وصفات من حراير مطبخ وش طيبتي اليوم

[سعيدة8888]

حبيت نعاونكم شوية ولو بمشاركة واحدة
ام رياض الله يسلمك
القاطو اللي خدمتو فيه
2علب بيمو مرحي ارطب +كيلوكاوكاو محمص ومرحي رقيق +250غ حلوة الترك مرحية تخلطيهم مليح وتلميهم بالمعجون حوالي رطل وشوي برك ماء الزهر
شكليهم حرابيش فوق نيلون السنيات وصبي عليهم الشوكولا بيضاء ذايبة درت 3 اصابع وذرذرت اللوز ايفيلي وكي يبرد قصيتو معينات وحطيتو في ليكيسات
الكيلة هاذي تطيحلك 70 حبة كبار

[lyzzabel]

المشاركة الأصلية كتبت بواسطة أم إناس

اليزبال
طريقة اليزبال في تحويل الكوكاو آلى بيستاش


ترحي كاوكاو كيما تحبيه متوسط ولا خشين
من جهة اخرى ذوبي شوية ملون اخضر مع ماء زهر وبداي زيديه على الكاوكاو بشوية شوية وحكيه بيديك مليح باش يدخل فيه اللون وخليه ينشف مليح
ولا مزروبة ديريه فالفور سخنيه مسبقا على درجة عالية وطفيه من بعد دخلي صني تاع كاوكاو تاعك داخل باش ينشف

حبيييييبتي ام انوووووسة شكرا على وضع الوصفة و لكن للأمانة هذا كوبيي كولي للاخت رنيم 1 حطيته و راني كتبتها فالرد تاعي باااااينة ما شفتيهااااااش

[راجية غفران ربها]

مقروط الخوخة لمريم الاميرة
3 كيلات دقيق متوسط تاع المقروط او باين كيلة سمن ميش معمرة و كمليها بالزيت باه يجي مبسس مليح بسيهم بيدك مليح و مبعد شمخيه بماء الزهز و خليه شوي و روحي للحشو
هنا الحشو اختياري بين الغرس و اللوز هو في الاصل باللوز و لي ما عندهاش ديرو بالغرس نورمال و الطريقة كيما مالفين نديرو حشو المقروط
توزني االعجينة 32غ و الحشو 8غ لكل حبة
تكربعي لعجينة و ديري في وسطها الحشو و كربعيها مليح باه ما يخرجش الحشو و ثم شكليها على حبة الجوز يعني من تحت عريضة و من فوق شوي ضيقة و ديري هذاك ايشقة بالظهلر تاع الموس و ارشقي حبة اللوز و خليه ساعة ولا 2 سوايع و من بعد طيبيه نورمال و مباشرة في العسل و كل ما تحبي تحطي منو زيدي عسليه بصح غير شوي
إضغط هنا لرؤية الصورة بحجمها الطبيعي.

[malak eldjana]

Bonjour oum amani yatik esaha moi personellement je suis fane des tes plats c est ma premiere apparition je suis tres heureuse d etre parmis vous

[ام هاديل وياسين]

الله يبارك فيكم

[dalila setif]

ام ايناس

صوص بالفطر
مساء النور. اختي ام ايناس. قطعت الفطر تاعي ودرتو في مقلي على النار ونحرك فيه حتى نشف من الماء وبعد زدت مغرف صغيرة زبدة وملح وفلفل اسود. وبعد ضفت كرام فراش ساءلة او كريمه ساءلة. وخليت هم يغلو شوي وبعد. تقدميه كيم تحبي مع. الدجاج مع الروز مع البطاطا كيم تحبي

[oum ibrahim]

مريم الاميرة
الك و ك ي ز
200 غ شوكولا نوار 100 غ مرغرين 120 غ سكر رطب 3 بيضات مغرفة صغيرة فاني مغرفة صغيرة خميرة القاطو 250 غ فرينة او اقل
طلعي السكر و البيض مليييييييييييييييييح مدة 15 دقيقة و مبعد ذوبي الشوكولا و الزبدة في بان ماري و خليهم يبردو و زيديهم لخليط البيض و السكر بالشوي من فوق للتحت و خلطيهم مليح و مبعد ديري لخميرة و لفاني مع الفرينة و زيديهم بالشوي بواسطة صفاية و خلطي دايما من فوق لتحت و كي تخلصي احكمي زوج مغارف و هزي بيهم شوي من لعجين و حطيها في السكر لرطب مبعد اعدلي الحبة مليح و حطيها في بلاتو و طيبيه و كي يطيب لصقي كل زوج بالمعجون

[oum ibrahim]

مريم الاميرة
الطريقة تاع لي بوات تاع العقيقة
اولا لازم تشريو الحلوة الفضية كيما لي راي في الصورة اي تتباع بالكيلو و شوي ملونة و لازم لمغارف جوتابل و لي بوات جوتابل تاع الالمنيوم كيما لي نطيبو فيهم قلب اللوز و البسبوسة بصح عندهم مغالقهم و لوغقونزا لي نديري فيها القاطو في ليكيسات ومن عند لي يبيع لوازم لخياطة تشري الدبلة لاكولاغ لي تحبي و الباتيكس
نحكمو المغرفة نعمروها بالحلوة 4 حبات و لا 5 برك و نديرو عليها لوغقونزا و نحكموها بالدبلة نربطوها باه ما تتحلش و مبعد هذاك الخيط تاع الدبلة لويه على ذراع لمغرفة و احكميه من تحت بلاكول و لا هذاك التيب تاع السيليكون و ديري كاش حاجة تغطي بيها منين قصيتي انا درت وردة و كي تكملي لصقي لمغرفة في غطاء لا بوات بلاكول ثاني و خلاااااااااااااااااااااااص و نهار لي تبغاي تديري فيهم ديري على عدد المعاريض عمريهم و اغلقيهم و حطيهم و الله بريزونتابل و يحمرو الوجه سوغتو كي تعود عقيقة كل واحد نتاعو خيرمن طباسا واحد يذوق و واحد ما طيرلوش خلاص
اي ساهلة خلاص غير تفهمي المرة الاولى كيفاه تكون رايحة تخلصي ثم ثم
نتمنى نكون وفقت في الشرح و كاش سؤال اني هنا
إضغط هنا لرؤية الصورة بحجمها الطبيعي.

[ام طيري الجنة]

دولمة السردين بطريقة صبرينة




سردين منظف و منزوع الشوك جيدا مفروم+ ارز مسلوق+الثوم مفروم ناعم +ملح وفلفل اسود+الكمون +الدبشة و المعدنوس مقطعين والتوابل الخاصة بالسردين (اختيارية)نخلط جيدا ثم نشكل كويرات صغيرة نتركها جانبا
نحضر صلصة الطماطم العادية نقلي الطماطم مقشرة ومرحية+معجون الطماطم+الفلفل الاسود+الكروية والكمون+قليل ملح والثوم في الزيت يتقلاوثم نضيف الماء تغلى قليلا فوق النار وهنا كيما تحبي تطيبيها في الفرن ولا مباشرة ترمي البولات تاع السردين في لاصوص فوق النار
الا تحبي الزيتون كيما زوجي ههههه ضيفيه لصوص بعد ما تغليييييه
نتمنى تعجبك طريقتي

[ادرارية]

مادلان بدون بيض لام ساجد



المقادير
3كؤوس فرينة
كاس وربع سكر
ملعقة صغيرة ملح
1 فاني + 1 خميرة
10 ملاعق كبيرة زيت
2ملعقة كبيرة خل
كاس وثلاثة ارباع الكاس عصير برتقال
الطريقة نخلط كل النواشف مع بعض ثم نضيف السوائل ونخلط جيدا
ثم نملاء الكيسات الورقية ونحطها في لمول تاع الحديد او السيليكونونحط يطيب

[هدى ام ريماس]

صابلي بالشامية "
250غ زبدة طرية + علبة شامية او حلوة الترك (حلواجي , الداي, الميزان أو العلبة الزرقاء) حولي ملعقتين سكر رطب طلعيهم مليييح بالباتور و زيدي 3 صفار بيض واحد تلو الاخر +2ملاعق اكل كاكاو و كمية من الفرينة حسب الحاج مع كيس خميرة لميها و خليها ترتاح نص ساعة
حلي العجينة بسمك 0.5 سم قطعي اشكال حسب الرغبة و تطهى في فرن ساخن 200° نار من الاسفل مدة 15 دقيقة و عسيها كل واحد و الفور تاعو طبعا . بعدما تطيب خلبها تبرد و لصقيها بالخليط التالي: حوالي نص كاس عسل + ملعقة شامية +قلييل من الكاوكاو مرحي غبرة و ملعقة كبيرة زبدة على نار حتى يغلي طفي عليه و خليه يبرد تماما و اطلي بيه الحلوى و من بعد ستفيها على مشبك و اطليها بالشكولا اي نوع تفضلي نوار او تاع الميزان . يزين بجوزة او لوزة او وردة و شهية طيبة " دعوة خير تكفيني "

[هدى ام ريماس]

]كريات بقطع الشوكولاطة والزبيب

إضغط هنا لرؤية الصورة بحجمها الطبيعي.

المقادير :
500 غ مار غارين طرية
1/2 كوب سكر ناعم
1/2 كوب عسل
2 حبتين بيض
ملعقة صغيرة بيكربونات الصوديوم
1 كيس خميرة
فنجان نشاء
250 غ زبيب مقطع قطع صغيرة
2 علب شوكولاطة سوداء مقطعة قطع صغيرة (بالنسبة لي استخدمت
شوكولاطة حليب نوعية جيدة )
فرينة حسب الحاجة
للتزين :
قوفريط مفتت
كاوكاو مطحون
مربى المشمش
عصير ليمون
وكرز مصبر
طريقة التحضير :
اولا نمزج المارغارين مع السكر جيدا نضيف العسل ونخلط جيدا
ثم نضيف البيض ونخلط ثم نضيف الزبيب
ملاحظة : انا هنا غسلت الزبيب وجففته بمنادير مطبخ ورقية
ثم وضعته على البخار في كسكاس لفترة قصيرة كي يلين ويطرى
صاحبة الوصفة لم تقم بهذه الخطوة لكن
انا افضل القيام بهذه الخطوة ليبقى الزبيب لينا داخل العجينة
ثم جفته مرة اخرى بمناديل مطبخ وقطعته قطع صغيرة
ويمكن تركه كما هو دون تقطيع
ثم نضيف قطع الشوكلاطة ونخلطثم البيكربونات والخميرة
ونضيف الفرينة تدريجيا حتى الحصول على عجينة طرية

إضغط هنا لرؤية الصورة بحجمها الطبيعي.

نشكل كريات وزنها 25غ
ونرش صينية فرن بالفرينة ونرص الكريات داخلها

إضغط هنا لرؤية الصورة بحجمها الطبيعي.

نسخن الفرن على درجة 180° ونخبز الحلوى عندما
نرى القطع من اسفل اشقر لونها نطفئ نار الفرن من أسفل
وننزل الصينية للرف الأسفل قليلا ونشعل نار الفرن من فوق ونبقى نراقب
الكريات حتى يشقر لونها قليلا ونخرجها
ملاحظة : عند انتهاء الخبز تتشقق الكريات قليلا من فوق هذا طبيعي
نتركها تبرد ثم نأخد صحن عميق نضع به مربى المشمش
ونخففه بعصير الليمون حتى يصبح سائل نوعا ما لكن ثقيل في نفس الوقت
نضع الكريات في المربى المخفف

إضغط هنا لرؤية الصورة بحجمها الطبيعي.

ثم مباشرة نمررها في خليط قوفريط مفتت + كاوكاو مطحون

إضغط هنا لرؤية الصورة بحجمها الطبيعي.

نزين كل قطعة بنصف حبة كرز مصبر

إضغط هنا لرؤية الصورة بحجمها الطبيعي.

ثم نزينه من فوق بخطوط من الشكوطولا طة السوداء

إضغط هنا لرؤية الصورة بحجمها الطبيعي.

وهذا شكله النهائي

إضغط هنا لرؤية الصورة بحجمها الطبيعي.

ملاحظة عند حفظ الكريات يفضل عدم وضعها فوق بعضها كي لا يخرب شكلها
انا رصيتها داخل صينية عالية الحواف ثم غطيتها بقطعة نيلون جيدا

[ام هاديل وياسين]

بارك الله فيك

سمك بطريقة المتالقة ام ماجد

في مقلاة حطي ثوم مرحي وكمون كصبر شوية دبشة زيت وقلي ثم هريسة وطماطم علب وطماطم حب كمية قليلة وملح طبعاوورقة رند ومرقي بكاس ماء وحطي الحوت تاعك كيما راه حبات دون شوك راهو يطيب بسرعة اذا بقات الصوص زيدي للنار حتى تنشف وتبقى الصوص ثقيلة روعة روعة انا سقيت به ارز ابيض من الفوق وساعات نسقي بلاصوص لابيري ام نحبوها كامل
تحياتي اختي

إضغط هنا لرؤية الصورة بحجمها الطبيعي.

صابلي بطريقة بشرى

250 غ مرغرين طرية + كاس سكر رطب+ كاس نشاء تخدميهم مليح + 3 صفار و كمشة كوكاو محمص ومرحي تقدري تستغناي عليه + فاني + فرينة وشوية خميرة القاطو
تحلى العجينة وتشكلي أشكال بعد الطياب تلصقيهم اتنين اتنين وديريلهم الشكولاطة
أنا الشكولاطة نديرها فى الكسرونة منين داك نزيدلها الشكولاطة السوداء شوية زيت وشوية حليب منكترش الحليب باش تنشف

صابلي الزيت للمتالقة بشرى

حبيتي أم ماجد الصابلي نتاع الزيت والله غير يحي هايل
3بيض + كاس زيت + كاس سكر رطب + 2 كاس نشاء متخافيش من النشاء تخلطي مليح + فاني + فرينة + شوية خمبرة تقدري تزيدي كوكاو محمص يعطيها بنة
هادي هي الوصفة درتها فى واحد العرس ودرتلها قلاصاج بالشكولاطة والله جات بنييييييييييييييييييييييييييييينة
المهم ماشي تكثري بزاف الفرينة باش ما تجيش يابسة