الجمارك 2011 / 2012

[tntimad]

وين راهم الجماعة لي جوزوا يجيوا يناقشونا ؟؟؟
الظاهر أن الاغلبية من خارج العاصمة

[TEG04]

المشاركة الأصلية كتبت بواسطة عمر شعبان سعيد احمد

الممتحنين تاع البليدة لي معندهمش سيارة عانو الجوع و العطش البارح ههههه هذيك ماشي جامعة هذيك حمادة اين الخدمات اين الاكشاك اين المطاعم ما كا والو

وين عقبنا يسموها ناس البليدة ..........................ليبيا.

[bilal 212]

يا جماعة راهم يهدرو على جوزيف .......... واش قال على العولمة وليس على العولمة بصفة عامة والله يا جوزيف هذا ماسمعت بيه في حياتي على البارح في القليعة وين سمعت بيه

[tntimad]

جوزيف ستجليتز أنا أيضا أول مرة نسمع بيه لكن هو ما يهمش بقدر ما تهم الفكرة تاعوا و عي نبذ العولمة

[serine.fly]

المشاركة الأصلية كتبت بواسطة عمر شعبان سعيد احمد

البارح جا ممثل ةالجمارك قاللنا croyez moi c est une parole d honneur ce concours mafihche l intervention هههههه قريب امنتوا هههه

MMMMMMMDDDDDDRRRRRRRRRR

NCHALLAH ykone 3andou 8ad l'HONNEUR dont il a parlé

[gosto40]

شكون لي كان في بيت الشباب دواودة البحري
واش من غرفة

[tarek1987]

جاني مسؤول الجمارك في مركز الامتحان صقصاني لنعرف العالم جوزبف قلتلوا منعرفش هههههه قالي حوس عليه في غوغل هههه
انا نعرف لما يكون سؤال فيه قول احد العلماء يكون من مؤسسي الفكر الاقتصادي مثل كينز وتايلور فايلور وغيرهم ماشي خلايق ولا مرة سمعنا بيهم
سؤال لي يجي ناقش ناقش حتى الفرنسية والانجليزية قريب جات ناقش
المهم ربي يقدر لي فيه الخير وربي يوفق
سلام

[mizouhamza]

و الله هذا الكنكور صعيب أنا تبلي راهم يتمسخرو بينا ..... ماش صعيب ملقيتش واش نكتب بصح منبعد في الثقافة العامة كيف راح يقيمونا و الله غير حيروني ؟؟

[mizouhamza]

المشاركة الأصلية كتبت بواسطة عمر شعبان سعيد احمد

العولمة ثقافة عامة ماشي مالية لكن امتحان سهل ...في المقابل لا تستطيع الجزم بانك احسنت الاجابة و هذا ما يقطع الطريق امام الطعون في النتائج يعتي التصحيح كيما تنفح للمصحح

هيه و الله على حساب لي صححلك الورقة تاعك

[maikdz]

كانت اجابتي بصفة عامة عن هذا السؤال كالتالي: تطرقت أولا في المقدمة عن العلاقة التكاملية بين الانسان و المؤسسات و قلت أنه لا وجود لمؤسسة دون موارد بشرية بصفتها القلب النابض و المحرك الأساسي للمؤسسات ثم تكلمت عن دور المؤسسات في تحقيق تنمية مستديمة(لا شيء دائم دون مؤسسات) و الأهمية التي تعود بها على مرتكزات الدولة سواءا اقتصاديا أو سياسيا... بصفة عامة و على الانسان بصفة خاصة من توفير فرص العمل الى تحقيق الرفاهية و زيادة الدخل الحقيقي و الأمن و الاستقرار ........ثم في الأخير قلت أنه لن يتأتى كل هذا الا في ضوء بيئة صحية و سليمة و التي لا يمكن أن تتحقق دون تدخل الانسان في حمايتها من خلال الحد من الانشطة الصناعية المسببة في تلوثها و كخاتمة قلت بأن توظيف العلاقة بين الانسان و المؤسسة في المنهاج الصحيح أوجب الدول الى ضرورة اقامة علاقة بين واجبات حماية البيئة و متطلبات التنمية و التي من شأنها تحسين الأوضاع المعيشية و الاقتصادية و الصحية و الاجتماعية للمجتمع.
ان شاء الله أكون قد أصبت و لو بشيء من القليل في الاجابة عن مضمون هذه المقولة و الله لو طرحت في عهد أفلاطون لاحتار في الاجابة عنها أدعو لي بالنجاح ولكل المترشحين و الله تعبت من هذه المسابقات

[عمر شعبان سعيد احمد]

لاحظن انه بعض الممتحنين جاو يعملو تعارف في البليدة ههههه و نسو الامتحان .......على الاقل خرجو بنتيجة هو النجاح مافيهاش مافيهاش

[abda]

المشاركة الأصلية كتبت بواسطة maikdz

كانت اجابتي بصفة عامة عن هذا السؤال كالتالي: تطرقت أولا في المقدمة عن العلاقة التكاملية بين الانسان و المؤسسات و قلت أنه لا وجود لمؤسسة دون موارد بشرية بصفتها القلب النابض و المحرك الأساسي للمؤسسات ثم تكلمت عن دور المؤسسات في تحقيق تنمية مستديمة(لا شيء دائم دون مؤسسات) و الأهمية التي تعود بها على مرتكزات الدولة سواءا اقتصاديا أو سياسيا... بصفة عامة و على الانسان بصفة خاصة من توفير فرص العمل الى تحقيق الرفاهية و زيادة الدخل الحقيقي و الأمن و الاستقرار ........ثم في الأخير قلت أنه لن يتأتى كل هذا الا في ضوء بيئة صحية و سليمة و التي لا يمكن أن تتحقق دون تدخل الانسان في حمايتها من خلال الحد من الانشطة الصناعية المسببة في تلوثها و كخاتمة قلت بأن توظيف العلاقة بين الانسان و المؤسسة في المنهاج الصحيح أوجب الدول الى ضرورة اقامة علاقة بين واجبات حماية البيئة و متطلبات التنمية و التي من شأنها تحسين الأوضاع المعيشية و الاقتصادية و الصحية و الاجتماعية للمجتمع.
ان شاء الله أكون قد أصبت و لو بشيء من القليل في الاجابة عن مضمون هذه المقولة و الله لو طرحت في عهد أفلاطون لاحتار في الاجابة عنها أدعو لي بالنجاح ولكل المترشحين و الله تعبت من هذه المسابقات

اجابتي نوعا ما تشبه اجابتك حيث تكلمت عن دور الانسان .دور المؤسسة و التنمية المستدامة
ان شاء الله نكونوا من الناجحين

[tntimad]

الموضوع لازم ما يخرجش عن دور الانسان و المؤسسة في تحقيق التنمية و ايجاد العلاقة بينهما

ربي يوفق الجميع ،

سؤال فقط : متى تظهر النتائج

[azerta]

سلام عليكم

[bousslimani]

هل ممكن اسئلة المفتشين العمداء