الجزء 70 واش طيبتي اليوم سيدتي الفاضلة

[lilouchaf]

المشاركة الأصلية كتبت بواسطة monalis

اختي ام ساجد شكرا قلب اللوز راهو هبلنا
اختي رائد شكرااا لك فرحتيني
ليلوشاف متضحكيش المواهب غاديا تخرج للاضواء ههههههههههه
لبنات كامل لي نسيتها تسمحلي راكم هبلتوني اكل راني غير نشوف واش ديرو ونعاند مازال مدرتش الكاشير والعصير لي راكم تخبيو فيه

زيدي ما تحبسيش كامل رانا نستناو موناليز الخير ما يتخباش

[R I A D]

و الله يا ليلو غير جبتيها ... نستعرف بيك
و انا باقية نقول واش اسمها هذي : اللوز ؟ و لا لوزة ؟ و لا لويزة ؟
اتريها سعيدة ... ايا متشرفين سعيدة

[lyzzabel]

هههه ليدي انا تاني قلب اللوز تاعي فقير مافيه لا لوز لا حاجة اخرى من غير السميد بصح البنة تووووووب قوليلي واش من شان هاذ الفيلم بالاك نتفرج معاك هههه
ام نور الدين قصدي سعيدة متشرفين حبيبتي و عاااااشت الأسامي حقا مرت عمي تاني يسموها كيفك و نتيا شا درتي للقهوة
موناليس مبرووووك تحميل الصور زيدي حطي نشوفو طيابك راكي جايبتها

[ladymillion]

ام نور الدييييييين او سعيدة معريفة خير لحبيبة

ليزابيل راني نتفرج هنا في النت ههههههه برك وراكي تعرفي لاكونيكسيون نتاعنا

[رقيقة بطبعي]

المقادير : 250غ زبدة طرية /كاس سكر مسحوق /م كبيرة لفاني / غرفية تاع فلن جلجلان محمص فوق النار بدون طحن / نفس الغرفية لوز محمر مليح ومطحون / 2صفار بيض وحدة كاملة ونلم كلش بلفرينة حتي نتحصل علي عجينة طرية
ملاحضة : لمشي متوفر عندها اللوز تستعمل الكوكاو في مكانو بصح يكون محمر مليح باش يعطيك البنة
اصلا السر في بنة هد القاطو هو الجلجلان
محمص واللوز المحمر والمطحون بجي بزاف بنين

[ام نوردين]

لبنات عندنا قلب اللوز والديول والكاشير والمطلوع وبعض الحلويات العصير تاع القارص والبرتقال ومازال خاصتنا الزلابية باش يكمل المينيو تاع رمضان شكون الفحلة والحرة لي جيبنا وصفة مضمونة والمضمون ربى ويجازيها الله كل خير

اللهم انى اعوذ بك ان اشرك بك وانا اعلم واستغفرك لما لا اعلم

[ام نوردين]

لبنات الشرف لى بلا فضايح خلوها بيناتنا ههههههههههههههههه
ليزا مادرت والو وحد الكسل حاكمنى ونقرعج عليكم ههه حبيت ندى من عندكم
رقيقة بطبعي شكراااا على الوصفة

اللهم فقهنى فى الدين

[lilouchaf]

ام نوردين انت الي سقسيتيني البارح على الطماطم كيف نخبوها لرمضان

[رقيقة بطبعي]

[أم ياسين الزهراء]

ليدي وين راه قلب اللوز راني نستنى هدا وقت قهوتي

[ام نوردين]

ليلو انا اليسقسيت حطيها اذ عندك الوقت واذا مافيهاش ديغونجمون وكي ندخل من بد نلقاها اذا احيانا ربى

نخليكم حبيباتى نروح كانش مانخدم وزيد خلاصت دالت في الميكرو الى الملتقى وصحى قهوتكم

استودعكم الله الذي لاتضيع ودائعه

[رقيقة بطبعي]

لكل كأس حليب + حبة بيض و شوية ملح مع مغرف سكر + مغرف صغيرة خميرة كيماوية ( باش يجيو خفاف ) + 1كأس فرينة . انا نزيد شوية ما الزهر لاني نحب رائحته الزكية و دايما خلطي مليح مع اضافة كل مقدار ع التوالي و بالترتيب اعلاه
جربوها و ردولي الخبر و شهية طيبة و بارك الله فيكن يا احبتي في الله

[lilouchaf]

داكور ام نوردين شوفي انا نشري الطماطم بكمية كبيرةونغسلها ونقطعها في قدر ونطيبها غير بالملح وشوية زيت برك
من بعد نرحيها بالميكسور ونجوزها في المولينات تع الخضرة الرقيقة كامل باه مايجوزوش القشور والزريعة
من بعد نفرغ في لي بوات تع الياوورت كما قلتلك ونجمدهم
كي نصيبهم جمدو انحيهم من البوات ونعمر السواشي ما ديريش السواشي الكحولا خيري البيض ولا اشريهم ورديهم للمجمد
كي تطيبي الشربة تاعك تصيبي الطماطم جاهزة ديري واحدة ولا زوج على حساب العايلة
نستعملها مام في لي صوص تع المقارون هايلة بزاف او للخدامات كما بحالي

[أم محمد تاج]

ياهووووووو ياغاليات صح غداواتكم وصح قلب اللوز مممم
ام نور الدين حنونتي الزلابية سقسي اللهلوبة ولا نقولك نديرو زلابية البانان ولا بلح الشام تاع لايدي ممممممم وزيد في السخانة لاكرااام يالهوي
ممممم لايدي رانا نستناو في قلب اللوز راح نذوقو منو كاااامل وكامل رانا مقارعييين
عسلاية سلالالامووووووو خفت تقولي عليا واعرة واي واي ههههههههههه
روضة حنونتي نقولك خطة جهنمية كي تروحي لدار باباك اشري لحوايج وجربيها على ضمانتنا كامل وكي تروحي لدارك هدي عليهم هدة من لكباااار

[رقيقة بطبعي]