~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[حياتي كلها امل]

فرشات العمر والله انت شحال حبوبة وطيوبة بنسبة لقرايتك كلشي بالمكتوب وهذا واش كتبلك ربي مايخرج قلبك ماوالو الشيطان راهو يديرلك هكذا باه تتعب نفسية الانسان المؤمن ويدخلو في دوامت لوكان ولوكان.وديري في بالك الدراسة مليحة صح100% لكن الاخلاق والتربية الصالحة عندها دور كبير في الحياة شوفي والدينا عمرهم ولا قراو بصح يعرف امور وترباو على امور ميعرفهاش الي عندو الدكتورا ،وزيد بزيادة حبيتي تثقفي اقراي مع ولادك كما رانا كامل نقراو مع ولادنا والحمد لله راهي كاي الانترنات ثقفي واقراي واش حبيتي.
علبالي راني صرعتك

[آسيا 25]

المشاركة الأصلية كتبت بواسطة فراشات العمر

اهلا اسيا كشما مديتي ورقات لعجوزك

ههههههه فراشات العمر عجوزتي كانت غايبة وانا كنت البارح في العاصمة رحنا نخطبو لخويا لعقوبة لجميع العزاب ما تلاقيتهاش من الخميس بصح صدقيني ما راحش يتغير الوضع كي نمدلها و راني من بعد نرجعلك بالخبر
بانسبة لموضوعك حبيبتي أنا من رأيي الزوجة يلزم تكون عفوية مع زوجها يعني أحكي أضحكي كيما تعرفي ما تحاوليش تتصنعي باش تبينيلو أنك مثقفة و تعرفي, لأنو الراجل يحس و راح تطيرلو منك يعني مليح المرأة تثقف نفسها و لكن تظهر ثقافتها في الوقت المناسب يعني لما تجي فرصة باش تحكيو على هاديك المعلومات بعفوية تامة نتمنى تكوني فهمتيني

[آسيا 25]

فراشات راني شايفة بلي راكي حاسة النقص كي ما قريتيش لا حبيبتي ما تطيحيش في هاد الفخ لأنو التعليم لا يعني الثقافة و الدليل كثير من النساء اللي ما كملوش تعليمهم مثقفات و حادقات تلقايها تعرف تتمشى فالدنيا و تتعامل مع راجلها دايرتو خاتم في صبعها و ياما متعلمات و عندهم أعلى الشهادات فشلو في حياتهم و ما عرفوش يديروها!!! يا عزيزتي كلنا لا نزال في طور التعلم

[loudjaine]

عندي جارتنا عمرها ما دخلت تقرا ..قرات في الجامع برك لكن ربي بارك واش مثقفة كي تقعد في جماعة غير هي لي تهدر ...ربي بارك من المطالعة راهي تقرا كتابات خاصة الدينية
اخت فراشات انا ننصحك مع الزوج اللسان الحلو مثلا يروح تروحي عندو تبان عيان حبيبي حتى الا بان كي الحصان ههه الا حطيتي الماكلة والله ما لحقت مع الدار تستاهل خيرمن هاك حتى الا حطيتيلو اللحم محمر ... كي قلك واش نجيبلك ما شي تبدايلو بصلة طماطم ..لا لا ... قولو يروحلي حبيبي لاباس ... و مبعد ايه تفكرت حتى اذا تعبتك اسمحلي جيب معاك البصل هههه
الا قلقوه الاولاد ديري روحك ما شتيتيش ما ديروش الحس باباكم عيان ...خليهم يديرو الحس لوحي الكلمة برك هههه

[آسيا 25]

المشاركة الأصلية كتبت بواسطة loudjaine

عندي جارتنا عمرها ما دخلت تقرا ..قرات في الجامع برك لكن ربي بارك واش مثقفة كي تقعد في جماعة غير هي لي تهدر ...ربي بارك من المطالعة راهي تقرا كتابات خاصة الدينية
اخت فراشات انا ننصحك مع الزوج اللسان الحلو مثلا يروح تروحي عندو تبان عيان حبيبي حتى الا بان كي الحصان ههه الا حطيتي الماكلة والله ما لحقت مع الدار تستاهل خيرمن هاك حتى الا حطيتيلو اللحم محمر ... كي قلك واش نجيبلك ما شي تبدايلو بصلة طماطم ..لا لا ... قولو يروحلي حبيبي لاباس ... و مبعد ايه تفكرت حتى اذا تعبتك اسمحلي جيب معاك البصل هههه
الا قلقوه الاولاد ديري روحك ما شتيتيش ما ديروش الحس باباكم عيان ...خليهم يديرو الحس لوحي الكلمة برك هههه

:1 9:

[امّ اياد]

صباح الخير للجميع
فرشات علاه راكي حاقرة روحك مشاء الله راكي واصلة للباك وعلاه تندمي الحمد لله كونتي عائلة وكي تنجي في تربة اولادك ويرضى عيك زوجك دنيا ومافيها وراجل مرات مسكين يجي تعبان وراسو معمر من مشاكل الخدمة لازم تعذريه وكل موضوع اختارلو وقتو اول مايجي من الخدمة عبرلو على شوقك ليه ومدحيه وسمعيه كلام المليح باش تخفي عليه تعبب وكي يكون عندك طلب اختاري الوقت لي يكون هادي وتحسيه مش مقللق والمواضيع لي تحسيه يحاول يراقب طريقة كلامك فيها تجنبها استغفري وعاودي خمي مع روحك وحاولي تخلقي تغير جديد في حياتك

[فراشات العمر]

يا اخوتي الان سمعت خبر وفاة اخت حراير ادعو لها بالرحمة

[سرور2]

صباح النور لبنات يعطكم الصحة

فرشات راكي تقول حكتي عليا مع انو كاين فرق بينا انو انا وصلت 8متوسط فقط

انا حابة تكون عندي شخصية قوية ونفرض رايي(لانو صح معاه نحس روحي 0) علبالي هومرااااااااات يسقسني على حوايج ويدي رايي بصح داااايما يسقسي جهةاخرى والاغلب يدي رايهم حتى انو مرةتنقشت معاه قتلو متزدش تسقسني ولا تدي رايي ابدا ومع هذا مزال يدي رايي وميدرش بيه ربي يفرج علينا


اليوم درت تنضيف عميق لصالة وبدلت الدكور وفرزت كلش مع الكروال ورفعة الاحذية وفرزة خفيفة لشنبرة لانو نضيفة

مزال برك نهز القش كجبلي سشيات باشنفرزهم فوق الخزانة

اما البيت والكوزينة نفضة خفيفة برك انتاع كل يوم وطيب لغدى وجيت نطل عليكم

[فراشات العمر]

ام اياد كي يروح من الخدمة عيان ممنوع النقاش وكي يعود يوم الجمعة ةلا سبت يخي قاعد يقلي ليوم تاع الراحة نتاعي انا راجلي ولفتو في كلمة ايه دايما واليوم ماقدرش يخمم بلي الزوجة المزيعة الطاعة التامة تهدر كيما يقلك الخرسة كي تنطك ماشي مليحا خليك ساكتة احسن

[فراشات العمر]

انا ماشي حاقرة روحي بصح العبارات لي نسمعهم يوميا خلاوني نشك في روحي
يوميا غدا وعشا قتلو يخي ندير ماكلة واحدة غدا ونخلوها للعشا يقلي مضراحة على الماكلة
اذا تكاست على الشغل يقلي لاتية مع المكرو والله غير يجي نهار نكسرولك جابولي هدية هو صح ساعات مانوضش عليه

[آسيا 25]

الدنيا فانية ربي يرحم أخت حراير و يسكنها فسيح جنانه و إنا لله و إنا إليه راجعون

[حياتي كلها امل]

رحم الله اخت حراير وجميع موتى المسلمين

[امّ اياد]

اختي فرشات متشكي في روحك ماولو مشاء الله عليك معدو ميخصك دايما كوني واثقة بروحك وربي يهنيك مع زوجك ويسعدكم

[arwa alaa]

السلام عليكم يا فراشات ومرحبة بيكم في الدردشة
واش هو موضوع اليوم
اختي فراشات متحسي بنقص ما والو راكي ما شاء الله خياطة وكل صبع بصنعة
شوفي انا مرت عمي عمرها ما قرات عمرها 73سنة وعمي من القاريين نتاع زمان عمرو 76سنة وديما يقولها واش تفهمي انتي كشما قريتي ايا قررت تقرى ودخلت محو الامية والجامع تحفظ في القران راهي في السنة الثامنة وقالت لا خلاني ربي حية نكمل الباك والقران راهي متقدمة وبلاك حافظة اكثر من عمي يعني لاكان حاسة روحك متاثرة بزاف من القراية كملي قرايتك بالمراسلة وقراي مع الاولاد عمرو مكان عيب .
وعندنا وحدة جارتنا عند بابا انا نستعرف بيها خرجت من القراية في السنة التاسعة ودخلت تعلمت حفافة وولت تخدم دار الزمان وتزوجت بمهندس اطار كبير في سوناطراك وولات تحس بنقص معاه ومع عايلتو ونساء صحابو هو يقولها يخي كي تزوجتك عمبالي بلي راكي مكملتيش قرايتك
ايا قررت انها تكمل قرايتها بالمراسلة
وصلت جوزت الباك زوج مرات ومنبعد داتو وقرتفي الجامعة وتخرجت ودخلت تعلمت الانجليزية وراهي تخدم في شركة بيترولية كبيرة ودارت البارمي وراهي عبد واحد اخر

[arwa alaa]

السلام عليكم يا فراشات ومرحبة بيكم في الدردشة
واش هو موضوع اليوم
اختي فراشات متحسي بنقص ما والو راكي ما شاء الله خياطة وكل صبع بصنعة
شوفي انا مرت عمي عمرها ما قرات عمرها 73سنة وعمي من القاريين نتاع زمان عمرو 76سنة وديما يقولها واش تفهمي انتي كشما قريتي ايا قررت تقرى ودخلت محو الامية والجامع تحفظ في القران راهي في السنة الثامنة وقالت لا خلاني ربي حية نكمل الباك والقران راهي متقدمة وبلاك حافظة اكثر من عمي يعني لاكان حاسة روحك متاثرة بزاف من القراية كملي قرايتك بالمراسلة وقراي مع الاولاد عمرو مكان عيب .
وعندنا وحدة جارتنا عند بابا انا نستعرف بيها خرجت من القراية في السنة التاسعة ودخلت تعلمت حفافة وولت تخدم دار الزمان وتزوجت بمهندس اطار كبير في سوناطراك وولات تحس بنقص معاه ومع عايلتو ونساء صحابو هو يقولها يخي كي تزوجتك عمبالي بلي راكي مكملتيش قرايتك
ايا قررت انها تكمل قرايتها بالمراسلة
وصلت جوزت الباك زوج مرات ومنبعد داتو وقرتفي الجامعة وتخرجت ودخلت تعلمت الانجليزية وراهي تخدم في شركة بيترولية كبيرة ودارت البارمي وراهي عبد واحد اخر