جزء***135***من واش طيبتي اليوم - الصفحة 65

وردة الشمس · 2015-06-25, 21:13

صح فطوركم
ارزاق ربي يباركلك في وليدك وان شاء الله تشوفيه راجل وسلامك يوصل ان شاء الله
المازة ربي يعيشك ويحفضك
قمورة عجبتني فكرتك ربي يحفضك ويسترك يارب
اسيا فطورك يشهي والف مبروك لطهارة ولد اختك عجبوني الرضاعات متنسايش تبعتيلي واحد هههههههه

هالة اسماء · 2015-06-25, 21:32

صح فطوركم
اليوم كان فطورنا حريره بوراك شكشوكه حااااااااااااااااااااااره مغيزه او رخساس كيما تقولو عصير و بطيخ
والحمد لله

عازفة الناي · 2015-06-25, 21:32

صحى فطوركم كاااااااااااااااااااااامل
اسيا الله الله لى الاطباق هايلين
المازة حبيبة واش راكي واش عامل معاك رمضان ؟؟؟؟؟؟
نحمل صور الفطور ونجي

قمر 77 · 2015-06-25, 21:37

ام الجود يعني رجعتي تشوفي غير في مجودي و نسيتي الحكومة راني رجعت نخدم بو قاطو ههههههههههههههههه
اسيا بصحتكم و لازم تجيبي الوصفة حالا بالا لالمازتي راها كاراتمانية ربي يسترك من تشقليباتها هههههههههه
وردة الشمس ام تاجو وهيبة ربي يحفظكم و يتقبل منكم
المازتي قتلتيني بالضحك صار ما تحبي حتى وحدة ديري كيما ماما شعارها نشقى و لا نلقى اي نتعب احسن مالهدرة ربي يحفظهم ما زالهم صغارات
و قولي لام امنية تطل علينا من نهار كوبات عليها استاذتي ما بان عليها خبر
المسرارة رولاكس واقيلا راها كيما انا مغلوووووووووووبة و استاذتي و ام ريمة
البنات الكل صح فطوركم نروح نقرا قراني و نصللي صلاتي و ندعو كيما تفاهمنا اليوم انا و المازتي قلوبنا عند نفس الاخت ربي يفرج كربها و يطمنا عليها امين

ام طيري الجنة · 2015-06-25, 21:43

السلام عليكم حبيباااااااااااااااتيييييييييييي
صح فطوركم و مطرح ما يسري يمري
ماغاديش نقسّر (نسهر )معاكم اليوم على خاطر عندي موعد مع سلفتي العزييييييزة نتلقاوفـ...................السطح ههههههه برد الحال علاااااااامة
من بعد ولا غدوة نحملكم الصور هههههه باااااي سهرة ممتعة حبيبات قلبي
ااااسياا الللللللللللللللللف الف مبروك العقبال لعرسو ان شاء الله كي اليوم يا رب
اسمحولي البنات كاااامل نحبكم بصح اليوم حابة نقلش وحدة توحشتها بزااااااف و نبعثلها سلام خاص هي المازتي الحلوة نقولك صح رمضانك و صح فطورك وامواااااااااااااااااااااااااااااااااح

ام محمدْ ومريمْ · 2015-06-25, 21:44

سلام لبنات صح فطوركم
هذو بعض اطباقي

almazalina22 · 2015-06-25, 21:47

عزووووفة راني غير هنا كنت نوقب عليكم بصح المنتدى كان محاوزني خخخخخخ

ام تاااج ربي يعينك

قمووورة هذاك هو المشكل والفو كي يقلقوني نخدم انا الخدمة وهوما يروحو يريحو خخخ وربي يحفظك

وردة الشمس صح فطورك

اسيا الف مبروووك مسبقا والدوزااان روووعة ان شاااء الله العقوبة كي توجدو لعرسو يااارب

قمووورة راكي غييير تشيعي فيها كرتمانية تخافي لوكان في الصح يعطوني طريحة خخخخخ

الدااية رووولاكس وين راهي ودائمة الحمد وام ريمة وام ساااجد وام سهههاااام طلو علينا

almazalina22 · 2015-06-25, 21:49

وداااد الصور كباااار قد راس الداية روولاكس اكيد قبل ماتشرب القهوة خخخخخ

almazalina22 · 2015-06-25, 21:55

شوفي هذيك الحية راني رحيت بيها البصل رووووعة واللحم والثوم وكي نرحي الكوكاو نصور راهي هااايلة تفكرت ليزا مليحة ليها سيرتو باااش ماينوضش منصف هههههه بلا صوت

وهاذي درتها البارح بصح حتى بردت باه صورت بطاطا شاورما لالهاااام مممممم بنة فوووور ان شاء الله تطل علينا

راني غير نليكيدي وليت نعيا واقيلا كبرت خخخخخ

تطبيقي للداية رولاكس مممممم روووعة زوجي قالي خلاص راكي ديتي ديبلوم لاباتيسري لانو هو مايحبهاش وهاذي كلاها ومات عليه شكراااا رووووعة

ريتاج تيارتية · 2015-06-25, 21:57

صح فطوووووووووركم شيرات ربي يتقبل صيامكم ويعطيكم الصحة قاع واش حطيتوو
هدا فطووورنا تاع البارح

وهدا فطور تاع اليوم

وهدا طبسي تاع غريبيبة خدمتها العشية جبتهالكم تشربو بيها القهوة

ام محمدْ ومريمْ · 2015-06-25, 22:00

اقتباس:

المشاركة الأصلية كتبت بواسطة almazalina22

وداااد الصور كباااار قد راس الداية روولاكس اكيد قبل ماتشرب القهوة خخخخخ

ههههههههههههههههههههههههههههههههههههههه عند الحق راني عدلتهم صح فطورك حبيبتي

om kamilia · 2015-06-25, 22:01

صح فطوركم

هذه صور عشائي البسيط

خبز زينب فيسال رائع هشوش وبنين و مقرمش بارك الله فيكي

وهاذي شطيطحة غير هاك تاعاسمهان روعة وعجبتني وخاصة درتها بصدر دجاج جا طري بارك الله فيك

وهاذي قهوتي لي ما نسماحش فيها غير نشم ريحتها و جغمة تفطني

و بقالي لغدوى ان شاء الله نزيد برك شربة فرميسال و لآ حيانا ربي و الحمد لله

ام مؤمن · 2015-06-25, 22:02

صحى فطوركم حبيباتي

حملت شوية صور نحطهم و نروح نراجع الصفحات اللي فاتوني ونرجع

هذه اصابع التونة مع سلطة الخضار مفورة

و هذا رابط الوصفة ليك ام صابرين

https://www.djelfa.info/vb/showthread...post3993720025

و باه يجوك خفاف ديري اصفر بيضة برك باش كي تلمي العجينة ماتكثريش لا شابلير راهوم يجيو تقال

و هذه سلطة التونة ايضا في خاطر حبيبتي ام صابرين

افخاد الدجاج في اكياس الشواء اممممممممم و يعطيكم الصحة كامل اللي كتبتولي ردود

و هذا مع الصوص نتاع الدجاج اممممممم

و هذا لحبيبتي عازفة المحبة و دعيتلك دعوات ربي يجعلهم من نصيبك

و هذه سلطة فواكه و تحلية و عصير الموز

و الحمد لله على النعمة

نروح نتوقب شوية ههههه

أم ملك · 2015-06-25, 22:06

سلام الله عليكم
صح فطوركم جميعا و ربي يدوم النعم و الحمد لله
اليوم فطورنا كان حريرة و مطلوع هدو باقيين من قبل و زدت زبتون بلحم الخروف و فلفلة مقلية بلصوص و حميس و حلو بالتفاح و سلطة وبوراك و الحمد لله رب العالمين
ما طليتش هدو يومين إن شاء الله تكونو كامل بألف عافية و صحة
المازة صح فطورك و إدا على بناتك ربي يحفظهم هدا حال بنات اليوم ربي يجيب الخير برك أنا مين تقولي ماما شوفي واش دارو خواتك نقولها بناتي رايحين يديرو كثر ربي يهدينا و يهديهم
أحنا ما علينا غير ندعيولهم
صنعت بقلاوة و زدت الصامصة خرجت هايلة عجبتني بصح غير الشكل ما ذقت والو بنتي ذاقت بصح صغيرة ما تعرفش

باقيلي إن شاء الله نزيد قطايف و ربي يرجع والديا و كل المسافرين بخير و في خير إلى أهليهم
سلام لبنات و سلامي لكل وحدة تدخل من بعدي و صح فطوركم جميعا
مارانيش ندخل بزاف ﻷنو بناتي حبيباتي عاودو مرضو ربي يجيب الخير راهم يمرضو سيمانة و يريحو نهار و لا زوج
أستغفر الله أستغفر الله أستغفر الله

ام ساجد · 2015-06-25, 22:07

السلام عليكم وصح فطوركم

نحط فطوريونروح نراجع

المازة علسلامتك اختي وزعما ترحي الكاوكاو هذيك

اسيا الف مبروكلوليد اختك ولحوايج هايلين