دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[أم ياسين الزهراء]

المشاركة الأصلية كتبت بواسطة الزهرة البسامية

ميميشة انت ودفترك اغلى كنز تبحث عنه اي عضوة بارك الله فيك وسلمت يداك وجعلها الله في ميزان حسناتك

قولتي واش في قلبي تعيشي وربي يحفظها لينا

[sono]

صباح الفل لاجمل و ارقى وردة راني مبهورة بوصفاتك
راني درت دفتر و بديت ن\تب قلت كي نزوج نشاله نديرهم راهم توب
حبيت برك تديريلنا وصفات مميزة على السمك

[liliane24]

المشاركة الأصلية كتبت بواسطة miri_27

السلام عليكم عزيزتي ميميشة رجاء اريد كيفية تحميل تسجيل للراديو للتوضيح اكثر في حوزتي تسجيلات للسيدة صليحة في مجال الطبخ و بعض الاخوات طلبنها لذا احببت ان اضعها في موضوع لكنني ليست لي خبرة في كيفية ادراجها و شكـــــــــــــــــــــــــــــــــرا لكل مساعدة

نعتذر من الاخت ميميشة عن التدخل،
أختي ميري الله يبارك فيك للاهتمام بطلباتنا ، أختي طريقة وضع تسجيل هي نفسها طريقة وضع صورة هع اختلافات بسيطة.
طريقة وضع الصور موجودة على الرابط : https://www.djelfa.info/vb/showthread.php?t=399732
فقط قومي برفع التسجيل بدل الصور، عند نهاية الرفع يظهر لك رابط بلون مختلف قومي بفتحه، وانسخي عنوان الصفحة المفتوحة وقومي بوضعه في موضوعك من خلال النقر على الصورة التي توضح إدراج رابط و نسخه هناكة نتمنى تكوني فهمت أختي و ان احتجت توضيح فأنا في الخدمة

[.sabrina.]

المشاركة الأصلية كتبت بواسطة ياسمين177

سوفلي


هذه الوصفة تجي خفيفة هايلة مجربتها مرارا وتكرارا وعطيت لصديقاتي جربوها وكامل حبوها
التحضير:1 كلغ فرينة + مغرف اكل ملح +25غ خميرة الخبز+50غ سكر +100غ زيت وتلميها برطل ماء دافئ او ديري الما حتى تتلم العجينة تكون طرية مثل عجينة البيتزاادلكيها شوية وخليها ترتاح.
الحشوة: لحم مرحي طايب او دجاج طايب مفتت او سلق مغلي ومعصور او مرقاز او طون ..........الخ
زيتون اخضر مقطع رقيق وجبن مرحي وصلصة البيتزا اي صلصة طماطم بالاضافة الى بيضة لدهن الوجه
لما تخمر العجينة كسريها وقطعي دوائر شوي كبار وزيدي حليهم بالحلال حتى يولي شكلهم ovaleثم ضعي على النصف شوي صلصة ثم الحشوة لعندك وحبيتيها ملي ذكرتهم دجاج او لحم اووو ثم ديري زيتون وجبن مرحي اغلقي الدائرة كيما شكل الشوصون قبل لسقي الدائرة ببياض البيض ثم اغلقيها وادهنيها كامل بالبيض وزوقي بالجبن مرحي او سانوج او خليها كما هي تخمر مرة ثانية وطيبيها وقدميها مع عصير اتمنى تعجبكم.

مشكووووووووووووووورات اخواتي ربي يجعلها في ميزان حسناتكم اليوم جربت هاذي الوصف امممممممم جات هاااااااااااااااايلة عجبت كامل افراد العائلة انا دائما في انتظار جديدكم يعطيكم الصحة والعافية

[وجدان الاسود]

بارك الله فيكى

[اميرة الساحل]

يعطيكم الصحة كامل و شكر جزيل للاخت ميميشة جزاك الله كل خير على الفكرة و المجهودات

[lyna2007]

بارك الله فيك اخت ميميشة والله راني منبهرة بيك
ما شاء الله
ربي يجعل عملك هذا في ميزان حسناتك يارب
وعلى فكرة انا من متتبعين السيدة دليلة منذ سنين
شكرا لكما ولكل الاخوات اللي يقدموا دائما ما لديهم في هذا المندى

والله دائما ندعيلك خاصة كلما نطيب حلوة كول واشكر راني طيبتها عدة مرات وكل مرة ندعيلك ربي يحفظك ويوفقك ان شاء الله

[نصيرة أمي الحبيبة]

المشاركة الأصلية كتبت بواسطة mimicha1977

كيش

العجين

رطل فرينة . 250غ مرغرين التوريق . بيضة . ملح .ماء
ضعي الفرينة وملح و مكعبات المرغرين اخدمها شويه تبقى حبيبات ضفي البيضة لميها بالماء تتماسك كورها ترتاح 30د
ثم حلها اعطها 2دورات مزدوجة
يعني اطويها على جهة اليمين فى الوسط و جهة اليسار الى الوسط و اطويها عاى 2
اتركها ترتاح فى تلاجة

الكريمة الحليب
لتر حليب+5بيض+100غنشا +50غ فرينة رشه ملح خلطهم ااتركها ترتاح شوي
حلي العجين بالحلال قطعها دوائر ضعيها فى القوالب الكيش حجم اختياري
ضعي كمية من الجبن ابيض و كمية من الجبن المرحي
عمري القوالب بالخليط الحليب ادخلها الفرن حتى تتحمر لمدة 25د الى 30د

قد متصفحت دفترك معيتش راجلي قالي واش مكانش حاجة اخرى ديما دفتر ميميشة ولا كي يعيطلي في تيليفون يقولي واش كاش ميميشة
و الله يعطيك الصحة منحبش نشوف الوصفة من كاي ديالي نحب نجي نقراها ديراكت نحس كلي راكي تمليها عليا
عموما شكراااااااااااا بزاف ليك شرفتينا

المهم انا نحب لي كيش و نموت عليهم بصح العجينة الموارقة متصلحش معايا منكدبش عليك كانت ماما الله يرحنها ديرها هايلة
انا درك مسدقتش معايا
شوفي عندي 250غ زبدة التوريق
قوليلي كيفاش ندير انا نظن الغلطة الي نديرها في عملية الطي مدبيك تشرحيلي تفصيل ممل باش نجربها اليوم ان شاء الله
شكراااا مسبقا

[faizarbh]

بارك الله فيك اخت ميميشة

[*ام رامي*]

والله ما لقيت كلام اقوله
الله يعطيك ما تتمنااااااااااااااااااااااي
الله يبارك فيك وفي مجهودك الجباااااار
يعطيك الصحة
روووووووووووووووعة

[linat]

الله يبارك فيك

[manoula23]

بارك الله فيكي

[ميرثا]

السلام عليكم اختي ميميشة حبيت نسقسيك ف شربه بواكسي(Les pois secs)
متشمخيش بتي بوا تخليها يابسة مفهمتش اعدريني ممكن توضيح

[الصوامعية]

السلام عليكم جميعا
صدقيني عزيزتي ميميشة اليوم دخلت لموضوعك باه نشكرك على المجهود لبذلتيه لتطوير هذا الدفتر كنا كي ندخلو نحوسو على أي وصفة نبذلو مجهود وحنا نحوسو ولكن الأن تغير الأمر لسهولة التصفح وكل الوصفات موجودة في الصفحة الأولى ما شاء الله الله يبارك جعل الله كل ما قمتي به في ميزان حسناتك عزيزتي دائما متميزة وفي القمة تقبلي مني هذه الأزهار مع قبلة يا أعز ميميشة

[IMG][/IMG]

[IMG][/IMG]

[IMG][/IMG]

[mimicha1977]

المشاركة الأصلية كتبت بواسطة ميرثا

السلام عليكم اختي ميميشة حبيت نسقسيك ف شربه بواكسي(Les pois secs)
متشمخيش بتي بوا تخليها يابسة مفهمتش اعدريني ممكن توضيح

نورتي دفتر اختى ميرثا
لزم نشمخوها في كمية من الماء لمدة ليلة كاملة هي حاجة معرفه لهذا مذكرتهاش
فقط مسالة كيكوت نعرف انا بعض نساء يستعملو عدس و جلبانة جافة كيكوت حتى يختصرو وقت لكن فى هذا خطورة عليهم

اي استفسار انا هنا مايكون غير خاطرك