اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 68

قمر 77 · 2015-09-24, 22:01

روضة الغالية و الله كلامك شبعني يا لحنينة ربي يجعلك هذ الكلمات في ميزان حسناتك و يحفظلك وائل و زوجك و يهنيكدنيا و اخرة امين
ام سهام شكرا على الدعوات يا لغالية يا ام القلب الكبير
البحر الصافي بصحتكم العشا غدوا لاكتب ربي ندير غدا كيما هو ان شاء الله
سلمئ تيتا مبانوليش الصور و يعطيك الصحة و سلمي على ام يسرا القاورية ياك خالتك ما نيش غالطةو قلها صح عيدها قلها تطل توحشناها
سيما من نهار جبتي هيثم ما كتبتيش جرنال ههههههههههه و لا العيد بصحتكم
اخواتي اكل موووووووووووواحات و مرة ثالهة كل عام و انتن بالف خير و سامحنني اذا ما كتبتش كاش اسهم و الله الانسان مكتوب عليه السهو فالسماح
ليلة سعيدة

رفيف رانية · 2015-09-24, 22:09

صح عيدكم حبيباااتي وكل عام وانتم بالف خير
حنووووونااااااتي كوايسكم روووووووعة روووووووعة يعطيكم الصحة
بصح راني زعفانة نحط الردود وواحد ميردلي زعفانة منكم. وااأع راني نبكي
اتهلاو في روحكم وتصبحون على خير

malek firdaouss · 2015-09-24, 22:22

سلااااام كلكن انا راهم حوالو قا من الكبدة نموووووووووت عليها

وشكرا على قاع لي سقساو وعلقو عليا

العام الجاي باذن الله واذا قدرنا نعيدو فلبلاد انا نحوس نذبح بصح لازم قدام عيني على قول سيما سيم

والله فرحتونا ربي يفرحكم ويفرج عليكم امين

ام و ابنة · 2015-09-24, 22:35

السلام عليكن جميعا
و الله من الكوزينة للحمام غسلت و بدلت و جيت نجري توحشتكم

حبيباتي المغتربات سامحوني و الله ما نسيتكم و تمنيت نصور لكم الكواليس و لكن كانت مهمة مستحييييييلة بصراحة راجلي ما يذبح ما يسلخ و كل عام نستناو جارنا يذبحلنا بعد ما يكمل كباشهم ثلاثة الله يبارك و يزيدو يعطلوه الجيران اليوم جا جارنا كبير ذبحلنا فقط و لاول مرة انا و راجلي سلخنا و فتحنا و طبعا غسلت كل شيء وحدي و مع وجود الاطفال الصغار و المواس في كل مكان ما قدرتش نصورلكم غير هاذو

بعد ما كملنا و تغذينا و تجهزنا رحنا لدارنا اولادي يلعبو مع ولاد خويا طبعا عيد مع يما هو و عايلتو و كذلك خويا تع الغربة و بما انهم الله يبارك ذبحو ثلاث خرفان فمباشرة عاونت يما في تقطيع البوزلوف و تجهيزو و تقطيع الدوارة و الرية و كللللللللش
عالسبعة دخلت لداري مباشرة شويت شوية كبدة و ما يتبعها و تعشينا خفيف و بدينا في تقطيع الخروف
قطعت الدوارة و الرية و المصارين المغليين و خلطتهم و قسمتهم في اكياس التجميد
قسمت بوزلوف في اكياس التجميد لانو راجلي ما ياكلش الدوارة و بوزلوف
عملت الخليع او القديد و حطيتو في الثلاجة
وجدت حق شيخي و عجوزتي من كلش و كذلك اللي نتصدقو بيه
قسمت اللحم حسب النوع في اكياس التجميد
و الحمد لله رتبت كلش في المجمد و الثلاجة لانو غدوة باذن الله راجلي رايح لوهران عند اختو رحلت من يومين لدارها و راحو شيخي و عجوزتي يعيدو عندها و راجلي حب يروح يعيد عليهم و نهار السبت باذن الله يرجع و يجيب معاه يماه و باباه
رايح يدي معاه وليدي رغم اني ما حبيتش لانو مريض و الله مبركل و مبحبح خلاص
انا ما نروحش عيانة خلاص و كذلك حتى نروح كي نشري الكادو و نهنيلها باذن الله
غدوة ان شاء الله نجوز النهار في دارنا و لكن في المساء نرجع نبات في داري

هاه راني ما جبتش الصور و لكن عطيتلكم التقرير المفصصصصل

و مرة اخرى صح عيدكم جميعا
نروح نراجع نشوف كواليس العيد ديالكم

wahibaazel · 2015-09-24, 22:48

تقبل الله منا ومنكم غفر الله لنا ولكم.
عيدكم مبارك حبييييباااتي ،مااااعليه التعب لكككككن متعة واحساس بالفرحة رهيب اللهم لك الحمد.
الكواااليس رووعة اختنا ام ماجد ،سماح ،زينب ،ام وابنة رووووعة يعطيكم الصحة .
البنات ماشاء الله عليكم .
اليوم ككل النساء الجزائريات نفس الخدمة الشاقة ،اللحم قسم زوجي الاجزاء الكبيرة ومازال ماكملش تعب بزاف قتلو خليه للصباح باذن الله .نصبت لحم البربوشة،وتعشينا كوطلطات،الراس خبيتو في المجمد ،اليوم عكس الاعياد السابقة ماعملتش الراس للعشا.
اختي ام وابنة بصحححتك كملتي الخدمة وخبيتي اللحم ،انا حتى الغد باذن الله ،ونزيد نخدم العصبانة تدي الوقت لكن لازم نعملها .الى الملتقى عينيا تغمضو.
قمووورة على سلامتك .

أم محمد تاج · 2015-09-24, 23:50

صح عيييدكم يا اغلى بطااابيييييط
راني هنا مازال ماولدتش والف حمد وشكر لله العلي العظيم
مازال ماراجعتش دخلت نسجل حضوري
مواحاااتي حبيباتي راني ميتة بالتعب كيفكم كاااامل يالحرااااااير
نراجع بوخفييييييييييف

ام طيري الجنة · 2015-09-24, 23:56

السلام عليكم و رحمة الله تعالى و بركاته
اخواتي و حبيباتي بغيت نطل عليكم باش نقولم عــــــــــــــــــــــــــــــــيد سعيــــــــــــــــــــــــــــــــــد و كل عام و انتم بالف خير اعاده الله علينا و على الامة الاسلامية بالف خير اااااااااااااااااااااااااااااااااااااااااااااااااا ااميييييييييييييييييييييييين يا رب العالمين
ان شاء الله تكونو كااااااااااااااااااااااااااااااامل بخير و تكونو جوزتو العيد غاااااااااااااااااااااااااااااااااااااااية انتوما و اهاليكم ووليداتكم يا رب
اللهم شااااااااااااااافي مرضانا و ارحم موتانا و فّرج همّنا و ارزق شبابنا و شاباتنا الازواج الصالحين يا رب العالمين و ارزق كل محروم ذرية صالحة تقر بها عينه و ارحمنا برحمتك يا ارحم الراحميييييييييييين

باسم وبيسان · 2015-09-24, 23:58

مساء الخيرعليييييكم واش قعديييين ديررووووو راكم تخبوووو فى اللحم هههههههه
انا ام يقصوووو فى العجل سلافى فى 2 ومعاهم راجلى وكل دقيقة يجبلى بسينة نخبيها والله الحمد لله على النعم
كولسكم روووووعة بدون استتناء وو يعطيكم الصحة حراير تاع الصح وربى يهنيكم وتكلوها بالصحة ام وابنة يعطيك الصحة يالفحلة خلصتى انا مزالنى خخخخخخخخ
ربى يهنينا
الصفحاااات بزاف عدت نعقب برك والله ماقدرت نقراهم بوكل ليلة سعيدة وربى يقدرنا
الله اكبر الله اكبر اللله اكبر

ام أمينة · 2015-09-25, 06:12

السلام عليكم ورحمة الله وبركاته
صباح الخير ياشطورات ياسمينات ياكشرودات وانا اكيد وحدا منهم خخخخههههههههههههه
صح عيدكم جميييييعا وكل عام وانتم بالف خير باه مننسا حتى وحدا

wahibaazel · 2015-09-25, 06:14

الله اكبر الله اكبر لا اله الا الله الله اكبر الله اكبر ولله الحمد.
صباح الخيرات حبيباتي ،ماشي قادرين تنوضو لكن مكره اخاك لابطل ،ذك نروح نحط القدر انتاع المرقة تطيب،دخلت باه نفطر عند حبيبتنا دائمة الحمد راني نستنا اشتقت لقهوتها،
اتى الزوج من المسجد نروح نفطرو.
ربي يعاونكم.

om wassim · 2015-09-25, 06:20

صباح الخير عليكم جميعا

جبتلكم عشانا تاع لبارح زليف اممممم

باسم وبيسان · 2015-09-25, 06:50

صباح الخييييير يا وجووووه الخيييير كيف صبحتوووو انا الحمد للله تنحالى التعب تاع البارح ورنى دوايت لخدة ونقصتلووووو وخليتوووو يطيب والحمد للله
ام وسيم بصحتكم لعشة احنا مانكلوش الراص قسمتووو لسلفتى وسلفى تعشينا باكبدة ولولاد ماحبوش ياكلوها انا وسى سيد برك والله اى مزالت خبيتها حتى نديروها على الفحم
الله اكبر الله واكبر الله واكبر ولله الحمد

ام و ابنة · 2015-09-25, 07:11

صباح الانوار و ربي يعين الجميع
الحمد لله ما عنديش شغل كبير ضرك كي ينوضو اولادي نوجدهم مليح راجلي يروح مع وليدي لوهران و انا و بنتي نروحو لدارنا ندي معايا دي كوتلات لغذانا انا و بنتي خخخ و العشية دارنا يتعشاو بكري كي نتعشاو نجي يعني ماكسيموم السبعة و نص باذن الله نكون هنا في داري
خويا يدي خروفو و يما يقعدولها زوج كي يقطعوهم ضروري نعاونها في الترتيب تع اللحم معليش كي تكون بنتي وحدها ما تقلقناش
راني بلي كورباتور تقول درت السبور بصح الحمد لله داري مرتبة و اللحم مرتب و مخبي و كلش

أم لجين هيثم · 2015-09-25, 07:14

عيدكم سعيد كل عام وأنتم بخير أعاده الله علينا وعلى الأمة الاسلامية بألف خير

ام و ابنة · 2015-09-25, 07:15

عزيزتي ام سارة و نظن ايضا اختي لهنا موكا سامحوني البارح سقطت اسماؤكم سهوا من قائمة المغتربات و لو اني عيدت على الكل دون استثناء و لكن حاولت نذكر المغتربات بالأسماء و طبعا الذاكرة الخداعة كالعادة عملتها بيا فمرة اخرى صح عيد الجمييييييييييييييييييييييييييع