هل سألت زوجك أو خطيبك هذا السؤال من قبل؟؟

[نسائم الهدى]

سلام لبنات

عفوا سيدات

واش مازال تآمنو حكاية نموت معاك و بلا بيك ما نقدرش نعيش و نموتو مع بعضانا

غيييييييير ما يديكمش الواد

و الله غير كاااااامل كلام في كلام

مي وقت الصح....................... غير بريل ايزيس اللي يصلح

يغسلونا من مخهم و حياتهم ضربة وحدة

و مهما طال الزمان او قصر المهم فينالمو يكملوا حياتهم

و نقوللكم حاجة؟؟؟

المهم كي عاد رانا حيين يحبونا و يعزونا و يكونو فيدال معانا

مي كي نديرو ريسانا للتراب كيما تقول ماما يديرو واش يحبو

ملاحظة :

الراجل كي يقولك ان شاء الله نموتو مع بعضانا

معناها كره فكرة انو زوجتو تتزوج مع رجل غيره

مي فكرة يعاود يبدا عمرو من جديد تعجبو صدقوني

اتهلاو في ارواحكم سيداتي و انساتي

لانو كي تخسري صحتك الراجل ما ينفعك في والو //كانت هذه نصيحة اخوية مجانية //

دعوة الخير /من الفتيات و النساء /تكفيني

سلامو

[hamza18]

أنا تاني سالت زوجي بصح محبش ايجاوبني وقالي هدا مكتوب ربي
أنا نتمنى نموت قبلوا منتصورش حياتي بلابيه
علا كل حال كامل مصيرنا الموت وكل واحد ووقتوا

[مسك القعدة]

عجبني الموضوع أختي شذى
أنا لم يتبادر إلى ذهني هذا السؤال وما نقدرش نطرحو نخاف من ردة الفعل
لكن شاءت الاقدار انو خطيبي صرالو حادث مرور والحمد لله كانت سلامات فطرح عليا السؤال قالي لوكان عيطتي وردو عليك قالولك ربي يرحمو وش هي ردة فعلك سكتت قلتلو الله أعلم ما جربتهاش وإن شاء الله انا لي نسبقك باه ما نجربهاش

[غير هام]

السلام عليكم

الصراحة ختي الله يعطيك صحة انا مخطوبة وهدا السؤال مهبلني بيه خطيبي دايما يجبدهولي نقوله مرة لا ما نتزوجش مرات نكون واقعية معاه نقوله ما تعرفش واش تكون ظروفي من بعدك ممكن نعم

مرات نزعف منه نقوله ما تزيدش تجبد هاد السيرة

[قمر 77]

اختي انا مزوجة و هذ السؤال طرحتو على زوجي في بدية زواجنا و كان جوابة الوحدة صعيبة جاني الجواب كالصاعقة هههههههههههه كنت صغيرة و متاثرة بالافلام كثير حابسة لكن بعد هذ السنين الطوال نقلك انا ما يهمنيش وش يدير بعدي لاني ما رايحاش نكون لهية بيه الامر اجل و اعظم وقوفي بين يدي الله يو م لا ينفع مال و لا بنون الا من اتى الله بقلب سليم ساعات نخمم في و لادي و مبعد نقول اللي خلق ما يضيع انا دركا راني معاه بالحسنى و هذا وش يهم وان شاء الله نكملوا هاك حتى نلاقوا رب كريم
نصيحتي كمجربة للشباب و الشابات عمركم لا تطرحو هذ السؤال لانو الجواب يجرح و حتى لوكان تحبسو النقاش عمركم لا تنساوه يقعد يدمي العمر كله

[om assem et loudjain]

نعم سألته ومنذ مدة طويلة
أجاب بكل صدق سأبقى عامين او ثلاثة ثم أتزوج ارملة او مطلقة
و بدا محرك البحث في ذاكرتي يعمل للبحث. عن كل ارملة او مطلقة صادفتها في حياتي
هههههههه
باختصار خليكم من وجيع الرأس عيشوا يومكم بكل تفاؤل

[amel03l]

انا سقسيت خطيبي هدا السؤال وهو تاني...و خطيبي بزاف واقعي ماشي كامل رومانسي قالي شوفي ياطفلة الحياة عمرها لا تتوقف على انسان .قالي ماراحش تحبس حياتي كي تموتي نتي..راح نحزن شوية الله اعلم شحال ايام او شهورو نكمل حياتي و نتزوج ولكن ماتخافيش ماننساكش نبقى كلما جي في بالي ندعيلك بالخير و نديرلك عمرة .هدا واش راح تلقاي .و انا مع الاول زعفت كي قالي شهور و نتزوج..و قالي يا حسراه نتي شهر و الا زوج تتزوجي و تنسايني....هو و المجاملة مايتلاقاوش...

[*سيرتا *]

المشاركة الأصلية كتبت بواسطة om assem et loudjain

نعم سألته ومنذ مدة طويلة
أجاب بكل صدق سأبقى عامين او ثلاثة ثم أتزوج ارملة او مطلقة
و بدا محرك البحث في ذاكرتي يعمل للبحث. عن كل ارملة او مطلقة صادفتها في حياتي
هههههههه
باختصار خليكم من وجيع الرأس عيشوا يومكم بكل تفاؤل

اضحكتني..ااضحك الله سنك..

[semoune bali]

اولا السلام عليكم الموضوع في نظري حساس شوية مي النتيجة الحتمية سواءا بالنسبة للرجل او المراة هو النسيان وما سمي الانسان انسان الا لفطرة النسيان ولولا هذي النعمة لكانت كلحاجة المتنا في الماضي راهي باقية توجع فينا وهذي نعمة كبيرة من عند رب العالمين و من جهة اخرى السؤال هذا طبيعي انو يجي في خاطر اي واحد ومرات كثيرة طرحتوا على خطيبي وكل مرى يااما يتهرب يااما يتمسخر بيا ويقولي نتزوج ومرات كي اصر عليه ما يحملش وعينيه يدمعوا و الحقيقة الوفاء الحقيقي بعد الزواج يكون بدعاء او صدقة وربي يكتبلنا حسن الخاتمة ويغفرلنا ذنوبنا ويجمع بين المتحابين في الجنة انشاء الله

[زينب 83]

انا عن نفسي من سابع المستحيلات ان أتزوج بعد زوجي حفظه الله و ايا كانت الأسباب ، حتى اني لا يمكنني حتى تخيل الامر ، هو زوجي في الدنيا و سيكون كذلك في الجنة بإذن الله و لا اريد غيره لا في الدنيا و لا في الجنة ، اما عنه فقد سألته مرة هذا السؤال و قال لي انه ابدا لن يقرب امرأة غيري ووعدني انه ابدا لن يتزوج بعدي مهما كانت الظروف و انه سيصبر حتى يلقاني ، ربما قد يتغير شعوره اذا مت قبله لكنه المهم انه أراحني بكلامه و فرحني ، اما بعد موتي فما يهمني هو ان يغفر الله لي و يقيني عذاب القبر ، لكن لا أخفيك اني أدعو في كل سجدة ان لا يجعل الله له زوجة من نساء الدنيا غيري لا في الدنيا و لا في الجنة ، و ان شاء الله سيستجيب الله لي ، الله غالب غيرتي و حبي له فوق كل الحدود ، اللهم نسألك حسن الخاتمة

[*ام بثينة*]

اضحكتني اختي
انا لم اسال هذا السؤال و لن اساله لاني اعرف الجواب مسبقا و كل وحدة ذكية تعرف الجواب من خلال معرفتها لزوجها الا لي تحب تسمع عكس ما تعتقد

انا قتلو مرة و كنت اشاهد لقطة من مسلسل خليجي زوجة الاب مرمدت ربيبتها و الزوج اللي هو ابو البنت يتفرج و لم يحرك ساكنا قتلو هذا ما راني خايفة منو اذا قدر الله و مت ان تجيء بامراة تمرمد بناتي لهذا اوصيك بناتي تربيهم اختي فلانة اذا توفيت و انا فعلا اوصيت اختي ببناتي
لانو اذا مت لن ينفعني او يضرني ان تزوج بعدي ام لا االمهم اني في حياتي الدنيا اتقي الله فيه ما استطعت
ربي يدوم المحبة

[maram.espoir]

حقيقة الجواب سيكون مزعج لمن يعيشون رومنسية المسلسلات التركية الزائفة لأنها ستصطدم بجواب صاروخي واقعي
لذا انا لا أحبذ الدخول في هاته المتاهات لانه ما يهمني هو الاخلاص و الوفاء لي و انا حية أما بعد موتي فاليفعل ما يريد و أنا أظن ان أي زوجة تحب زوجها و تتمنى له الخير في الدنيا و الاخرة ستشجعه على الزواج بعدها خوفا عليه من الوقوع في الزنى

[loubna loulita]

ana nhar li sa9sani goutlou ntmana nmout 9blak w ki sa9sitou nafs soual 9ali manzawach fi hyatk bsah nhar li tmouti manadmanch balak ndbarha mn la3za .maskin za3ma kham 3la wlidou ytraba hakak

[رجائي فيك]

اختي موت اي انسان ما تعنيش ان الناس لي معاه راح تنتهي حياتهم بوفاته متزوجة من 09 سنوات و عمري ما طرحت هذ السؤال على زوجي حاجة منطقية راح يتزوج بعدي لكن السؤال لي يتطرح لوكان زوجك يموت راح تتزوجي بعده هنا كاين جدال كبير؟؟؟؟
انا ماما بابا توفى الله يرحمو و خلاها 32سنة و عمرها مخمة في زوج بعده و الفكرة غير قابل للطرح عندها
و عمتي زوجها توفى من سنة لحد الان ما خرجتش من الحداد

[اماني تمنراست]

بارك الله فيك