الجزء 77 من واش طيبتي اليوم سيدتي **تحضيرات شعبان لإستقبال رمضان**

[lyzzabel]

حنان المبرجة نعرفها و درتها هيهيهيهييييي و عجبتني بزاااااف درت تاع ام رامي واش نقووووولك هبلت عليها للأسف ما عاودتهاش ن ع مين نقوله على التمر يقولي راني نجيبه باش ناكلوه خخخخخ ما يخلينيش نديرها باغسكو هو ما عنده حاجة فالحوايج لي مشي موالفهم و زيد الغرس ملي قريت عليه في موضوع أمازيغية و افتخر عفففففته واااااااع و الحريرة علاش ما تجربيش قبل رمضان هاكا باش تحفظي العبر تاع الملح خاصة و التوابل عامة و ربي يحفظك يا المدلل

ام أمنية كنت غادي اليوم ما نرقدش ههههه مزية لي هداك ربي تسمى المبسس جا في وقته ههههه ،، واه هذاك هو لي قالتلي عليه المازة عاد مين يبات يزيد يولي اررررروع و ابن مممممم هههههه ،، يا درا وين راهي البسبوسة لي درتيها حطي نشوف

[idron0]

https://www.youtube.com/watch?v=5UePQJ38gS4

[omomnia15]

معنديش باش نصور راني مورا راجلي علي بورتابل كاميرا وكل وقت يقولي نشالله راني نستنى بصح البسبوسة بروفسيونال فيها متخميش منبعد حطيلي وصفة المبسس بلاك نديررو لراجلي راهو مسكين محروق في الخدمة في الجزاير ويحب ياكل الحلو في الليل وراني نخبيها باش منشوفها منسخف
اولادي انت مولات الكسكس وغلطت هههههههههه الزهايمر والكبر بصحتك

[omomnia15]

واش رايحين اديرو عشا كي الشاطرات

[ryhem 16]

المشاركة الأصلية كتبت بواسطة ام يسرا

حبيباتي شاوية وام امنية واولادي ربي يحفظكم
ام ايمن بنتي اسمها مريم معنديش يسرا هههههههه تسلمي حبيبتي
ريهام يا الغالية ربي يحفظك ويخليك ويفرحك ياااااااارب
قوليلي كي نفورو ويتقطر ملييييح نقصو ولا نرحيه في الروبو على خفيف ومعذرة تعبتك معايا وباذن الله جاري التطبيق راهوراااائع وربي يحفظلك الوالدة يااااارب ويفرحها بتفوق اخوكم محمد الامين ياااارب

ام اسلام حبيبتي تسلميلي على الكلام الحلو ربي يخليك
وهاو ليك رابط التيراميسو تاع ليدي نموووت عليه حطاتو الهام في ملف
https://www.gulfup.com/?rNakEP

حبيبتي أم يسراااااا أنت الأغلى و لو أختي و الله مافيش تعب و تكرمي على عيني و راسي و ربي يحفظلك كل غالي عندك و يفرحك أيضا دنيا و أخرة و ألففففففففففف شكر لي على دعوي الخير بالنسبة لأخي محمد الأمين و لكي بالمثل حلوتي
شوفي بالنسبة للفلفل خليه يقطر ملييح ل ساعات باش يتنحالو الماء تاع التفوار و هكداك باش ايجيك بنين خير و مام هكدا رايحة تقدري تحتفظي بيه لمدة أطول
و بالنسبة كيفاش ترحيه أنعم تقدري ترحيه على الخفيف بالروبو و لا تقطعيه بالمقص والا نقولك حنونتي أرواحي نعطيك منه راني درت كمية بالهبللللل موش خسارة في عزيزتي و أيضا دارنا ما يكلوش الحار غير أنا هههههههههه موووواااحححححح

حنونتي نانو سلاميييييييي نتمنى تكوني بصحة و أمان حبيبتي و بصحتك لفلان يهبللللل يهبللللللللللللللل كما ألي طياتو و صوراتو و وراتو سلمتي و سلمت يداك وردتي الحلوة

اليزابيل ما شاء الله عليك لمبسس يقتللللللللللل و راكي حطاتو كما قطعة مزاييك يا نجمة الفنانين الله ابارك و يكملك كي أطباقك كي كلامك كي عطائك كي طلتك كلك روعةةةةةةةةة و بالنسبة ل القمع بلا مزيتي حنونتي

الحبيبة أم ياسين فرحت كي دخلتي و نورتي الكوزينة كي شمس الصباح أختي شفتي القمع راه عندكم في باتنة يا لغالية أرخص خص نص لكي و حاشا ما شي طريحة ألي تستاحلي بل كل خير و ربح أختي تحياتي

أختي أم أمنية بصحة العائلة الكريمة البسبوسة و ردي بالك أختي على صحتك و ربي يحفظك و تكوني دايمن سالمة و يعطيك وقفة ساهلة أميييننننننن

أخت الشاوية أنت الأروع و شكراااااااا على كلامك الطيب غاليتي


سبحان الله و بحمده و سبحان الله العظيم

[مرام 1987]

وينكم يا غ
الفحلاااات ولا راكم تبدعن في كوزيناتكن
اللهم بلغنا رمضان وقدرني على صيامه وقيامه
آمييييييين يا ربّ العالمين
يا ربي وافتحلنا أبواب الخير عاجلا غير آجل يا رب العالمين

[النرجووسة]

مساء الخير يا الفحلات بصحتكم لطيبتوه
انا اليوم بعدما ران صايمة عجزت ندير لحريرة درت لوبيا خضراء بلحم غنمي نمووووووووووت عليها وفلفلة حارة اممممممممممم بينسييييييير لسلادفرويييييييييي

والحمد لله على النعم

اللهم بلغنا رمضان

[omomnia15]

شكرا ليك رهام وش يعياني نشد روحي راني من عشاك العسل الله غالب وزيد مزالي 7 اشهر باش نزيد ومنكلش حلو واااااااااع نهبل

[nihale89]

مسا الانوااااار ريهام وام تاجو شكراااااا حبيباتي علي الجواب.

[lyzzabel]

ريهااااام قتلتيييييني بالقدر حتى مالقييييتش واش نقولك غير ربي يحفظك و يسترك و يرزقك بواش راكي متمنية و يحفظلك والديك و اهلك يا طيبة

ام أمنية المبسس نديره عيني ميزاني ،، ندير كمية من السميد المتوسط لي يديرو بيه المقروظ ندير قرصة ملح و شويييية خميرة الحلويات غير قرصة و نبسس بالمارغرين طرية و نكمل بالزيت راه يخليه يجي طري اكثر من المارغرين وحدها ،، بنفس طريقة المقروظ و نبدأ نرش بالماء غير بالشوية بلا ما نعجن و ما نشمخهاش بزاف ،، ونشكل خبزة و نضغط عليها ملييييح باش تتماسك و نقطعها بالسكين مقروظات ولا مربعات و نبدأ نحي بالحبة باستعمال السكين باش ما يتكسروش و نسقمها فالجوانب و نقلي في زيت غزير على الجهتين في نار اقل من المتوسطة و نعسل و بسسسسسس و مين يبات ديريه في علبة بلاستيكية محكمة الغلق ولا دخلي الطبسي بيه بالمبسس في كيس نقي وخلاص ههههههه و بصحته مسبقا نتيا لاااااا

[nihale89]

يعطيكم الصحة كل وحدة باسنها باه ماننساش راكم هايلين

[awladi]

ام امنية نوضي ديريه ونحي السخفة لراجلك كي حالتي
عسلاية شوفيواش درت

[omomnia15]

صح حنونتي ليزا بصح كي نبسو كي المقروط ميتفتتليش في المقلة ولا نقليه في ذيك السلة تع المقلة خير وماتخميش ناكل غير ربع حبة هههههه

[omomnia15]

بصحتك اولادي جاتك تهبل واسرع تطبيق فحلة ونص والمشكل انا الي نسخف راجلي غير سبة بصح في صوالح العسل اليوم كليت البسبوسة نزيد نهار ولا زوج ونديرهم

[omomnia15]

رهام هذا الطابع تع المحقن كيفاش يخدمو بيه كاش مرة صوريلنا الطريقة