دورة خطواتي الواثقة لأصبح ربّة بيت متألّقة

[غزالة1]

امال اختي ربي يكون معاك و يقويك و ان شاء الله سحابة و تزول
اللهم فرج هم اختنا امل و افتح لها ابواب رحمتك

[نواعم]

السلام اخوات والله حمستوني للشغل رغم انو كبما قالت جهينة اللي نديروها نعاودوها معليش ربي يقدرنا شكون عايشة مع ناسها تقولي برنامجها

[ام متين]

اللهم فرج هم المهمومين وكرب المكروبين امييييييييييييييييييييييييييييييييييييييييييين يارب العالمين
امال حطي في بالك ان مادامت شدة يعني الهم رايح يزول يزول باذن الله لكن شوية صبر وشوية حكمة وربي يفرجها عليك وعلى الجميع

[ام متين]

اليوم
الجانب الديني جاري التنفيذ
الجانب الجمالي عادي
الروتيت اليومي
ماقدرتش ندير الكولوار ياك تعرفو الوقت يروح في الخرجة للمدرسة مع الاولاد وتحضير الضروري يعني على 10.30 يكون الفطور طايب وفي المساء مانقدرش نجير تنظيفات كبار لان الاولاديرجعو تعبانين مع قهوتهم وماعن وتحضير العشاء يروح الوقت ومع ذلك نعمل ولوحاجة بسيطة فرزت الكولوار وشريت جافيل نتاع الرغوة واذا قدرني ربي غدا نقوم بالتنظيف

[ام تينة]

اختي المؤمنة
إذا وجدتَّ يدَك تتثاقل عن الإمْسَاك بالمصحف ولسَانكَ عن الذّكر
فَثِقْ أنّ القَلبَ قَدْ أُثقِلَ بذُنوب ثَقلت مَعه بقِية الجَوار
يُحكى أن قلباً ..
حـن فـأن ...
فسبـح... فـأستغفر..
فدعا فابتهـل..
فارتاح فاطمئن.... فابتسم ...
استغفر الله العظيم

((وَمَا كَانَ رَبُّكَ نَسِيًّا ﴾
لم ينس تلك الدمعة التي سقطت
بين يديه ، والدعوة التي رفعت إليه ،
فلا تحزن سيؤتيك الله من فضله .
واحسسي بروحك ادا هممتي ان تبوحي بهمك لاحد البشر
سيخجلك قوله تعالى وبشر الصابرين
وخدي هده العشر
القـواعـدالعشـرة للحيـاة السعيـدة :

١-حافظ على صلاة في وقتهااوالتهجد والضحى .

٢-حافظ على ورد من القران .

٣- حافظ على بر الوالدين .

٤- لا تكرَه أَحَدا مهما أَخْطَأ فِي حَقِّك .

٥- لا تقْلَق أَبَدا مَهمَا بَلغْت الهموْم .

٦- لا تقطع دعاءك لاخيك المسلم .

٧- تَوَقَّع خَيْرَا مَهْمَا كَثُر الْبَلاء .

٨- أعْطِ و لَو حُرِمْت .

٩- ابتسم و لَو كان القلب يَقْطُر دَماً.

١٠- عش ببساطة مهما علا شأنك .

[أريج13]

سلام يا فراشات نشيطات و فحلات......و الله غبت عنكن يومين لقيتكم هربت في كلش .....
بالنسبة ليوم الاثنين مع هذيك الرمال المتطايرة راحت علينا الكهرباء و حتى الانترنت
اما يوم الثلاثاء فلما رجعت من العمل بديت حملة نظافة لكل المنزل تنظيم و ترتيب و تنظيف عميق لان الرمال كانت تملا المكان و زدت عليه تنظيف فايونس المطبخ ... ...
اما اليوم و بعد الرجوع من العمل رجعت نظفت المطبخ يعني اعادة تنظيف الاسطح من الغبار ...،الحمد لله المطبخ بعيد عن اماكن تسرب الغبار و النافذة كانت مغلقة باحكام.....
روتيني اليومي قمت بيه عادي....
بالنسبة لتنظيف غرفة النوم سابدا فيه يوم الجمعة صباحا باذن الله و راح نستغل ايام عطلة الخريف لاتمامه......

[أريج13]

اختي ماريا ملاك جزاك الله خيرا على قبولك الاشراف على هذه الدورة المباركة باذنه تعالى ......نحن نتشرف بك مديرة و مشرفة و ربي يوفقك .....
اختي امل فرج الله همومك و ازال كربك ....ان شاء الله تكوني من الصابرات المحتسبات.....،فقط كوني على صلة بالرحمن الرحيم حتى يعينك على هذه الازمة

[فراشات العمر]

السلام عليكم
باركولي خلصت الكوزينة وخلاصو اظافري كاش وصفة تقوي الاظافر
شكرا اسيل على الصور أنا عندي من الادراج ثلاثة واش نقدر ندير فيهم واحد دايرة ريفيتايمة واخر لماعن الزايدة

[mariamalak]

المشاركة الأصلية كتبت بواسطة ام متين

صباحكم طيب مبارك
شكرا ماريا درتيلنا القلب باه نكملو الكوزينة يوم امس تقريبا كملت بقاو حوايج خفاف نحاول نكملهم الشيءالي عجبني امس اني كنت كاتبة الخطوات ونشوف الشيءالي مازال الحمد لله .
اليوم راني نكتب من الهاتف لما لقيت النت قطعت االصباح هدا حبس قلبي لكن الحمد لله قدرت نتواصل معاكم المهم يقدرنا ربي على اعمالنا

اهلا ام متين حبيبتي راكي جايبتها التحقي بينا الباب و الكولوار ساهلين و ندو راحة الجمعة هكا اللي ما لحقش يقدر يلحق

[mariamalak]

المشاركة الأصلية كتبت بواسطة خوخة02

السلام عليكم حبيباتي كيف اصبحتم
والله غير مليح ماريا اعطيتينا مهلة حتى للاثنين
نضفت البارح تحت البوطاجي ورميت اللي تترمى ونضفت الطابلة والكراسي ان شاء الله نزيد نكمل اليوم واش بقى
راني مثل السلحفاة وليدي ميخلينيش غير نفوت عليه يولي يبكي
ريحت لما نحيتلو طيور الجنة كان مايديهاش فيا درك راه يلعب وحو ويصنتلي والله غير صح مرض تاع بصح

و عليكم السلام كيف حالك حبيبتي مبروك عليك التنظيف و ربي يعينك على التربية انا ثاني كيفك الصغيرة راهي تحبي نربطها فالكرسي مرات و مرات نديرها فالمشاية

[mariamalak]

المشاركة الأصلية كتبت بواسطة amel...

صبح الخير عليكم يا الحراير

ان شاء الله راكم مليح و الصحة بخير

فراشات ربي يقويكم ان شاء الله و راني كنت حابة نكمل معاكم للاخير بصح

مقدرت نبدى كيما لازم الحال مقدرت نكون معاكم

و الله تمنيت من قلي باه تكون هاد الله لمتي و نكون معاكم خطوة خطوة بصح مقدرتش

امشاكل في دارنا مخلييني منعرف والو و مقدرتش نرفد روحي و نولي كي زمان

رايحة ننسحب من الدورة لانو الظروف قهرتني و اكبر مني

كل ما نقول رايحة تتحسن تزيد تتعقد اكثر

ادعيولي ربي يفرج كربتي و يتنحى هاد الهم و الغم

رايحين تبقاو في بالي ... و ان شاء الله نتلاقاو في دورة جديدة

اخواتي محتاجة دعاويكم ... في امان الله

اعتذر عن الانسحاب لي فوق يدي

رايحة نطل نسقصي عليكم كي تسمح الظروف

amel...

ربي يفرج عليك اختي و يحفظلك العايلة تاعك و ترجعينا في اقرب وقت

[mariamalak]

حبيبتي حياتي كلها امل رجعتينا الامل بالنظافة و الترتيب ماساء الله ربي يحفظك يا ريت لو تحطينا الصور فالصفحة تاع البرنامج

[nana47]

السلام عليكن اخواتي
و الله الواضح اني اكبر كسولة هنا
و الله جمعتكم جات عليا بالخير الحمد لله حكمت خدمة و راني متوخرة لاني مازال ما تعودتش على الخدمة ان شاء الله كي نحكم روحي مليح نتبع الدورة بتصرف لاني لست متزوجة و لكن نقول مازال ناقصتني ياسر حداقة
انا راني نطبق بعض ما اقدر عليه الى حن اضبط برامجي ان شاء الله
حبيت نسقسسيكم انا عندي مشكلة في الطبخ
مادابيا تمدولي قائمة ببعض الماكولات العصرية الي لازم تتعلمها البنت قبل ما تتزوج لانوعندي معرفة بالطبخ التقليدي لكن الحوايج المودارن لا علاقة
يجعل مساءكن مليئا بطاعة الرحمان
تقبلو سلامي انا نانا
سلام

[ام تينة]

اخوااااااااااااااااااااااتي لا تنسو
غداً صيام الخميس 🌸
عن أبي هريرة أن النبي صلى الله عليه وسلم قال :
تعرض الأعمال يوم الاثنين والخميس فأحب أن يعرض عملي وأنا صائم
هكدا تسعد المؤمنة بمجاهدة نفسها بالطاعات لتدرك السعاااادة الحقيقية

فلا سعيد إلا من أسعده الله
فالله هو الذي أضحك وأبكى وهو الذي أسعد وأشقى وهو الذي أغنى وأقنى
فالسعادة ..
ليست بالزوج ولا بالأولاد ولا بالأصدقاء ولا بالسفر ولا بالشهادات ولا بالمناصب وﻻ بالرفاهية ولا بالبيوت ..
السعادة كل السعادة في اتصالك بالله
درب نفسك على كثرة طرق باب الله حتى يبقى الحبل ممدودا بينك وبين الله ..
هذه هي السعادة الحقيقية ...
قال الحسن البصري - رحمه الله - :
" تفقدوا الحلاوة في الصلاة والقرآن والذكر ، فإن وجدتموها فأبشروا وأمِّلوا ،
وإلا فاعلموا أنّ الباب مُغلق ! "
اللهم اجعلنا من عبيدك السعداء......

[mariamalak]

يا الله يا ام متين لديك معزة خاصة في قلبي احبك في الله
ادعيلي معاك اختي احتاج دعاءكم