دفتر مطبخي ركن خاص لمستمعي اسرار مطبخ دليلة** ملتقى حراير الجلفة ** - الصفحة 67

سمراء الدنيا · 2012-02-22, 10:26

السلام عليكم و رحمة الله و بركاته
راني في اسبوع غير نقرا في الصفحات و هاذا وين كملت و حبيت
نقول للاخت مشيمشة راني مبهورة بهاذ الدفتر و ما تعرفيش شحال
راني دعيتلك و شكرا ليك اللي عرفتينا بالاستاذة دليلة
و نقولك راني جربت بزاف حوايج و جاوني روعة خصوصا
خصوصا الهانبورغر جاني هايل و مرة اخرى نحط التصاور
واش نقولك الله يعطيك ما تتمني و يفتح في وجهك بواب الخير

mimicha1977 · 2012-02-23, 09:45

مممممم تطبيق ماشاء الله يفتح نفس تسم ايدك حبيبتى

اقتباس:

المشاركة الأصلية كتبت بواسطة islam1aya

السلام عليكن اخواتي

هذا تطبيقي لفلفل مرقد بزيت الزيتون في الصفحة 41

وهو ذوقه رائع

شكرا ميميشتي الغالية على الدفتر الرائع

اقتباس:

المشاركة الأصلية كتبت بواسطة ام محمد ميدو

الله الله عليك يا غالية ميميشة انا نستنا في ابداعاتك في الصفحات الفوق وانت متخبية هنا انا الكيك نتاع الزبيب كي حطيتيه الفوق جربتو وقاعدة نستنا في وصفاتك شحال راني راتيت وصفات مذهلة من يديك ومن يدين ياسمين الله يجازيكم عنا كل خير على مجهوداتكم الجبارة وربي يحفظك لينا يا حبيبتي الغالية مموشتي

اهلا اهلا ام محمد ميدو ياصاحبه احلى ردود فى منتدى
ههههه ربي يخليك والله رانى هنا فى انتظار ردودكم و مشاركتكم لتفرحنى و تخلينى نكمل
الف شكرا لك يااحلى ام ميدو

اقتباس:

المشاركة الأصلية كتبت بواسطة سمراء الدنيا

السلام عليكم و رحمة الله و بركاته
راني في اسبوع غير نقرا في الصفحات و هاذا وين كملت و حبيت
نقول للاخت مشيمشة راني مبهورة بهاذ الدفتر و ما تعرفيش شحال
راني دعيتلك و شكرا ليك اللي عرفتينا بالاستاذة دليلة
و نقولك راني جربت بزاف حوايج و جاوني روعة خصوصا
خصوصا الهانبورغر جاني هايل و مرة اخرى نحط التصاور
واش نقولك الله يعطيك ما تتمني و يفتح في وجهك بواب الخير

شكرا وبارك الله فيك على الدعاء الجميل وربي يعطيك بالمثل وينجحك سمراء الدنيا
وهذا شي يفرحنى كي يعجبكم دفتر شكرا اختى

فى انتظار تطبيقاتك بفراغ صبر

mimicha1977 · 2012-02-23, 09:48

وصفات دليله ليوم الاثنين
خبز محشي بالفرماج + شربه بواكسي+ غربيه حمص
:تحية::تحية::تحية:

خبز بالفرماج

كيلو فرينه 20غ سكر 20غ خميرة 40غ حليب غبرة 40غ زبدة
80غ زيت مايعادل كاس شاي ونصف 200غ جبن طري نصف لتر ماء

الطريقة
فى عجان ضعي فرينه +ملح+سكر + حليب غبرة +زيت ضفى نصف كميه ماء
اعجنها على سرعه الاولى ارمي خميرة و ضفى باقى ماء اعجنى لمدة 10د اضيفي زبدة وزيدى خلطي
اتركها تخمر فى مكان دافئ 15د
شكلها كريات تزن 150غ
خذي جبن قطعيه شرائح طويله
قرصي كرة و ضعي فيها جبن ولفيه مثل سجارة اعدلها مليح
رتبها فى صينيه اعملى لها خطوط بالسكين ادهنها بالماء
رشي عليها جبن شيدار اتركها تخمر ادخلها فرن ساخن لمدة 15د 250درجه حراريه

mimicha1977 · 2012-02-23, 09:49

[IMG][/IMG]

شربه بواكسي(Les pois secs)

رطل بواكسي بصله كبيرة ربطه معدنوس 4ملاعق زيت ملح
فلفل اسود قرفه 100غ فرميسال حبه ليمون

الطريقه

ا
فى قدر ضعى كل مواد بارد فى بارد ضعيها على نار حتى طيب مليح اذا عملت رغوه انزعها وماتغطهاش كامل باه متفيضش
كي طيب ارحيها تصبح مثل عصيدة و اذا كانت خاثرة بزاف زيدي شوي ماء ارجعها لنار تغلى زوج غليات ارمي فرميسال وتزيد تغلى 2غليات
وطفي عليها قدمه مزين بالليمون

ملاحظه

ابدا ولا تعملي بواكسي فى كيكوت لانها تغلق فتحه لفى كيكوت وهذا فيها خطر عليك

mimicha1977 · 2012-02-23, 09:53

غربيه حمص
المكونات

250فرينه 200غ فرينة حمص محمصة 250غ(125 سمن +125غ زبدة ) 250سكر ناعم فانى او رشه هيل

الطريقه
اخدمي زبدة+سمن+سكر بالخلاط جيدا حتى تصبح كريمه خفيفه وقفى خلط ضفى فرينة حمص +فرينه+فانى حتى تتماسك شكليها كريات ادخلها فرن 25الى30د تبرد قدمها او رشها بالسكر ناعم

*سماح 94* · 2012-02-23, 19:10

يعطيك الصحة اختي ميميشة على الفهرس هكدا سهلتي علينا البحث ربي يسهلك امورك كيما سهلتي علينا

زاد اليقين · 2012-02-24, 15:58

بارك الله فيك يا اختي و ربي يجازيك انت و السيدة دليلة فعلا وصفات غاية في الروعة .
و دفتر جميل و مرتب

hamida2012 · 2012-02-24, 18:20

الله يبارك ماشاء الله دفتر و عليه الكلام شكرا اعزيزتي ميميشة على كل ما قدمتيه علابالي اني روتار مي ماعليش منا و جاي ما رايح يفوتني حتى صفحة منوو اكيد رايحة نطبق لي نقدر عليه من الوصفات ربي يجازيك كل خير و ربي يعطيك ما تتمناي ان شاء الله الف شكر

miri_27 · 2012-02-24, 18:43

السلام عليكم عزيزتي ميميشة رجاء اريد كيفية تحميل تسجيل للراديو للتوضيح اكثر في حوزتي تسجيلات للسيدة صليحة في مجال الطبخ و بعض الاخوات طلبنها لذا احببت ان اضعها في موضوع لكنني ليست لي خبرة في كيفية ادراجها و شكـــــــــــــــــــــــــــــــــرا لكل مساعدة