اقتباس:
المشاركة الأصلية كتبت بواسطة أريج13
السلام عليكم
كيف حالك ام لينا ان شاء الله راكي بخير
بالنسبة ليا .... الروتين الصباحي فيه العناية الشخصية ثم صلاة الفجر الورد القرانيو اذكار الصباح ...نروح نوجد الافطار و نوض وليداتي نعاونهم باش يلبسو ولما ينهيو الافطار نلم الاواني فقط نوجد روحي و نخرجو
في منتصف النهار نغسل اواني الصباح و الغذاء نكون وجدتو في الليلة السابقة نحضرلو لوازمو نوجد نتغداو و نغسل الاواني .و نروح للعمل
الروتين المسائي لما نرجع نغير ملابسي نتوضا و نصلي ...نوجد اللمجةو نساعد ابنائي على تغيير الملابس يغسلو و نتقهووا ثم نغسل الاواني و نحضر العشاء و الغداء ..و نروح نشوف واش عندي في الروتين الاسبوعي لمدة 10 د
و لما يجي الابناء من المسجد نحضر معاهم دروسهم على حسب واجباتهم
نعود للمطبخ نخبي الاواني و ندير 10 د في المطبخ اضافية على الروتين (داخلة في الروتين الاسبوعي للمطبخ) و بعد العشاء نغسل الاواني و نظف الحوض و نروح نلم hall (هو المكان اللي ناكلو فيه و فيه يراجعو الابناء ) ندور فيه دورة خفيفة تبريد و مسح خفيف نراقب ملابس الابناء و ملابسنا ...نمسح الاحذية.... ندير العناية الشخصية و نروح نحضر اوراقي...طبعا صلاة المغرب و العشاء في وقتهم
ساعة النوم حددتها عند23:00
عندي الغسيل يوم بيوم حتى نتجنب تراكم الملابس
نتمنى اني نكون فهمت واش كنت تقصدي هذا هو جدولي
ولما بدينا التنظيف العميق نخصصلو حوالي20د في اليوم
ربي يقدرنا و نكونو نعم الامهات و الزوجات الصالحات اللواتي يرضين الله تعالى و الازواج....
|
حبيبتي اريج ...روتيناتك منظمة ...و اولوياتك محددة بدقة ...و جداولك عملية و مساعدة ...بالصح يالغالية ..المراة العاملة تتعب ...
انتظام مهني طول النهار ...و ماتقدريش ماتكونيش ام ...و ربة بيت هذا التزام اخر تجاه المنزل و متطلباتو ..و نفسك ليها عليك حق ...يعني وقتك محسوب بالثانية ..ربي يعينكم برك ..كي كنتي تسردي في روتيناتك لاحظت تعبك و انا نقرى ..و ساعة النوم جاتني متاخرة شوية خصوصا و انك تستيقظي بكري ..كيفاش تحسي طاقتك ...مانيش نقلك راكي زايدة على روحك الشغل ماتقدريش ماتكونيش هكذا ...خصوصا و انك واعية بمسؤولياتك و متحملتها كيما ينبغي ...و الوصول لحالة التنظيم بالعمل خير من تطلقي كل شي و تغرقي في الفوضى .. فقط يمكنكم كعاملات الاستعانة بالتكنولوجيا المعاصرة لتسهيل اليوميات ...
طبعا انا لااعرف اقتاطاعاتك المالية و لا وضعك الاقتصادي .. و لكن بامكانك كصاحبة قرار بما انو عندك دخل تستعيني ببعض الاجهزة و الالات اللي تنقص عليك الشغل ...الاسعار تاع هذي لحوايج مثل اسعار الغسالة و الثلاجة و الفرن .. و لكن الجزائؤيين عموما ما يفكروش في اقتناءهم ..لا اعلم لماذا ...
مثلا ..
جلاية الاواني ...و الله غير روعة ...الماعن اللي تستعمليهم كامل تحطيهم فيها و يبقى حوضك نظيف ...كي تتعمر تشغليها مرة في النهار و ماتجيبيش النهار كامل و انتي تغسلي في لماعن ...
![](https://f./p_6498l0wa4.jpg)
مجففة الغسيل ...هذي ثاني تساعد المراة العاملة ...تنقصي العمليات المصاحبة للغسيل ...يعني تنحي من الغسالة تحطي في المجففة ..ثم مباشرة تعلقي او تطبقي ...ماتحتاجيش تنشري او تكوي ...يخرجو لحوايج جدد ..
![](https://d./p_649zi2ou2.png)
المكنسة الكهربائية ...تمرريها على المساحات و الزرابا و الكانابيات و الفوتايات و كل الزوايا ..بلاما تظالي تهزي و تحطي ..تختصر وقت كثير ..
![](https://c./p_6498tetk1.jpg)
الممسحة الكهربائية ...تمرريها فقط على الاسطح في ثواني تلقاي الكارلاج يشعل ..ماتكبي ما ما تزرزقي ما تقعدي تمسحي و تعاودي باش تنحي التاشات ...
![](https://e./p_649h7mhu3.png)
انا مانيش حابةنقتني هذو لحوايج لاني قاعدة في الدار ...كون نديريهم وش نقعد ندير يقتلني الفراغ