الجزء149 من واش طيبتي اليوم كوزينة التجديد والتنويع في الاطباق - الصفحة 7

ام ريان عبدالله · 2015-10-13, 14:37

اختي رحاب مبروك على وليدك لعقوبة ل 100سنة نشاء الله تشوفي ولاد ولادو

hab12456 · 2015-10-13, 14:41

انا نجي معاك ام رحابو وخاصة راح دليني ياسلام يا سلام اااسسسسسس بلاك يسمعوك لخرين اجو خخخخخخخ

ام سراج وملاك · 2015-10-13, 14:43

وحدكم واحد ميقدرلكم قفلتو الكوزينة لي فاتت ربي يبارك شاطرات من قبيل وانا نراجع فيهم في زوج حتان حوليت يعطيكم الصحة كامل واش حطيتو من الخيرات
ام مؤمن يعطيك الصحة وشكرا على حسن الضيافة
اوراسيا شفت ردك في الكوزينة لهيه كتلتني بالضحك وحدك يا كشرودة فاضحتينا دايما علابالي بلي بياعة نتاع الصح ديريها نعرفك بصح واحد ميقدرلك ولي حرت فيها ام حبوبة لقيتها دارت ثم تهنئة لام تاجو بمولودتها مريم واحدة فينا ماشافتها شفتها بالصدفة لبارح وكتبتلها تهنئة في موضوع نتاعها ونتي المخلوقة شرات كوزينيار المنتدى كامل سمع ودخل يهني ويبارك ما بقى غير تهنيلنا بعيد زواج نتاعنا مع انو فات
دائمة الحمد ربي يشفيك اختي كاين ثاني باؤورت نتاع النخالة هايل انا عجوزتي دير فيه عدس مرحي نى وتاكلو مليح لفقر الدم ربي يفيك ياغالية
سميرة ربي يكون في عونك اختي الرحلة واعرة وبصختك الروز خرج هايل بصحتكم
ام رحاب امين يااختي ان شاء الله يكون ولدك من الصالحين وتفرحي بيه وكل عام وانت بالف خير
مولات الكوزينة لجديدة ام جوجو الغالية على قلبي ربي يبارك دارك ماشاء الله هايلة تتهناي فيها يارب وطيابك بدون تعليق رائع
اسمحولي مذكرتكمش كامل متلومونيش برك راني راجعت زوج كوزينات هذا مهز مخي

Oum Habouba · 2015-10-13, 14:52

السلاااااام عليكم ورحمة الله وبركاته
حبيبتي ام جوجو يا ام الجوج ياحبيبتشي يا لعميرة بارك الله فيك على فتحك لينا بيتك الله يجعل فيه البركة و رضا الرحمان والخير والخمير
يا احلى واجمل واطيب واروع(نزيد ولا صايي ايا بزاف)ام جوجو صدقيني صالونك مشروح كيما قلبك المنشرح دااائما وصدقيني كي نشوف اطباقك نشبع غير بالشوفة نعرفها بلي بنينة
نوليلك بالباروك انتظرينيييييي

ام مؤمن · 2015-10-13, 15:24

الله يسلمك حنونة ام و ابنة ربي يفرحك بوليداتك ووووي 10 خبزات ماشي حاجة

حبيباتي خليتلكم سلام مسك الختام في الكوزينة تاعي

ام جوجو و هذو تاني باروك

هذو شوية صور من كواليس الخطبة و العرس تاع سلفتي لقيتهم في الفلاش ديسك خسارة صورت كل شيء و لكن هاتفي ضاع و راحت معاه كامل الصور هذا ما لقيت

هذه مناديل ورقية

هذا محلبي و لاجولي و فاكهة

هذو كملنا زيناهم بلاجولي في مول السلكون على شكل فواكه صغيرة متنوعة الصور ضاعت

هذه باقلاوة اديناها معاها كي راحت عروسة

و هذا ديناهولها في العيد

omomnia15 · 2015-10-13, 14:54

سلااااااااااااااام وصح فطوركم
دائمة ربي يخليلك لميمة والاكل يشهي
ام رحاب سبحان الله حتلى وليدك قد وليدي ربي يفرحك بيه ويجعلو من الصالحين يارب
المرضى ربي يشافيكم
جارتي التارت 444444444444 وقارصة منعشة

ام و ابنة · 2015-10-13, 14:55

دخلت الكوزينة تع حبيبتي ام جوجو و تفرجت على دارها و انا فرحااانة تصورت نفسي فعلا في دارها و طبعا طياباتها كي العادة روووعة الله يبارك
انا جيت نكتب مشاركة و التريسيتي راحت صدقوني من الزعاف حبطت لي دمعة كيما تع ماروكو

و طبعا كي ولات التريسيتي لازم نستنى حتى تولي لالة انترنيت

ام جوجو الغالية الله يبارك لك فيما اعطاك و يحفظلك زوجك و اولادك و بيتك
الباروك راكي تساليه و الله الصباح كامل و انا نفرز و غذانا كان البواقي تع العشاء

طبعا السردين لأولادي و الدوارة ليا

جبتلكم تشوفو كيفاش فرزت المساسك تع بنتي في القوالب تع الثلج

و هاذو لي شوشو فرزتهم في علبة مخصصة لتقسيم الحليب تع الرضع

و ضرك نريح شويا معاكم و نمخمخ وش ندير العشية بإذن الله

Oum Habouba · 2015-10-13, 15:00

زهرة قلبي والله هدا وين راني نحط روحي قتلتني الدار غادي نموتو شهداء الدار واااااي
عندي طبيعة خاسرة مثلا لي بوات نتاع المايونيز ولا اي قارورة ولا اي حاجة من اشياء البيت لبغات تقدام ونشري في بلاصتها وحدا جديدة ما نرميهمش تصيبيني غي نقول بالاك نستحقها ولا نبريكولي بيها حتى صبت روحي غاااااارقة في الخوردة ارميتهم اليوم وقلبي يتقطع ماعلاباليش علاه ما نبغيش نقيس الصوالح وبعض المرات كي نرميهم مباااااشرة تجيني تدبيرة بهاديك الحاجة اللي رميتها يولي ضميري يانب فيا هههه
والله ديفوا نحس روحي معقدة خخخخ ما تضحكوش عليا
المهم كملت تخمالي وخليت نكمل غدوا ان شاااء الله ما تبقى نخليكم حبيباتي حتى لعشية نوض ونعلق ونعلقكم ههه سلااااااااام مواااااح

ام مؤمن · 2015-10-13, 15:11

ام جوجو مبروك الكوزينة الجديد و شكرا على استضافتك لنا في صالونك الرائع و حتى اطباقك رائعة يعطيك الصحة

و هذا باروك من الارشيف اليوم ماطيبت والو درت 7 خبزات كسرة برك هههههه

طورطة عيد ميلاد بنتي مريم البتول كملت 7 سنوات يوم 4 اكتوبر

ام و ابنة · 2015-10-13, 15:13

زهرة الريف و ام حبوبة قتلتوني بالضحك و الله دمعو عينيا من الضحك
و الله نخدم و نخايل فيكم و في اشكالكم و شعوركم و الحوايج مرميين في كل مكان كيما يقول راجلي علاه كي تجيو تخملو حاجة لازم تخربوها و ترمو كلش خخخ
و الله يا ام حبوبة كلامك واقعي و ينطبق عليا بصح انا عكسك ما نحبش نخلي نرمي او نمد كلش و هكذاك سبحان الله الشغل ما يخلاصش

البنات اللي حطو الباروك كثر خيركم و يعطيكم الصحة كلش فووووور تبارك الله
حقا غدوة ما نتعشاوش عند شيخي و عجوزتي اليوم راحو للبلادو انا ما علاباليش وش نطيب عشاء تع محرم راجلي ما عندو حاجة و ما يحبش حاجة ثقيلة وحبيت نعرض دارنا و علابالي يما ما تحبش و هذو عواشير نحب نتلمو مع الاحباب خاصة كي اولادي ما زالهم صغار و ما يعرفوش

um alaa · 2015-10-13, 15:14

جاتني الفحولية اليوم ههههههههه قلت لازم ندير المطلوع و راي خااااااايفة ما يصلحش السي سيد يظل يعاير فيا ههههههه اليوم زعمة حبيت نبين شطارتي راني رايحة نسيي الملوع تع اللهلوبة ربي يرجعها على خير راني وجدت العجينة و الله يستر هههههههههه
و للعشا رايحة ندير بكبببببببوكة مع اني ما نحبهاش مي اوبليجي ناكولها سينو يدير فيا حالة

ام و ابنة · 2015-10-13, 15:16

ام رحاب ربي يحفظلك وليدك و يجعلو من الصالحين و البارين و كل عام و هو بصحة و عافية و توفيق

ام مؤمن كل عام و بنتك بالف خير لعقوبة كي تشوفيها عروسة و حقا سبع كسرات برك؟؟؟؟ المفروض تديري عشرة خخخخخخخ بصحتكم

ام و ابنة · 2015-10-13, 15:17

ام الاء راني نستنى تصاور مطلوعك بفارغ الصبر انا ثاني خاطيني شويا خخخخ

الرجاء الاماني المجد · 2015-10-13, 15:21

مساء الخير ام وابنة حويج بنتك فرزتيهم هايلين
ام حبوبة حتى انا كي نرمي الحاجة تبانلي فيها فايدة
ام علاء دائما اطباقك تحفة كيفاه درتيهدا القاطو
زهرة الريف وشراكي
ام سراج شاف على السلامة كشما وصفات جدد

um alaa · 2015-10-13, 15:26

اقتباس:

المشاركة الأصلية كتبت بواسطة الرجاء الاماني المجد

مساء الخير ام وابنة حويج بنتك فرزتيهم هايلين
ام حبوبة حتى انا كي نرمي الحاجة تبانلي فيها فايدة
ام علاء دائما اطباقك تحفة كيفاه درتيهدا القاطو
زهرة الريف وشراكي
ام سراج شاف على السلامة كشما وصفات جدد

شكرا على الكلام الحلو هادو تارتولات الليمون دوك كي نقعد نمدلك الوصفة
ام و ابنة نتي ادا خطيك شوية انا خطيني بزاااااف ههههه