اهلا بكن في الجزء *145* من كوزينتنا¨¨عيد اضحى مبارك¨¨

[أم لجين هيثم]

ماشاء الله عليكم بنات بلادي فحلات
راني كيفكم البارح من الصباح مقعدتش حتان الليل ضبحنا الصباح وقطعناه في المساء درنا للعشاء الشواء وكانت أجواء هايلة ونصبت البارح في الليل غداء تاع اليوم بربوشة دويت اللحم البارح في الليل واليوم الصباح شعلت علية و راهو قريب يوجد
حنا في سطيف اليوم الثاني دايما بربوشة بدهان الحار و الكرايم و اللفت سعيدي شكون كيفنا لهم نفس العادات

[باسم وبيسان]

المشاركة الأصلية كتبت بواسطة ام و ابنة

صباح الانوار و ربي يعين الجميع
الحمد لله ما عنديش شغل كبير ضرك كي ينوضو اولادي نوجدهم مليح راجلي يروح مع وليدي لوهران و انا و بنتي نروحو لدارنا ندي معايا دي كوتلات لغذانا انا و بنتي خخخ و العشية دارنا يتعشاو بكري كي نتعشاو نجي يعني ماكسيموم السبعة و نص باذن الله نكون هنا في داري
خويا يدي خروفو و يما يقعدولها زوج كي يقطعوهم ضروري نعاونها في الترتيب تع اللحم معليش كي تكون بنتي وحدها ما تقلقناش
راني بلي كورباتور تقول درت السبور بصح الحمد لله داري مرتبة و اللحم مرتب و مخبي و كلش

صباح الخير ويعطيك الصحة ويروح راجك ويرجع بالف خير وربى يعيشلك مممتك ان شاء الله وخليها فوق روصكم ورى يخليك لوليداتك

[باسم وبيسان]

المشاركة الأصلية كتبت بواسطة أم لجين هيثم

ماشاء الله عليكم بنات بلادي فحلات
راني كيفكم البارح من الصباح مقعدتش حتان الليل ضبحنا الصباح وقطعناه في المساء درنا للعشاء الشواء وكانت أجواء هايلة ونصبت البارح في الليل غداء تاع اليوم بربوشة دويت اللحم البارح في الليل واليوم الصباح شعلت علية و راهو قريب يوجد
حنا في سطيف اليوم الثاني دايما بربوشة بدهان الحار و الكرايم و اللفت سعيدي شكون كيفنا لهم نفس العادات

عيدك سعيد وصباح الخير تحنا تانى فى قسنطينة ليوم ندير نعمة باحم تاع الكتف والكروووومة مممممممممممممممممممممممممم رويح مفحفح الدار تهبل ربى يدومها نعمة

[أم لجين هيثم]

نسيت ماباركتش لأختي سماح مبروك الكوزينة نشاء الله في هذا العيد يحققلك أمانيك وجميع المومنين يا رب
باروكي ليك تطبيقي لشبيكة بطريقتك نجحتلي وخرجت 444444 بارك الله فيك

[أم لجين هيثم]

المشاركة الأصلية كتبت بواسطة باسم وبيسان

عيدك سعيد وصباح الخير تحنا تانى فى قسنطينة ليوم ندير نعمة باحم تاع الكتف والكروووومة مممممممممممممممممممممممممم رويح مفحفح الدار تهبل ربى يدومها نعمة

عيدك سعيد و صباح الخير نتي ثاني عندكم نفس عاداتنا ربي لا يقطع عادات بلادنا رغم التعم بصح هذه الأجواج دير الفرحة في ديارنا
راهو غدايا قريب يوجد مزال غير نفور البربوشة المرقة واللحم طاب و الريحة تهبل
صح غداك أختي مسبقا كل عام وأنت بخير

[x ام رحاب x]

السلام عليكم وعيدكم مبارك حبيباتي واش اصبحتو لاباس من البارح
ماشفت والو من الكواليس البارح ماقدرتش انشوف نهار كامل وانا واقفة 11 تاع الليل باه ريحت من الضياف كي انريح انحطلكم كواليس تاع العيد البارح راجلي ياك داير العملية مايقدرش يدبح كيما اجرى مالقناش ذباح امالا قال انا ندبح وانت تسلخي قلتلوكيما حبيت شدينالو الخروف وهو ذبحو وانا وابنتي سلخنا الكبش وغسلنا الدوارة وامبعد طلعت شوينا الكبدة والقلب وبنتي الصغيرة وجدت البطاطا المقلية والسلايط وشوينا وكلينا الحمد لله وامبعد خملت الدار والسيقنا مليح جاوني الضياف الحمد لله كنت شوطت بوزلوف وغسلتو ولهيت بالضياف ماريحتش حتا الليل ا راهم صباعتيا يسطرو عليا واليوم انروح انوجد اللحم باه ايشوه وانزيد كاش مانطيب راهم جايني تاني الضياف كي نلهى انحطلكم كواليش الجزرة الي سلختها مسكينة درتلها واحد اللوك واش انقولكم

[ام أمينة]

صباح الخير للملتحيقات صح نوم
دايمة الحمد مبنتش لبارحً وليوم أن شاء الله تكوني بخير

[ام أمينة]

صباح الخير أم رحاب وشراكي لا بأس صح عيدك كول عام وانتم بالف خير
بصح يعطيك الصحة كيفاش عرفتي تصلخي الكبش مشاء الله والله حرت فيك تهلي في روحك وفي صبعك وبشفا لحنونتي وسلمي على لبنات وقلهم صح عيدهم

[hab12456]

صبااااااااااح الخير

الله اكبر الله اكبر لا اله الا الله الله اكبر الله اكبر ولله الحمد

[hab12456]

صحة عيدكم كااااااااامل

[x ام رحاب x]

المشاركة الأصلية كتبت بواسطة ام أمينة

صباح الخير أم رحاب وشراكي لا بأس صح عيدك كول عام وانتم بالف خير
بصح يعطيك الصحة كيفاش عرفتي تصلخي الكبش مشاء الله والله حرت فيك تهلي في روحك وفي صبعك وبشفا لحنونتي وسلمي على لبنات وقلهم صح عيدهم

ايسلمك حبيبتي وصحة عيدك حبيبتي والله البارح نخدم وانخمم فيكم ويلا على السليخة موالفة انعاون راجلي كي ايكون يذبح بصح هاد المرة وحدي انا وابنتي درنا كلش ولحقنا الحمد لله والله راهم صباعتيا وسوغتو داك الي دبحتو سمانة الي فاتت راهم ايغيدو وانت كيفاش جوزتز العيد ياك عقب كلش بخير وربي معاكم ان شاء الله سلميلي على نسيبي الصغير وقوليلي كل عام وهو بالف خير مع امو وباباه اتعيدو ودزيدو يارب

[hab12456]

ام وابنة احبك في اللله وتعجبني ياااااشاطرة بت نحلم بيك هههههههه حتي حكيت لراجلي مااااافم واالوا خخخخخخ قالي انتي

[اسمهان79]

صباح الخير عليكم حبيبات قلبي
اسمحولي ما راجعت والله ما قعدت مع الذبيحة وزيد لعشية طول وانا مع الضياف هاذا داخل هاذا خارج والحمد لله
كملت كلش البارح الصباح درت الكرشة ونقيتها وبسطتها نص عملتو عصبانة ونص قطعتو نعملو شطيطحة المعلم يموت عليها قطعت الكبدة واتباعها كل حاجة وحدها غسلت الشحمة وملحتها وحطيتها تيبس والراس ما نقولكمش كارثة عضمى ما تشوفوهش خير في الليل جاب الجزرة من عند الجزار عدلت اللحم كل حاجة في بلاصتها وخلعت شوية وعشيتهم وسيقت ورقدت كااااااااو
وذك راه الغداء يطيب أكيد كيما صحاب الشرق كلهم بربرشة
القاطو الا قعدت لعشية نحط الصور

[Simassim]

المشاركة الأصلية كتبت بواسطة قمر 77

السلام عليكم
غالياتي عيدكم مبارك و كل عام و الامة الاسلامية بالف خير و ربي يفرج على كل المومنين
حبيباتي جيت متاخرة من دار شيخي حطيت العشا و جيت نراجع دروسي
العيد هذا مع الجملة خرج هايل مبصح تقولي عيد الفطر كيما قلتلكم ذبحنا عجل و كان عند زوجي بطاقة 145فالباطوار تخيلو راح مورا الطهر ما جاش حتى بعد السبعة و ثاني اللحم غدوا بعد العصر باه يقطعوه جاب غبر الكبدة راح الحال باه نطيبها كبدة العجل لازملها ماسيراسيون ماشي بنينة كيما الغنمي المهم الحمد لله
اخواتي المغتربات اكيد قلوبنا معاكم و تمنيت نقدر ندخل و نشارككم الاجواء مبصح كيما شفتو ما عنديش اجواء مع الاسف

صح عيدك حنونة . مرة السي سيد قالي مين ندخلو البلاد نعيدو بالعجل. انا منيتي. قلتلو كيفاش تذبحو !!!. قالي فالباتوار. قتذو. لي يقدر على عجل. يقدر على عجل وكبش. العجل من الباتوار فوتو للجامع او دار العجزة وخليلي الكبش
البارح اول مرة نذوق كبدة العجل. درتها فالمقلة وبلا شحم ماعجبتنيش حتى لحم العجل مايعجبنيش بزاف نفضل الغنمي. لكن. كي الدير. راك تعرف الطبيب وتفكيرهم. الكولسترول والمرض

[x ام رحاب x]

الله ايبارك عليكم ماشاء الله عليكم شفت كواليسكم كامل وربي يبارك في صحتكم وتفرحو مع وليداتكم
ام امنية حبيبتي ماتزعفيش حبيبتي انا راني في بلادي بصح مانخرجش من الدار وامي في العاصمة والله نقعد نخدم في العيد وانخمم غير عليها كل واحد والضروف حبيبتي الحمد لله على صحتك ووليدك وزوجك راهم معاك وربي يفرج ان شاء الله