وصفات وطبخات قناة سميرة - الصفحة 7

lylymoon · 2014-01-20, 22:25

السلام عليكم.
من شاهد حلقة كل يوم طبخه للسيده صليحه بسكري كي دارت تيراميسو
الي شاهدتها وعندها المقادير من فضلكم ساعدوني وشكرا

magni · 2014-01-30, 13:41

مساء الخير اختي
السيرو: في كاسرونة ضعي 150غ سكر عادي+ 50 غ ماء( لازم توزني الماء) على نار قليلة حتي يبدا يدير النبايل طفي عليه.
في ميزان حطي صفار البيض حتى توصلي ل150 غرام ضربيه باضافة السيوا اللي طيبتيه بشوية حتى يبياض الخليط + 2 ملاعق اكل جيلاتين ذايبين في 1 ملعقة اكل ماء دافي وحركي+ 4 علب petit suisse وحركي........الخليط(1)
1 ملعقة اكل و1/2 قهوة غبرة+ 1 ملعقة صغبرة مركز القهوة+ شوية ماء + 3م اكل سكر عادي وحركي حتى تذوب القهوة .
400 غ كرام فراش سائلة نضربها مع شوية كرام شونتيي حتى تصبح ميرانق ونضيفها بشوية للخليط 1 مع التحريك بالspatule من الاسفل للاعلى برفق حتى تكملي كامل الميرانق.وتولي كريمة.
نحط بابي المنيوم ونحط عليه مول دائري مفتوح من الاسفل وتغطي الاطراف تاعو بنفس البابي المنيوم.
تغطسي البسكوي تاعكla langue de chat في خليط القهوة ثم حطيهم فالمول بالترتيب + طبقة تاع الكريمة ونعدلها فالمول مليح ونحطها فالمجمد حوالي 15 دقيقة+ طبقة تاع البسكوي المبلل فالقهوة + طبقة تاع الكريمة ونحطها فالمجمد حتى تجمد ثم نحط الكاكاو فالسفاية تاع الحليب ونذريه على كامل القاطوا ونحي المول وقطعيه.
تاكليه بالصحة والهنا لكن خليلي شوية

فانيسا · 2014-01-31, 12:20

ممكن لي عندها خبز الفرينة لفارس جيدي لي دارو في الحلقة لي دار فيها خبزة تونس ممكن تمدولي الوصفة وشكرا لكم على المجهودات المبدولة

wahib1 · 2014-01-31, 18:42

السلام عليكم بالنسبة لمقادير صابلي السيدة بن بريم كتالي 250غ زبدة ,150غ سكر,100غ مايزينة,3صفار بيض,قرصة ملح,كيس خميرة كيميائية,400غ فرينة,50غ بودرة اللوز,فاني ,مربي للتزيين ,سكر ارطب او لوز مرحي خشين

touhal · 2014-01-31, 20:17

انشاء الله يتفاعلو الاخوات الاخريات بهذا الاقتراح

pharma-93 · 2014-02-01, 12:14

اقتباس:

المشاركة الأصلية كتبت بواسطة فانيسا

ممكن لي عندها خبز الفرينة لفارس جيدي لي دارو في الحلقة لي دار فيها خبزة تونس ممكن تمدولي الوصفة وشكرا لكم على المجهودات المبدولة

انا ثاني راني حابة نسييه عييت نحوس ماصبتش ان شاء الله الاخوات يفيدونا

magni · 2014-02-01, 12:52

اقتباس:

المشاركة الأصلية كتبت بواسطة lylymoon

السلام عليكم.
من شاهد حلقة كل يوم طبخه للسيده صليحه بسكري كي دارت تيراميسو
الي شاهدتها وعندها المقادير من فضلكم ساعدوني وشكرا

مساء الخير اختي
السيرو: في كاسرونة ضعي 150غ سكر عادي+ 50 غ ماء( لازم توزني الماء) على نار قليلة حتي يبدا يدير النبايل طفي عليه.
في ميزان حطي صفار البيض حتى توصلي ل150 غرام ضربيه باضافة السيوا اللي طيبتيه بشوية حتى يبياض الخليط + 2 ملاعق اكل جيلاتين ذايبين في 1 ملعقة اكل ماء دافي وحركي+ 4 علب petit suisse وحركي........الخليط(1)
1 ملعقة اكل و1/2 قهوة غبرة+ 1 ملعقة صغبرة مركز القهوة+ شوية ماء + 3م اكل سكر عادي وحركي حتى تذوب القهوة .
400 غ كرام فراش سائلة نضربها مع شوية كرام شونتيي حتى تصبح ميرانق ونضيفها بشوية للخليط 1 مع التحريك بالspatule من الاسفل للاعلى برفق حتى تكملي كامل الميرانق.وتولي كريمة.
نحط بابي المنيوم ونحط عليه مول دائري مفتوح من الاسفل وتغطي الاطراف تاعو بنفس البابي المنيوم.
تغطسي البسكوي تاعكla langue de chat في خليط القهوة ثم حطيهم فالمول بالترتيب + طبقة تاع الكريمة ونعدلها فالمول مليح ونحطها فالمجمد حوالي 15 دقيقة+ طبقة تاع البسكوي المبلل فالقهوة + طبقة تاع الكريمة ونحطها فالمجمد حتى تجمد ثم نحط الكاكاو فالسفاية تاع الحليب ونذريه على كامل القاطوا ونحي المول وقطعيه.
تاكليه بالصحة والهنا لكن خليلي شوية

it's me · 2014-02-01, 16:39

فكرة راااائعة ان شاء الله كل مانسجل وصفة نحطهالكم
شكرا لصاحبة الموضوع

ليلى مريم 19 · 2014-02-01, 20:20

بارك الله فيكن على هذه المبادرة من فضلكن لدي طلب شكون تساعدني في طريقة ساهلة ومليحة للمقروط انا يجيني يابس شوي حاباتو يجي يذوب في الفم (ما نحوسش على المقلي نحب تاع الفو) بارك الله فيكن جميعا

ليلى مريم 19 · 2014-02-02, 12:34

هل من مجييييييييييييييييييييييببببببببببببببببببةةةةةةةة ةةةةةةةةةة؟؟؟؟؟؟؟؟؟؟؟؟؟؟؟؟؟؟؟

magni · 2014-02-02, 13:45

اقتباس:

المشاركة الأصلية كتبت بواسطة فانيسا

ممكن لي عندها خبز الفرينة لفارس جيدي لي دارو في الحلقة لي دار فيها خبزة تونس ممكن تمدولي الوصفة وشكرا لكم على المجهودات المبدولة

مساء الخير اختي
ضعي 2 ملاعق اكل حليب جاف+ 2 م اكل سكر عادي+ بيضة+ 100 غرام زبدة طرية+ كاس ماء دافي واخلطي باليد جيدا حتى تتحل الزبدة مع المكونات الاخرى+ 1/2 ملعقة صغيرة ملح + 1 م اكل خميرة الخبز واضيفي الفرينة بشوية حتى تتلم وتصبح عجينة طرية غطي عليها وخليها ترتاح وتختمر.
بعد ما تختمر شكلي 4 كريات وكل كرية ديريها حربوش رقيق وطويل 50 سم والصقي كل حريوشين معى البعض واظفريهم مع البعض ثم اغلقيهم على شكل دائرة وضعيهم في صينية وادهنيهم بهذا الخليط ( صفار حبة بيض+ 2 ملاعق صغار سكر عادي واخلطي) بالبانسو ادهنيهم مليح خلاص وذري الجلجلانية او السنوج وخليهم يختمروا مرة ثانية وادخليهم للفرن حتى يطيبوا.
شهية طيبة وتاكليه بالصحة والهنا لكن خليلي شوية.

magni · 2014-02-02, 13:53

اقتباس:

المشاركة الأصلية كتبت بواسطة ليلى مريم 19

بارك الله فيكن على هذه المبادرة من فضلكن لدي طلب شكون تساعدني في طريقة ساهلة ومليحة للمقروط انا يجيني يابس شوي حاباتو يجي يذوب في الفم (ما نحوسش على المقلي نحب تاع الفو) بارك الله فيكن جميعا

مساء الخير اختي الكريمة.
احنا نديروا فالمقرود تاعنا 3 كيلات حرشة (دقيق حارش) + كيلة وشوي سمن ذائب( احنا نديروا سمن مدينة)+ و1/2 ملعقة اكل ملح نديروه في وسط الزبدة الذائبة) ونبسسوه مليح + كيلة تاع الماء ( الكيلة هي نفسها اللي نكيلوا بيها الدقيق والزبدة نكيلوا بيها الماء) ونعجنوه مليح ونغطيو عليه ونخليوه يرتاح حتى ليلة كاملة او 3 ساعات.
الغرس نقيوه ونرحيوه ونديرولوا القرفة+ شوية زبدة طرية ونعجنوا مليح ونبلوا بشوية ماء زهر ( الماء زهر ماتكثريش وماديريش فيه الزيت خاطر الماء الزهر والزيت هوما اللي يبسوا الغرس) ونديروه على شكل حربوش.
نهزوا طرف من العجينة ونديروه حربوش خشين ونلوحوا في وسطوا الغرس ونغلقوه ونعدلوه باليد مليح ثم نطبعوه ونحطوه يطيب.
راهو يجي طري ومليح جربيه ورديلي.
شكرااااااا

ilinelina417 · 2014-02-02, 20:06

مساء الخير اخواتي شكون لي عندها مقادير الدزيريات لي دارتها امس دلهوم فاطمة الزهراء تكتب هالي ارجوكم

شوق الليالي · 2014-02-02, 20:26

يا اختي جربت وصفة المقروط لام اماني المنقوش والله غير تحفة ويدوب في الفم ورجعت نستعمل غير طريقتها في كل عيد

magni · 2014-02-02, 20:33

اقتباس:

المشاركة الأصلية كتبت بواسطة buffy 23

سلام ...ممكن اللي جربت البابا تع قناة سميرة ...تساعدني ...انا كي حطيت دوائر تشينة ..طلعتلي فوق و انا نفرغ في الخليط تع البابا ...ممكن تقولولي علاش....بش نزيد نعاودها خاطر .......ارجو الرد

اختي انا جربتها وجات هايلة لازم تلصق التشينة فالكراميل شكرا