((( غرفة لدردشة البنات ))) ممنوع دخول الشباب !!!!

[&أسيل&]

لقد عدت
اهلا ام نور واش راكي
توحشتك سمية واش راكي .....بصحتكم الصبيغة لعقوبة ليا

[*جوري*]

اهلا بيك فاطمة انا تاني توحشتك
و لعقوبة ليك
بصح و الله غير سوفريت تاع الصح

[شمس مشرقة]

الحمد لله سيدات راكم لباس
مزال ما رحلت حتى لآخر جوان

ربي يعانوك سمية يجي رمضان و تكون الدار مليحة

زيدو واش تحكو يا بنات

[&أسيل&]

وشكون اللي عاونك ....ماتقوليليش غير وحدك

[شمس مشرقة]

انا و نور بخير و لله الحمد

بصح الامتحانات حتى لأول جوان راه غادي يسخن الجو واش نعملو

[&أسيل&]

البارح بعثتلي نوال مساج قاتلي راني لاباس وبديت نوالف الدار وحياة كاش خبار عليها سمية

[شمس مشرقة]

سمية راكي قربتي اخر هذا الشهر زيادتك و لا في جوان

[&أسيل&]

ربي ينجحهالك ...........حنا الامتحانات هذي السمانة يخلاصو والسيزيام ان شاء الله نهار 27 ماي

[شمس مشرقة]

ربي يحفظك فاطمة طمنتينا على نوال

ان شاء الله نسمع تاني خبر مليح على حياة

[شمس مشرقة]

آمين يا رب

ما بقاش انا ممكن نور تخرج حتى لـ 15 جوان

[*جوري*]

انا تاني بعثتلي نوال ميساج البارح
و حياة عندها مدة مابيباتليش

[&أسيل&]

ان شاء الله تكون لاباس عليها برك والله غير توحشتهم

[شمس مشرقة]

سمسمة ربي يسلكك على خير و تزيدي في العافية

انت تزيدي في المستشفى أو عند القابلة؟؟

[&أسيل&]

راسي راح يطرطق

[نَقَآءْ اَلْسَرِيْرَهـْـ]

صباح النور مع عبق الزهووووووووووووووور
واش راكم شموستي , فطومتي , طاطا سمية
تووووووووووحشتكم