همزة الوصل بين المعلم و الولي " الطبعة الرابعة "

[فراشات العمر]

[fani09]

وايضا تمرين تكميل رقم 100 برقك احاد 1 او 2 ليس رقم 0

مثال 65 ماهو الرقم الذي نضيفه ليكمل 100

[fani09]

المشاركة الأصلية كتبت بواسطة فراشات العمر

صباح الخير

[فراشات العمر]

المشاركة الأصلية كتبت بواسطة *أم كوثر*

السلام عليكم ورحمة الله
اخت حسيبة
راني حاسة باحباطك لانو الموقف فات عليا
انا بنتي كوثر تقريبا ماقراتش التحضيري لمرضها الشديد وكي رجعت في اواخر افريل لقاتهم يكتبو وهي لاعلاقة حتى القلم ماتعرفش تشدو
وكنت مخوفة كثيرا انها تبقى روطار
لكن الفضلل للاساتذة الكرام هنا اكرمهم الله شجعوني وكمنوني ورحت معاها بشوية في البداية كانت رافضة تكتب لانها لاتعرف لاتقدر
لكن الان منقولش تحسنت لكن الحمد لله صارت تكتب دون ملل
صحيح تعوج الخط وتكبر الكتابة لكني حامدة ربي وين كانت ووين ولات
وراني نتابع فيها يوميا ونطبق في كل حرف تقولو الاستاذة عطوفة وباقي الاساتذة
يعني تفائلي في ابنك خير تجديه وماتيأسيش ولا تصابي باحباط لانك رح تنقليه ليه
هذي نصية ام مجربة
...............
استاذة عطوفة فيما يخص التأتأة
بناتي الثلاثة مروا بها ولما اخذتهم للطبيب اخبرني انه امر عادي
التأتأة عند الاطفال تبدأ من سن ال3 سنوات الى ال 6 او ال7 من عمرهم
وان فاقت المدة يستحسن اخضاع الصغير اوغتوفونيست
نشفى سيرين كانت تتأتأ حتى تنسى وش رح تقول وتسكت

السلام عليكم
اختي ام كوثر
الان بنتك التأتأةراحتلها ولا مازال انا ابني لري تحكمو حتى يكرز بصح منعت اخوه من الضحك لما يتكلم ونحاول دائما نشجعو ونهتم بكلامو ونطلب منو يعاو الكلمة عادي يعاودها
ثاني لقيتو يحب التلوين بعد ما شكراتو المعلمة
ربي يحفضكم لبعضاكم:d

[نورالدين سطيف]

المشاركة الأصلية كتبت بواسطة ياسمين البلاد

صباح الخير وطاب يومك
ممكن افادتنا بدرس تطبيقي حول التعبير الكتابي بالنسبىة لمستوى الرابعة ابتدائي ـ كيفية اعداد مذكرة في التعبير الكتابي ـ
لكم مني كل الاحترام والتقدير

هنا تجدين ما تبحثين عنه إن شاء الله تعالى

https://nore.alamountada.com/t597-topic

أو هنا

https://up./downloadf-top4...up.

[فراشات العمر]

حبيت نقلكم بلي المعلمة تاع ابني لؤي حفيدة خال زوجي وهي جارتي
كيف اتواصل معاها خايفة الا تفهم النقص هي قليلة التكلم مع الناس وجدية بزاف وواعرة ملي كانت صغيرة
زيد ابنها بدى يتحرش بابني قالي البارح ضربني كف في القسم زاد لعب بادواتو قالي قلتلها احكميه ولا نضربو
قالي ضرباتو للضهر حتى بكى
ماحبش يمد ايدو
الحاجة لي عجبتني طلبت منهم يجيبو علبة بلاستيك بورت مونجي وفرغت فيها كامل الادواة وخباتهم عندها في الخزانة هكذا باه واحد ما يقول نسيت حاجة

[فراشات العمر]

هل الخبر هذا صحيح
وزيرة التربية تلغي شهادة التعليم الابتدائي وترجعه امتحان فصلي

[أم فاطيمة]

السلام عليكم يومكم موفق
الاخت حسيبة لماذا الاحباط اختي رانا في بداية السنة و نظن هذا اول ابن عندك يدخل المدرسة
لهذا راكي حساسة زيادة انا ولد جاري يقرا مع ولدي و عمل نفس الخطا نتاع وليدك و كان يكررها
كل مرة و تجبدو المعلمة من الاذن و كان وليدي ولد جاري اخر يضحكو عليه شفتهم عيطت لولدي قتلو دير روحك في بلاصته اليوم هو خطا غذوة انت ثاني تخطا و تضربك المعلمة اليوم الثاني نرفزوني ولادي قلتلهم ضرك نحي تويو نتاع الغاز و نضربكم بيه
تخيلي واش قالي ولدي قاي ماما دريه في الفريجيدار باس يقساح و يولي كما نتاع المعلمة ضربته واعرة
حسيت ولدي ضرباته بيه المعلمة قتله علاه ضرباتك بيه قالي لالا ضربت صاحبي و انا متأكدة بلي ضرباته هو
قتله المعلمة لي يكذب و لا يقباح تضربه بيه قلي ضربتني انا قتله واش درت قالي كنت نهدر مع صاحبي نبعته و قتله كي تكون المعلمة تشرح و لا تقرى اسمعلها و ما ترمش عينيك قالي ماما يوجعوني ههههه و من هذاك اليوم ولا ما يتحركش مع انو انا ولادي حركة عندهم مفرطة طولت عليك بصح حبيت نخفف عليك و يريت ما تنقليش الغضب نتاعك لوليدك و ما تنتاقديش المعلمة قدامو و مشي معاه غير بشوي

[أم فاطيمة]

نسيت ما قتلكم رحت للمعلمة البارح و حكيت معاها و غيرت لبتي المكان و تخيلو كي رجعت بنتي
واش قالت بدلتي لبلاصة بصح على يامات تعاود ترجعني الاخيرة و هي تتشاءم من هذا المكان
ام ياسين ربي يشافي ابو العيال و يلبسو ثوب العافية
الاخت فراشات العمر مشي انا لي راهي حاكمتي الخلعة لاني فوت هذ السنوات مع شيماء
انا نخاف من فاطمة الحمد لله نتائجها جيدة بصح دايما تحب تكون هي الاولى وهي من النوع العنيد و المتسرع
و فهمها ثقيل و تبكي بزاف و نخاف تنقل العدوى لخوها على خاطرش يقلدها

[أم فاطيمة]

امهات في مدرسة فاطمة عطاو للمعلمة بطاقات فيها جيد
و كي يجاوب التلميذ تعطيه وحدة و كي يلم 5 يعطوه جائزة
عجبتني الفكرة و قلت يا لوكان يعموها على جميع المدارس
و البارح فاطمة عطاتهم مسألة بحكم تسرعها دارت طريقة صحية
و نتيجة خاطئة و تقريبا كامل النجباء نفس الخطأ الا المتفوقة في القسم كانت هي الاخيرة
و النتيجة صحيحة و دات البطاقة ملي جات و هي تتحصر
بالمناسبة اساتذتي الكرام كيفاش نتعامل مع الطفل المتسرع و تركيزومشتت
راني نشوف راح ندير ارشيف غير وحدي انا نحكي على ولادي سامحوني

[فراشات العمر]

عندك الحق ام فاطيمة رايحين نرجعوها حكايات امهات التلاميذ

[~ حراير ~]

المشاركة الأصلية كتبت بواسطة حسيبة2010

أستغفر الله وأتوب إليه
كلماتكم أثلجت صدري.... وبدون مزايدة كلماتك أستاذنا نورالدين من سطيف في الصميم بارك الله فيكم وأستاذي وجاااااري عبد الناصر على العين والرأس...

أختي حرائر ...على كل حال ...شكرا

يا خاه اختي حسيبة نضن زعفتي من كلامي

صدقيني اختي بلا مانحلفلك غير كلمتك لاني حسيت بيك و لاني جربت وش تحكي عليه
على هك حبيت نبردلك المشكل و نصغرو يمكن اسلوبي ماجاش على هواك فاسمحيلي

حتى انه جلوسي على النت صار قليل و كنت اوية مانردش لكن حبيت نفيدك بتجربتي فقط لا غير

يعني مش حاباتك تفواي على تجربتي بل تختصري على نفسك الوقت

انا غلطت مع معلمة بنتي اريج "راهي في المتوسط درك" و صلحت غلطتي مع المعلمة و لقيت استجابة سريعة منها على هك جاوبتك

الفصل الاول صدقيني ماتقدريش تحكمي على التلميذ
و انا مع الفصل الاول واجهت المعلمة من احباطي

و صرت انا و المعلمة في مشاحنة
و الحمدلله انها كانت معلمة تخدم في رسالة كيما اساتذتنا هنا و مارجعتش زعافها في بنتي
و رغم هذا بنتي تضررت كانت تجيب معدل 6

لكن من بداية السنة الثانية حاولت تصليح العلاقة و سبحان الله العظيم انه المعلمة استجابتها كانت سريعة

على هك انا درك مع كل المعلمين نتبع بالضبط طريقة الشيخ نورالدين
نهادي المعلمين "و في احيانا كثيرة تكون الهدايا متبادلة" و نساعدهم بالشيئ الي عندي كما قال اخي ابو ياسين و الهدف دايئما فائدة ابني و استفادة غيري

و الحمدلله ماطحت في ولا استاذ انتهازي او يفهم هديتي بالخطا بلعكس حتى انه كانت المعلمة منين نرسللها لمجة ترجعلي البوغت مونجي معمرة حلوى و شوكولا من النوعية الرفيعة و صارو بناتي يقولولي ارسليلها باش ترجعلنا العلبة معمرة حلويات

انت ثان حبيتك فقط تسبقي نية الخير حتى تلقايه ان شاء الله
و حبيتك ثان تغرسي في ابنك حب و تقدير المعلم فقط
فان لم يرق لك كلامي فاعتذر مرة اخرى

[فراشات العمر]

اليوم حبيت نخبركم لي ولادهم ما يعرفوش الرياضيات هذا الموقع فادني بزاف بزاف
عنوانو
البوابة العربية للتعلم الالكتروني اريج
حوسو عليه في قوقل ماراكمش رايحين تندمو

[هندة 74]

المشاركة الأصلية كتبت بواسطة متمنية

شكرا هندة انا ولدى يقرى التانية واسمو عمر متشرفين
معلمة من دخلو كل يوم تعطيهم يكتبو الدرس بالاجزاء
قاتلى باش تحسن الخط
بنسة للعملية عطاته 65+...=87متلاااا وحلهم وحده انا مشكلت ولدى فى اللغة شويا راه بدا تحسن الحمدو الله

الشرف ليا اختي انا ابني اسموا ادم الطريقة مليحة عندها الحق باه يتحسن التلميذ من جهة الكتابة انا التعبير مرة يدير صحيح مرة يغلط فيه ؟؟؟


والتركيزمرو على مرة مانعرف واش بيه يظهري يخاف لان خواف كبير ههههههههه

[yacidani]

المشاركة الأصلية كتبت بواسطة ~ حراير ~

اختي ام ياسين يليق نباركولك على هاد المعلمة


هههه ضحكتني أم أريج ربي يفرحك ...راني نستنى بلاطو بيض و 2 كيلو سكر 2 باكي قهوة

أنت علابالك بحكاية تع ياسين و المعلمين .... ان شاء الله هذا المرة تصدق خير

والله فرحتلك من اعماق قلبي و فرحت لياسين بزاف
ان شاء الله هاد المعلمة يشطار معاها ياسين و يتفوق و يفرحلك قلبك

و شكرا عل دعائك الطيب

و شجعي ياسين
ربي يشفي ابو ياسن و يمتعو بالصحة و الراحة و ربي يعاونك انت

جزاك الله خيرا و ربي يفرحك و يحفظلك زوجك و أولادك

اما اريج فصدقيني راني مخليتها تعوم بحره باتم معنى الكلمة

راهي تمشي على برنامج اية بنت ام سرمد و مكساعدها لحد الان
فقط تشكي من معلمة العربية "تخدم بالمعريفة" و هي تحب تشارك بزاف و تحب من يشكرها

كي يكون عندك الوقت روحي تكلمي مع المعلمة ...حنا أولادنا حساسين بزيادة...و المعلمين مرات ما يردوش بالهم لهذه الأشياء

لكن على حسب مافهمت المعلمة مسكينة بريئة تماما هي تشجع في لتلاميذ المتوسطين باش يشاركو

ربي يكون في العون

أم أريج بالنسبة لتقويم لداروا ياسين في الفرنسية زيدي هذا التمرينين

1 Colorie les mots de la même famille " jour"
Journal - jours- cours -Bonjour
2- : Complète par c ou ç

le ...ahier - le fran...ais - la le..on..

3- Recopie ces mots en plaçant correctement l'apostrophe

la orange -la heure-le abeille- le automobile