صباح الخيييير حبيباتي الغالياااات و نهاركم طيب 
دخلنا فالعشر الأواخر من رمضان المبارك اغتنمن أوقات كن في الذكر و الاستغفار و قراءة القران فإنها ايام لا تعوض
اسمحولي خليت كم مقلقين عليا ربي يخليكم و شكرا لكل لي سالت عليا ،، ماكاين غير الخير ،، برك كنت خرجت من بعد الفطور و رحت عند اختي قتلتنا السخانة انا و ولادي الفوق عند شيخي ما يتحملهاغير طويل العمر و ما جيتيش بكري ،،،،، و الحمد لله على كل حال
البارح كان هذا فطورنا و درت عصير الليمون و البرتقال ما صورتهش
و الحمد لله على نعمه حمدا كثيرا طيبا مباركا فيه
اقتباس:
المشاركة الأصلية كتبت بواسطة أم ملك
الله يبارك عليكم والله يعينا على صنع القاطو
أنا ضربني الريح اليوم و الله غير كرهت زوجي ناض الصباح لقاني نصنع في القاطو قالي ماكلاه راكي مريضة
نشريلك و صاي قوتلو لا أنا جامي شريت القاطو
بغيت نسقسيكم كيفاه نخدمو حشو بالكاوكاو تاع لي تارتولات
و أم ماجد من فضلك حطينا وصفة لاكريم لي خدمتو بنتك
و أخت ليزا حنونتي بغيت نسقسيك التشاراك بالعجينة السحرية تاع أم أماني نقدر ندير الزبدة في بلاصة السمن ولالا
و زيد شاهي الزبدة الي تخدمي بيها أنا نستعمل ona تاع الترك
|
الحشو تاع لي تارتولات ديري زوج حبات بيض و نص كاس سكر و لافاني و 125 غ مارغرين ذائبة و باردة و كاوكاو محمص و مرحي حوالي 250 غ و طبعا نصف كيس خميرة الحلويات
و التشاراك انا نديره بالمارغرين في بلاصة السمن رووووعة ،، نخدم ب صول
و بالشفا عليك حنونة
اقتباس:
المشاركة الأصلية كتبت بواسطة حبي لأمي
شكرا ليك اختي ليزا ربي يعطيك ما تتمناي
|
بلا جميل حبيبتي ربي يخليك
اقتباس:
المشاركة الأصلية كتبت بواسطة أم محمد ريان
ربي يخليك يا اختي راني معولة نجرب الصابلي نتاعك يا ربي يخرجلي ويلا ما جا من مستغانم يتكلم عندك
هادي الاخت وماما بغاو نتاع الفرينة قصدي امعمول انتي وفيتي ربي يحفظك
[color="rgb(255, 0, 255)"]حوجي شاولا هادا قنين وتبرادي اليوم نخوف بيه ريان باش يرقد
ياو قاه ما نبغيهش والله
ختي انتي مرة قلتي عندي وصفة معمول الفرينة اربي مديهلي
قولولي يا الشيرات صايي عولت ندير تشاراك زوجي غي اليوم جا يقضيلي
بصح عجوزي ما تبغيش السمن نقدر ندير زبدة عادية ردو عليا اليوم نبدا ندير وشكرا راني نتعلم منكم[/color]
|
ههههه ماكانش مشكل لاكان ما عجبكم ارسليهلي ههههه ،، و التشاراك ديريه بالمارغرين
اقتباس:
المشاركة الأصلية كتبت بواسطة أم ملك
مساء الخير عليكم كامل وصح فطوركم مسبقا
الله يبارك أم ساجد بناتك راهم مكفيين و موفيين أدعيلهم في هدو اﻷيام المباركة
بغين نسقسيك على لاكريم كيفاه درتوه من فضلك حبيبتي
ليزا بصحتكم الفطور الحمد لله لي ما تخيطش منذر أشريلو برك بوماد تاع سيكاتريز
فطورنا بإذن الله حريرة بوراك مثوم و فواكه
اليوم راني درت الصابلي بقالي غير الزواق
اللهم صل و سلم و زد و بارك على حبيبنا محمد عليه أفضل صلاة و أزكى تسليم
|
شكرا حبيبتي ربي يخليك فكرتيني بلابوماد راهي عندي ماديكاسول
و بصحتك الصابلي
مممممم من دروك راه يشهي يعطيك الصحة
اقتباس:
المشاركة الأصلية كتبت بواسطة awladi
يعطيكم الصحة كامل واش راكم تحطو وتساعدو بارك الله فيكم
ام تاجو المقروض روعة تاع العيد يبقى جديد حتى للعيد غدوة فطوري عندك ناكل الارنوبة
ام ساجد ربي يعاونك في القاطو وبصحتكم مسبقا
ام ماجد يعطيها الصحة صلاة
ليزابل الحمد لله على سلامة منذر
الي نسيتها تسمحلي راكم كامل في القلب وربي الي عالم الله غال ظروف اقوى مني راني نكتب والعياط توحششششششششششششششششششششتكم
صحة فطوركم كامل
ليزابل رانى كيف كيف انا وليدي ثاني سلك من الخياطة راه بالبوماد تاع سكتريس كسر كاس تاع الزجاج وطاح عليه قلبي خرج كي شفت الدم ويدو مسكين راهي محلولة
عطورا سلامة وليدك حنونة الحمد لله سلامات
راني نشوف ولادنا كامل خلعونا
|
الحمد لله ربي ستر صح اولادنا راهم غير مع الخلعات يخلعو فينا ،، الحمد لله على سلامة ولدك نتيا تاني ،، ربي يسترهم و يبعد عليهم كل شر اااامييييين
اقتباس:
المشاركة الأصلية كتبت بواسطة شاوية حرة 05
سلام لبنات انشالله تكونو لباس حبيبتي ليزابيل انشالله منذر يكون بخير ربي يعافيه حنونتي كي تعودي تخدمي تولهي معاهم ياخي تعرفي لولاد وطبايعهم ربي يحفضهملك وتشوفيهم في اعلى المراتب ياااااااااااارب ويكونو من الذرية الصالحة
|
اللهم امين ،، ربي يخليك يا الحبيبة ربي يفرحك و يشفيك و يعافيك و يحفظك
اقتباس:
المشاركة الأصلية كتبت بواسطة أم محمد ريان
ربي يخليكم يا شيرات عمري ماننسا خيركم المعمول نديرو ونشوف ربي يحفظك يا ام تاج
المازة شا تديري في قاطو السيار وباش تعمليه حوست على الطابع دياله مالقيتش
لبنات صح كاين قاطو يجي بالبوبينة نتاع الخيط شايديرو فيه
هبلتكم
|
كااااين القاتو تاع البوبينة راهي اعطاتلك المازة الرابط ربي يجازيها
اقتباس:
المشاركة الأصلية كتبت بواسطة شاوية حرة 05
صحا فطوركم لبنات حبيبتي ليزابيل نسقسيك على الصابلي تاع ريهام باالزيت من فوق مدايرتو باالنقاش
|
ويييي دايراته بالنقاش راني معولة عليه انا تاني لاربي كتب
اقتباس:
المشاركة الأصلية كتبت بواسطة أم ملك
صح فطوركم كامل
شكرا حبيبتي أولادي عل ردك و ربي يخليلك أولادك
شكرا المازة عل ردك على سؤالي وصح فطورك
صح فطورك أم ماجد أنا في اﻹنتظار
صح فطورك ليزا و كامل البنات
التشارك موالفة نخدمو و لكن بالوصفة القديمة تاع 3 عبار فرينة بواحد زبدة
أنا لي راني نسقسي عليها هي الوصفة الجديدة تاع العجينة السحرية هي دايرة فيها
واحد سمن و واحد حليب و واحد زيت أنا سقسيت إدا درت الزبدة في بلاصة السمن
تخرج مليحة ولالا
حبيبتي لطيييييييفة من فضلك حنونة حطينا وصفة هدوك لي تارتولات بالكاوكاو
|
ديري ديري المارغرين و ما تخافيش مضمووووونة
اقتباس:
المشاركة الأصلية كتبت بواسطة أم ياسين الزهراء
اهلا حبيباتي واش راكم توحشتكم اللي سقسى علي يسقسي عليه الخير واللي ماسقساتت الله يحفظها راني في حرب مع المنتدى مايحبش يتحل ادا زدت غبت اعرفو بلي حاوزني هههههههههههههههه توحشتكم توحشتكم ياحلوين
|
مرحبا مرحبا بالحبيبة الغاااالية توحشنااااك و توحشنا طلتك انشالله يتصلح المشكل و ما تغيبيش علينا
اقتباس:
المشاركة الأصلية كتبت بواسطة om kamilia
حبيت نسالكم على باقلاوةم انس لي مجرباتها تقولي لانو حابة نديرها واول مرة ندير بعينة فيلو الله يجازيكم
|
بزاف أخوات داروها و عجبتهم و ام انس الغالية وصفاتها مضموووونة
اقتباس:
المشاركة الأصلية كتبت بواسطة oum ibrahim
مساء الخيرات على الحلوات وشراكم ان شاء الله لاباس مع رمضان و تحضيرات العيد
المنتدى حاوزني اليوم 10 ايام ماحبش يفتح
راني دخلت شهري و بديت في حلويات العيدو النفاس و تاني عجوزتي راحت للعمرة ربي يحفظها تولي بعد العيد
خدمت مقروض سيد مائدة العيد و التشاراك زينت النصف بقالي النصف و خدمت تاني السيقار بقالي التزيين كي نخلص هاذو نزيد الصابلي و البقلاوة و قاتو محشي بالنيسلي و غريبية
ام ياسين ليك وحشة رانا كامل غايبين و محاوزين ماجبناش مبرر الغياب ههههه
دائمة الحمد امممممم على الزرير ابعثيلي حصتي ماكنتش حاضرة ان شاء الله كي اليوم نحطلكم الطمينة نتاعي محتاجة دعواتكم حبيباتي الي تحبني و الي ماتحبنيش ههههه تدعيلي اماااااااانة ربي يسهللي و كل الحوامل و يرزق كل المنتظرات ياااااااااااااارب خاصة في هذه الايام المباركة
عندي بعض الصور لكن للاسف كي نجي نحطهم يحاوزني المنتدى ربي يهديه
سلام و صح صحوركم و صيامكم و اذا مادخلتش صح عيدكم من اليوم كاااااااااااامل وحدة وحدة احبكن في الله و ربي الي عالم
|
اهلااااا و مرحباااا بالعسل انشالله راكي لاباس ،، يعطيك الصحة و ربي يعاونك و يسهلك الولادة و يجيبلك سويعة ساااااهلة ياااااارب امييييين و تحطي لنا الطمينة مممممم ههههههه مواااااااح يا احلى من العسل
اقتباس:
المشاركة الأصلية كتبت بواسطة أم إناس
صح سحوركم اخواتي والله يتقبل منا ومنكم اجمعين
البارح درت قلب اللوز وجاء بنييييييين بصح. نقص شربات يعني مش معسل نبدل تضيفلو الشربات ضرك اي في الصباح بيا ريح نديه عند خالتي هو كي تأكليه مليح هكذا بصح جاني شوي ناقص تعسال. لي تعرف تجوبني ان شاء الله نلقاء جواب في الصباح وماتفتونيش او ماتعبرونيش
السلام عليكم
الله لا اله الا هو عليه توكلت وهو رب العرش العظيم
|
يا عمرييييي بصحتها خالتك و قلب اللوز عاودي اسقيه ما عليه والو و خليه يتشرب بصح ما تكثريش ،، انا مرة درتها و جا معسل كيما يلزم
و السيرو ماعليش ديريه بارد
اقتباس:
المشاركة الأصلية كتبت بواسطة القبطية
سلام عليكم نداء لجميع الخبيرات في الحلويات حبيت نخدم تشارك عريان بالوصفة السحرية شكون تقولي شحال ندير سكر وهل يكون رطب او عادي .....ماتجوز على طلبي راني اول مرة نطلب منكم طلب ربي يخليكم
اللهم انك عفو تحب العفو فاعف عنا |
نظن ديري 3/4 العبر خاطرش العجينة السحرية تقطع لك بزاف و ما لازمش يجيك سامط و زيدي شوفي البنات
اقتباس:
المشاركة الأصلية كتبت بواسطة mary1987
السلام عليكم
تعيشوا أدعولي طلعتلي السخانة البارح راحا تحرقني وحتى اليوم ما حبتش تروح عليا ما قدرتش حتى نهز راسي
قولولي واش ندير
|
ربي يشفيك و يعافيك ماري ،، عاوني روحك ب compresses مشمخين بالما بارد ما تخليش روحك بالحمى راه الحمان و تزيدك
اسال الله العظيم رب العرش العظيم ان يشفيك شفاءا عاجلا ليس بعده سقم ،، اميييين يا رب العالمين ،، طمنيني عليك حبيبتي
اقتباس:
المشاركة الأصلية كتبت بواسطة حسيبة2010
السلام عليكم
يعطيكم الصحة على كل شيء أطباقكم رائعة
ليزايال مبروك كوزينتك انا الله غالب مانعرفش نحط الصور بصح نتبعكم كل يوم.
عندي سِؤال من فصلكم حبيت ندير العرايش بالعجينة السحرية ...هل تصلح?
وتاني الحليب يكون دافىء ولا بارد?
شكراااااااااااااااااااااااااااا
|
الله يسلمك حبيبتي ،، العجينة السحرية تصلح و نص للعرائش ههههه و الحليب ما يهمش بصح نتيا ديريه بارد أحسن
موفقة عزيزتي
ميمتي الغالية ام رحاب صباح النور و البركة يعطيك الصحة تهليتي في ضيافك ،، بصحتهم و ربي يتقبل
ام ماجد ربي يعاونكم و ما تنسيش الصور طبعااااااا
اللهم انت السلام و منك السلام تباركت يا ذا الجلال و الإكرام
( تقرير عن مشاركة سيئة )، و الموجودة أسفل كل مشاركة .
2014-07-19, 12:29
الجزء81من مطبخ واش طيبتي اليوم ** مرحبا بالكل **
وخدمت العجينة المورقة للمقبلة
العرض العادي
