وصفات حراير الكوزينة الجزء الثاني

[الرجاء الاماني المجد]

شكرا شكرا اختي ادرينو لما دخلت وجدت وصفاتي فرحة بزاف يعطيك الصحة وربي يحفظك من كل شر

[idron0]

زفيطي الرجاء الاماني المجد

تخبزي خبزة كسرة تضعي السميد وملح وترونيها بالماء وتخبزيها كي الرخسس وتجي خشينة وتخليها اتطيب ونبعد كي اتطيب تفتيها وشوي الفلفل والطماطم على الطجين ونقيهم وضعيهم في مهرس انتع السفيطي وزيديلو راس ثوم وهرسيه معهم ونبعد زيدي الكسرة اتعك وهرسي واضيفي الماء سخون بزاف بشويا ومغرف طماطم مصبرة وهرسي والماء عينك ميزانك بلاكي اتجريه بزاف اطلقيه شويا برك وكي يوجد ديريلو 2 مغارف زيت الزيتون.

[idron0]

كريات الكرنب و اللحم المرحي ام وابنة

فوري كرنب مغسول طبعا يكون منقي و تنحيلو العروق اللي الخشان بزاف
كي يفور و يبرد ارحيه في الرحيوة ديالنا خخ و اذا جاك فيه الماء قطريه مليح
خلطي معاه لحم مرحي و حبتين جبن مثلثات و ثوم و حشاوش اللي عندك و بيضة و التوابل اللي تحبيها خااااصة الكمون كثري شوية منو
اعملي كويرات و حطيهم في سنيوة فيها ورق الطهي بش ما يلصقولكش طيبيهم في فرن سخون تقريبا خمسة و عشرين دقيقة على حسب الفرن ديالك حمريهم شوية

المرق اختياري انا عملت طريفات دجاج اللي فيهم العظم درت بيهم مرقة بيضاء بالحمص و المعدنوس و طبعا ما تمرقيش بزاف
كي يطيب المرق و يجي قليل و خاثر شويا نحي الدجاج و ارمي الكريات يشربو شوية المرق.

كريات الكرنب و اللحم المرحي
هنا قبل ما ندخلهم للفور يطيبو ما حبيتش نقليهم


إضغط هنا لرؤية الصورة بحجمها الطبيعي.


و هنا كي طابو تعمدت نحمرهم مليح


إضغط هنا لرؤية الصورة بحجمها الطبيعي.



المرق طيبتو بالحميصة و طريفات دجاج تع العظم الرقبة و الظهر

كي جينا ناكلو رميت الكريات غلاو شوية برك في قليييل من المرق باش زادو هزو البنة

إضغط هنا لرؤية الصورة بحجمها الطبيعي.


و خليت كمية من الكريات بدون مرق جاو بنان تقدرو تاكلوهم هكذاك ناشفين مع سلطة او في سندويتش يعني ماشي شرط مع المرق

لاحظو اذا عجبتني الوصفة نشكرها بزاف رغبة في الافادة و علاهاذي رايحة نشكرلكم هاذ الوصفة بزاف رغم ان فيها راس كامل متوسط كرنب و الله ما تفيقولو اولادي عجبتهم بزاف مع انهم يكرهوا الخضروات الورقية و كيما نديرلهم يفيقو بيهم صدقوني غلب عليها ذوق الكمون و الحشاوش و اللحم مرحي يعني من دون كل وصفات الكرنب اللي جربتهم من قبل ننصحكم بهذه الوصفة خااااصة انو الكرنب مفيييييد جدا و فيه مضادات الأكسدة و كثير من الفيتامينات و كذلك اللي يخافو يسمانو بما ان الكريات ماشي مقليين فهي مناسبة للرجيم و خفييييفة.

[idron0]

القناوية ام سراج و ملاك

نحطو اللحم مع البصل والطماطم والتوابل ونقلي مليح ثم نضيف الماء ونخلي اللحم يطيب نقي القناوية بازالة الرؤوس القاسية تم نقليها فالزيت كيما البطاطا باش تتنحالها هاذيك اللزوجة نقطرها من الزيت ونصبها فالصوص ونخليها شوية على النار بعدها نزيد فلفل حار ونطفي.

[idron0]

القناوية دائمة الحمد

انصبي صوص حمراء باللحم غنمي من الاحسن وممكن بقري الدجاج ما تجيش بيه وما تزوديش الملح وامرقي وخلي اللحم يطيب كاين لي يدير معاها الحمص انا ما نعملوش فيها تجي ثقيلة
اغسلي القناوية مليح ونحيلها الغصن لي فوق الراس وما تمسيش حبة القناوية يعني ما تقيسيهاش بالموس باش ما تخرجش المادة اللزجة لي فيها
اقليها وما تحرقيهاش وقطريها
كي طيب لاصوص لازم تكون ناشفة شوية لوحي القناوية في لاصوص تغلي شوي واعملي معدنوس مقطع وطرونش قارص .

[idron0]

ثاحنونت المرقه ساجدة 82

الاكله قبائليه الاصل تحضر مثل لمشوشه كميه من البيض على حسب حجم المقلاه كبير اوصغير مثلا اذا كانت المقلاه كبيره قليلا نضع حوالي 6 بيض مع قليل من الملح توابل مشكله شحم مقطع رقيق جدا واللي يبغي يذوبو ويستعملو كزيت خميره الحلوى نصف كيس دبشه مقطعه رقيقه وتشيشه اللي هي دقيق غليظ وتخلط جيدا حتى الحصول على كثافه مثل المسكوته او شوي اخف نسخنو مقله قليل جدا من الزيت ونفرغها طيب على الجهتين كي توجد تقسم على اجزاء وتكوني حضرتي مرق عادي مثل مرق الطعام اذا توفر عندك اللحم ديريه والا مش شرط مع تشكيله خضار .لازم يكون مرق كثير وكمشه صغيره عدس لما يقاربو على النضج ترمي قطع المسكوته هههههههه المالحه وتخليها تتشرب وفي نفس الوقت طيب تقدم القطع مرفقه بالمرق
الاضافات تاوعي هوما ادخلت الدبشه والشحم والتوابل على العجينه كيي يختفي طعم الدقيق اما في المرق اضيف كل انواع الخضر.

إضغط هنا لرؤية الصورة بحجمها الطبيعي.

[idron0]

كبده مشرمله ساجدة 82

نقطع الكبده قطع صغيره نوعا ما نضيف لها رشه كمون وملح ونديرها في مقلاه في القليل من زيت الزيتون نجمرها شوي فقط ماطيبهاش غي يتبدل لونها ننزعها وفي نفس المقلاه نرابي طماطم حب على حسب كميه الكبده وسنه كبيره ثوم ونضيف كمون ملح فلفل اكحل وفلفل احمر حمار ونحرك ونضيف قيمه فنجان ماء ونخليها تطيب ونقطع عليها دبشه كي تعقد شويه نضيف الكبده تكمل طيابها والغاز يكون ناقص وفي الاخير نضيف رشه دبشه وليمون اختياري والحار يزيد فيها البنه .

إضغط هنا لرؤية الصورة بحجمها الطبيعي.

[idron0]

تارت 12345 بالتفاح scorpionoir

5 مغارف كبار معمرين فرينة
4 مغارف كبار سكر
3 مغارف كبار حليب
2 مغارف كبار زيت
1 بيضة
قرصة ملح
نص باكي خميرة
تخلطي كلشي وتحطيه في مول مدهون بالزبدة ستفي فوقو تفاح مقطع شرائح
دخليه للفور وكي تشوفيه تنفخ وبدا يحمار اسقيها بالكريمة هذي وخليها تكمل طيب وتحمار مليح لمدة 15 د
الكريمة - 80 غ زبدة مع 100غ سكر على النار حتان يدوبوا نحيهم على النار وزيدي بيضة وخلطي بزربة باش ما طيبش .



إضغط هنا لرؤية الصورة بحجمها الطبيعي.

[idron0]

المحلبي lyzzabel

ديير سااشي تااع طحيين الرووز نشرييه وااجد و 3 ملااعق كباار سكر في 3 كيساان حلييب ،، و لي تبغييه تقييل تديير 2 كيساان ،، و نحط فووق الناار و نخلط بالملعقة الخشبية باستمراار حتى يتقااال ،، نضييفله شوية ماازهر حسب الدووق انا تعجني بنته ،، و نزييد نخلط حتى يديير الفقاعاات ،، نطفي و نفرغ فلي غامكاان و نزين بالقرفة ،، نخلييه يبرد شوية و ندخله للثلاااجة يبرد مليييييح.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

السفنج lyzzabel

طرييقتيي سااااهلة مااااهلة ،، انا ندييره بالفريينة كييما قاااع اصحااب الغرب الجزاائريي ،، كمية من الفريينة مغربلة و ملح و م ص سكر او اكتر او اقل حسب كمية الفريينة و م ك خمييرة الخبز نضييف المااء داافئ بالتدرييج و نخلط بيديي حتى نتحصل على عجيينة ما نااشفة ما جاارية بزااف يعني تلصق فاليد بزاااف هههه ،، و نبدا نضرب بيديي يعني نرفد بيديي و نطلع العجيينة شوية و نخبطهاا ،، نغطييها ببلااستييك غداائي و نخلييها تخمر ،، نعااود نضربها بيديي كيما المرة الأولى و نعااود نغطييها و نخلييها تخمر ،، نكرر العملية 3 او 4 مرااات ،، و نوجد مقلة فييها شوية زييت و مقلة اخرى فييها زييت غزيير ،، و نحط يدياا فالمااء و ناخد شوية عجيين و بسرعة نتقبه فالوسط و نحطه فالمقلة الأولى ،، غيير نشووف الحبة تااع السفنج طلعت و حماارت من تحت نحطهاا فالمقلة الزااوجة على الوجه الآخر تكمل الطيااب و هااكا حتى نكمل قااع العجيينة ،، يجيي خفييييف رييييشة و بنييييييين دييجا حطييت الطرييقة من قبل و رااهي في وصفاات الحرااير ،، و نتياا دييري غيير شوية فريينة ما تكترييش بااش ما يجييكش بزااف .

[idron0]

الحريرة simassim

حبة بصلة تقليها مع شوي لحم او دجاج وتزيد الخضر حبة لفت وحبة كوسا وزوج او تلات جزر وكمشة حمص مرطاب وفول يابس كرافس وربطة قصبر والطماطم تلات او اربع حبات متوسطة وحمرا ملعقة كبيرة طماطم مصبرة ملح فلفل اسود سكنجبير وكركم مطحونين قرفة عود وكبابة حبيبات ,
وتمرق حت يطيب الخضر وتطحن وتزيد طماطم مصبرة وشوي تشيشة اختياري وخلطة الفرينة وألما تطحنها بالمكسور باش ماتديرش كويرات تضيفها وتحرك باستمرار حت تطلع وتبدأ تهود خليها تطيب عشرين دقيقة ومرة عل مرة نحرك زيد لها ربطة قصبر او قصبر مقطع رقيق كروية ورأس حانوت او سكنجبير او الاتنين ومرات تزيد الكمون معاها تغلي شويي .

[idron0]

بريوش ام رامي بتحريفاتي ام وابنة

مع احترامي لكل وصفات البريوش و صاحباتهن بصح ارموهم الكل و ارواحو
جربت الكثير من الوصفات كاين اللي ما نجحوليش خلاص و كاين اللي لاباس بصح فيهم ملاحظات مثلا شوية ريحة الخميرة قاوية او ثقيل شوية او يتعب بزااااف في العجين و الخدمة
المهم عملت بحث مكثف و عميق و شفت الكل يشكرو بريوش ام رامي قلت نزيد نجرب و نشوف و ما كنتش مقتنعة بزاف
حوست عالوصفة ما لقيتهاش هنا في المنتدى سرقتها من منتدى اخر خخخ
المهم جربت الوصفة
و الله الذي لا اله الا هو خرجت روووووعة و احسن من المحلات ما رانيش مصدقة شحال خفييييييف و هشووووووووش و يذوووووب و ريحة لا فاني رووووعة لاني استعملت تع الميزان ريحة الخميرة منعدمة تماااااااااااااااااما
ما تظنوش راني نبالغ
اذا كاين عيب في هذه الوصفة فهو عيب واحد
و هو ان الكمية كبييييييرة مزية رايحة نبعث مع راجلي لعجوزتي و بما انو يجوز على دارنا نبعث لأختي العزيزة تحب البريوش

على فكرة حشيتو بالشيكولا قطع ما رابيتهاش

و هذاك الشكل الحلزوني بسطت وش بقالي من العجينة مستطيل بيدي بمساعدة قليل من الزيت و دردرت كمية مليحة من السكر و القرفة و روليت و قطعت و الى السنيوة

العجينة ما عجنتهاش خلاص
اول مرة خمرتها ساعة
المرة الثانية نصف ساعة
المرة الثالثة نصف ساعة
المرة الرابعة عشرين دقيقة
بعد التشكيل خليتهم اكثر من نصف ساعة نظن المفروض ساعة كاملة و لكن شفتها خمرت مليح ماحبيتش تزيدلها

تفضلن اخواتي الوصفة و ننصحكم من قلبي تجربوها بثقة و ادعولي مع ام رامي خخخخخخ

و الوصفة بالمناسبة الوصفة هي للطباخة أم رامي

الطريقة والمقادير
في صحن عميق حطي 3بيضات + 2كاس حليب دافء + كاس زيت + نصف كاس سكر +3ملاعق صغيرة ملح + ملعقة كبيرة خميرة الخبز + كيس خميرة كيميائية وخلطي جيداا بواسطة شوكة
ثم اضيفي الفرينة بالتدريج ومع الخلط بواسطة ملعقة حتى تتحصلي على عجينة رخوة وتلصق في اليدين
غطيها بكيس نايلون وفوقه قماش وخليها تخمر مليح حوالي ساعة
فشيها بيدك فقط ودخلي فيها الهواء مليح دون العجن وخليها تخمر مرة ثانية

وزيدي الثالثة وزيدي الرابعة
ملاحظة : الخمرة الثانية والثالثة والرابعة تكون سريعة وما تديش الوقت بزااف
بعد الخمرة الرابعة ديري زيت في يديك وشكلي كريات صغيرة اقسمي العجينة على 12
او شكلي كيما تحبي حلزونات او وردات

خليهم يرتاحوا حوالي ساعة يخمروا مليح ثم ادهنيهم ببيضة كاملة + شوية حليب سائل
شوية سكر وذري الجلجلان او السنوج
وطيبيهم في الفرن وحمريهم من فوق

و تاكلوا بالصحة و لهنا.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.




إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[ام احمدي]

مقارون بطريقة ساجدة 82

الرجاء الاماني المجد المعكرونه مافيها والو تغليها في الماء والملح وفي مقلاه ديري شوي زيت زيتون وحمري فلفل حلو مقطع دوائر رقاق نوعا ما وجريوات كذلك والكابويه يهزو بنت التحمار ويطيبو شويه كيعا مع رشه ملح وفي الاخير اضيفيهم للمعكرونه واذا عندك الطن زيديه مع المعكرونه ومن فوق فرغت طماطم جاهزه خاصه بالمعجنات والبيتزا او حضريها في البيت وكذلك تقدري تضيفي فرماج رابي خاص بالمعجنات وبس

[idron0]

العجينة نصف المورقة ام و ابنة

الوصفة اكيد تعرفوها كامل و هي التالية
إضغط هنا لرؤية الصورة بحجمها الطبيعي.
و لكن حبيت نغير في طريقة عملها و نشوف النتيجة
هاهي العجينة خلطت مليح الماء و الزيت و الملح و لميت بالفرينة و ما عجنتهاش مجرد دخلت المكونات مليح مع بعضاها
اتلهيت مع بنتي و نسيت العجينة قريب ساعة كاملة
رشيت طاولة العمل بالفرينة
طرحت العجينة رقيقة
إضغط هنا لرؤية الصورة بحجمها الطبيعي.

دهنتها بخليط النشاء و الزيت و روليتها
إضغط هنا لرؤية الصورة بحجمها الطبيعي.
و عاودت طرحتها
إضغط هنا لرؤية الصورة بحجمها الطبيعي.
و عاودت ادهنتها بخليط النشاء و الزيت و بما انو الخليط خلاصلي و ما كفانيش حكمت ملعقة كبيرة سميد رطب و رشيتها على كامل الوجه بواسطة صفاية صغيرة
شوفو بنتي ما زال ماكملش عامين و شااااطرة شكون تخطب خخخخ
إضغط هنا لرؤية الصورة بحجمها الطبيعي.
ثم طبقت العجينة على ثلاثة
إضغط هنا لرؤية الصورة بحجمها الطبيعي.

ثم على اثنين
إضغط هنا لرؤية الصورة بحجمها الطبيعي.

بما اني لازم نجرب كمية قليلة من العجينة على الاقل بصح عجزت نعمل حشو اذا حطيت شريحة جبن و علبة طن مصفية و دهنتها بصفار البيض
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
حطيتها في المجمد يمكن ربع ساعة او اكثر بصراحة ما حسيتش الوقت لاني قريت انو العجينة المورقة لااااازم تبرد مليح بعد ما تتشكل و قبل ما تدخل للفرن بش تتورق مليح و ما تطلقش ليدام
و حمرتها و هذه هي النتيجة النهائية
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

جات بنينة و خفيفة و فيها بزاف الطبقات و طابت ناشفة ماشي مزيتة و ما تقهمش يعني باذن الله نعتمدها خاصة انها سهلة و سريعة و اقتصادية و تنفع للحصلات.

[oumhadjer]

rebi yatik ma tmniti