كل مايخص الخدمة الوطنية نجده هنا

[lay 25]

المشاركة الأصلية كتبت بواسطة h4ni

مكاش اعقاء ل 2011 هذا العام
غير روح

يا راجل هاد لبلاد ما تدري كيفاه !!!!!!!! رايحين يهبلونااا

[lay 25]

المشاركة الأصلية كتبت بواسطة lay 25

يا راجل هاد لبلاد ما تدري كيفاه !!!!!!!! رايحين يهبلونااا

خويا نسقسيك ؟؟؟ واش تعرف على المدرسة تاع الحراش ؟؟ ربي يجازيك

[h4ni]

المشاركة الأصلية كتبت بواسطة lay 25

يا راجل هاد لبلاد ما تدري كيفاه !!!!!!!! رايحين يهبلونااا

كي يعفيو تاع 2011 شكون لي يروح يفوت هذا العام؟
انا نصحتك و دبر راسك
سلام

[rachidov47]

أخ هاني رحم على باباك حاب النسقسيك انا من خرجي 2008 و ما جاتنيش اوردابال حتى درك ومازال ماجتنيش كيفاش الحل
انا درك انروح للخدمة من بعد انجي نشوف الرد تاعك سلام

[عبد النور امين]

المشاركة الأصلية كتبت بواسطة diegol

السلام عليكم


لا أعرف عنها الكثير لكن أؤكد أنها في الكيفان و يمكن أن تقول وسط المدينة لأن في السنوات الأخيرة وسط المدينة تغير.
و توجد الثكنة بجوار أحد الأحياء الراقية.

وعليكم السلام

مشكورررررررررررررررر

[عبد النور امين]

الله يفتح عليكم حبيت ندير شوية روطار بالضبط وينت نروح
شكرا مسبقا..........

[Chadli.b]

انت من تيارت لقد بعثو لي ورقة الخدمة العسطرية بالعلم انا الكبير في العائلة و والدي موظف و انا الوحيد في المنزل فمادا افعل ....ساعدوني من فضلكم

[سلطان18]

السلام عليكم
لمادا لم توجيبوني فانا بحاجة الي مساعدتكم
لتدكير رقم المشاركة 10117
الصفحة 675
والله لايضيع اجر المحسنين

[zineldin]

السلام عليكم
حاب نسقسيكم اذا الواحد ملحقاتوش لوردابال محسوبة عليه ولا ميش محسوبة مع العلم ان اسمو موجود عند الدرك بلي عندو اوردابال
أرجو الافادة من فضلكم

[mourad 27]

لقد تم إستدعائي لأداء الخدمة الوطنية يوم 22-03-2012 بمدرسة إطارات المشاة


كل من له معلومات عن هذه المدرسة يرجى إفادتي وأجركم على الله.

[عيعووو34]

انا من خريجي جوان 2011 كان عندي سورسي حتان 31-12-2011 خلاصلي ومرحتش ليهم
حبيت ندير سورسي حتان لسبتمبر 2012
قالولي ادقع ديبلوم وستنى يلا مجاتكش لوردبال عاود ولي ليهم يمدولك سورسي
ولا قالولي استنى حتان يفوت مارس وروح ادفع ديبلوم
بماذا تنصحني اخي وهل هذه المعلومات صحيحة
وبارك الله فيك
: dj_17::d j_17::dj _17:

[messihed]

qmvh
qmvhh

[algerien du 16]

والله ما راني كامل مليح أرجو منكم المساعدة و التوجيه

أنا من مواليد 1988 إجتزت الفحص الطبي في 2007 قالولي راك مريض في رجلك ولازملك عملية جراحية عاودو أعطاولي إستدعاء أصفر باش يزيدو إي ديرولي فحص آخر مي كل ما نروح ما نلقاش الطبيبة لي دارتلي الفحص الأول
قعدت رايح جاي مدة عام حتى جوزت واحد الفحص وما ستعرفوش كامل بالفحص الأول قالولي آبت 1 وهادي في 2008
منذ ذلك اليوم ما رحت عندهم ما حوصو علية حتى 2010 دارو إعلان على صحاب 1988 لي ما بعتنالهم والو
روحت أديت معايا الملف وقالولي عمّر المعلومات لي درتهم المرة الأولى أنا حطيت مستوى نهاءي
بعد 6 أشهر وليت قالولي بلي ما حطّيتش بلي درت دراسات عليا قلتلهم نتوما لي قولتولي عمّر نفس المعلومات الأولى
وانا فعلا درت تكوين تجارة خارجية و جامي قريت فالجامعة ومنذ ذلك الحين ما بان والو
وليت وجدت ملف كفالة عائلية علما أني الولد الوحيد والكبير فالدار الأم لا تعمل الأب كيفكيف يعمل مي ماشي مديكلاري يخلص 12000 دج كل شهرين وانا من متخرجي 2010
كي روحت كالولي عندك ديجا إستدعاء وانا والله جامي جاو لدّار ولّا بعتولي
أنا راني خايف ما يقبلوهوليش

أرجو المساعدة هل أذهب و أدفع الملف ولا نزيد نستنا
وشكرًا

[نقاز بوعلام]

السلام عليكم راهي جاتني اوردر دبال الحراش ا لعتاد و الرتبة ظابط راني داي معايا ملف سند عائلي الدوسي يشدوه تم ولا في مركز العبور ولا وين ندفعو ممكن الاجابة في اقرب وقت راها باحرة قاع

[rachidov47]

المشاركة الأصلية كتبت بواسطة نقاز بوعلام

السلام عليكم راهي جاتني اوردر دبال الحراش ا لعتاد و الرتبة ظابط راني داي معايا ملف سند عائلي الدوسي يشدوه تم ولا في مركز العبور ولا وين ندفعو ممكن الاجابة في اقرب وقت راها باحرة قاع

نورمالمون يا أخي تروح للبيرو روكراتمون اي وين عقبت لافيسيت و الله أعلم