كوزينة 102من واش طيبتي اليوم كوزينة لا لتلوام

[ام نهوله]

مساء الخير عليكم اللي صايمين ربي يتقبل منكم
و الفاطرات المكراشات صحا عشاكم
ام انيا مرحبا بيك
دائمه الحمد بصحتك القهيوه عند الميمه ربي يخليهالك انشالله تكوني لقيتيهم ملاح

[ام انياودانيا]

المشاركة الأصلية كتبت بواسطة أم محمد تاج

الف اهلا وسهلا بالضيفات الجدد ام آنيا وام اولادي ووحدة راني نسيتها نشوف شكون المهم الف الف اهلا وسهلا نشالله تكونو من شلة البطبوطااااات

اهلًا ام تاجوا أنا أصلا ملي دخلت القسم هذا نشوف ونطبق وليت بطبوطة بالزيادة

[دائمة الحمد]

المشاركة الأصلية كتبت بواسطة أم محمد تاج

يا الف اهلا هسهلا ومراحب بالزعفانيييييين والله جيتي وجبتي الخير يعطيك الربح خليتي لعزايز وحدة طرشة ولخرى عورة ولخرى تاكل في الزعرووورة هههه نتمسخر مواحاتي لبركة المنتدى وحطة واش حطيتي حطة وخاصة اكل ست الحبايب الله يحفظها والعمر كله نشالله
دائمة الحمد العييييش شبعة الله يعطيك الصحة
لبنات لي حطو طيابهم ماشاء الله من اللوبيا للخبز وووووولي مدايرين محاحب نقوللهم راني جاية حلو الباااااااااااااااب
راني مع لفطوووور الشوربة قريب طيب وخبز الدار قريب يطلع ممممممممم

ام محمد انا مولات الزعرورة ههههههههه

المشاركة الأصلية كتبت بواسطة chez biba

راني ما نسيتكش اختي قمر، جبت الباروك وجيت
بتي فور ام أماني روووووووووعة





وهذا غدانا بربوشة امممممممم

واش عملتي بينا يا بيبا روعة عزيزتي

المشاركة الأصلية كتبت بواسطة رفيف رانية

سلااااام غاليتي يعطيكم الصحة وصح غداااكم
غدايا اليوم مقطعة او مقرطفة امممممممممم

تهبل نحنا نسموها شربة مقطعة

المشاركة الأصلية كتبت بواسطة janah*

السلام عليكم

لي طلبو الوصفة خبزة السلق تذكرت غير دائمة الحمد اسفة اختي مصورتش المراحل متولهت
االمقدير

ببوارو ولا حبة بصل
سلق
قطع دجاج
فلفل كحل
ملح
نحطهم كلهم يطيبو وبعد ما يطيبو وينشف منها الماء كامل نطفيو عليها ونضفولها ملعقة ميوناز و3 حبات فرماح علي حسب الكمية اما العجينة مثل نتاع البيدزا نسرحو لعجين رقيق شوية ونحطو فالوسط الخلطة نتاع السلق ونطبقو نغطيو الحشو وندهنوها بصفار بيضة وشهية طيبة للجميع

يعطيك الصحة يجيبلي السبناخ وبحول الرحمن نجربها بالصح يقال انو الماينيز اذا طاب يصبح مادة سامة

المشاركة الأصلية كتبت بواسطة رفيف رانية

دائمة الحمد بصحتك العيش وسلمي على الوالدة
ام تاجوبصحتك الغراايف يهبلو

ام ماااااااااااااااجد اهلاااااا روعة يعطيك الصحة واش حطيتي
لبقية صح غداااكم ويعطيكم الصحة راكم مااا شاءء الله

يبلغ عزيزتي سلامك وسلام عطورة وام رحاب

المشاركة الأصلية كتبت بواسطة ام سهام 02

السلام عليكم ورحمة الله تعالى وبركاته وامسية سعيدة

فطورنا كان لوبيا وطبقت معجنات الوردة للطيفة رررررررروعة يعطيها الصحة




وهذو خدمتهم لبناتي بالعجينة البقات

وهذا مقروط ام ابرهيم يذووووووووب في الفم يعطيها الف الف عافية

ابداعاتك يا ام سهام 4444444444444444 عزيزتي

[أم ريمة*]

شكرا ام رحاب وعازفة الناى وام محمد من لطفكن وبصحتكم لعشا
دائمة الحمد بصحتك القعدة مع لميمة وبصحتك الحلويات مقروط تونس مقاديرومثل انتاعنا ؟؟ ما هو الاختلاف بيتهم ؟؟

[Simassim]

ام وسيم واش راكي مع الحمل يادرا رحتي شفتي طبيبة تاعك واش قالتلك على وزن البيبي ؟؟

دائمة اممممممم على بركوكس تاعك وبصحتك قعدة مع ميمتك ربي يخليها منورتكم وجامعتهم يارب.

[Omrihem]

المشاركة الأصلية كتبت بواسطة Omrihem

السلام عليكم حباباتي راني مازال ما راجعتش كنت ندير في الواجب نتاعي الحقيقة درت الحلو مازال العشية نكمل شوفي سيداتي واش رايك
بنتي قاتلك ( It's very tasty )



وهذا غدايا شوفولتعرف واشي هي تديه تتغدا بيه

آييييييييي قمممممممممر راكي تشوفي فيا و هذا تطبيق نتاع المعجنات

[أم محمد تاج]

ام وسييييم عنك 00 مراجعة يابنتي مديلي الوصفة تاع هذيك الحية المستطيلة لي بالشوكولاكة وتبرق بريييق زادت عليا من البارح وانا نعاود واااااخ راسبة

[دائمة الحمد]

ام ريمة مقروظ تونس مثل المقروظ المقلي تاعنا بالصح بالفرينة والعسل تاعو عندو طريقة خاصة
نشروه من القيروان مشهورة بيه ماهوش خدمة تاع الدار
جابو خويا معاه
نهود المحجوبة خرجتلك تهبل
مياسم الكروكي جاك يهبل بالصح الصور راني حليت لاباج وقاعدة نستنى

[دائمة الحمد]

يهبل عزيزتي بصحتكم

[touta2010]

[أم ماجد]

المشاركة الأصلية كتبت بواسطة دائمة الحمد

ام ريمة مقروظ تونس مثل المقروظ المقلي تاعنا بالصح بالفرينة والعسل تاعو عندو طريقة خاصة
نشروه من القيروان مشهورة بيه ماهوش خدمة تاع الدار
جابو خويا معاه
نهود المحجوبة خرجتلك تهبل
مياسم الكروكي جاك يهبل بالصح الصور راني حليت لاباج وقاعدة نستنى

سخفتيني وانا نموت على المقروط بكل انواعه هههههههههههههه
ان شاء الله لا كتب ربي نجي لتونس ونشري هاذ العسل هات الوصفة برك هههههههههههه

[ام اولادي]

المشاركة الأصلية كتبت بواسطة أم محمد تاج

الف اهلا وسهلا بالضيفات الجدد ام آنيا وام اولادي ووحدة راني نسيتها نشوف شكون المهم الف الف اهلا وسهلا نشالله تكونو من شلة البطبوطااااات

ربي يعيشك أختي أم محمد تاج ان شاء الله راني بطبوطة صح ربي يهنينا مع بعض

[ام سراج وملاك]

صح عشاكم كامل يابنات ان شاء الله تكونو بخير هاذا العيش نتاع اختي دارتولنا وحد المرة في دارها



وهاذا غدايا ام رزايم الكسرة نتاعاها نتاع قمح



وهاذا الطبسي لحابة تاكل منو تتفضل بصح راهو حار يكتل

[ome loudjeine]

راني رايحة نكمل.
ملاك بصحتك المختومة وان شاء الله نجربها حنا في الشرق مانديروهاش.
رفيف يعطيك الصحة على المقطعة نهارها.
ام ريمة بصحتكم العشاء.
ناهدوران كسرة الشحمة هايلة.
سيماسم ربي يعيينك على الصيام لاكان ماقدرتيش تصومي دركا خلي كي تزيدي صومي وخرجي دراهم لاكان فات عليهم عام والله اعلم راني نولي نفتي.
لوجي يعطيك الصحة على العشاء والمطلوع 44444.
ام تاجو ربي يخليك ويحفظك زعما قتلك نجي نفطر عندك من قبيل وانا نسنى فيك تعرضيني والو....
ام انيا ودانيا واولادي مرحبا بيكم اهلا وسهلا.
ام ريهام معجنات الوردة تحححححفة يسلم يديك.
دائمة الحمد بصحتك القعدة وربي يعيشلك ميمتك ويطولك في عمرها.


هكدا راني عاداني العيب ونورمالمو ما نسيت حتى وحدة هههه سامحوني راني دايخة وابني راهو في حجري ينعزز على راسي.

[عازفة الناي]

ام رانيا ودانيا ، ام اولادي مرحبا بكما ان شاء الله تقضيو وقت ممتع وتستفادو منا ونستفادو منكم
ام محمد تاج راني حزينة مالقيتش كارلاجة
لوجي الله الله على اكلك top
ام لجين صحى فطورك وشكرا على كلامك العسل وراني كيفك نجيب مرات ورقة ونبدا نكتب
دائمة الحمد بصحتك لمة الاهل