهنيت) ، السالون تاعي تري سامپل ، و في الاخيرتسياق و تعطير ة ،آآآآآاه ما احلى النظافة صي يعطيك الصحة يا حبيبتي سندوسة راكي نوضتي فييا روح المنافسة ، و و كل المشركات في الدورة+: |
|||
2012-11-19, 14:31 | رقم المشاركة : 94 | |||
|
مساء الخير عليكم راني درك واين خلصت الصالون مسحت الغبرة انتاع البيبليو تاك والليفينق والطابلة الكبيرة والليفوتاي ومابل تيلي ومسحت الحيطان ونحيت الريدو باه نغسلو وسيقتو وعطرتووقفلت عليه جيت نروح نكمل لقيت بنت خالي جاتني قعد ت معاها وشربت عصير مع القاطو وكي روحت سيقت الكولوار انا طالقة الماء وتزيد تجيى ابنت اخت زوجى بقيت معاها تغدات درت الحميص وبطاطا مقلية واسكلوب وسلاطة وديسار وكوكا كولا كي روحت كملت التسياق وغسلت اللماعن والان راني معاكم اختي اريج هدرت امك عندها الحق راني بقيت حاطة هدرتها في راسي ساعة تطبقت عليا اليوم مت من الحشمة الماء في كل بلاصة قالولي علاه تنفضى كاشمة رايحة اديرى ساع قلتلهم اني مشاركة في الدورة ولازمنا هده التنضيفات شبعوضحك قالولى الانترنيت واش حدير فيك |
|||
2012-11-19, 14:51 | رقم المشاركة : 95 | |||
|
|
|||
2012-11-19, 15:14 | رقم المشاركة : 96 | |||
|
حكم المعازف والغناء اللي فيه كلام فسق او فحش حرمه العلماء لكن غنا النايلي نقي وحتى الرقص عليه مافيه لاهز ولا ميوعة |
|||
2012-11-19, 16:22 | رقم المشاركة : 97 | |||
|
مساء الخير عليكم جميعا |
|||
2012-11-19, 21:34 | رقم المشاركة : 98 | |||
|
حبيباتي الفحلات الساجيات ماشاء الله ماشاء الله الله يجعل عيني عليكم باردة والله فرحتولي قلبي بسجاوتكم و نشاطكم و تعاونكم و تحدياتكم و رغبتكم في تحقيق اهدافكم بارك الله فيكم و لكم في اوقاتكم و اعمالكم و ابنائكم و ازواجكم و اُسركم و بيوتكم في الوهلة الاولى لما شفت البرنامج حسيتو ثقيل بعض الشيء و لاحظت ردود فعلكم بعدما قريتوه و كان عندكم نفس انطباعي لكن لما فهمت مغزى حبيبتي مريومة فلها ذلك لها أن تعلمكم معنى تحدي النفس و التوكل على الله و عدم التوقف عن المحاولة حبيباتي يا من تبحثن عن السعادة اعلمن انكن في سعادة لا متناهية السعادة في كل ما تقع عليه اعينكن و في كل ما تلمسه اناملكن و في كل بقعة تطؤها ارجلكن السعادة بكن و معكن و تحيط بكن السعادة هي الطريق الذي اختارته كل واحدة منكن لتمشي فيه شاقة فيه حياتها كل واحدة منكن اختارت طريقا مختلفا عن الأخرى لكن كلها معبدة بالسعادة فلا تعشن تبحثن عن السعادة فهي تحت ارجلكن اغرفن منها كيفما شئتن و يا من تبحثن عن النجاح يا من جربن و جربن و جربن و حاولن هذه الطريقة لتنجحن فلم تجدي محاولتكن نفعا ثم جربتن تلك الطريقة و لم تجدي بدورها نفعا و سرتن في طريق وجدتموه مسدودا فسلكتن طريقا اخرى لعلها تبلغكن تحقيق امانيكن فتعثرتن فيها و اسقطتكن حجارتها اقسى سقوط أحسستن حينها انكن فشلتن أنكن فاشلااااااات أحسستن مرات ان الحياة صعبة و قاسية و مرات أخرى أنها صعبة بشكل لا يصدق أبشرن النجاح كان و مازال يعرف على أنه المقدرة على الوقوف بعد السقوط فكلما أوقعتكن صخرة في الطريق أو تصرف لئيم أو قسوة قلب شخص قريب فسارعن بالوقوف مستعينات بالله العلي العظيم أبشرن فكل واقفة بعد سقوطها هي ناجحة مهما لم تحقق من نتائج و لم تبلغ من أهداف فاستمرارها في مواصلة الطريق أكبر نتيجة ممكن أن يحققها الانسان كل مشكلة عائقة مصيبة حجج أو مبررات كلها تحديات لنا في الحياة كل محاولة بعد التحدي تؤدي للنجاح كل شعور بالفشل هو خطوة جديدة تتقدم بكم نحو النجاح كل من استمرت في الوقوف مهما كان الوقوع قاسيا أبشرك أنت ناجحة |
|||
2012-11-20, 05:44 | رقم المشاركة : 99 | |||
|
شكرا حبيبة لتشريفك دورتنا نورت صفحاتها |
|||
2012-11-20, 06:41 | رقم المشاركة : 100 | |||
|
بارك الله فيك الاخت حبيبة ومرحبا بيك ساعة على ساعة تشرفيلنا الدورة اتاعنا بكلامك الدرر |
|||
2012-11-20, 09:47 | رقم المشاركة : 101 | |||
|
صباح الانوار واش راكم جميعا و مششكوووووووووووورة اختى سعاد على الرد لانى كنت بحاجته |
|||
2012-11-20, 10:21 | رقم المشاركة : 102 | |||
|
صباح الانوار و المسرات |
|||
2012-11-20, 12:02 | رقم المشاركة : 103 | |||
|
السلام عليكم و رحمة الله تعالى و بركاته
سامحوني حباباتي قلتلكم امبارح باش نقولكم على تطبيقات الجانب التربوي و نتكلم معاكم لكن للأسف راحت عليا الكونكسيون أمس على السعتين اليوم من الصباح و أنا نكلم فيهم ماهزوش عليا أيا نفضت يدي من القش و رحتلهم كنت معمرة بالغش و رايحة نديرلهم طنطانو حتان لقيت وحدة أنا والله غير انسيتها و هي مسكينة تسلم و تعاود قاتلي درست معايا في الجامعة المهم كثر خيرها رجعتهالي في سع أيا روحت كملت شللت قشي على أكمل وجه أما تطبيقاتي فهي : كيما قتلكم اأمس الصباح درت الكويزينيار و الفريجيدار و في الليل غسلت الماعن و كي عادت الكونكسيون ماكانش زدت نظفت في الليل كي رقدو لوليدات الروبوات و نظفت الأواني الإينوكس و الورود و علب البهارات و الإيطاجارات و البلاكار و بدلتلهم غلافاتهم كامل اليوم على ما نضت و قمت بالأدكار رحت وجدت الفطور حطيتو في الهول و بديت نغسل في الحيوط و قاسني التريسيتي و أنا نظف في قفل الضوء ... هيهيهيهيه حسيتو زادلي في الفولوم تاع الشطارة أيا عادت الستة و نص فرميت عليها و نوضت لبنات لبسو و صلاو و فطرو و قعدنا نحكيو شوية عادت ال 7:20 جا جارنا يدقدق على الباب باش يديهم كي العادة "نسكنو شوية بعيد على الطريق" ... أيا كي العادة دعيت ربي يحفظلي وليداتي و وليدات أمة محمد بما يحفظ به عباده الصالحين المخلصين وعولت على ربي دخلت لكوزينتي كملتها صارت 8:30 زدت جوزت نشافة على كامل الدار و امبعد عجنت شوية عجين لجارتي "يديها يوجعو فيها" و قعدت نخزر فيه قلت نديهولها عاودت قلت أيا انطيبوهولها و نديرلها مفاجئة أنا في نصفه و هي جات تقابض فيا هيهيهيه حسبتني نسيتو كي لقاتني عقابو راح اطير بالفرحة و اصرت تضحك تضحك .... و راكم علابالكم كان ضحك واحد قدامي هو يحبس من الضحك و أنا نقعد كي مرت دايم الله نضحك هيهيهيهيه أيا ادات الرقاق تاعها صارت تقريبا التاسعة و لا فاتت شوية حطيت شوية قش نغسل فيه بيدي عاودت كيما قلتلكم خرجت و رجعت شللتو و عصرتو و نفضتو و نشرتو و قعدت نتفرج فيه ما نعرف وعلاه انحب انموت كي نغسل القش نتفرج فيه و هو منشور ... بلاك لاخاطر يفكرني في رسوم بكري القش منشور في لحديقة و الهواء الخفيف يحرك فيه هيهيهيهيه هاداك هو جاو لوليات راني معاهم و امبعد راني نعاود نكمللكم نهاري |
|||
2012-11-20, 12:06 | رقم المشاركة : 104 | |||
|
السلام عليكم ورحمة الله وبركاته
مبروك عليكم يا أخياتي الفحلات العزيزات الدورة الجديدة عجبني البرنامج ياسر يا سندوسة الله يبارك |
|||
2012-11-20, 12:08 | رقم المشاركة : 105 | |||
|
وردة لكل وحدة فيكم وصحة بعد فطوركم |
|||
الكلمات الدلالية (Tags) |
مثالية, لدورة, أوسم, الرقي, العاشرة, الطبعة, بمدبرة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc