الأخت yarasmin. 26 ترد على تساؤلاتكم هنا - الصفحة 67

yarasmin26 · 2012-09-09, 12:28

عجينة الفيلو هي نفسها الي قدمتها الاخت ام كوثر في مثبت دروس في الحلويات ابحثي اعليهاE=nina_65;11526179]من فضلك اريد طريقة la pate a filo[/QUOTE]

ام طيب · 2012-09-09, 13:54

أسفة جداً والمعذرة. اردت المساعدة فقط والله مع الجميع بما أني عضو جديد كنت اضن انه يمكن الاجابة لا اعرف انه خاص بكي أسفة ولكي التوفيق

بنت مسلمة · 2012-09-09, 22:22

روح رياضية عالية ربي يوفقك يا اخت " ام طيب "

على كل حال الاخت " ياراسمين " مكسب ثمين للمنتدى نشكرها على كل ما تقدمه لنا

و يسعدنا ايضا ان نستفيد من خبرتك وربي يوفق الجميع

أم ياسين الزهراء · 2012-09-12, 11:15

اختي يارايسمين راني لقيت القاطو اللي كنت سقسيتك عليه وهذي اخت حطت الوصفة هنا واذا قدرت راح نحط الصورة

المقادير
علب بيمو
3ملاعق كبار كاكاو
3 ملاعق سكر gلاسي
قهوة ثقيلة او نيسكافيه حسب الرغبة تجمعي بيها القاطو
الكريمة
]رطل مارغرين بحرارة الغرفة
رطل سكر gلاسي
رطل نواد كوكو
التزيين
وردات صغار و بريون حسب الرغبة
الطريقة
نحلطو البيمو اللي رحيناه مليح مع السكر و الكاكاو و نلموه بالقهوة او النيسكافيه حتى تلقايه تماسك مليح و تحطي العجينة فالثلاجة حوالي نصف ساعة
و نروحو للكريمة نحدمو كريمة الزبدة و السكر عادي و نضيفلهم النوادكوكو
نفردو العجينة نحطو الكريمة فوقو
و نمشيها مليح
و نحطو فوقو البريون و نحطوه فالثلاجة ربع ساعة والا اكثر فقط يحكم روحو و تقصيه

أم ياسين الزهراء · 2012-09-12, 11:18

وهذا هو القاطو راهو بنين بزاف

yarasmin26 · 2012-09-12, 11:52

يعطيك الصحة ام ياسين ايبان ابنين على فكرة هذه النوع تقدري تغيري في اللون انتاعو جربيه بكريمة وردية اللون والخليط الفوقاني ابيض والتزين وردات على جنب وردية واوراق بالابيض اجيك روعة جربي انا تاني دوق ننقل الوصفة عندي شكرا لكي

miri_27 · 2012-09-12, 12:00

السلام عليكم
اختي يارا طريقة الكعك التي ابحث عنها هي الكعك الوهراني الدي يجي شكله حلقة _ مسياسة _ و يجي مرشوش من فوق بحبة الحلاوة تشكريين على المجهود الذي تقدمينه و ربي يقدرك على فعل الخير تحياتي

yarasmin26 · 2012-09-12, 12:18

ايه هذه الوصفة تاع الغرب كاع ايديروه كيما هاك الا تاع التلمسان اجي خلاف وهذا النوع الي اعطيتهولك اجي مسياسة ورشيه بالجلجلان او حبة الحلاوة كيما اعطيتك المقادير انتاوعو جربي غير شوية وشوفي وانا متأكدة بلي يعجبك لانه اعطاتهولي واحدة من بلعباس كي جات عندي وانا ديما نديرو وسقسوني عليه وعلى المقادير وجي مفشفش

أم ياسين الزهراء · 2012-09-12, 13:25

بلامزية اختي حتى انا اذا كتبلي ربي راح نديرو في هذا العيد وزيد قالولي بالنيسيلي يجي هايل

وحبيت نسقسيك الملون اللي نديروه في المعجون يكون بودرة على خاطر شريت بودرة احمر

yarasmin26 · 2012-09-12, 13:37

ديري المعجون المشمش في كسرونة يسخون شوية كي يرجع سائل فرغي غير بشوية لون احمر وخلطي مليح حتى الانسجام بدون اضافة اي شيئ يرجع معجون احمر وعمري بيه الحلوى انتاعك

miri_27 · 2012-09-12, 13:38

حابة نستفسر فقط عجينة الكعك تجي طرية أو قاسحة وتشكريين

fazouza · 2012-09-12, 13:47

التشاراك المطلــــــــــــــــــــــــي
المقادير" 500 غ مارغرين+ كاس زيت+ سكر قلاصي+ كاس حليب+كاس مايزينة+1 خمارة +لفاني ولمي العجينة بالفرينة
الطريقة 2" 3 عبار فرينة +1 عبر زبدة وشوية زيت +لفاني+ ماء +ماء الزهر
العقدة "3 عبار كوكاو او لوز+كاس سكر +لفاني+ شوية زبدة ذايبة ولمي العقدة
الطلاء"2 بياض البيض مضرب +سكر قلاصي مصير مليح+ عصير 1/2 ليمونة +ماء الزهر+ ملون+معطر
الف شكر لك اختي على مجهوداتك جزاك الله كل خير
انا عندي سؤالين الاول في وصفتك التشاراك المطلي مديتيلنا في العجينة سكر قلاص بصح ما حددتيش الكمية
والسؤال الثاتني يا ريت تمديلنا وصفة crème aux citrons

yarasmin26 · 2012-09-12, 13:55

اقتباس:

المشاركة الأصلية كتبت بواسطة miri_27

حابة نستفسر فقط عجينة الكعك تجي طرية أو قاسحة وتشكريين

العجينة اجي طريةوالكعك التلمساني عجينتو قاسحة
اي استفسار راني هنا

yarasmin26 · 2012-09-12, 14:00

التشاراك المطلي ديري في الطريقة 1
3 م ك سكر قلاصي لانه الطلاء حلو
اما كرام الليمون راني حط الوصفة انتاعها بالشرح في هذو الصفحات ابحث عنها عزيزتي وستجدين عدة وصفات اخرى دوينيها

fazouza · 2012-09-12, 14:13

الف شكر لك ربي يعطيك ما تتمناي