الجزء 77 من واش طيبتي اليوم سيدتي **تحضيرات شعبان لإستقبال رمضان**

[شاوية حرة 05]

حبيباتي ااولادي وام ياسين الزهراء ماشي خصارة فيكم نجيبهالكم كامل انتم و وليداتكم

[yasmalak]

ماري يبداو على 8 كي العادة

[شاوية حرة 05]

ام طيري الجنة وليزابيل ربي يحفضكم ليزابيل حنونتي لحم غنمي وتاع الفخذ حبيتو محمر في الكوشة ربي يحفضك وينورلك دربك

[awladi]

حنان الفلان درتو مرة جاء كارثة زلزال فيضانات العجب تشوفيه الكراميل ماشي باهي قوليلي كيفاش درتيه

[lyzzabel]

حنااااان مساء النوووور بصحتكم الكرام كاراميل ،، راي تشهي بصح انا ما نبغيهاااااش :d:d واش فطرتي اليوم و واش راكي دايرة للعشا خبريني ؟؟؟؟؟؟؟؟ ههههه

[lyzzabel]

المشاركة الأصلية كتبت بواسطة شاوية حرة 05

ام طيري الجنة وليزابيل ربي يحفضكم ليزابيل حنونتي لحم غنمي وتاع الفخذ حبيتو محمر في الكوشة ربي يحفضك وينورلك دربك

شوفي حبيبتي مام انا كنت باغية نقترح عليك تديريه محمر فالكوشة
جيبي اللحم و نقيه مليح مالعظم و بالسكين بيكيه و تكوني موجدة فصوص تاع ثوم صحاح دخليهم ملييييح في هاذوك الثقوب لي درتيهم ،، و في غرفية او بول ديري شوية مارغرين و ملح و فلفل اسود هذا ماكان و خلطيهم مليح و ادهني اللحم من كل الجوانب و حطيه في بلا تاع كوشة ديري فيه شوية ماء و غطيه بالالمنيوم و دخليه في فرن ساخن كي تفوت عليه عشرين دقيقة نقصي عليه ل 200 درجة و خليه يطيب و تقدري تديري معاه شوية خضر مقطعة مثلا بصل ، بطاطا ، زرودية بصح البنة ما تجيش كيما مين تديريه وحده و ما تنسيش تسقيه مرة على مرة بلاصوص تاعه و اذا شفتيه تحمرلك مالفوق و مالتحت لا اقلبيه و عاودي غطيه و خليه يكمل الطياب ،، راه سااااهل مااااهل و ما فيهش التعب و ما يتطلبش التوابل و النكهات بزاف انا هاكا نديره و يجي بنيييييييييييييييييييييين ههههه ،، و بالتوفيق حبيبتي

[yasmalak]

Size="5"]اولادييي الكراميل ما نتبعش بالمقادير ندير عيني ميزاني ندير السكر و نزيد شوييييييية ما ماشي بزاف قيسما يتشمخ و قطرات قارص باش ما يسكرش و نخلييه على نار قليلة ما نمسوووش قاع هدا هو السر تاعو لوكان تقعدي تحركي فيه يلصقلك قاع فالكاسرونة كي تشوفيه بدا يولي صفر نحييه بارسكو السخانة تاعو راح تزيد تطيبو يعني لوكان تخليه يحمار بزاف راح يتحرقلك و يجيك مرر

ليزااا حبيبتي مسلخيييييييييير و شراااكي الفطور ماشي انا درتو دارتو ماما درنا سردين و انا درت كريات الروز برك ههه و للقهوى زدت درت قاطو المحقن تاع طومة ولات ماما كل يومين تقولي ديريييه ههه و العشا ختي راهي تطيب والله ماعلبالي واااش و نتي واش معولة تديرييي للعشا
حقاا بصحتك المتقبة تشهيييي و بالشفا على احلاااام الحمد لله على سلااامتها[/size]

[مرام 1987]

المشاركة الأصلية كتبت بواسطة awladi

العسلاية شفت الرد تاعك وافرحت بزاف والطعام اديه كامل ماشي خسارة فيك و المبسس نروح نشمخ شوية قبل مايشوف ع تاعك و نسمع ههههههههههههههه
ماري ماعنديش أي فكرة على بيام بصحتكم التليتلي والروز
ماري عندي لك رجاء بصح ماتزعفيش مني حنونة نحي هذيك المهنة الي راكي كاتبتها والله غير نحبك ورانى كامل ندعولك بالشفاء حنونة

حااااااااضر طلباتك أوامر والله ما نزعف راني نحبكم كاااااامل موووووت والله ربي لي عالم نضال نحكي بيكم مع أهلي تقولي ماما هذو وين تعرفيهم نقولها والله هذو خير من الناس لي تخلاو عليا بعدما مرضت ربي يهديهم
حنان ربي يجازيك شكرا أنا سقسيتك بويسك أختي عندها حراسة ونسات ماشافتش على قداش حسبتها على 8:30

[شاوية حرة 05]

ليزابيل ربي يحفضك حنونتي ويسرلك امو رك يا رب حبيت نسقسيك شحال مدة الطياب تاعو واسمحيلي حنونتي

[lyzzabel]

شاوية بلا جميل حبيبتي مدة الطهي على حساب اللحم كي داير لاكان خروف صغير لحمه طري و بلخف يطيب و لا كان خروف كبير شوية يدي وقت اكثر ،، نتيا ما تغفل يش عليه مين تشوفيه بدا يتحمر غير شوية عسيه و مرة على مرة دخلي فيه خدمي ولا فرشيطة و شوفي ،، و عندكي نتيا تحرقيه هههه

حناااان الله يحفظك حبيبتي و بصحتكم السردين و الروز و المحقن هههه ،، انا بقاتلي حريرة مالفطور غادي نزيد معاها مرقاز و الحمد لله اليوم العشا مدبر ههههه،، و الله يسلمك المتقبة حنا نقولولها المبسس المقلي ههههه خاطرش نديرو تاني تاع الطاجين

[شاوية حرة 05]

شككككككككككككككككككككككككككككككككككرا ليزابيل

[yasmalak]

ماري الله يسلمك حبيتبيي و ربي يعاونها ختك مزيييييييييييييييييييييييية انا ما نعسش

ليزاا حنا تان عندنا المبرجة نديروها فالطاجين تجي بالغرس و المتقبة تتقلى و تتعسل
هههه شفتي شعال حالة كي تكوني علبالك واااش راح تطيبيييي
حقاااا راني معولة ندير الحريرة تاعك في رمضاان ادا حيانا ربييي هكا باش ما يقعدش يقولي امين كي ما تعرفيش تدير الحريرة يعني ما تعرفي تديري والو ههههه يخي بنينة ماشي يقعدو بلا فطووووووور هههههههههههههه عندااك نتمسخرر برك عندي تقة عمياء فالوصفات تاعك

[omomnia15]

انا ضرك وين نروح منكم هربت من الحلو الي عندي القيت مثقبةتع ليزا والله تهبل هذيك الي قاتلك عليها المازة ذيك المرة والله ملي كانت خالتي الله يرحمها حية كنا نروحو ليها فالصيف اديرهالنا صبح مع بريق قهوة وحليب والله متحوسي على والو منبعديعطيك الف صحةوصاي راني صالحتك كي جبتيلي الحلو
حنان الكريم كرامال يشهي وجاك روعة يسلمو
ام يسرا بصحتك الكسكس وهكذاك عاند ولا تحسد هههههههههههه بصحتك المرقة السخفة واعرة

[yasmalak]

الله يسلمممك ام امنيية وشراااكي مع لحملل
و بصحتتك العرس المهم سييير نحيتي على خااطرك

[سهومةج]

[[أم محمد تااااااااااااااااااااااااااااج ادا راكي هنا نحتاااااااااجك نمدلك رقم أختي قاتلك عيطيلي نفهمك راني وراء الكواليس
size="6"][/size]