الجزء 85 من واش طيبتي اليوم يامولات الكوزينة - الصفحة 66

ام الهضاب · 2014-08-19, 09:10

أحلى صباح و أحلى ترحيبة بالعزيزة دائمة الحمد توحشناااااااك و بوسيلنا اسينات و أمها بزاااااااف
أرزاق اهلا بك الكوزينة للجميع و كاينة بلاصتك معانا هههه
ام سهام يعطيك الصحة الحلوى اممممممم و رياض ابعثيلي شوي كسرة مع الحليب امممممم اللهم أدمها نعمة و احفظها من الزوال

ام سهام 02 · 2014-08-19, 09:13

ام رياض صباحك ورد وبصحتك الكسرة ياك غرت منك ودرت لبينيي شفتهم

كوكا واش ركي كولي بصجتك انا والرجيم مانتفاهموش

ارزاق مرحبا بك معنا

Simassim · 2014-08-19, 09:16

صباح الخير عليكم ونهاركم مبروك ان شاء الله

ام سهام 02 · 2014-08-19, 09:18

دائمة الحمد مايكون غير خاطرك وبلغي سلامي لعطورة العزيزة

الله يسلمك ام الهضاب نهارك مبروك

Simassim · 2014-08-19, 09:22

ههه نورهان كي دايرة هادي ناكل ومانفوتش لبيبي اذا تعرفي كاش طريقة نورينا يا اختي
دائمة الحمد كي خليتي جوجل وكيفاش كان آلت حواس أنا الحمد لله بخير ربي يعزك يارب
واش راح ديرو الفطور ؟
السي سيد راه صائم اليوم نهار التالي عندي غي الحريرة واجدة هههه تاع تلات ايام لول محبتش تكمل ومازال تالفة واش نزيد

R I A D · 2014-08-19, 09:29

كوكة صباح النور .صار راكي ريجيم ؟؟ اذا راكي اقل من 80 كيلو ما كان لاه تديريه....

دائمة الحمد بصحتك العطلة و بلغي سلامي لاسينات الكبيرة و اسينات الصغيرة

ام الهضاب الله يسلمك اتفضلي بسم الله

ام سهام بصحتك لي بينيي ..لكن ما شفتهمش ...حطيهم نشوفهم ..و قوليلي جاوك حبات مايش طالعين و لا ما جاوكش؟

سماسم صباح الفل

الحمد لله الذي احيانا بعد ما اماتنا و اليه النشور

ام سهام 02 · 2014-08-19, 09:40

حبيبتي ام رياض ليبيني اتاوعي راهم في الصفحة 39 ودرت الوصفة اتاعي وحبيت انقول لك الحبات لمايطلعوش العجينة المعاودة

R I A D · 2014-08-19, 09:52

ام سهام الله يبارك يهبببلوا تسلم ايديك

و العجينة المعاودة مالا واش نديرولها كي عادو ما يطلعوش

Sidra Seba · 2014-08-19, 09:58

صباح الخير جميعا دون استثناء توحشتكم بزاف اسمحولي راني دخلت غير ليوم نضرب طلة خفيفة ونروح خطراه مزلت راني في لبلاد قريب نروح وداري جديدة مازال مدخلوليش الفيكس باش ندير الانترنات راني مبردة قلبي بالتحواس ونشم غير في ريحت لبلاد ليوم جيت لدار خويا ضيفة لقيت انترنات عندو دخلت نشوفكم ونشوف واش اخباركم انشاء الله تكونو لاباس يعطيكم الصحة طيابكم يشهي واهلا بالملتحقات رحمة وارزاق

lyzzabel · 2014-08-19, 09:58

صباح الانوااااار و البركات حبيباتي الغاليااااات
ميمتي الغالية الحنونة ام رياض اسعد صباح و نهارك طيب مواااااااااح و بصحتك الكسرة و الحليب ممممممم
حبيبتي داءمة الحمد عودة ميمونة توحشتك و توحشت هدرتك الحلوة ،، الحمد لله على سلامتك و بصحتكم التحواس
أرزاق مرحبا بيك معانا حبيبتي و انشالله يطيبلك المقام حنونة
ام سهام صباح الفل و يعطيك الصحة على القاتو رووووعة لاكاين حبة ما فيهاش الزبيب خليهالي ههههه و بصحتك الكسرة
ملاك وينتا يجو ضيافك اليوم ؟؟ ومحال يتشوكو مالحار انا نقول غادي يعجبهم الحال قاع الناس فالعالم يموتو على الحار ،، ربي يعاونك و بصحتكم المدربل بصح واش هو هههههه
رحمة اطباقك تشهي ككل مرة يعطيك الصحة حبيبتي
سمسومة زيدي البوراك ولا الجاج محمر مع الحريرة مين النهار التالي ديريله حاجة شابة
البارح تعشينا لي زيسكالوب مشويين و الحريرة بقات مالفطور و زدت سلاطة معاهم و الحمد لله على نعمه

اللهم ما اصبح بي من نعمة او بأحد من خلقك فمنك وحدك لاشريك لك فلك الحمد و لك الشكر

lyzzabel · 2014-08-19, 10:00

حبيبتي سيدرا اهلااااا و مرحبا بيك في بلادك ليك وحححححشة ،، ابروفيتي و اشبعي اهلك وبلادك ،، انشالله راكي لاباس نتيا و الأموريين ،، بوسيهمليييييي
حبيبتي ام سهام حطيلنا الوصفة تاع لي بينيي تاعك و ليك احلى موووواااااح

R I A D · 2014-08-19, 10:02

صباح النور و السرور على الحبوبة ليزا ...كيف حالك حبيبتي و الاولاد ...و الله يسلمك و يحفظك و صحة فطور الصباح و بصحتكم واش رايحة تطيبي للغداء

يا حيّ يا قيّوم... برحمتك استغيث ... اصلح لي شأني كلّه.... و لا تكلني الى نفسي طرفة عين

lyzzabel · 2014-08-19, 10:12

هاذو بعض طياباتي اليومين لي فاتو كنت نصور و نعجز نحط الصور ،، و الحمد لله على نعمه حمدا كثيرا طيبا مباركا فيه

ميمتي الحبيبة ربي يعزك و يعلي مقامك و يخليك ليا يا احلى ام ،، رانا بخير و الحمد لله و الشكر

ام أمنية عيييييت نستنى فالبريوش و رحت كليت كيت كات تاع ولادي هههههه

حسنا بصحتكم الفريت و القوانص نظن نتيا لي راكي مgريبيا ،، ربي يشفيك و يعافيك حبيبتي

واش من مرض هذا تاع البقر تاني ،، راني منعزلة تمااااامااااا عن العالم التلفزيوني واااااااع ،، نورونا الله ينوركم

سبحان الله و الحمد لله و لا اله الا الله و الله اكبر ولا حول و لا قوة الا بالله العلي العظيم

rahma4 · 2014-08-19, 10:17

اقتباس:

المشاركة الأصلية كتبت بواسطة ام سهام 02

صباح الخير ويوم سعيد ومبارك
عجنت الخبز وراه يخمر وجبت لكم قاطو محشي بالزبيب ممممم يليق مع قهوة حليب

ام سهام اني ديت حبة نشرب بيها الحليب

rahma4 · 2014-08-19, 10:18

اقتباس:

المشاركة الأصلية كتبت بواسطة أم أحمد عبد الصمد

يسعد صباحك
شكرا حبيبتي على اهتمامك
علابالي بلي متقدريش تبعثيلي رسالة بسبب عدد المشاركات ، ممكن تردي عليا هنا .باش كامل نستفاد
شكرا لك

العفو اختي اني عملتو موضوع البارح هاذا هو الرابط

https://www.djelfa.info/vb/showthread...post3991539650

اقتباس:

المشاركة الأصلية كتبت بواسطة rahma4

سلام ان شاء الله نقدر نشرحلك ونفهمك
نغسل الخيار ونحيلو بالسكين الجزء لي من اعلى واسفل

ونحكم الالة نقطعوها فيها راح تخرجلنا هك

شفتي هاذوك الخطوط لي فالخيار نتي خلي الالهة محطوطة كيما الول متحركيهاش واحكمي الخيار اعكسيها الخطوط لي خرجو فالطول نتي ديريها فالعرض

وراح تخرجلك النتيجة هك

وكل مرة هك اعكسي

وزيني بيهم السلطة وبالصحة

وتقدري تاني ديري بيها بطاطا وتقليها كيما هاذي لي فاصورة

واني هنا للتوضيح في حالة اي استفسار
وشكرا
راهو اول موضوع