اهلا بكن في الجزء 146 من كوزينتنا .اهلا وسهلا بيكم

[omjoujou]

المشاركة الأصلية كتبت بواسطة x ام رحاب x

هادا قرتان تاع البيدنجال


وهادا الغوتي بالروز

وهادي الشاطرة اتقولي واش هاد الوصفة باه انسهل عليكم تاع الزمان

ماشاء الله كلش يشهي يعطيك الصحة حبيبتي
الطبق الاخير راحلي اسمو نعطيك الوصفة ونتي قوليلي صح ولا لالا خبز صابح تقطعيه دوائر و تغمسيه في لحليب ثم البيض ثم تقليه ثم تغطسيه في لعسل

[lyzzabel]

هااد الصاابلي يدووووب فالفم و اقتصاااديي

نديير علبة تااع مارغريين تاع 500غ نحي منها 250غ و نعمر مكاانها بالزيييت يعني 250غ مارغريين طرية +مقداارها زييت ،، نضييف كاس سكر رطب ،، زووج حباات بيض كامليين ،، م ص لاافااني و نضرب بالباتووغ ملييييح حتى تنسجم المكوناات ،، و من بعد نضييف الفريينة مغربلة و كييس خمييرة كيمياائية حتى نتحصل على عجيينة طرية ،، نقسمهاا كراات و نغطييهم و نخلييهم يريتااحو شوية و نبدا نحل بيين زووج اطرااف تاع بﻻستييك و نقطع و نطيب في فرن مسخن مسبقاا على 180 درجة و نلصق بالمعجوووون ،، انا داايما نديير معجوون المشمش هو لي يعجبنيي فالصاابلي و التزيييين حسب الدوووق

[x ام رحاب x]

ام وابنة نستعرف بيك هاداك هو عندنا زمان مادلرناهش البارح درتو للدراري ماتو عليه 20/20

[x ام رحاب x]

المشاركة الأصلية كتبت بواسطة omjoujou

ماشاء الله كلش يشهي يعطيك الصحة حبيبتي
الطبق الاخير راحلي اسمو نعطيك الوصفة ونتي قوليلي صح ولا لالا خبز صابح تقطعيه دوائر و تغمسيه في لحليب ثم البيض ثم تقليه ثم تغطسيه في لعسل

هو بالدات الله ايبارك مزالكم فاكرينو 20/20 انت تاني

يعطيك الصحة ليزا الوصفة هايلة والمعجون اناتاني اندير غير تاع المشماش ولازم ايكون طايب في الدار مانحبش تاع الشرية

[ام عبدو و ملاك]

مساء الخير لبنات واش راكم ان شاء الله تكونو كامل بخير
ام وابنة كل عام و هي بخير بنتك و لعقوبة ل 100 سنة ان شاء الله

[um alaa]

ام رحاب انا ندي21على 20 على خاطر انا اللي جاوبت اللولى ههههههههههه

[ام و ابنة]

ام جوجو
جبدت 8 حبات بيض صغار شويا و خليتهم دفاو شويا زدت معاهم كاس سكر علابالك ما نحبش الحلاوة القاطعة و شوية ملح و ضربت بالباتور باكبر سرعة و ندور في نفس الاتجاه مثل الساعة
كي بياض الخليط و زاد حجمو و عيا شويا كتفي خخخخ
فرغت تدرييييجيا كيما المايونيز نصف كاس زيت
ثم تدريجيا قريب كاس لبن كان عندي و غاظني نرميه و انا في العادة نستعمل الياوورت الطبيعي
طفيت الباتور
حطيت شويا لافاني فوق الخليط مع كيسين خمارة لالوفير خخخ
كيلت الفرينة زوج كيسان و نصف غربلتهم حطيت النص فوق الخليط مع الخمارة و لا فاني و حركت بالعقل بملعقة خشبية من التحت للفوق ثم اضفت النصف الباقي و نفي الشيء حركتو بالعقل برك من التحت للفوق حتى اندمج مليح
ثم فرغت النصف الاول في السنيوة فوق ورق الزبدة و طيبتو و منبعد النصف الثاني

[x ام رحاب x]

المشاركة الأصلية كتبت بواسطة um alaa

ام رحاب هداكsur pain perdu
ام فاطيمة اممممممم تسلمي
ام تاجو بصحتك حبيبتي

اااااااااااااااااااه اهنا انا الي غالطة ماشفتش الرد تاعك حبيبتي انت تدي كامل الطبسي بصحتك كي جاوبتي انت الاولى هههههههههههههههه:19:

[lyzzabel]

مييمتي الحبييييبة هااك pain perdu شحاااال كنت نبغييييه يا لهوييي فكرتيييني فيييه مممممم هههه ،، يعطييك الصحة أطبااقك فنننننننننن

ام فاطيييمة تسلم الأيااااديي حبييبتيي كلشي يشهييي و الطبق الأول رااني هربت بييه نتعشا بييه انا و وليدااتيي ممممم

ام و ابنة تسلملي عيووونك غااليتييي

[x ام رحاب x]

ام عبدو ملاك مساء الخير وصحة فطورك حبيبتي
ام حبوبة هايلي ليفوتو شكون هادي

[x ام رحاب x]

ليزا ماتخليهش في بالك انا لبارح اتفكرتو روحت انجري درتو لدراري بلخف طاب وبصحتك مسبقا

[ام و ابنة]

يا درا عشانا اليوم
غدوة ان شاء الله خويا تع الغربة يروح ما نعرف اذا كي نكملو عيد ميلاد بنتي اذا تحكمنا يما للعشاء و لا لا خخخخ
و الله ماشي مشكل نطيب بصح اولادي حبسو خلاص عالماكلة و الله موالفين يهترفو عالبطاطا و ضرك ما عندهم حاجة لا فيها و لا في غيرها و راجلي تطيبي و لا ما تطيبيش ما يهموش اللي صابها ياكلها


ام عبدو و ملاك وش هاذ الغيبة عزيزتي وش راهم شيخك و عجوزتك

ام حبوبة شكون فيهم انت

البنات ما تنساوش تهدرو عالطياب بش ما تزعفش ام انس و كش تصاور ماشي شرط تتحفو بزاف شوفو انا تصاوري مضببين و لا في الظلمة و ماعني يبهدلو و لا تزيين لا والو البسااااااطة بعينها من الطنيجرة او القدرة للمنتدى خخخخخ

[أم فاطيمة]

ليزا بصحتكم حنونة تستاهلي كثر
ام الاء ربي يخليك
ام و ابنة عيد سعيد للبنوتة و بعطيك الصحة على الكيكة
دائمة الحمد لباس عليك طهورا انشاء الله و يعطيك الصحة خرجتلي غير صورة القاطويات كليت حتى شبعت
ام ساجد اطباقك روعة و تعجبني طرقت تقديمك
ام التاج بصحتكم الشوا
ليوم راني عارضة و دايرة طعام بالحم مرقة حمرا و ديسار ماكاين لاسلايط لاخلط جخلط الناس راهي مقهومة

[omjoujou]

ام وابنة عزيزتي روحي ربي يسهلك امورك ويحفضلك كل عزيز على قلبك وينولك لي في بالك راكي كفيتي ووفيتي وبربي ان شاء الله نجربها ونحطلك تشوفي الصور
ام رحاب ربي يخليك حبيبتي علابالي بنت الكرم والجود
ام حبوبة هذيك نتي كي كنتي عروسة خخخخخ راني تقصر برك
ام تاجوووووووووووو بصحتك اللمة في دار باباك وربي يخليهولكم تاج فوق ريوسكم ويطولو في عمرو

[ام أمينة]

المشاركة الأصلية كتبت بواسطة دائمة الحمد

صباح الخيرات يومكن من احسن الايام
الف مبروك الكوزينة الجديدة وان شاءالله تكون فال خير على الجميع
الحمد لله راني في تحسن
ما حبيتش ندخل بلا باروك
هذم بعض تحضيراتي قبل العيد
هذي طبعا منقوشة ام اماني حطيتها قبل روعة فعلا عجبت الجميع



وهذي بعض تحضيرات لحلويات العيد









وهذي اخر حاجة درتها ليلة العيد سجيت الصحونة لي راح نبعثهم ذوقات تاع العيد

الحمد لله رب العالمين كي عدتي بخير تقلقنا عليك وحلوياتك يهبلو ماشاء الله

المشاركة الأصلية كتبت بواسطة omjoujou

على سلامتك حبيبتي دائمة الحمد والله شطنا عليك كي برك طليتي علينا و طمنتيتا عليك
ام امينة بصحتك لمفور
باه متحاوزنيش ام انس جبتلكم صورة تاع غدايا شخشوخة الضفر

بصحتكم كامل وش طيبتوا غدواتكم

أم جوجو شفتي مليح الخوف من ام انس انا خفت منها صحتي شخشوخة الظفر تهبل مممم

المشاركة الأصلية كتبت بواسطة دائمة الحمد

ام ماجد ربي يعينك
ام جوجو الشخشوخة تشهي
العدس راه سخون وحارمع البرد تاع اليوم
الله يخليك ام رحاب الغالية وكل عام وانت بخير

مممممممممممممممم مع الحار يالهوي يهبل نموت عليه بارك الله فيك

المشاركة الأصلية كتبت بواسطة ام و ابنة

السلام عليكن
بعد معاناة مع اولادي و زدت غير جيت نبدا التزيين تقطعتلي لا بوش ا دوي حتى بكيت و بالسييييف بش لقيت وحدة قديمة تع عام جدي و عيانة طبعت بيها بش كملت








و هذا غذانا اول مرة نجربو اعجبني بنيين قطع بوزلوف في الفرن بتشكشوكة بصل و طماطم و قطع بطاطا و طبعا انا كليت الراس و اولادي البطاطا



ام جوجو نحمل لك الصور راهي توضح كلش و نلخصلك الطريقة مع شويا نصايح بش ما تغلطيش وش غلطت انا و نرجع

تارت تهبل هاتي طرف انا وتارت منتلقاوش منعرفش نخدمهم وش تحبي خيبة

المشاركة الأصلية كتبت بواسطة ام ساجد

السلام عليكم وصخ غداكم دخلت طول لصفحة الاخيرة
لقيتها منورة برجوع عزيزتنا دائمه الحمد الف لاباس حليك حنونة الكل كان يسال عليك والحمد لله
انك بخير وباروكك روعة وبصحتكن العدس درتو امس كلت حتى شبعت ههههه نحبو


ولا محاجب الغالية ام رحاب اممممممممممم راني نستطعم عندي ياسر ما درتهمش

ام وابنة يعطيك الصحة لتارت هايلة وعيد سعيد للكتكوتة وبصحتك البوزلوف

وشخشوخة الظفر تاع ام جوجو هايلة وتشهي

ولا هبرات تاع كاوكا راح يقتلوني هههههه لحمات تاع الصح ابعثيلي رجل ولا كتف ماني اختك

ليزا شكرا على فكرة الكسكاس تبانلي هكا يجي خير

نحط غدايا ونروح نراجع
غدانا اليوم والحمد لله طحال محشي مع الجلبانة وسلطة ومطلوع وبطاطا مقلية وفواكه
والحمد لله حمدا كثيرا طيبا مباركا









وهذا عشانا نهار ثالث عيد نسيت ما حطيتوش

روعة روعة روعة وش حطيتي مشاء الله حبيبتي كون نلقا لي جيبلك والله نبعثلك رجل تستهلي

المشاركة الأصلية كتبت بواسطة أم محمد تاج

سلامي غالياتي
النت كانت مقطوووعة غير ضرك لي رجعت دخلت نجري نطمنكم
نراجع ونرجع

راكي تسجلي وتهربي وين رهم صور تاوعك مكيش طيبي وقيلا

المشاركة الأصلية كتبت بواسطة أم ياسين الزهراء

تفضلو الصور القواطو روعة والاكل بنين وكلش هايل عقروبتي شوفي اليدين عرفتيهم

أم ياسين بصحتك العرس ولي عجبني ليدين لي رحو طول الحم خخخخخ ههههههههه هطوهم فرد بلصة بصحتكم

المشاركة الأصلية كتبت بواسطة um alaa

صباح الخيرات حبيباتي
ام ياسو بصحتكم ماشاء الله
زروني حبيباتي
https://www.djelfa.info/vb/showthread.php?t=1871234

يعطيك الصحة ام alaa

المشاركة الأصلية كتبت بواسطة أم فاطيمة

مساءالخير الشيرات كي عشيتو بصحتكم قاع شطيبتو كما تقول ليزا
هاهما بعض الاطباق

مركز تحميل الصور












اللهم ادم النعم و احفضها من الزوال

بصحتكم وش حطيتو كلشي يشهي

المشاركة الأصلية كتبت بواسطة x ام رحاب x

هادا قرتان تاع البيدنجال


وهادا الغوتي بالروز

وهادي الشاطرة اتقولي واش هاد الوصفة باه انسهل عليكم تاع الزمان

روعة روعة ام رحاب بصحتك

المشاركة الأصلية كتبت بواسطة x ام رحاب x

ام تاج حبيبتي روحي لباباك ربي يخليهولكم وان شاء الله اتكون اخر خرجة ومن بعد للسبيطار الشعب يريد لقاء محبوبة الجماهير هههههههههههههههههههههه

والله عندك الحق شبعت ضحك ياختي بنتها ولفت لحيس في كرش يمها كيفاش حبيتيها تخرج

المشاركة الأصلية كتبت بواسطة lyzzabel

هدا صاابلي درته الباارح ما جييت نكمله حتى بغييت نبشش شعرييي مع الأولاااد خخخخخ

المشاركة الأصلية كتبت بواسطة ام ساجد

[SIZE="5"]دايمة الشكر ؤام وابنة شكرا على الاجابة وكرييف يبان اسم روسي ههههههه

ام وابنة شكرا على الدعوة حنونة وربي يصلح اولادنا جميع ويفرحنا بيهم

وهاكي وصفة الطحال المحشي

[طحال محشي:
طحال خروف نفتحو بالسكين نتحصل على جيب نقوم بحشيه
الحشو:قطعة لحم مقطعة مربعات صغار كميه من الارز طايب نصف طياب ثوم مهروس
قليل من البصل المرحي معدنوس مقطع وملح وبهارات وبيضة نجمع بيها الحشو
نقوم بحشو الطحال ونغلق بعود اسنان
نحضر صوص بقطعة لحم وبصل وزيت وثوم وطماطم علب ومغرفة توابل اي راس الحانوت وفلفل احمر مرحي حلو او حارنقليهم جيدا ثم نضيف قليل من الماء ونضيف كمية من الجلبانةاي نغلق عليهم 10دقايق في الكوكوط ثم نفتح ونضيف الطحال للمرق ونزيد نغلق ونخليه يطيب 15دقيقة ويقدم

SIZE]

صحيتي يالفحل شفت طحال تاعك تفكرت أن ملقيتش طحال وين راح