الجزء 121 من كوزينة واش طيبتي اليوم

[ام سراج وملاك]

[um alaa]

المازة التارت هايلة و القطط بزاف شابين
ام تاجو طيحي بوصفة الرفيس
ان هبوبة ماشاء الله على الخيرات
حنانو كلش يغير بصحتكم
زينوبة البطبوط رووووعة
صبرينة بصحتكم روائع الله يبارك

[أم ياسين الزهراء]

زينب نحبك يالقسنطينية ماتنسايش طمينة اللوز حطيلنا الطريقة انتاعكم

ماقدرتش نروح نرقد قبل مانحط لليزا الحلوة

معجون الصفرجل ام محمد تاج

قشري السفرجل بالحبة وبرجيها واعصري عليها القارص وحكي مليح باش مايكحالش يعني تخدمي بالحبة حتان تكملي الكمية لي عندك وحطيه يتفور مليح مليح ومبعد حطي الابراج تاعك في كوكوط ثقيلة وديري كيلو سفرجل بكيلو سكر وعصير قارصة وحطيه يبات في مكان بارد والغدوة من ذاك طيبيه حتان يتنحاو منو الرغوة البيضاء وخليه غير يدفا وارحيه وبالصحة.


معجون السرفجل oum radja


كانت ماما بكري تنقيه وتقطعه ودير عليه السكر و الما ودير شوية من القشور والبذور في شاش وتخليه يطيب مليح حتى يحمار ومن بعد ترجيه وتخليه يعقد هاذا ماكان
وانا المرة لي فاتت درته يفور فوق الما فيه القشور و البذور ومن بعد ريحيته ودرت عليه سكر وخليته فوق النار يعني كيما يديرو معجون التباسا
وهذاك الما درت بيه لاجولي خبيت نصها و النص لاخر زدته على السفرجل لي كنت طيبته مع السكر جاني روعة .





وصفة لاجولي سفرجل oum radja
ام ياسو من عيوني حبيبتي
باش تصنعي لاجولي تاع السفرجل جيبي القشور و البذور برك تاع السفرجل غليهم في الما مليح ومن بعد صفيه مليح وكيلي الما تاعك وديري عليه نفس العبر سكر ورجعيه فوق النار مع نصف حبة قارص وخليه حتى يعقد يعني حتى يبدا يدير في الفقاعات
نحي القارص وديريها في علبة وخليها في المجمد رايحة تقعد كيما هي ما تجمدش ووقت مااحتجتيها ديري منها و رجعيها
والله هايلة وكيما لي تتباع تماما
ونصيحة اذا كان عندك القارص اخضر ماديريهش اعصري منه شوية برك على خاطر يعطيك ذوق مر ولا ديري قرصة تاع اسيد سيتريك
واذا عندك القارص الاصفر ديريه وما تخافيش
هذي هي وصفتي جربيها وماتخافيش على ضمانتي


معجون السفرجل nihale89

شوفي الطريقة
قشريه وحطي قدامك حاجة كبيرة فيها الماء واعصري فيها القارص
وقصي الي بقا من القارص
قشريه وقصيه مربعات
ولمي الزريعة وحافظي عليها في كومبراس واغلقي عليها ملييييحمع الكومبراس نتاع الزريعة كي يطيب نحيه والماء خلي فيه الكومبراس وماتبدليهش خليه يغلي ولوحي السكر
انا في كيلو درت 700 غ سكر
خلي السكر والماء والزيعة حتان يعقدو شوي كيما السيرو
ولوحي السفرجل ونقصي وخليه حتان يخثار وماتنشفيهش من الما بزااااف
راهو يدي شوي قت في الطياب خاطر يطيب على مهلو
ديريه الصباح وخليه
وشهية طيبة .

[أم ياسين الزهراء]

وغدوة ان شاء الله نقلك كيفاش درتو

ام سراج احلام حلوة ياحلة

زينب تزنقو بلا بي تشوفو واش يصرالكم ان شاء الله تلقاو كامل الحوانت قافلين غير اللي يبيعو الكانكايري ههههههههههههههههههههههههه

احلام حلوة ياحلوين دوق نقدر نخرج متهنية على ليزا غدوة ان شاء الله الجمعة واكيد نوض على 11 خايبة ههههههههههههههههه

[yasmalak]

ام يااااسو كتبتلك رد و طاااار
قتلك علبااااااالي تحامي عليااااا هههه
و فالمقابل نعطيك المبرجة ديالي ههه
هكا نربحو بين زوج ياك نتي تحبيها

روضة الغالية بلعقل على روحك وربي يشافيك يااااااااااااارب
ام الاء تسلميييييييييييييييي ياااااارب
حنان امواااااااااااااااااااااااااح اموااااااااااااااح على الرسالة وربي يسهلك مبقاش حبيبتي على عرسك بزاف ربي يهنيك يااااارب
ام سراج حنونة الف لاباس على ام ماسين وقوليلها الجايات اكثر من الرايحات وباذن الله تنورنا بكوزينتها في القريب
عرس اخي السمانة الجاية بادن الله
بالنسبة لكريمة السميد تاع ام كوثر تلقايها في هدا الرابط

اما التزيين الا مبغيتيش تكلفي روحك الكريمة الي تبقى تديريها من فوقوترحي فوقها الطبقة الاخيرة ولا الحواشي وزيدي فوقها خطوط بالشكولاطة وكل حبةتديري فيها نص حبة سوريز
ولا تديري الشكولاطة وبلابات داموند تديري وردات وتزيني بيهم تاني راح تجي هااايلة
ولا تشكلي وردات باللوز ايفيلي وفي نصهم حبة سوريز كيما تاع فلة وانت خيري واختاري وعلى حسب وقتك وجهدك وامكانياتك حبيبتي
وحتى التزيين الي خيرتيه هايل لكن يبالي كون تقصيه مربعات خير يجي باهي وزاكي وفي ميزان حسناتك ياااااااااااارب

زنوبة 66 فرغييييييييييييييي صندوق الرسائل هههه

[*وردة الشرق*]

ام ياسين نموت على كلامك لعسل ربي يعطيك ما تتمناي والتحويسة بلا بيك ما تكونش وما نقولكيش واين رايحين نخليهالك مفاجاة
ام يسرى راني فرغتو سامحيني حتى نوضت الطفل من الكمبيوتر باه فرغتو

[um alaa]

حنانو ما قلتليش. وقتاش عرسك راني معروضة و لا لالا هههههه

حبيبتي ام سراج معذرة والله النت هبلتنييييييييييييييييي هاي ليك كريمة السميد تاع الشيف ام كوثر
-لتر حليب

-4 مغارف كبار معمرين سميد

نخلطهم ونحطهم عللى النار حتى تتقال .نبعدها على النار ونحاول نبردها شوية .

بعد ما تبرد نزيدلها 250غ زبدة زنخلط بالباتور مليح مليح ونزيدلها في الاخير كاس سكر قلاصي ونخلط
للتوضيح اكثر اليك الرابك
https://www.djelfa.info/vb/showthread.php?t=745370
انا نخليكم في امان الله صلو على الحبيب المصطفى
اللهمصل على سيدنا محمدوعلى ال سيدنا محمد كما صليت على سينا ابراهيم وعلى ال سيدنا ابراهيم وبارك على سيدنا محمدوعلى ال سيدنا محمدكما باركت على سيدنا ابراهيم وعلى ال سيدنا ابراهيم في العالمين انك حميد مجيد

[الأمنيات]

السلام عليكم وصح عشاكم
روضه كل مره ما نتلاقاش بيك باش نقوللك مبرووووك المزيود

[ام رشدى]

لحراير كيفاه نبعث رسالة خاصة من فضللكم ساعدوني

[*وردة الشرق*]

الامنيات مساء الانوار والف مرحبا
روضة على اليلامة رقدلك بيبي ولا مازال
ام رشدي شفت سؤال متأخر غدوة بربي ان شاء الله نجاوبك
ام ياسين حبيبة ما نيش ناسيتك وادا كان مكش مزروبة خليني نديرهالك بالصور الاسبوع هدا بادن الله رايحة نبدا نجهز ونحطهالك وادا محتاجتها نكتبهالك فقط اموووواح كبيرة ليك

[x ام رحاب x]

مساء الخير عليكم حبيباتي
زينب مبروك عليك الكوزينة حبيبتي واش راكم راني متوحشاتكم مووووووووووووووووووووووووووووووووووووووووووت حنوناتي والله ليكم وحشة كبيرة
نشكركم حبيباتي على الرسائل وربي يحفضكم كلكم حبيباتي بصح الله غالب ماقدرتش ندخل جيت من دارنا القيت النات ماكاش وقالي زوجي مادزيديش تحلمي بيهل بحاح كل يوم انحلل فيه باه يرضى يرجعلي النات بصح بدون جدوة ربي يهديه ان شاء الله
وانتوما واش راكم راني انضل انخمم فيكم والله ماتتصورو شحال خليتولي فراغ كبير في حياتي

[x ام رحاب x]

روضة حبيبتي زيدتي كلشي مبروك حبيبتي يتربى في عزكم حنونة واش راكبي ريحتي واش راهي ام امنية كاش خبار وعلى ليزا حنونة وام رياض والله فرحت كي وليتي

[oum islem]

بنات ارقدو باه الصباح تبكرو مع زينب روضة اشربي النعناع او فرفانة مليحة ليك سهرة ممتعة للساهرات واحلام سعيدة للنائمات الى الغد ان شاء الله