الجزء 110 من واش طيبتي اليوم خفيف وظريف وعصري

[omhadil]

لبنات معندى حتى حاجة للقهوة شكون لتتكرم وتعطينى باش نستقهوة:d:d:d:d:d:d:d:d

[ام هاديل وياسين]

المشاركة الأصلية كتبت بواسطة omhadil

صباحكم سعيد واش هذا النشاط الله يبارك
صبحك سعيد اخى ام هديل المستغانمية

صباح النور اختي ويبارك فيك الرحمان كي راهي هدوووولة

[lyzzabel]

صباح النوووور داءمة الحمد و ام ياسو و عازفة الناي و زينب و سكرتي الحلوة و وهيبة و ام صلاح و ام أيمن و طالبة الجامعة و ام هديل 1 و ام هديل 2 و ام عبودة بصحتكم قااااع واش غادي تطيبو
فطورنا اليوم بإذن الله عدس احمر velouté de lentilles corailles و سلاطة و الحمد لله على نعمه

اللهم ما اصبح بي من نعمة او بأحد من خليتك فمنك وحدك لا شريك لك فلك الحمد و لك الشكر

[ام عبودة]

هاااااا واش شريت









وكيست كوزينتي



وشريت طاجين وقالي السيد يطيبو فيه صح ولا لا
انا مالفة بتاع الطين بصح هذا مش عارف



وهذا شريتو من التليفيزيون هههههه

راااائع الجي طبيعي وكل شي يترحى فيه. حتى التفاح بلا ماء يعطيك جي يهبل والبنان تاني والزرودية كل شء مليح بصح كلحوني في pri

[ام عبودة]

وظرك نروح ندور في الدار
الصباح عبودة قلتلو اليوم عندك فرض قالي ايييه قتلو راك مراجع شوي قالي وين نراجع وانت النهار كامل في الكوزينة
قال باباه رجعت للمنتدى اكيييييد قالو بابا راهي دايما تصور بالدرقة عليك هههههههههههه
يا ويلي. هربت من عزوجتي جاني هو ههههههه

[omhadil]

ام هديل رانى لباس اختى
لزابيلا صباحك عسل يا احلى من العسل
ام عبودة الله يبارك ويزيد كل حاجة شريتيها تهبل

[ام عبودة]

هاهم لي كلحوووني في البري

[أم محمد تاج]

ههههههههه ام عبووووودة والمشتريات رووووعة روووووعة تتهناي بيهم يارب
جاوبيني على سؤالي عندك 00 مراجعة

[ام سراج وملاك]

صباح الخير صباح النشاط والهمة يعطيك الصحة زينب وليزا الكيكات رووعة بصحتكم
ام هديل رانا كيفكيف انا ليوم فطرت بالكسرة نحب نفطر بيها
ام عبودة بصحتك المشتريات لعقوبة لحاجة
ام تاج حبيبتي ريتاج تيارتية قمر 77 ام نوردين اسمحولي لبارح محطيتش الصور مكنتش في دار رحت عند اختي كانت مريضة مدخلتش لدار بكري ليوم مع حليت عينيا صبحت نراجع واش حطيتو يعطيكم الصحة كامل لبنات ربي يحفظكم نحملهم ونرجع نحطهم

[أم محمد تاج]

عسﻻيتي اغلى صباح
بنت خالي صباحوووووووو والله يشفي اختك يارب

[أم هبوبة]

المشاركة الأصلية كتبت بواسطة النرجووسة

الحمد لله رب العالمين والصلاة والسلام على أشرف الأنبياء والمرسلين، نبينا محمد وعلى آله وصحبه أحمعين.

أما بعد:

فإن من أعظم ما يفتخر به المسلم إيمانه ومحبته لرسول الله صلى الله عليه وآله وسلم. ومع أن المسلم يؤمن بالأنبياء جميعاً عليهم الصلاة والسلام, ولا يفرق بين أحد منهم إلا أنه يعتبر النبي صَلَّى اللَّهُ عَلَيْهِ وَسَلَّمَ خاتمهم, وأفضلهم, وسيدهم. وهو الذي يفتح به باب الجنة, وهو الطريق إلى هذه الأمة فلا يؤذن لأحد لدخول الجنة بعد بعثته إلا أن يكون من المؤمنين به عليه الصلاة والسلام.
{ لَقَدْ جَاءكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَؤُوفٌ رَّحِيمٌ } [التوبة:128]

عليه افضل الصلاة و أزكى السلام ياحيببنا يا رسول الله

[ام سراج وملاك]

هاذا هو غراتان نتاع الخرشف رووووعة صراحة عجبنا كامل كثرت فيه الثوم والفراميج جا بنين ومتحسيش بطعم نتاع الخرشف بزاف يعطيها الصحة ريتاج تيارتية نوعتلنا في الخرشف كرهنا منو في المرقة ودرت معاه فلفل محشي بالحم المرحي والفرماج وسلاطة والحمد الله

[ام هاديل وياسين]

الحمد لله ام هديل ام عبودة مشترياتك شابين بزاف بصحة والهنا عليك شفتي كي يطيحو الدراهم في يدينا
ننساو قاع عمارنا انا مرات نلوم روحي نفول هاذي عادة ماشي مليحة بصح كي يجوني ضياف
ونحطهم تعجبني عمري نقول لالا مرانيش غالطة كي نشري ههههههه وحتى في كوزينتي منحقرهاش
مين داك ونحط حاجة الله يبارك لنا ولكل المسلمين

ام محمد تاج يعطيك الصحة على الارنوبة درتها من يومين جاتني هاييلة شكرررا

[أم محمد تاج]

ممممممم ام سراج روووعة القراتان رووووعة والفليفﻻت مممممممممم بصحتكم
الله يخليك ام هديل وكون صورتيها ههههههههه المهم بصحتكم يالفحلة

[lyzzabel]

احلى صباح للملتحقاااات
ام عبودة بصحتك المشتريات تتهني بيهم انشالله يهبلو الله يبارك و البري دايما تاع القنوات التجارية يزيدو باش يدخلو فائدة كبيرة
ام سراج ربي يشفي أختك و يعافيها و الغراتان راه يشهي و الفلفل المحشي ممممممم بصحتكم يا الحبيبة
اليوم تاني راني صايمة و راني نقول بالاك ندير كيكة قدرة قادر بصح ما عنديش الكاكاااااااو يادرا بذوق الفانيلا كي تجي دايرة هدا لا كتب ربي