الجزء 122 مرحبابيكم عندي نتمنالكم اقامة طيبة

[*وردة الشرق*]

وهيبة الكيكة خرجتلك ما شاء الله المرة القادمة دوقيها ورجعيلي
ام رشدي لا شكر على واجب ديري الغراتان ورجعيلي راهو امممممم

[nihale89]

سلااااااااااااااام حبيباتي واش راكم
غدايا شكشوكة في الكوكوط عندنا السخاانة
صحة غداكم كااامل
ويعطيكم الصحة واش حطيتو كل وحدة باسمها

[مطبخ الاحلام]

ام ياسين كلامك على العين والراس مانكثرش فالحكي
برك نقلك احنا رانا هنا باش نفيدو ونستفادو وراني نحط وصفة مور وصفة ومانعطيش موضوع حقه من الوقت باش يتفاعلو معاه فهدفي اني نمد الي عندي لا اني استنى ردود او شكر برك ردود شي بعض الصديقات الي تعرفت عليهم يطلعو المورال اما اغلبية الردود تكون 444444 مامعناها هدي فووور ؟ على الاقل الا جينا نحاسبو كل وحدة تكتب دعوة خير مش الهدف اني ندير رد

اختي زينب كامل جيتو ضدي انا ماقتلتش الكوزينة مش مليحة او دردشو شيء خارج عن الموضوع حكيت عن نفسي انا فقط
ومرة طلبت وصفة وتشكرت الاخوات الي ساعدوني ولما الاقي وصفة مليحة ندعي بالخير على مولاتها

بالنسبة للانشغالات لم اقل انكم مقصرين ماشاء الله عليكم قلتهالكم ونعاودهالكم راكم اماهات وتلحقو تدخلو للنت
لكن فقط شعل برا وشغل البيت امر اخر ومع هدا ندير البوسيبل وندخل
يمكن ردي او اسلوبي يخلوكم تشوفوني اخرى

زينب ام ياسين و ليزا واسمهان ام ديمة انتم شديتو انتباهي في الجلفة اول ما دخلت وشجعتوني ودرتو اللازم
اتشكركم جزيل الشكر وسامحوني جدا جدا على ما بدر مني
استودعكم في الله الدي لا تضيع ودائعه

[omhadil]

لبنات واشبيكم حبييتو يغلقو الكوزينة ممبعد شوفو وين تروحو انا مانقدرش على فراقكم هههههه
صح فطوركم انا غدايا بقالى من البارح

[ام احمد وصال]

مساء الخير حبيباتي واش راكم

ربي يعينكم ويجازيكم على كل ماتقدمونه

مطبخ الاحلام بارك الله فيك على كل ماتقديمنه وانتي مكسب رائع للمنتدى نتمنى متقطعيناش وتمتعينا بطيابك الرائع وراهو صرا سوء تفاهم بسيط احنا موالفين وهدي مدة انو الي تفتتح الكوزينة تكون متواجدة ديما مع الاخوات وفي نفس الوقت رانا نقدرو الظروف تاع بعضانا ماشي كي الخدامة كيما انا نهدر على نفسي قاعدة في الدار صح الشقا مايخلاصش بصح نلقى الوقت باه نطل على الاخوات مرة على مرة ربي يعيناجميعا ةيساعدنا ويجعل عمل كل وحدة في ميزان حسناتها

ان شاء الله ماتكونش هدي اخر كوزينة تفتحيها لخاطر راني نجيو ليك الي اللمة ونقطشوك من شعر وراه عندنا ملف اجرامي في هدا الموضوع هههه نتمسخر حبيبتي ربي يدوم المحبة علينا

[مياسم75]

السلام عليكم حبيباتي
شكراااا لكل اخت دعت بالشفاء لابي ربي يجعلها في ميزان حسناتكم
ومبروك نجاح وليداتنا ولعقوبة للشهادات العليا يا رب
غدانا ولله الحمد شطيطحة دجاج ومعاها كاساديا بالفيونداشي للاخت زينب
هاذي احلى باقة ورد لكل اخت في هاذي الكوزينة ربي يزهي أيامكم
عطلة سعييييييييدة والى الملتقى باْذن الله
اللهم اشفي ابي عاجلا غير اجل يا رب

[ام احمد وصال]

غدايا حميس تاع البارح وخبز وفرماج الامير والحمد لله ورايحة ندير شوية كروكي للميسيو يفطر بيه الصباح

[ام احمد وصال]

اهلا مياسم كيف حال الوالد تحسن شوية ربي يشافيه ويعافيه يارب ويخليه تاج فوق روسكم وبصحتكم الشطيطحة والكاساديا

[مياسم75]

ام احمد وصال شكرا حبيبتي على السؤال نقولو الحمد لله خُف الالم قليلا بصح حاكم لفراش قالو الطبيب نتاع الكبر الدوا مانفعوش دعواتكم خياتي
صح غداااااكم بدون ذكر اسماء كلكم روووووعة

[*توبــــة*]

المشاركة الأصلية كتبت بواسطة *توبــــة*

سلام حبيباتي
مبروك الكوزينة حبيبتي أطباقك متحوفة ومتقونة وصالونك و الكوزينة مرتبين وباهيين ماشاء الله

باروكي متأخر حنووووووونة.........غير اليوم روحت من الاقامة الجامعية
الناس تقرا وانا نخمم شكون رايحة تحل الكوزينة الجديدة خخخخخخخخخخخخخ

جبتلك غير روز و تليتلي
بانتظار الحلو يا حلواااااااااااااات

هذا أرز ف الكوكوط




وهذا تليتلي ف الفرن......راني غير نصور ونعاود هههههه




مراجعتش مي عرفت توفات عجوزة اختنا ام رهام
ربي يرحمها ويغفر لها......ويجعل قبرها روضة من رياض الجنة

صلوا على سيدنا محمد ......عليه الصلاة و السلام

صباحوووووووووو حبيباتي

نظن وحدة لاشافت الخير اللي حطيتو تشوفوه تشوفوه هههههههههه

اختي مياسم ربي يحفظلكم الأب الكريم ويدوم عليه صحتو

وهذا باروك خويا الصغير يقرا سنة 3 متوسط
جاب معدل 19 ......ماشاء الله تبارك الرحمن



صح غداكم حبيييييييييييييييباتي

[ام نور الهدى 2014]

السلام عليكم
نهاركم سعيد ماتزعفيشش اختي مطيخ الاحﻻم اكييج ماكانتش الاخت قاصددة تللومك لكن راني فاهمتك بيان ربي يشافيكي لانو الوحدة تكون تعباننة و الموراال بﻻ تحب لي يطلعلها المورال و اظن السرالة لحقاتك في وقت غير مناسسب ههههه
شوقي الردود كل وحدة و كيففاه تعبر و اتتي ماقصرتيش بالوصفات ربي يجازيك كل خير و نعاوود نقولك ربي يشفيكي (ماتقوليليش برك وحم) خخخخخ

[أم ياسين الزهراء]

مياسيم الحمد لله على كل حال وربي يخليلكم الوالد

ام علاء عمري لا انا والاخوات القدم اللي نعرفهم ماهملنا سوال ولا قلنا هدي جديدة وهدي قديمة الحمد لله كل ماتدخل اخت نموت بالفرحة ونجاوبو على قد معرفتنا واللي ماتجاوبش معناه ماتعرفش ماشي معناها ماحبتش وانا شخصيا عجوزة وقديمة من الكوزينا شحال من مرة سقسيت ومالقيتش رد وعادي

مطبخ دايما نرحب بيك ونحبك

لبنات سلام

[اسمهان79]

المشاركة الأصلية كتبت بواسطة wahibaazel

الغدا عملت فلفل محشي وكاين الخبز اللي يعطيوهلهم انتاع اللمجة ،العشية باذن الله نعمل خبز الدار .
البنات راهم شبعانين من القاطو انتاع الحفلة ما عرف يتغداو ولا لا وانا صايمة .

ربي يتقبل صيامك حبيبتي
ما تقوليليش برك رايحة تفطري برينوبة نسويسيدي
ديجا لبارح بعثتلي جارتي منها
لا لا ما طيشتهاش بصح نوضتو وقتلو ذك تديها لامك مسكين على سواد سعدو ناض وداها واش يدير يخاف مني
نضحك برك ديروها بصحكم كاينة تاقة بيني وبين عجوزتي نمدلها الماكلة من ثم هههههههههه

[omhadil]

الله يبارك ويزيد فى الخير لى حطيتوه
اختى توبة الف مبروك على خوخ المعدل الرائع ربى يحفضو من العين ويحقق نجاحات كبيرة
وماشاء الله على طيابك بزاف هايل ومن حقك تصورى وتعاودى

[اسمهان79]

سوسو حبيبتي والله نحبوك
ما تزعفيش