|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
**خفاف **في ساعة ناكلوه في جماعة من مطبخ أم آية
|
أدوات الموضوع | انواع عرض الموضوع |
2013-11-05, 13:39 | رقم المشاركة : 1 | ||||
|
**خفاف **في ساعة ناكلوه في جماعة من مطبخ أم آية
السلام عليكم
كيفكم اخواتي ان شاء الله لاباس موضوعي اليوم على الخفاف اللي ماكاش الي مايحبوش الوصفة رائعة ويجي خفيف في ظرف ساعة يكون واجد نشربو بيه القهوة ورايحة نقدملكم السر باش يجيى خفيف اترككم مع الوصفة المقادير 500غ فرينة 2ملاعق ونصف صغار من خميرة الخبز نصف ملعقة صغيرة سكر ملعقة صغيرة ملح كاس ونصف كاس من الماء من الماء الدافئ طريقة التحضير نخلط المقادير مع بعض نبلل العجين بالماء انجي للسر وهو في طريقة العجن لازم نخلط باليد من الاسفل الى الاعلى لمدة ربع ساعة حتى نشوف العجين اصبح املس وتتشكل عندنا فقاعات ملاحظة ممكن اثناء العجن نحط كمية من الماء على دفعات حوالي 4ملاعق كبير ة تع ماء شوفي الفقاعات في العجين كشوفي العجين اصبح املس وقومه الاستيكي راه واجد نغطيها ونتلركها ترتاح نصف ساعة او اكثر نلاحظ عليها تشكل فقاعات والعجينة تخمرت نروح لطريقة تشكيل الحبات ندخل الايادي في الماء وننفضهم مليح باش مانبللش العجينة ونقرص قرصة ونشكل كويرة صغيرة مثل الصورة هنا طريقة التشكيل اما تحكمي صحن صغير وتبليليه بالماء وتبسطي القرصة وبعدها ترفديها وتقليها اما تبسطي الحبة بين يديك كما يعمل السفانجي انا مانستعملش الصحن نستعمل الايادي يكونو مبللين نسخن الزيت على نار مرتفعة ومانقصلهاش ونقلي الحبة ونرمي عليها الزيت الساخن اشوفي الحبات تنفخو في الزيت رووووعة كما تع السفانجي اقلبي الحبة شوية في الزيت وانزعها كعملتو اول مرة التشكيل اهربلي شوية ماصوبتش الحبات مليح لكن بعدين تحكمت في الحبات عادي التقديم تقدميه مع معجون انا قدمتو مع معجون السفرجل هنا عندما عاودتو ثاني مرة تحكمت في الشكل هذا من الداخل خفييييف كما تع السفانجي ان شاءالله اجربوه فعلا روووووووووعة ويحبوه لكبار والصغار واذا كانت العائلة كبيرة ضاعفن المقادير واستمتعن مع عائلتكن واولادكن مع تحيات ام اسلام واية ويوسف
|
||||
الكلمات الدلالية (Tags) |
**خفاف, **في, مطبخ, جماعة, ساعة, ناكلوه |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc