دورة التنظيف - الصفحة 7

crono · 2020-03-05, 10:50

sali kanouza · 2020-03-05, 10:54

اقتباس:

المشاركة الأصلية كتبت بواسطة crono

وعليكم السلام هادي انتي ياسلام ياسلام ههه هاد وين عرفتك لاباس إن شاء الله تكونو بخير وعافية ياحصراه على هدوك ليام زينة في المنتدى توحشت لمتنا تاع زمان إن شاء الله نتلاقو في الجنة يارب

ههه الحمد لله اختي عندك الحق والله العظيم الحماس والطاقة لي يمدهالنا هاذا الركن واللمة مكانش كيفها فبلاصة اخرى
المهم نحاولو نجددو النشاط مع بعض ان شاء الله
بالنسبة لي معولة نبدا الاسبوع القادم ان شاء الله بعد الويكاند لانو راح نزور الاهل عندي نصبغ غرفة النوم بعدها نبدا فالتنظيف والمطبخ نخليه اخر شيء

feraso92 · 2020-03-06, 02:02

شكرا عالموضوع

crono · 2020-03-07, 23:58

اخواتي في الله لي يحبو يصومو نذكركم غدا تبدأ الايام البيض الصيام نعمة عظيمة فضلا عن الأجر الكبير الذي لا يعلمه إلا الله ولكن عنده فوائد صحية خاصة هذه الفترة كاين خطر الكورونا الصيام يقوي مناعة الجسم فصومو تصحو و ربي يتقبل منا ومنكم صالح الأعمال

rowaida18 · 2020-03-08, 14:59

السلام عليكم و رحمة الله
حبيباتي الغاليات كيف حالكن ......أرجو أن تكونو بخير ......
أختي كرونو ... حبيت نقولك تستاهلي وسام المكافحات... و وسام شرفي قيم جداً للثبات و المواصلة رغم الظروف و العراقيل ....
حقيقة تستاهلي كل خير و ربي يزيدك من فضلو.......

ثانيا سلامي الحار إلى كل الغاليات الملتحقات باللمة الطيبة ....... و ربي يجمعنا على حب و الخير و التناصح لبعضنا البعض
و كيما قالت حبيبة وسائل التواصل ما جابت غير الصداع و الشحناء و المراءات و مضيعة للوقت و و و و........

أما الفائدة التي حصلنا عليها من المنتدى لا تعوض و الأهم أنه من الممكن أنك ترجعي لأي موضوع عجبك أو فيه فائدة، عكس مواضيع التواص الاجتماعي التي سرعان ما تختفي و تختفي معها الفائدة و يضيع الوقت اللي كتبت فيه ....
و ما لقيناش أفضل من المنتدي أو المواقع المفيدة على النت التي بها مواضيع قيمة يمكنك الرجوع إليها متى شئت......

و ان شاء الله عودة موفقة للفراشات الغائبات........

sali kanouza · 2020-03-08, 15:36

السلام عليكم ورحمة الله تعالى وبركاته
تحية ليك كرونو شكرا على التذكير حبيبتي
انا اليوم قمت بتنضيف خفيف للغرف والمطبخو غسلت المجمد وخدمت مركز البرتقال نخبيه للعصائر ان شاء الله
نريح شوية ونوض نحضر الفطور رانا صايمين ربي يتقبل منا ومنكم صالح الاعمال

sali kanouza · 2020-03-08, 15:36

مرحبا والف مرحبا بيك رويدة ان شاء الله راكي بخير وعايلتك بخير

sali kanouza · 2020-03-08, 15:38

نسمة وحبيبة اين انتن

اليوم قلت نوجه ندائي للبنات واذا كاشما نسيت فكروني
جهينة اليقين ام البنين وحياتي كلها امل
الاخت سي وماريا ملاك ابني نور عيني ورندة

نسمة صبح · 2020-03-09, 21:53

غالياتي ارجو انكن في تمام الصحة و العافية

انا هاذ الايام نروح أسبوع لدارنا يعني حتى و ندير روتينات مراحش نلتزم

ما رايكن في افتتاح دورة جديدة بعد ايام نتحداو فيها الكسل و نبداو من الصفر
لي موافقة تقول حتى يجتمع عدد و نبداو ان شاء الله

نسمة صبح · 2020-03-09, 21:54

رانا شفت شوي نشاط على الصفات و لو بعدد قليل ننتفعو مع بعض و نشجعو بعض

crono · 2020-03-12, 11:05

صباح النور هاني جيت وجبت مع menu
مانيش نقول طبقوه بصح مرات تتلف شا نطيبو
آملا يساعدكم كي تتلفلكم وصح رمضانكم ويدخل علينا بالصحة والهناء

البدرية · 2020-03-12, 11:36

السلام عليكم ورحمة الله وبركاته

عوددا حميد اخواتي سالي نسمة صبح حبيبة ورويدة واشكر اختي كرونو على كل ماتقدميه لنا جزاك الله خيرا وجعله في ميزان حسناتك اللهم آىمين

لي عودة ان شاء الله اضع لكم بعض الافكار من مطبخي

في أمان الله

crono · 2020-03-15, 14:47

سلام .كيف الأحوال ..نتمنى تكونو كامل بخير .هذا وين قدرت ندخل ...و الحمد لله لقيت الاحباب كامل دخلو ......حبيت نلقي التحية عليكم قبل ما يطفى الميكرو .
انا كل شيء راه ملخبط عندي زوجي جب les maçonniersباش نكملو الدلة
يومياتي كالعادة نرتب ونطيب
..اهلا بااختي البدرية نورتنا
اهلا وسهلا اختيrowaida18 عاش من شافك هذي غيبة يعطيك الصحة على الكلمة جمبلة و ما طولوش الغيبة......كيما المرة هذي
اختي نسمة صبح حضورك جميل و متالق
المهم يارب ريح قلوب كل المسلمين وارزقنا السكينة كامل يارب
ادعوا الله من كل قلبى فى كل صلاة وكل قيام ان يحفظكم من كل بلاء وان ينصر ديننا ومن يتمنى لنا شر اللهم اجعل تدبيراهم تدميرهم ونصيحة الكورونا هى مجرد فايروس يجب الوقاية منه شرب الماء والغرغرة بالماء والملح فى حالة وجوده لان الملح يقضي عليه باذن الله اما لرفع المناعة الماء الدافى وفص ثوم+الماء الدافى و الزنجبيل الطازج+ البروبوليس+العكبر لما تكون المناعة طالعة واحد مايخافش ومن يقول عندى هم كبير بل يقول عندى رب كبير
لازم نتبعو قواعد النظافة و الاحتياط و نتوكلو على ربي
احبكم فى الله.

crono · 2020-03-15, 15:31

اقتباس:

المشاركة الأصلية كتبت بواسطة sali kanouza

نسمة وحبيبة اين انتن

اليوم قلت نوجه ندائي للبنات واذا كاشما نسيت فكروني
جهينة اليقين ام البنين وحياتي كلها امل
الاخت سي وماريا ملاك ابني نور عيني ورندة

والله توحشنهم و كذلك ام شمسو محمد ام هاجر ..ان شاء الله اكونو بخير ...

crono · 2020-03-16, 17:28

السلام عليكم
حبيت نهدر على حاحة برك بالاك كاين اللي متولهوش ليها و اللي هي #التعقيم
مدام رانا قاعدين في الدار لازم كل واحد منا يوعي دارهم و يتعاونو يديرو يوم كامل تمسحو فيه الدار كامل بإستعمال المنظفات ( ولا ماء و جافال و خل أبيض في رشاشة ) و كي نقول الدار كامل معناها الدار كامل :
- الارضية
- الاثاث
- الهواتف و الطابلات و Les PC و كل ما يتعلق بيها لشارجور و ليكيت و كل حاجة نستعملوها برا بزاف
- المقابض تاع الابواب و النوافذ
- اجهزة التحكم خاصة و المفاتيح لانو نستعملوهم كامل
- السيارة
- الاحذية سيرتو اللي نخرجو بيها برا لازم ديرو رشاشة فيها ما و جفال و شيتا اللي يدخل يمسح سباطو بالشيتة المشمخة بالماء و الجافال
=» الخلاصة : لازم كلش يتعقم 💙

بالنسبة للكمامة ثان ماشي عيب نخرجو بيها انا اذا اظطريت نخرج نديرها اكيد صحتي وصحة ولادي اولى
بالنسبة للأطفال لي تحت 5 سنوات مايتأثروش بالكورونا بصح قادرين ينقلوها للكبار بلا مايمرضو هما
الوقاية خير من العلاج عفانا الله وإياكم