الى ام اسيد1 وكل وحدة حاصلة واش الطيب

[alg04000]

شكرا جزيلا على هذا الطبق

[ام هاديل وياسين]

السلام عليكم
كيف احوالكم اخواتي اسمحولي منيش ندخل بزاف سلامي لكل وحدة باسمها
والله يشافي كل مريض امين

[awladi]

بارك الله فيك ان شاء الله تكوني مليحة هذا تطبيقي لغراتان الشفلور بارك الله فيك اقل شي نقدمولك هو انو نحط تشوفي تطبيقي

[ام حمزة22]

سلام
صباحكم سعيد ويومكم اسعد
سامحوني البارح مادخلتش نطل عليكم كنت نهار كامل وانا فالخارجنبحث عن ادزات خصزني في تطبيقي للاعمال الفنية
في المساءكي دخلت للبيت دخلت باه نمسيكم بالخير جات مرت لوسي تقصر وفي الليل بت سهرانا مع اعمالي


كرونو بارك الله فيك على الطبخة والموسكوتشو والله شهيتينا

ام سوهيل الحد لله لشفاء سوهيل ربي يحفضهولك

اشكر جميع من مرى ماخرا وسامحوني على عدم الرد عليكم

اشكر اولادي بارك الله فيك وبصحتكم القراتان راه يشهي سعدت بمرورك وسعدت اكتر بتطبيقك

[ام حمزة22]

لبنات اليوم تان راح نغيب باه نطبق اعمالي ونفي شغاااتي
طبقي اليوم هو شيفلور فالكوشة ما رتهش جديد تصيبوه فالصفحة 8
دمتن في رعاية الله وحفضه

[ام سوهيل]

صباخ الخير للجميع وش راكم لباس
ام حمزة بي التوفيق في اعمالك

روح مراد متنسيش تخبرينا بي نتيجة التحليل نفرحو كامل وان شاء الله ما يكون غير الخير

[روح مراد]

صباح الخير أخواتي
إن شاء الله تكونو بخير كامل
أم سوهيل مازال ندخل منتدى الجلفة النتيجة سلبية و ما زال ماكاش الدورة
السبت إن شاء الله رايحة الروح لطبيبة و نشوف الأمر
الحمد لله على كل حال رانا نستناو الفرج من عند ربي و كل شيء له حكمة الواحد عمرو ما يقطع الأمل
بالتوفيق لك يا أم حمزة و ربي يعطيني جزء من قدرتك و طاقتك

[ام سوهيل]

سباح الخير للجميع وش راكم لباس روح مراد يقولو ناس ازمان كل تاحيرة وفيها خيرة


اليوم جبتلكم بعض الاطباق
هدا بركوكس بعتتهلي جارتي صدقة ربي يتقبل منها





وهادا عشائى معقود ++مرق حمراء بي الشفلار والحمص وقليت معهم بطاطا دوائر ميحبوهاش اولادي في المرق

وسلاطة خيار وطماطم وجي والحبز ماصورتهمش


وهادي المعقود اتمنا تنال اعجابكم



تحياتي للجميع ام حمزة متنسيش تحطيلنا ربيط الاشغال نشوفوهم بي التوفيق للجميع

[تغرينية]

سلام على الجميع

[crono]

صباح الخير للجميع وش راكم لباس
ام حمزة بي التوفيق في اعمالك

[صدفات]

صباحكم سعيد
أم حمزة ربي يوفقك في المسابقة زيري روحك راني نشجع فيك وين تروحي راني معاك .
روح مراد حبيبتي لا تحزني لي عند ربي ما راهيش بعيدة كل حاجة في وقتها مليحة ربي يفرحك .
سلامي لكل العضوات الغاليات ربي يهنيكم
كرونو وين راكي حبيبتي البركة فيك تعاوني أم حمزة بأطباقك المميزة .
أم سوهيل يعطيك الصحة المعقودة خرجتلك مليحة درتها البارح للعشاء مع سلاطة و مرق دجاج بالحمص و الشوفلور مقلي وردات سحان الله تقول تفاهمنا.
همتكم يا بنات ما تخلوش الموضوع يموت وووووووووونتفرقو راه الولف صعيب و الفراق أصعب

[crono]

المشاركة الأصلية كتبت بواسطة صدفات

يعطيك الصحة مسكوتشو أنا ديته نموت على الشكولة

بصحتك

[crono]

المشاركة الأصلية كتبت بواسطة تغرينية

امممممممممممم الله الله عليك شادرتي فيها

الله يحفظك اختي الوصفة فهي بسييييطة جدااااا
مسكوتشو اقتصادية ولا بالاحلام راني نحمل في صور ونحط الموضوع

[روح مراد]

صباح الخير يا أخوات
و الله ما راني حزينة و لا حتى شيء أنا نعرف بأن كل شيء بيد ربي العالمين و كل شيء مقدر و مكتوب مازعفت ما والو في قرارة نفسي على بالي فيها حكمة
و بيناتنا بيناتنا راجلي حاب يرجع للخارج و أنا مارانيش حابة لهذا الشيء ما زعفتش لأنه مارانيش حابة نكون حامل و نكون وحدي
يعطيكم الصحة على الأطباق تشهيو العباد بها
أم حمزة حظ سعيد

[crono]

المشاركة الأصلية كتبت بواسطة ام سوهيل

سباح الخير للجميع وش راكم لباس روح مراد يقولو ناس ازمان كل تاحيرة وفيها خيرة


اليوم جبتلكم بعض الاطباق
هدا بركوكس بعتتهلي جارتي صدقة ربي يتقبل منها





وهادا عشائى معقود ++مرق حمراء بي الشفلار والحمص وقليت معهم بطاطا دوائر ميحبوهاش اولادي في المرق

وسلاطة خيار وطماطم وجي والحبز ماصورتهمش


وهادي المعقود اتمنا تنال اعجابكم



تحياتي للجميع ام حمزة متنسيش تحطيلنا ربيط الاشغال نشوفوهم بي التوفيق للجميع

يعطيك الصحة أنا نموت على المعقود
[SIZE="6"]وهاد رابط تطبيقات المشتركات لدرس الرسم على الساتان والبلاستيك/SIZE]
https://www.djelfa.info/vb/showthread.php?t=1701486