الكوزينة 43 من واش طيبتي و ابدعتي اليوم / كواليس ** كواليس حصريا لفحلات الجلفة - الصفحة 65

ام رويدة · 2013-12-05, 20:05

للاسف مقدرتش نحمل الصور منعرف وش كاين
حبيت نشارككم عشاي البسيط

almazalina22 · 2013-12-05, 20:05

وااااو ام كوثر ممكن تصوريلي طاجينك الا طين وتكسر راهم عينيا هههههههه
دائما عندك لمسة روعة في الاكل
السعيدة سارة على السلامة والورد في العمامة خخخخخخ
ام رامي ماهيش تبان سقسو عليها اللي تقدر تراسلها

أم ريمة* · 2013-12-05, 20:06

شكرا ام كوثر على المعلومة نجرب طريقتك وهل يبقى مدة طويلة؟؟اوتستهلك فى وقت قصير؟؟ انا نضيف الخضر بلا ما نطيبهم مع التوابل والقارص والملح بوركتى بنيتى وجزاك الله خيرا

أم إناس · 2013-12-05, 20:08

ام محمد تاج صح فطورك والشيخ كيك خرجلك يهبل اممممممم بصحتك حنونة
ام كوثر ماشاء الله داءما أطباق اممممممم بصحتك وخاصة كسرة شحم ولا لالا. امممم
ام طهى ماكلتك تشهي بصحتك

ام طهى · 2013-12-05, 20:12

المازا يسقسي عليك غير الخير حبيبتي راهو شوية لاباس درت قشور الرمان كيما قلتيلي

tokio hotel · 2013-12-05, 20:13

اقتباس:

المشاركة الأصلية كتبت بواسطة ام طهى

غدايا اليوم محاجب طريقة ام ابراهيم كيما طريقتي

والعشاء درت حاجة خفيفة فريت مخلط بالبيض و فرماج روج

البنات شكون اللي تعرف كيف ماه نرقد فاريونت كيما هادا شراه راجلي من برا وانا مايصلحليش اعطوني طريقة باه نديرو

سلام اختى انا عندى وصفة قديمة و ماشى مجربة نعطيهالك نص حبة شفلور حبة فلفل اخضر 1 خيار صغيرة او 2 كورنيشون جاهزين 7 حبات بصل صغير 4 جزر 2 فلفل حار 2 حبات لفت 3 حبات فلفل حبرند زعيترة 3 ثوم خل ابيض ملح خشن قطعى الخضر قطع اما الشفلور بوكيات صغار البصل كما هو حب حطيهم فى لتر ماء مع كمشة ملح 2 ملاعق خل و اتركيهم 3 ايام صفيهم حطيهم فى بلارة ناخد لتر خل رند و الزعيترة و الثوم و الفلفل الاسودحب على النار 5د بعد الغليا الاواى اتركيهم نص ساعة يترقدو ثم عاودى سخنيهم و فرغيه وهو ساخن فوق الخضر و اغلقى عليهم يوجد بعد اسبوعين و نحتفض بيه 6 اشهر

أم محمد تاج · 2013-12-05, 20:18

شكرا حبيباتي ربي يخليكم يارب
هيا تصبحو على ألف خير نشالله وأحلام سعيدة يارب وربي يحققلكم كل أمانيكم نشالله

ام طهى · 2013-12-05, 20:19

ام كوثر هنا علابيها المنتدى راهو منور ان شاء الله تكوني تحسنتي طولتي علينا اطباقك روعة راني نمووووووووووووووووت عليك

*أم كوثر* · 2013-12-05, 20:24

الله يسلمك اخواتي

الامنيات هيك جلبانة بلي بولات تع لحم مرحي

المازة غدوة نصورلك الطاجين
ام ريمة انا نديرها على يومين ماجربتش اكتر والا ديري الخلطة وكل مرة اجبدي منها وضيفي الزيتون

بصحكم عشاواتكم وربي يديمها نعمة

إلهام07 · 2013-12-05, 20:28

واي واي واي ماما ماكانش واي واي

راني جبدت الكارلاجة وغسلتها

ههههههههههههههههههههاي

مانقولش واش درت وواش راني ندير وماتعولوش تشوفوني ندور في هذا الكارطي حتى تروح ماما خخخخخخخخخخخخخخخ
رايحة نبات في الكوزينة

غدوة نجيكم نحطلكم الصور نخرجلكم قلوبكم

باااااااااااااااااااااي

ما أحلى الحرية

*أم كوثر* · 2013-12-05, 20:30

اقتباس:

المشاركة الأصلية كتبت بواسطة ام طهى

ام كوثر هنا علابيها المنتدى راهو منور ان شاء الله تكوني تحسنتي طولتي علينا اطباقك روعة راني نمووووووووووووووووت عليك

النور نوركم اختي ام طهى
ربي يحفظك ويحفظلك ابنك وتكبريه وتزوجيه وتشوفي احفاد اولاده
هاه وش تعشيتي؟؟

tokio hotel · 2013-12-05, 20:31

الهام هبلت واااااااااااااااااااااااااااا الهاماه جنت

tokio hotel · 2013-12-05, 20:32

الهام هبلت واااااااااااااااااااااااااااا الهاماه جنت

nihale89 · 2013-12-05, 20:45

اقتباس:

المشاركة الأصلية كتبت بواسطة melissat

حنونتي نهال يلا منيش غالطة

ديري كيك يراسمين قوليلي كيفاش ندير ف5 بيضات معرفتش كيفاش نكمل حساب السكر والزيت وووو

سامحيني حنونة هذاوين شفتو والله ماجربتو انا نديرطريقة انتاعي

nihale89 · 2013-12-05, 20:54

اقتباس:

المشاركة الأصلية كتبت بواسطة ام طهى

الامنيات قرقشات جاوك شابين من الضربة اللولة يعطيك الصحة
نتاسابل اللامونة تشهي والقلاصاج جاك يهبل عجبني زاد فيها النص
نهال حطيلنا طريقتك في المكوتشو بالك كيما تاعي هههههههه ناخد فكرة بصحتك التلتلي

يسلمك حنونة هاهي طريقتي الي مانيدلهاش
6 بيضات انا المول انتاعي مبير كي يكون صغير ديري 3
كاس زيت
كاس سكر
كاس غير ربع حليب
2 خميرة وفاني وزاست نتاع القارص
كاس ونصف فرينة
الكاس ماشي كبير بزاف
صدقيني تجي روعة خفيفة وبنينة
وكاين سر نديرو كامل يسقسيوني عليه
كي طيب ديري كمية ماشي بزاف معجون وميهيه بماء الورد الي لونو وردي ريحته هايلة وقاوية وخلطي مليح حتلن يذوب المعجون
وادهني بيه المسكوتة بالبانسو وديري فوقو كاوكاو مرحي وتشوفي البنة