وصفات حراير الكوزينة الجزء الثاني

[Mizou123]

السلام عليكم، اختي ايدرونو الله يجازيك عل المجهود اللي راكي تبذلييييه. الله يجعلو في ميزان حسناتك.

[ام اسحاقو]

اختي ادرونو فعلا مجهود عظيم راكي تبذلي فيه ربي يجازيك خير ان شاء الله على تعبك

[idron0]

بطاطا في الكوشة simassim

الوصفة من اسهل مايكون وتقدرو تبدلو فيها كل واحد وذوقه ممكن تكتفوا بالملح والفلفل اسود وممكن تضيفو توابل اخرى او حتى لحم مفروم موتارد هريسة اعشاب
انا غسلت بطاطا وقطعت شرائح بدون مانوصل للقاعدة وبين كل شريحة نحط فرماج وزبدة تقدر تضيف اي شي اخر اليوم درت اكليل جبل
ترش بالنلح والفلف اسود وزيت زيتون وتغطيها بورق زبدة ثم ورق المنيوم ودخلها الفرن تطيب حوالي ساعة ال ساعة ونصف والورق تنحيه فنص طياب
فالاخير تضيف فرماح رابي ومرات زدت معاها شوية مايونيز

بالنسبة للصلصة درت poireau مقطع مع شوي زبدة وشوي ملح علو نار قليلة حتى يذبال ممكن تحتاجي قطرات من الماء فالاخير تضيفي كرين فراش وتخليها تغلي. حتى تختار شوي.

صورتها قبل ماتطيب.

[idron0]

معكرونة simassim

صدر ديك رومي مقطع متبل ملح زنجبيذ توم بابريكا عصير ليمون بصلة مقطعة شرائح نطيبوهم في زيت زيتون جاوني مالحين هههه سلقت ماقارون ملونة بدون ملح وحطيتها معاهم مع شوي ما ء السلق وحركت حتى نشفت قطعت فوقها طماطم صغيرة وشوي فرماج رابي.

إضغط هنا لرؤية الصورة بحجمها الطبيعي.

[Mizou123]

السلام عليكم. الله يجازيك و يعطيك ما تتمناااااي حبيبتي

[idron0]

الرخساس او الرخسيس omjoujou

كيلة سميد يكون متوسط زيت انا نعمل حفرة في السميد و نملي نصف تاع هديك الحفرة زيت ملح عينك ميزانك رشة تاع خميرة الخبز سكر جلجلانية ماء نلم بيه العجينة ومنبلهاش بزاف حق منلمها برك ثم نعجنها بيدي حتى تولي طرية نغطيها بمنشفة و نخليها ترتاح 30 دقيقة
ومبعد نحط الطاجبن تاع الطين يسخن ونجيب هديك العجينة نزيدلها مغرغة صغيرة تاع مرغارين ولا سمن لي عندك و نزيدلها رشة كبيرة تاع خميرة القاطو ونزيد نعجنها شوي وامبعد نقرصها ونخليها ترتاح5دقائق و نطيبها صدقيني لراح تتحصلي على رخسيس من اروع ميكون بنين و هشوش .

[idron0]

تعديلات الكعك التركي ام و ابنة

الكعك التركي للاخت اولادي ربي يجازيها خير

https://www.djelfa.info/vb/showthread.php?t=1848725

ولكن كي العادة بتعديلات من عندي

بدل اللبن استعملت علبة ياوورت طبيعي و بنفس العلبة كيلت الزيت و الماء
حطيت ملعقة كبيرة خميرة الخبز و ملعقة كبيرة سكر مع علبة الياوورت الطبيعي و بنفس العلبة ماء سخون و خلطتهم و خليتهم خمرو ثم خلطتهم بالباتور مع نفس العلبة زيت نفس العلبة سكر و بيضة و فاني تع الميزان و ملح و ملعقتين ماء الزهر و زدت معاهم نصف باكي خمارة ثم لميت بالفرينة و دخلتها مليح في بعضاها
خليتها خمرت مليح تقريبا ساعة ونصف لاني كنت مشغولة
ثم هبطتلها الخمور و شكلتها و دهنتها بصفار بيضة مع شوية قهوة و شوية سكر و زدت خمرتها ساعة و نصف تقريبا بصح هاذ الخطرة تعمدت نخليها تطول
طيبتو في فرن سخون و كي حطيتو نقصت شوي للحرارة و النتيجة رووووعة
بصح نصيحة استعملو لافاني تع الميزان اول مرة نجربها رووووعة ما كانش كامل ريحة الخميرة فيه و سر البنة اكثر هو الجلجلان كثروا مليح فيه.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[um alaa]

المشيمشة وقاطو المعجون بعجينة وحدة لام ساجد
المقادير
4 بيضات+4 فناجل سكر عادي +5فناجل زيت +2فناجل نشاء+مغرفة فاني+1خميرة حلويات وفرينة حسب الحاجة
التحضير
نخلط البيض و السكر جيدا
ونضيف الزيت بالشوية و نخلط في نفس الوقت
نضيف النشاء و نخلط
ثم نضيف الفرينة و الخميرة حتى نتحصل على عجينة طرية
نشكل كورات ونضغط عليهم بالبوشون يكون صغير في الوسط
ندخلهم للفرن يطيبو و في نص الطياب نعاود نضغط مرة اخرى بالبوشون
بعد مايطيبو ذري عليهم سكر ارطب و ديريلهم المعجون في الوسط مخلط بملون احمر
2 المشيمشة
نشكل كور صغار الحجم ونحطهم يطيبو ومن بعد ما يبردو نلصق كل 2 حبات مع بعض ونخليهم يتماسكو ونزيد ندخلهم في معجون مخفف بشوي ماء زهر ونضيف ليه ملون برتقالي مش ضروري ثم نمرغدهم في النواد كوكو ونزين بعجينة التزيين
شكل ورقة وعود قرنفل اعواد سوريز المجفف

[idron0]

القشطة ام و ابنة

عملت نصف لتر حليب مع ثلاث مغارف كبار نشاء لاني حبيتها تجي ثقييلة و لافاني و زوج ملاعق كبار سكر مانحبش تجي حلوة بزاف و حطيتها عالنار و قعدت نحرك حتى ثقالت.

[idron0]

تارت التفاح oum anas 69

تحلي العجينة المورقة رقيقة على شكل مستطيل و تثقبيها بالفرشيطة ممبعد تنقي التفاح و تنحيلو البذور و تقطعيه شرائح رقاق و تستفي مليح فوق العجينة ثم ترشي فوقه السكر البني أو العادي + ترشي 2 كيس فانيليا و فقط .. مادريش الزبدة فوق التفاح لأنو العجينة فيها الزبدة كفاية
دخليها الفرن مشعل من التحت كي تشوفي العجينة أحمارت من تحت طفي و شعلي من الفوق حتى يطيب التفاح و يتكرميزا .. أجبديها حطيها على شبك و أدهنيها بالاجولي
حقى طيبيها على ورق الزبدة.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

الرفيس oum anas 69

درت عيني ميزاني
حمصت في مقلة كبيرة كيلو سميد متوسط و كي طفيت حطيت فوقو تقريبا 750 غ غرس مطحون الواجد باش يسخن في السميد ممبعد فرغتهم في قصعة أو ليان تاع لوح و بديت بممعقة خشب ندخل الغرس في السميد .. حذاري تلقايه سخون .. ممبعد كي دفئ شوية دخلتهم بيدي و زدت 250 غ زبدة طرية و ملعقة كبيرة سمن طري و أعجنت مليح حتى تجانس ممبعد شكلتو بالطابع.

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[idron0]

ليفولوفون بالصوص ام ساجد

اناخدمت بالعجينة المشرية حليتها وقطعت دوائر مثلا عشرة 5 نخليهم دوائر
و5 نقطع في الوسط دوائر صغار ونحط الدوائر في صينية الفرن وندهنهم بالبيض ونحط الدوائر المثقوبين في الوسط فوق الدوائر الاولى ونضغط شوي بكف اليد ونزيد ندهن من فوق بالبيض وندخل للفرن يطيب في اللاف الاعلى على نار قوية مدة عشرة دقائق ثم نهدي النار ونخليه يطيب من تحت ثم نشعل من فوق
الصوص/ نقطع صدر دجاج مربعات متوسطة الحجم ونحطها في كسرونة ونضيف الزيت ونقليها مليح مليح ونضيف ملح فلفل ابيض زنجبيل وثوم مرحي ونضيف قليل من الماء ونخلي الدجاج يطيب ثم نضيف زيتون اخضر مغلي وشومبنيوونخلي الصوص ثقيل وممكن نضيف في الاخير كريم فراش حسب الرغبة
نحط حبة الفلوفون غي الصحن ونعمرها من الدخل بمغرفة من الحشو ونزيد نحط بجانبها وممكن نزين بفرماج رابي انا ما كانش عندي.

[idron0]

نزع بذور الكرز و علف الزيتون oum anas 69

لبنات جبتلكم تدبيرة ممكن بزاف ماشي متولهين ليها ... صبتها صدفة قعدت نخزر فيها حتى خدمتلي في مخي .. مانعرف تعرفوها أو لا
شكون لي عندو مثل هاذي الأداة اليدوية لي ترحي الثوم نظن كل البيوت عندهم خاصة أمهاتنا بكري يستعملوها بكري بكثرة
هي عندها إستعمال آخر رائع جدا في ناحية الثقب .. و هي نزع بذور الكرز و علف الزيتون الأسود و الأخضر خاصة للكبار لي ماعندهمش الضروس باش ينزعو العلف أو للصغار باش مايبلعوش العلفة أو لكل العائلة كي تكون الوصفة فيها الزيتون مثلا في حشو لي مايبانش .. حتى تقضمي وعلى العلفة و يتكسرو الأسنان و تعيطي عيطة واحدة خخخخخخخخخ
تبعو بالمراحل بالصور

إضغط هنا لرؤية الصورة بحجمها الطبيعي.

هاذي الجهة

إضغط هنا لرؤية الصورة بحجمها الطبيعي.

تحطي حبة الزيتون واقفة هكذا
إضغط هنا لرؤية الصورة بحجمها الطبيعي.

وتظغطي رايحة تخرج العلفة من تحت شاهدي

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

أووووووووب

إضغط هنا لرؤية الصورة بحجمها الطبيعي.

و هنا من بعد مانحيتلو العلفة قطعتو درتو للبتزا للغداء أو للسلطة الاسيدوان أو للحشوات ممممم

إضغط هنا لرؤية الصورة بحجمها الطبيعي.

[idron0]

طاجين في مول السليكون ام سهام 02

في كوكوت ديري صدر جاج يتقلي مع البصل و الملح وزوج سنات ثوم و الفلفل و الزنجبيل امليح امنبعد ضفي زوج جبات جزر مقطعين مكعبات وجلبانة ورقة رقة رند و زيدي قلي مع التفليب ومرقي حتى يتغطى و خاليه ايطيب كيطيب نحي الصدر تع الجاج فتيه ولا اطحنيه في الروبو كما انادرت ضيفي المعدنوس مقطع و جبن طري و كمشة زيتون مقطع رقيق وشوي مرقة وبيض ورشة خميرة حلوة وخلطي كامل وعمري ليمول تع السليكون بعد ما تكوني دهنتيهم بالزيت وحطيه في الفرن كاتشوفهم ,نشفو خرجيهم وخاليهم بعض دقائق وديموليهم كاجي تقدميهم اسقيهم بشوي صوص وزيني كما اتحبي وبالصحة والهنا.

[idron0]

الروطي ام محمد تاج

في كوكوط حطي اللحم تاعك مع شوي زيت وملح وفلفل اسود وتوابل الروطي بدون بصل ولا ثوم قلي الكل مليح مليح ومبعد مرقي غير شوي واغلقي على اللحم يطيب كي يطيب تلقاي صوص خاثرة ممممممممم لوحي فيها البطاطا مربعات او دوائر او البطاطا الصغيرة ورابي عليها كمية مليحة من الثوووووووم وورقة رند وعاودي اغلقي غير طيب البطاطا وحلي عليها تلقايها يامي يامي .