الجزء 107 من واش طيبتي اليوم ; العين تاكل قبل الفم - الصفحة 65

lyzzabel · 2015-01-01, 10:20

اقتباس:

المشاركة الأصلية كتبت بواسطة أم ملك

مساء الخير عليكم كامل و بصحتكم الفطور
عطر واشراكي و عائلتك إن شاء الله تكونو لاباس
أم رويدة عيد سعيد و عاقبة ل 100 عام في طاعة الرحمن
ليزا شكرا على الوصفة بصح ما درتيش كمية السكر ماشكيتش 2 مغارف فلان يحلو ليتر حليب
دائمة بصحتك الفطور و بوسيلي أسينيتا
أم ياسين بصحتك الميكرو وند تهنيتي من اﻷولاد يسخنو لرواحهم اﻷكل
عازفة طلي علي حبيبتي و جاوبيني للمرة اﻷخيرة ندير الماء زهر ولالا و زيد نسقيهم بالعسل و لا شاربات
راني حاشمة منك هبلتك تاع الصح عذرا على اﻹزعاج

صباح الخير حبيبتي ام ملك ،، واقيلا نجيبلك توييييتة هههههه ،، عاودي اقراي الوصفة مليييييح راني كاتبة 4 ملاعق اكل تاع فلان ماشي زووووج
و الحلاوة تجي سوا سوا مع بقية المقادير خاطرش كلشي فالتحلية فيه السكر

omsalah · 2015-01-01, 10:24

سلمت اختى زينب فالاحتفال بالمولد النبوى بدعة محرمة قال عبدالله بن مسعود رضى الله عنه اتبعوا ولا تبتدعوا فقد كفيتم وكل بدعة ضلالة

أم محمد تاج · 2015-01-01, 10:25

روووووعة زهووورة الهررررة روووعة وخاصة التارت حنونتي هذاك مول تاع السيليكون??????
زنوووبة ربي يرجع زوجك بخير وعافية يارب والطرق مغلووووقة
حطي ام الجوووود حطي التقرعيج قاتلني ياخاه تقطري فيهم بالقطرة هههههههه
زوجي ح صايم راح ندير شوربة فريك وحميص وباﻻك لي مونشون وﻻ كوكا طوماط والحمد لله
بدلت المينو تاع عيد المولد راح ندير صدر الداند محشي ومعاه روز وسﻻطة وﻻموس تاع البرتقال والحمد لله حمدا كثيرا طيبا مباركا فيه

lyzzabel · 2015-01-01, 10:26

زهرتي الحبيبة روووووعة واش حطيتي الله يبارك و شكون لي قالك بلي غير محاجبك لي يعجبونا ،، كللللشي من يديك يشهي بدون مجاملة و لا مبالغة يا الحبيبة
اااااه يا سكرتي الحلوة صباحك احلى و اسعد بصح راني زعفانة منكم نتيا و ام ياسو و ام المجد و داءمة الحمد خخخخخخخ اعرفي علاااااش ،، بصحتهم الولاد اللعب فالثلج مممممم ،،،،،،،، يا ليت الطفولة تعود يومااااااااا هههههههههه
مياسم مبروووووك تصغير الصور هاكا نتمتعو باطباقك المشهية حبيبتي
راني عاد نخمم واش نزيد مع القرنااااااع

omsalah · 2015-01-01, 10:26

اللهم رد زوج زينب سالما غانما معاف وسائر المسلمين

Simassim · 2015-01-01, 10:27

صباح الخير عليكم وربي يبارك في اعمالكم ووقتكم
دخلت الصباح صبت المنتدى مبلع البيبان جاه البرد
زهرة طيابك اممم ابعتيلي كلش ههه مكراشة
دائمة ربي يفرحك كل يوم والجميع وسلمي على الولدة ربي يخليهالكم
زينب ربي يرجع ابو الأولاد على خير ان شاء الله مايكون غي الخير
ام ماجد رانا نستناو فالصور. عندك تخليني نروح نولد وتحط التصاور يقتلني التقرعيج هههههه راه يديرلي الوجع كل ليلة ازربي ولدي راه مقلق
ام سراج ربي يعينك ونستناوك باش تحطي الصور

وعلى الاحتفال الدين ماشي بالعاطفة الحلال بين والحرام بين. والعاطفة هي لي توقعنا في الشبهات والمحرمات من الاحسن الابتعاد عنها وهدا يدخل فيه احتفال بالمولد راس العام وأعياد الميلاد والذهاب للأولية دائماً يقولوا لا حنا نيتنا مليحة ووووو لكن كلها بدع وتشبه بالكفار
الله ينور قلبنا وقلوبكم بتعاليم الدين

هدا واش تفكرت راني نعسانة السي سيد خدام اليوم فطوري مرقاز نزيد معاه بطاطا بئري او فالمكرونود

janah* · 2015-01-01, 10:29

صباح الخير علي الجميع

بنسة للاحتفال بالمولد كما حنا الي فرغربة اولانا اقولو علاش المسيح يفرحو بنبي نتاعهم وحنا لالا صح حنا كبار نعرفو مي هما مايعرفوش والمسيح اديرو حاله ولولاد اكيد يتاثرو

مام نفهموهم ونحاولو نقنعوهم ولاكن لزم حنا فدر نديرو حاجة بسيطة ولو بجمع العائله ونتعشاو مع بعض وللاد يعفو هذا نبيهم

شوفو نحكيلكم هذي

في المدرسة قالت لهم المعلمة واكيد كاين اطفال مسلمين قالت اغلقو عنيكم راح يدخل عليكم محمد وغاقو عنيهم قالت راح ادور عليكم منبعد قالت افتحو وكي فتحو عنيهم قالت واش تشوفو قدامكم والوا

منبعد قالت اغلقو راح يدخل عيسي وحطولهم كا واحد حلو ة وشكولة وقالت حلو عنيكم قالت واش حطلكم وفرحو لولاد شفتو كفاش يلعبهلهم علي الموال ولمرا هذي تحكي

قالت دخل وليدي من المدرسة و قاللها وليدها منحبش محمد قاتلو علاش وحكالها ولدها

ول هذا سمعت واحد شيخ ماشفيتش علي اسمو افتي انا الاحتفال بالمولد حلال

والله ورسوله اعلم

مياسم75 · 2015-01-01, 10:30

بيزا مشرية خميس دجاج بطاط ام ماجد قراتان ام تاج

janah* · 2015-01-01, 10:31

لبنات لي عندها اميل نتاعةشيخ شمس الدين الجزائري تمدهولي من فضلكن

أم ضياء عبد الرحيم · 2015-01-01, 10:33

ام ايمن زينب دائمة الحمد ام سراج ام ماجد زينب 66 تيتينة مياسم عازفة الناي ليزا ام تاجو ام صلاح سماسم صباحكم سعيد
زهرة يعطيك الصحة كاش هايل

بنات شكون الي عندها وصفة مليحة تاع معجون الكليمونتين

lyzzabel · 2015-01-01, 10:33

صباح النور سمسومتي ،، صح لسانك يا الحبيبة و بصحتكم المرقاز و لا بيري ،، حقا راني جربت الطريقة لي قلتيلي عليها بصح يخرجلي الرابط تاع الصورة فالرد لي نديره اقتباس
ام ياسو بصحتك الميكرووند حبيبتي و تطيبي فيه بالصحة و الهنا ،، انا عندي واحد و في نفس الوقت فور مي ن ع منعه عليا قالي راه غير صحي خليه زواق و خلاص خخخخخخ ،، قلتله ما عندي ما ندير بيه نحطه فوق البوتاجي يديلي البلاص باطل , راه في ربع سنين ولا اكثر قاعد اومبالي

أم ياسين الزهراء · 2015-01-01, 10:35

صباح الانوار

اهلا بالشابة انتاعنا ام ماجد

زينب الله يرجعلك الزوج على خير
لبنات قلتلكم المولود خرطي وماكانش منو بصح ندير العشاء برك للملة مانحتفلو ماوالو المهم نتلمو رانا الحمد لله في القرن 22 وطورنا وفهمنا الدين اكثر ولا لازم تزيد تنوض جمعية علماء المسلمين باش ينورونا ههههههههههههههههه

نضت لقيت الثلج غطى الدنيا ماشاء الله وعولت على المحاجب ربي يعيني

لبنات نزيد نهبلكم أي طبسي تاع زجاج نقدر نسخن فيه المكرووند ولا نقدر نحط قبالى في البلا انتاعو

اسماء47 · 2015-01-01, 10:36

السلام عليكم و نهاركم مبروك
نبارك لمولات الكوزينة ربي يجعلها عتبة خير
اليوم راه البرد يقتل و الله حتى الشوفاجات ماقدروش يدفو الدار
بالنسبة للمولد موالفة نحتفلو بيه في دارنا مي راجلي قالي احنا منحتفلوش راه نفوتوها عادي
العام اللي فات فات عليا مولد اكحل يا لطيف الله لا يرجعو
مازال مخممتش واش ندير غداء راجلي خدام و يتغدى في الخدمة

اسماء47 · 2015-01-01, 10:37

حقا من فظلكم مدولي رابط البيتزا تاع زينب الارنوبة

أم ياسين الزهراء · 2015-01-01, 10:37

ليزا ياحلوة راح نستعمل للتسخين برك على بالي مضر ولكان نتبع كلش مضر حتى الميكرو والقعدة قدامو هههههههههههههههههه

الله يبارك على الخيرات اللي حطتيوها ماشاء الله سخفتوني وحلا المريا روووووووووووووووووووووووووووووعة