دورة فراشات تزهو بالألوان بيوتهن قمة في النظافة و التنظيم و التدبير و الاتقان

[ام هاديل وياسين]

صباح الخير على احلى فرشات في احلى بستان

يعطيكم الصحة جيادا شي بيبا عازفة ام صبرين فراشة العمر ربي يشافيك ليلى وكل كل الاخوات دون استثناء

وعلى راسهم حبيبتنا حبيبة الي اعطاتنا طعم وقوة من جديد كي نحب هده الحياة الصعبة راني نمشي على الجدول

وراني نحس انو وقتي بدا يتنضم والاماكن الساخنة تقريبا قضيت عليها الجانب الديني الحمد لله صلاة في وقتها مع الصيام

قراءة الورد مع الحفظ فقط صلاة الضحا مزالني متكاسلا فيها الله يهدينا ويثبتنا على الحق


كاين بعض الاخوات الي قالو منفطنوش لصلاة الفجر نقولهم هده الفكرة انهم يضبطو ساعة البورتابل على وقت الفجر

وميحطوهش قريب ليهم لخاطرش كي يصوني قادرة اي اخت طفيه وتعود للنوم لالا لازم يكون بعيد عليها باش تنوض من فراشها وطفيه

في داك الوقت تتشجع وتروح تتوضى وتصلي كل يوم هكدا حتى توالف وقت صلاة وتصليها حاضر ان شاء الله

[ام هاديل وياسين]

المشاركة الأصلية كتبت بواسطة حبيييبة

حبيبتي أم هديل
لقد قرأت رسالتك
و اودان اعلمك ان ما قالته لكم المحامية (تاع الباطونا)
و هو نفسه ما اشاروا عليا به
انا في امور العقارات لست مختصة 100%
و لست مطلعة يوميا بالتطورات التي تطرأ على القوانين في كل لحظة و حين
لذا ذهبت و سألت
و نصحوني بنفس ما نصحوكم به
و رغم ذلك لست متأكدة من صحة ذلك النصح

ارجوا ان تعيدي سؤال اشخاص آخرين من اصحاب الاختصاص
و استخيري الله
ثم توكلي عليه و افعلي ما ترونه صوابا

والله قلبي راهوا عندكم حبيبتي
و مقلقة عليكم
ربي يفرج همكم ياااا رب
و يفتح عليكم و يوفقكم لكل ما فيه خيره و رضاه
اللهم آآمييييين

و اعلمي ان المؤمن مصاب
و هذه محنة لتتعلمي الاستعانة بالله و تعيشيها بحذافيرها
استعيني بالله حبيبتي و ابشري فانه لن يضيعكم

ربي يخليكي لينا اختي حبيبة والله يفرح قلبك ويفرج عليك بالخير ديما يارب

ولله حتى انا لست متاكدة الامور تعقدت اكثر خايفة لا نتقدم خطوة للامام نسقط في الهاوية وطريق اصبح ضلام

ياهل ترى سيكون هناك نور لااعرف افكار مختلطة تدور في عقلي وحتى انا معنديش غير ربي سبحانه القادر على كل

شيء هوا الي ينصرنا على ضالمين ديما نستعين بيه فوضتو امري ليه ونقول حسبي الله ونعمة الوكيل

الله ينصر الحق

[hamid70]

صباح الخير عليكم جميعا شكرا للاخت حبيبية على مجهوداتها و نصائحها راني ماشية على الروتين و بديت نظف المطبخ في يوم واحد راه متعب لهدا نقسم على اربعة ايام او خمسة لان كبير يوم للادراج نظفهم و نغسل جميع لماعن و يوم للثلاجة و كويزينيار و الشفاط ويوم للحيطان و الباب و النافدة هكدا الزوج مايقلقش وانا ما نتاخرش على الاعمال الاخرى وننصح النساء يوقفوا على خدمتهم اول باول باه ما يتعبوش في التنظيف العميق يعني تكون دارها دايما متاهبة لاي حدث خاصة في رمضان ما نضيعوش وقت الصلاة و قراءة القران في تنظيف الحيطان لازم يكون قبل رمضان حبيت نقدم نصيحة بخصوص ماء جافيل ما راهوش حل سحري للاوساخ بالعكس راه ضار بالصحة انا القرعة تشدلي اكثر من شهر لاني نستعمل للحمام فقط و الملابس البيضاء ونلمع بيه الحوض احيانا الحل السحري هو بيكاربونات الصودا و الخل الابيض البيكاربونات رائع رائع نسرح بيه البالوعات مع الخل نلمع الحوض بعجينة من البيكربونات و عصير الليمون كدلك لداخل الفرن واكتشفوا البيكتيريا الموجودة بالحوض و اسفنجة المواعين بها الالاف من البيكتيريا لا تدهب الا ادابيتي الاسفنجة في البيكاربونات و الماء المواد الكيماوية تضر الجهاز التنفسي واستنشاقها يسبب السكري و خلط الجافيل مع سائل غسل الصحون يضعلابالي بلي طولت بصح نتمنى نكون فدتكم ام ادر الكلي ومن لا تصدق تبحث في قوقل ولازم نرجع للمواد الطبيعية و التي لا تكلف الكثير انا اضع الخل مع سائل للصحون للحفاظ على بريقها و نحمي يدي البيكربونات نستعملوش حتى لتبييض الاسنان للشعر للوجه لرائحة الثلاجة نتمنى نكون خفيفة عليكم اختكم ااااااااام ادم

[~ حراير ~]

السلام عليكم و رحمة الله تعالى و بركاته

عذرا منكم اليوم فقط نقلت لكم

من اسماء الله التي ارتبطت باسمه الرحيم هو اسم الله

الغفور



فاليوم مع اسماء الله الحسنى

الغفور الغفار الغافر

....و لاني راح نغيب على الدار الويكاند عطيتكم 3 اسماء عظيمة من اسماء الله الحسنى .......

معنى كلمة مغفرة، غفران، استغفر الله:

كلمة غفَر تعني غطى، ستَر، صانَ. فغفر الشيء تعني صانه عما يؤذيه، فالعرب يقولون غفر الثوب بحفظه في الغطاء أو الدولاب كي لا يتسخ، ويقولون غِفارة والغِفارة هي ما تستر شعر المرأة من الأمام، كما يقولون العرب أيضاً أصبغ ثوبك كي يُغفَر مما يعيبه أي أصبغ ثوبك لكي تغطي وتستر عيوبه.


معنى الله غفور:

كلمة غفور معناها أنه يسترك في الدنيا والآخرة ويصونك من النار يوم القيامة. وهكذا نجد أن لكلمة غفور ثلاثة معانٍ:

1- الستر في الدنيا.

2- الستر في الآخرة.

3- الصون من النار.

إذن كلمة " الله غفور" تعني أن الله يغفر الذنوب ويستر القبائح في الدنيا، ويستر القبائح في الآخرة، ويصونك عن النار يوم القيامة. لهذا اسم الغفور ذُكر كثيرا في القرآن، ولهذا أيضا كلمة استغفر الله هي من أكثر الكلمات التي يرددها الناس ومن أكثر الذكر على ألسنة المسلمين والتي معناها " استرني يا رب ولا تفضحني " وهي سؤال الله بالصون والستر في الدنيا ويوم القيامة. والستر في الدنيا ليس المقصود به فقط الستر من الذنوب ولكن من كل ما هو قبيح كنقص في مال أو من عيوب صنعها الإنسان ومن كل ما يؤذي الإنسان أو يجرحه، ولأن الإنسان ضعيف فهو مُحتاج لمغفرة وستر الله له.

ولذلك نجد أن الأنبياء كثيرا ما كانوا يذكرون الاستغفار مثل سيدنا نوح عليه السلام(فَقُلْتُ اسْتَغْفِرُوا رَبَّكُم إِنَّه كَانَ غَفَّارًا )سورة نوح الآية 10. أي


اطلبوا من الله الستر واطلبوا منه الصون من النار فهو يحب الستر.( مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآمَنْتُمْ ...... )سورة النساء الآية 147.



وسيدنا إبراهيم عليه السلام يقول (الَّذِي خَلَقَنِي فَهُوَ يَهْدِينِ وَالَّذِي هُوَ يُطْعِمُنِي وَيَسْقِينِ وَإِذَا مَرِضُّتُ فَهُوَ يَشْفِينِ وَالَّذِي يُمِيتُنِي ثُمَّ يُحْيِينِ والَّذِي أَطْمَعُ أَنْ يَغْفِرَ لي خَطِيئَتِي يَوْمَ الدِّينِ)سورة الشعراء من آية 78 إلى 82. فاعتبر أهمية مغفرة الخطيئة في درجة أهمية الأكل والشرب والشفاء من المرض.


هذا سيدنا إبراهيم عليه السلام أبو الأنبياء يقول خطيئتي ويستغفر ربه من الخطيئة، وها هو سيدنا مُحمد سيد الرُسل صلى الله عليه وسلم يستغفر في اليوم مائة مرة، فما بالنا نحن كيف نعيش مع الغفار؟! ولأن الإنسان ضعيف فهو يحتاج للحماية والصون والستر ولا بد لنا أن نعرف الله بدقة هذا الاسم، فالغفار هو الذي يستر عباده ويغطيهم بستره في الدنيا والآخرة ويصونهم من النار فهو يجعل بينهم وبين النار سترا وحجابا.

(.....وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانْصُرْنَا عَلَى القَوْمِ الكَافِرِينَ )ختام سورة البقرة الآية 286.


ألم يسترك الله كثيرا في الدنيا؟ فإنما سترك في الدنيا لتعلم أنه يسترك يوم القيامة أيضاً، فإذا تأملت في حياتك الماضية ستتذكر مواقف كثيرة جدا وقد سترك الله فيها ولم يفضحك وذلك لتستشعر ستر الله لك يوم القيامة إن شاء الله ولتفرح بستر الله لك يوم القيامة.


لمن يغفر الله؟

الله يغفر لمن يشاء.( لا يُسْأَلُ عَمَّا يَفْعَلُ وَهُمْ يُسْأَلُونَ ) الأنبياء الآية 23. ( إِنَّ اللَّهَ لا يَغْفِرُ أَن يُّشْرَكَ بِهِ وَيَغْفِرُ مَا دُونَ ذَلِكَ لِمَن يَّشَاءُ .....)النساء الآية 48. لذلك دعاء الاستغفار هام جداً في حياتك لأنك تحتاج دائماً للمغفرة، أما الله فيغفر لمن يشاء، وماذا لو أنك كلما استغفرت جعلت كل كلمة استغفار لذنب تعلمه فيغفر الله لك.. صحيح أنه سبحانه وتعالى يغفر لمن يشاء، لكنه لم يطلب منك أن تستغفر إلا ليغفر لك فأطمئن وواظب على الاستغفار واستشعر ذلك.


الفرق بين غفور، غفار، غافر وعدد مرات ذكرها في القرآن:

الغفور ذُكر في القرآن 91 مرة، واسم الله الغفّار ذُكر 5 مرات، واسم الله غافر


ذُكر مرة واحدة. فجاء اسم الله الغفور بكثرة في القرآن مثل( قَالَ رَبِّ إِنِّي ظَلَمْتُ نَفْسِي فَاغْفِرْ لِي فَغَفَرَ لَهُ إِنَّهُ هُوَ الغَفُورُ الرَّحِيمُ ) القصص الآية 16

أما اسم الله غفّار( فَقُلْتُ اسْتَغْفِرُوا رَبَّكُم إِنَّه كَانَ غَفَّارًا )نوح الآية 10( وَإِنِّي لَغَفَّارٌ لِّمَنْ تَابَ وآمَنَ وعَمِلَ صَالِحًا ثُمَّ اهْتَدَى)طه الآية 82

واسم الله غافر جاء في ( غَافِرِ الذَّنبِ وَقَابِلِ التَّوبِ ......)غافر الآية 3

ما قاله العلماء في معاني الأسماء الثلاثة هو أن "غافر" يغفر ذنباً واحداً، "غفور" يغفر ذنوباً كثيرة ولو كانت آلاف الذنوب، وأما "غفّار" للذنوب شديدة السوء والتي لا تُحتمل.


مغفرة الله لا حدود لها:

قيل أن الناس على ثلاثة أنواع في معاصيهم: ظالم، وظلوم، ومُسرف في الظلم. ( ..... فَمِنْهُمْ ظَالِمٌ لِنَفْسِهِ....)فاطر الآية32 ( ......إِنَّهُ كَانَ ظَلُومًا .....)الأحزاب الآية 72 ( قُلْ يَا عِبَاديَ الَّذِينَ أَسْرَفُوا عَلَى أَنْفٌسِهِم .....)الزمر الآية 53. وبهذا فلكل نوع من هؤلاء اسم من أسماء الله الحسنى ليُطمئنهم به، فإن كنت ظالم فاعلم أنه غافر، وإن كنت ظلوم فاعلم أنه غفور، وإن كنت مسرف في الظلم فاعلم أنه غفّار. ونعلم من هذا بأن مغفرة الله وستره لا حدود لهما.


الدليل على أن مغفرة الله لا حدود لها.. حديث رسول الله (ص)(أتاني جبريل فقال بشر أمتك أن الله يغفر الذنوب جميعا، فقلت: وإن سرق وإن زنا؟! قال: وإن سرق وإن زنا، فقلت: وإن سرق وإن زنا؟! قال: وإن سرق وإن زنا، فقلت وإن سرق وإن زنا؟! قال: وإن سرق وإن زنا وشرب الخمر. بشر أمتك أن من لقي الله لا يشرك به شيئا فإن الله يغفر الذنوب جميعا)


، والحديث القدسي( يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك، يا ابن آدم إنك لو لقيتني بقُراب الأرض خطايا ثم لقيتني لا تشرك بي شيئا لقيتك بقُرابها مغفرة ).

وحديث رسول الله (ص) (أن عبداً أصاب ذنباً فقال: يا رب أذنبت ذنبا فاغفر لي، فقال الله: علم عبدي أن له رباً يغفر الذنب ويأخذ بالذنب.. قد غفرت
لعبدي، ثم عاد وأذنب ذنبا فقال: يا رب أذنبت ذنبا فاغفره لي، فقال الله: لقد علم عبدي أن له ربا يغفر الذنب ويأخذ بالذنب.. قد غفرت لعبدي، فليفعل عبدي ما يشاء ما دام يستغفرني ويعود إلي).


..........
و درك من عندي كيفاش نعبدو ربي عز و جل باسم الله الغفور
اولا طبعا بالاكثار بالاستغفار و بالاكثار من الاعمال الحسنة
و ثان بستر الناس

صح الستر يكون بانك تستري عيوبهم و اخطائهم
و ايضا الستر بانك تستريهم من الجوع من العرى تستريهم من انهم يحتاجو بالمعنى

نعطيك مثال ديما نخمم نهار الدخول المدرسي تلقاي الجمعيات يلمو و يعاونو المعوزين بالمحافظ و الكتب ووووو

و من بعد

انا بناتي كل عطلة نشريلهم كل امتحان نشرليهم
و هادوك الي ماعندهمش شكون يتفكرهم ؟؟؟
على هك اشرو بالي تقدرو عليه
علبة اقلام علبة سيالات الوان نوعية "فارتكس" مليحة و مش غالية بزاف كيما ماباد

و ادوها للمعلمة قال الي يحتاج مديلو و كل قدير و قدره يعني كل واحد بواش يقدر

او حتى علبة حلويات تعطيلهم المعلمة كجزاء و كعربون محبة و تكوني ديجا نويتها اصلاح ذات البين او نويتيها تآلف و حب بين مسلمين
و لكم الخط في اختراع انواع ستر اخوك المسلم

[~ حراير ~]

مخـتـصـــــــــــــــــــــــــــــــــرات

[~ حراير ~]

السلام عليكم و رحمة الله

صباح الخير عليكم حبيباتي

صباح الخير ملكة النحل و ملكة الفراشات حبيبة

اليوم تسلفت ميكرو جارتي باش ندخل في عقلي يكثر خيرها
حبيت نشكر كل الاخوات على تطبيقاتهم المليئة بالنصائح و البتحفيزات

و نشكرك حبيبة على الفيلم ان شاء الله منين نعدل الميكرو تاعي نتليشارجيه و نتفرجو من مدددددددددددددة ماتفرجتش فيلم هندي نحسبهم كلهم تافهين
من فيلم هاداك الي لعب من سيربح المليون و ربح فيها ماتفرجتش و انت راح ترجعيني ليهم

اليوم بديت في منطقة سخونة هي الدِبارة اكيد ماكملتهاش توقعلها اربع تبريدات و الله اعلم

راح نحوس على المنتجات الي حطتهم جيادا او قولولي وش من مشاركة نضرب طلة عليهم


.................................................

صديقاتي تاع الغرفة اشتقتلكم بزاف وصلوني رسايلكم حبيباتي و ان شاء الله منين نسترجع الميكرو راح نردلكم اليوم ماقدرتش ندخل للغرفة
الي تقرا كلامي توصل سلامي و قبلاتي للجميع

سلام

[titi119]

صباح الخير عليكم وسلام لكل الفراشات

قالوا أن من لا يري في يومه ما يستحق التبسم فليغلق عينيه عشره دقائق، ليعلم أن رؤيه النور وحدها تستحق الابتسامه .. صباحكم حمد النعم



هذ اليامات مدخلتش بصح راني ماشية مع الطبيقات والدار راهي دايمن مفروز
صلاة الفجر الحمد الله هذ الاسبوع كامل صليتها فوقتها

[نافلة]

واخيررررررررررررا كملت ا لارشيف
هههههههههههههه

[titi119]

المشاركة الأصلية كتبت بواسطة ~ حراير ~

السلام عليكم و رحمة الله

صباح الخير عليكم حبيباتي

صباح الخير ملكة النحل و ملكة الفراشات حبيبة

اليوم تسلفت ميكرو جارتي باش ندخل في عقلي يكثر خيرها
حبيت نشكر كل الاخوات على تطبيقاتهم المليئة بالنصائح و البتحفيزات

و نشكرك حبيبة على الفيلم ان شاء الله منين نعدل الميكرو تاعي نتليشارجيه و نتفرجو من مدددددددددددددة ماتفرجتش فيلم هندي نحسبهم كلهم تافهين
من فيلم هاداك الي لعب من سيربح المليون و ربح فيها ماتفرجتش و انت راح ترجعيني ليهم

اليوم بديت في منطقة سخونة هي الدِبارة اكيد ماكملتهاش توقعلها اربع تبريدات و الله اعلم

راح نحوس على المنتجات الي حطتهم جيادا او قولولي وش من مشاركة نضرب طلة عليهم


.................................................

صديقاتي تاع الغرفة اشتقتلكم بزاف وصلوني رسايلكم حبيباتي و ان شاء الله منين نسترجع الميكرو راح نردلكم اليوم ماقدرتش ندخل للغرفة
الي تقرا كلامي توصل سلامي و قبلاتي للجميع

سلام

وعليكم السلام
هذ روابط وصفات الاخت جيادا
https://www.djelfa.info/vb/showthread...764625&page=61
https://www.djelfa.info/vb/showthread...764625&page=62

[حبيييبة]

فراشتي المحلقة في عالم الابداع و الاحتراف بيبوشتي
واش راكي يا غاليتي
بارك الله فيك على كل معلومة راكي فدتينا بيها حبيبتي
وربي يجعلها في ميزان حسناتك يااا رب
و يباركلنا فيك يا فراشتنا الحبيبة
حبيبتي انتظر مشاركتك ببنامج الاجازة
حتى نتفق معا على برنامج ملائم لكل الفراشات
فيه المتعة و العمل و الراحة و الاستجمام


فراشتي المجتهدة اميييييينة
واش راكي حبيبة قلبي ان شاء الله بخير
واش راهم كتاكيتك
ماعليش يا قلبي
انتي فقط كلما ترجعي للدار مالخدمة
احكمي وريقة صغيرة
و اكتبي عليها عملين او ثلاثة
و اخدميهم
ما اتكتريش على روحك
و كل زوج ثلاثة
حتى راكي خدمتي قااع اعمالك المعلقة
و بلاما تحسي بالتعب او ضيق الوقت
ربي يعينك يا قلبي و يحمل عنك
و يفرح قبلك يااا رب



اهلا اهلا بالغالية فراشتي النجييبة ام ريتاج
انا والله فخورة بك غاليتي
ربي يحميك و يخليك لينا ياا رب
و حنا رانا كاامل معاك
كتفنا لكتفك
و يدينا في يدك
توكلي على الله و الى الاماااااام سر



غاليتي العزيزة فراشتي نجاة
ربي يخليلك هادوك العصفورين و يحميهملك ياا رب
بوسييهملي بوووسة كبييييرة
و قوليلهم هادي من عند طاطاهم حبييبة


حبيبة قلبي فراشتي الرقيقة أم هديل
شكرا لك على الدعاء
اللهم آآميييييين
ربي يخليك لينا ياا رب



حبيبتي فراشتي اللطيفة ارزاق
ربي يوفقك حبيبتي لكل ما تسعين الى تغييره الى الاحسن ياا رب
و يفرحك و يسر خاطرك ياا رب



حبيبة قلبي فراشتي المتميزة جيادا
واش راكي حبيبتي ان شاء الله بخييير
قبلاتي لك حبيبتي
بارك الله فيك على مشاركتنا بتجربتك في طريقة تسلية ابنك التعليمية
ربي يخليك لينا ياا رب
والله حاجة تعجبني فيك انك تعطينا معلومات خااالصة من تجربتك و خبراتك
ربي يحميك و يفرحك بوليدك و يسترك مالعين ياا رب



الغاالية على قلوبنا كلنا فراشتنا حرة الحرااير
ماشاء الله لا قوة الا بالله
ههههههه الله عليك يا حبيبتي ديما هاكا
دمك خفيف و تدخلي للقلب في لمح البصر
ربي يحميك حبيبتي راكي نحلة ماشاء الله عليك
مواصلتك للتطبيقات راائعة
يا حبيبتي
الروتينات صممناها لننظم انفسنا و ننظم حياتنا
للاشخاص اللي حاسين حياتهم غير منظمة
و محتاجين المساعدة في هذا الامر
اما اذا كنت انت تعرفي نفسك قادرة على الالمام بكل امور بيتك
بدون برامج او روتينات فلك ذلك يا قلبي
نحكيلك شيء
انا مثلا لوكان نكون مقررة نعمل حاجة تاع تنظيف مثلا و ما نكتبهاش
ممكن جدا بنسبة 80% ننساها تماما
و ما نديرهاش هذاك اليوم
و نبقا فالليل نأنب في نفسي
لانها تراكمت عليا ليوم الغد
و يوم الغد راه عندوا مافيه من اعمال
راكي فاهمتني
هو الامر منوط بكل ربة بيت
هي وواش تشوف روحها وواش تحتاج
لذلك لو لاحظتوا لم افرض عليكم اي برنامج
او روتين معين
بل دللتكم على الوسيلة و الطريقة
و اعطيتكم نماذج و بقات عليكم انتم
تحددوا الاحسن ليكم تاخذوه
و اللي ما يخرجكمش ما تاخذوهش
لان المرأة في حياتها و بيتها هي الاعلم بما هو الاصلح لها
و انا اشجعك بشدة حبيبتي
على مواصلة حياتك و يومياتك بالطريقة اللي نتي تشوفيها اصلح لك و تخرجك حبيبتي
لانه من يعمل بالطريقة التي يحب تكون نتائجه احسن من الذي يعمل بطريقة مكرهة
واصلي حبيبتي
و ان شاء الله التغيير راهوا في طريقه اليك يا قلبي
ابشري

بالنسبة لبتول انا والله قلقة عليها جدا
لانها لم تدخل و لم تطل حتى
ان شاء الله تكون بخير و على خير
و يكون مانعها خير ياا رب العالمين




حبيبتي فراشة الخير ام الخير
ماشاء الله عليك
ربي يثبتك حبيبتي
و يزينك بالرزانة و الهدوء
شفتي حبيبتي اطفالنا شحال ينتبهوا لادق التفاصيل
و يتأثروا بحالاتنا النفسية
ماشاء الله لاقوة الا بالله
راائع واصلي حبيبتي تحقيق اهدافك الاسبوعية
حتى تنتهي هته السنة و قد حققت اهدافا ل 40 اسبوعا او اكثر باذن الله
ربي يدومها عليك نعمة ياارب
و من احسن لاحسن اكثر و اكثر ياا رب
ولا رجوع للوراء



غاليتي دائمة الشكر اهلا و الف مرحبا بيك يا فراشتي النجيبة
متشرفة بمعرفتك غاليتي
هذا الامر يسعدني حقا و يشرفني ربي يخليك ليا ياا رب
ماشاء الله عليك راكي كي النحلة
واصلي حبيبتي التطبيقات معانا
و ان شاء الله راح كلشي يتنظم في عقلك ثم في بيتك و حياتك
ابشري


ياا غاليتي فراشتي العذبة الاحساس ام فاطمة
ربي يخليلك فاطمة و اخوتها ياا رب و يفرحك بيهم و تشوفيهم ناجحين و في المراتب العليا
دنيا و آآآخرة انت و كل فراشاتنا الامهات ياا رب
واللي مازال ربي ما رزقهاش
ندعي ربي يرزقها من ابوابه الواسعة
بالذرية الصالحة البارة المرضية لربها ياا رب آآمييييييييين
حبيبتي
اتهلاي في روحك يا قلبي راكي في يوم خدمتي خدمة يومين
الايام ماراحش طير
ولا حتى الاعمال
لكن صحتنا هي اللي رايح اطير لوكان ما نتهلوش فيها و نستحفظوا عليها
حبيبتي اخدمي و قيسي
و عينك هي ميزانك
والحاجة اللي تعرفي نفسك راه اتعبك اكثر و اطيحك فالفراش كي الدودة فالليل اجليها ليوم آآخر
هدفنا اننا نعمل و نتمتع لاننا بشر و هذا حق بسيييط جدا من حقونا اللي لازم حنا نوفروه لنفوسنا
و ليس اننا نعمل و تتكسر ضلوعنا
ربي يزينك بالصحة و القوة و يعينك و يوفقك ياا رب



ههههههههههه حبيبتي فراشتي الرقيقة ام بشرى
والله فكرتك رااائعة عمرها ما طاحت في بالي
انت فعلا ذكية ههههههههههه
يا حبيبتي لا تقلقي رايح يجي النهار وين ما تحبسيش من العطاء
فقط اعطي لنفسك فرصة انك تكتاشفي الموضوع اللي يحاكي روحك و يلهمك و يثير مشاعرك
لتهتمي به و تبحثي فيه و تمتالكي اكبر رصيد من المعلومات فيه
وتستفادي منه و تصيري تفيدي و تقدمي عطائك لكل من يحتاجه
ابشري حبيبتي فان عطائك في طريقه اليك



الله الله على فراشتنا المدللة اوراسية
بصحتك يا لحبيبة
وقااع هاد الشي و تقوليلنا ما درت والوا
راكي نحلة يا مدللتي
ربي يحميك ان شاء الله و يزينك بجمال روحك و قلبك ياا رب



الله عليك يا فراشتي المجتهدة ام هنود
ماشاء الله لا قوة الا بالله
راائعة حبيبتي وصلي راكي فالطريق الصحيح
تطبيقاتك راائعة و باين عليك متولة و خفيفة في شغلك
ربي يحميك و يفرح قلبك ياا رب




حبيبتي فراشتي الرقيقة ام صبرين
بارك الله فيك حبيبتي
شكرا لك على مشاركتك القيمة
ربي يجعلها في ميزان حسناتك ياا رب
ربي يخليك لينا حبيبتي



اهلا اهلا بالغالية فراشتي النجيبة ام سلمى
ماشاء الله عليك حبيبتي
ربي يباركلك في صحتك ووقتك و اعمالك ياا رب
وربي يرضا عليك كيما راكي مرضية زوجك بحسن معاشرة والجده و الاعتناء به
ربي يجعلها في ميزان حسناتك ياا رب
و يحبب فيك خلقه كميا راكي تنشري الحب و الحنان في بيتك حبيبتي
ربي يحميك و يوفقك ياا رب
تنظيمك و ترتيبك اليومي رااائع
ربي يدوم هاذ النعمة عليك يا نحلتي



اهلا بالحبيبة شوشو
اهلا بيك حبيبتي في بستان الفراشات
ادخلي برجلك اليمنى و قولي بسم الله
ماراه فايتك والوا غير شويا تطبيقات
من الممكن تطبيقها بكل بساااطة
شوفي في اول صفحة للدورة راهو كايم كل روابط التطبيقات و المشاركات القيمة
اللي ممكن تحتاجوها و اتابعوا بيها الدورة باذن الله
و ان شاء الله اليوم نحط روتين الاجازة
و نتناقشوا عليه باذن الله
ابشري حبيبتي

لا يمكن نضحوا عليك يا قلبي
رانا كامل هكا كيف كيف فالنهار الاول
https://www.djelfa.info/vb/showthread...764625&page=15
هاهو رابط هذا التطبيق
و اي استفسار او اشكال رانا كلنا في خدمتك حبيبتي




ياااااااااااا فراشتي الفخورة نايليييييية
وينك يا لحبيبة هاد التغبيييرة
رانا توحشناك حبيبتي




يا حبيبتي فراشات العمر
ربي يحميلك ابنك و الضرب راهوا ممنوع
الا يعلم ذلك المعلم هذا
لا حول ولا قوة الا بالله
الضرب ممنوووووووووووع
يوجد حلول اكثر و انفع و اجدى من اللجوء اى الضرب
الضرب هو الوسيلة الاحقر التي يتبعها اي استاذ او معلم
و انا ضدها بشدة مهما ساءت اخلاق التلميذ او اقل أدبه
او ساءت نتائج دراسته
ليس من حقه ضربه
ربي يهدينا لكل مافيه خيره و رضاه
و يحميلك ابنك و يحفظهلك راه نجمة تمشي على الارض
احسني رعايتها يا قلبي
ربي يفرحك بيه و تشوفيه من الناجحين
في الدنيا و الآخرة يااا رب آمييين




اهلا اهلا بياسمينة الفراشات
ههههههه نقولك حاجة
رايحة نريسكي و ناكل قاع واش راكي تلبزي تما في ديك الكوزينة
ربي يعينك يا قلبي و يوفقك و يحميك و يفرحك عن قريب ان شاء الله
المنافسة لازالت في اوجها
غير شمري على يدينك
في التلبيز و الميناج قااع بزوج



حبيبتي فراشتي الحنونة ام ريتاج
لاباس علي يا حبيبتي
طهورا ان شاء الله
ماراح لا نعاتبك ولا شيء
كنت نضحك البارح برك
انا تهميني انت قبل ما يهمني لا ميناج ولا برنامج ولا روتين ولا اي شي
المهم انت تكوني بخير
و مبعد عاااااااااادة يجوا الحوايج اللي بقاوا
ماراحش يطيروا
اتهلاي في روحك و غير بالشويا عليك
ما اثقليش على روحك
ربي يحفظك و يحميك و يزينك بالصحة و العافية ياا رب

[نافلة]

شكرا ليك حبيبة اللبيبة على كل لي راكي تقدميه ربي يجازيك كل خير
و الله غيرتيني كي راكي تلمي في دعاوي الخير
قالك غير و ما تحسدش
هههههههههههههه
شريرة انا
ربي ينورلك طريقك دنيا و اخرة و يكتبك من اصحاب الفردوس الاعلى امين يا ربي العالمين
حبيبة نحسك مولات دعوة الخير يعني كتلة من الخير تتمشى على وجه الارض
الله اكبر
عندي شعور داخلي مفعم بالمحبة و المشاعر الصادقة هذا ما قدرت نخرج و لي بقا خليهولي نستمد منو قوتي
احبك في الله
هاذي هديتي لكي حبيتي

[نافلة]

نرجع لتطبيقاتي الحمد لله وين كنت وين وليت انتظيي مني الصور
نرجع لصديقاتي و حبيباتي الفراشات
حبيبتي حراير كيراكي و كي درتي شويا ان شاء الله تكوني احسن و شكر كثير على ما تقدمينه حبيبتي الله يجعلو في ميزان الحسنات
جيادا و بيبا الله يبارك شبهتكم بفراشتين توام الله يدوم عطاؤكما و يخليكم و يحفظكم لينا واصلا اكيد
و الفراشات الباقيات كل وحدة باسمها نقولها بوسة على الجبين و مادام راكم مع حبيبة اللبيبة راكم بين الايدي الامينة تبعو و طبقو و انتم مغمضيييين عينيكم على ضمانتي و الضامن الله
و الان كل وحدة تبحث عن نفسها في هذه الصورة و تقولنا اي فراشة هي:

[نافلة]

حبيت نقولكم اني اول حاجة ركزت عليها مع حبيبة هي نفسي و قويت ثقتي بنفسي على الرغم من انني قوية و الحمد لله "حوحو يشكر روحو "
هاذي النقطة الاساسية للبناء
و من ثم راني مريت من الداخلي للخارجي اللي هو الهمندام و المكياج و الشعر و العناية بالبشرة و و و و و و و و و ..............
بالنسبة لخدمة الدار كيما قالت حراير ما قدرتش نتقيد ببرنامج كلما نحاول مانقدرش لاني والفت الحرية فالتطبيق و على الرغم من هذا راني نجاهد باش نثبت برنامج خاص بالتنظيفات و قائمة الطبخ
نروح نحط الغدا و نرجع ان شاء الله
سلام

[ام الخير 05]

مساء الخيرات على احلى فراسات الغلية والعزيزة حبيبة راح نختصر لاني كتبت ريدة وراحت الانترنات عليا راح نختصر قبل ما تروح ابني عمره5 سنوات هو ابني الثاني يخاف من الظلام احينا يتحسس او يحس ان هناك اصوات غريبة يسال عن الفضائيين يسال عن الموت ويخاف منها يقول لي لااريد ان اموت اريد ان ارى الله تعاللى لكن لا اريد ان اموت على الرغم اني بسطت له الامر على ان المةت مجرد سفر الا انه مبهم بالنسبة اليه يخاف كثي ان يخسرني البارح حلم اني ميت وقام من النوم مفزوع لما لقاني بجنبو فرح اني ما زلت عايشة راني نرقد معاهم هذه الايام بسبب الهزات الارضية على الرغم اني اكثر خوف منهم هو يحب الديناصورات ولما سالت عن سبب حبو ليها قالي مانحبش العنف اللي فيها لكن تعجبني قوتها ودفاعها على نفسها لما نخرجونخليه وحدو لبضع دقلئق يقلي انت ماما ولا الثعلب يحب قصة الذئب والخراف السبعة ليلى والذئب لا يمل منها كل مرة يحب حاجة يحكم فيها حتى نمل منها انا المهم اختي حبيبة هدا واش تمكنت نكتب اذا كان في العمر بقية راح نزيد نستفيدمنك ومن كل الفراشات سلامي لكن وشكرا مسبقا

[دائمة الشكر]

مساء الخير اخواتي يومكن سعيد فرشات حلوات اليوم نضت الزوج راح للمسجد أنا صليت فالبيت مشطت شعري وطيبت القهوة نوضت البنات الكبار صلاو معايا شربوا القهوة واحدة بنتي راحت للمدرسة والاخرى غسلت الماعن تاع القهوة أنا مسحت مسح خفيف ونقيت السردين للفطور وممبعد عملت رياضة ودوشت حطيتلهم يفطروا وانا نسبح ونحمد فالله الاماكن الساخنة مابقاليش بزاف غير درج الأدوات تاع زوجي والخزانة بربي ان شاء الله نكملهم الحوض كل يوم يتنقى وينغسل مليح كل يوم باهي ههههه ،اخت حبيبة عندي زوج بنات كبار وحدة 15 سنة وحدة 12 سنة الاولى الحمد لله مرتاحة بزاف في تعاملها تحكيلي كلش على روحها وقرايتها وعلى التلاميذ اللي يقراو معاها بصح الثانية نحسها منطوية بزاف وماتتكلمش غيرا سقسيتها كيفاه كانت قرايتها ولا تعاملها مع التلاميذ يعني كتومة فوق اللازم وجابدة روحها حبيت نعرف كاش نصائح نقدر نستعملهم معاها تولي تخالط ومتجبدش روحها على الناس. للعلم نعاملهم كيف كيف في زوج يعني مانفرقش بيناتهم فالمعاملة ولكي جزيل الشكر