الجزء الثالث من وصفات حراير واش طيبتي اليوم

[idron0]

كسرة خميرة او مطلوع توبة

[idron0]

وصفات قريوش ام هاديل و ياسين



إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[idron0]

خبزة بحشوة المحاجب loudjain stayle

[fleur de lili]

اهلا idron0 طلت الانوار هذى غيبة انشاء الله لاباس

[فخورة بنقابي]

المشاركة الأصلية كتبت بواسطة شمس 15

ختي شفتها بصح مدققتش معاه.
دار الشخشوخة تفور و احكم مقلة فيها بصل و طماطم حب وثوم مرحية و هريسة و حرور و توابل و دار وحدة جومبو و حمس ملييييييييييح و مرق كمية قليلة و كي فارت الشخشوخة خلطها معاها....
حنا عادتنا نطيب المرقة و نسقي هو سقاها ديراكت....جربتها الحق كي تشبعي متقدريش تاكليها تتعجن كي تبرد....
و دار دجاج مفور و قدمها معاها....
دعوة خير ختي..

بارك الله فيك حنونة
جزاك الله عني كل خير

[شمس بريكة]

السلام عليكم حبيباتي اذا ممكن وصفة تاع صابلي يكون هيشوش راح نخدمو لنفاسي ويكون يطوب في الفم حابة مقادير مضبوطة وتخرجلي كمية مليحة تقريبا 70 حبة

[idron0]

الخبز او كسرة في الفور انا هي رزيقة


هذ الكمية لي راكم تشوفوها درتها ب3 كيسان كبار سميدرقيق طبعا مع كاس فرينة مع ملعقة كبيرة خميرة مع ملعقة كبيرة سكر و ملح و ملعقة كبيرة مرغارين طرية حطيهم في العجانة يتخلطو ثم زيدي الماء دافئ غير بالشوةي حتى تتحصلي على عجينة رخوة تلصق كيما البريوش و خلي العجانة الفحلة تعجن مدة 10 دقائق ثم طفي و خلي العجينة ترتاح هكذاك داخل العجانة مدة 10 دقائق ثم نحيها و حطيها في سنيوة فيها سميد رقيق و قرصيها على حسب رغبتك انا ننصحك جربيهم كيما انا صغار روعة جاوني 8 رمدي كل وحدة في السميد ثم حطيهم في بلا رايح للكوشة و مرشوش بالسميد ثم سطحي كل وحدة على علو 1 سم تقريبا و ديري فيهم اشكال بالسكين . طبعا لمعندهاش العجانة تعتمد نفس الخطوات و تعتمد على يديها الحلوين اكيد تجي ابن كيما تقول حبيبتي ام هدول . و الان نجيو للسر لي يخلي الكسرة تجيك بريوش هو انك تحطي في الرف السفلي تحت الكوشة تاعك اناء فيه ماء مغلي . كي تخمر الكسرة تاعك حطيها تطيب في الفور مسخن مسبقا (لي تكوني حطيتي فيه هذاك الاناء) كي يتحمرو من تحت شعلي من فوق .... و الله تتمناي تاكليهم هكذاك مباشرة بعد خروجهم من الفرن ......




إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

السفنج روعة اللصحراء

[idron0]

حلوة المهراس ام وليد

[idron0]

مسكوووتي الخفيييفة توبة




هي وصفة لجين ستايل من الفايس وانا طبعا حرفت شوي خخخخخخخخخ
الفرينة درت 2 كيسان ولا اكثر.. والخميرة درت زوج ..... محرفة كما ينبغي
سقيتها بقهوة وحشيتها بكرام شانتي.. طلعتها بدانيت الشوكولا.. وزدتلها كاوكاو
مرحي خشين.. عطاها بنة هااايلة
والخليط اللي خليتو نزيدولها من فوق زدتلو شوي شوكولا ذايبة


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[idron0]

زلابية المخارق لام اسيل omjoujou



كيلة سميد متوسط كلية فرينة مغرفة صغيرة خميرة الخبز ملعقة صغيرة سكر قرصة ملح بيضة نص كيلة زيت نص كيلة ماء فاني او قرفة لتعطير العجينة حسب الذوق
زيت غزير للقليان وعسيلة ثقيلة باه تعسلي فيها الزلابية
نخلط السميد مع الفرينة والبيضة والخميرة والسكر والقرصة تاع الملح ثم نضيف نص كيلة ماء دافئ ونخلط حتى نتحصل على عجينة ماهي طرية بزاااااف ماهي يابسة نعجنها شوي وامبعد نضيف شوي قرفة ولا فاني ندخلو مليح في لعجينة وامبعد نضيف نص كيلة زيت على دفعة وحدة ونحاول ندخلها مليح في لعجينة راهي في سع تتشربها ونتحصل على عجينة طرية بزاااااف نغطيها ونخليها تتخمر لمدة ربع ساعة برك
امبعد نقسمها الى قطع صغيرة ونشكل دي بودان صغار انا كيلت بغرفية تاع حليب خرجتلي 12 بودان نخليهم يرتاحو 5. دقائق وامبعد نبلاتيهم شوي ونثقبهم في الوسط 3 ثقبات
نخليهم يزيدوا يخمرو حوالي نص ساعة حتى ساعة غير ربع
نسخن الزيت ونبدا نقلي بالحبة على نار متوسطة ونبقا نلوح في الزيت حتى تتنفخ ثم نقلبها على الجهة الاخرى وكي نشوف لونها رجع احمر نخرجها من الزيت نقطرها من الزيت ونلوحها مباشرة في عسيلة تكون ثقيلة ونخليها تتشرب مليح لعسل ثم نجيب كوغدون ونثقبها باه تتشرب لعسل مليح لانو زلابية لمخارق تحب بزااااف لعسل


إضغط هنا لرؤية الصورة بحجمها الطبيعي.

[شمس بريكة]

ما شاء الله عليكم سخفتوني يعطيكم صحة

[idron0]

صلصة الطماطم روعة الصحراء


لعمل البيتزا لكن هذه الطريقة سهلة ورائعة قلت نفيدكم بيها
تجيبي 4حبات طماطم تقصيهم على 2 وتحطيهم في طنجرة صغير زايد ملعقتين كبارزيت زايد ملعقتين ماء اذا كانت الطماطم فيها الماء مادريش وتضيف شوي ملح وتطيبهم على نار هادية بدون تقلية وتغطيها بالغطاء بعد ماطيب مكسيها بالمكسور وضيف راس الحانوت تجي صلصة عاقدة .

[شمس بريكة]

السلام عليكم اذا ممكن تقولولي واش نقدر ندير بالمشمش الاخضر عندي كمية كبيرة واش نقدر نستغلها وهوا حامض

[idron0]

خبز سوري زخرفة

إضغط هنا لرؤية الصورة بحجمها الطبيعي.

الطريقة :

2 كاس فرينة

ملح

ملعقة صغيرة سكر

ملعقة صغيرة خميرة الخبز

ملعقة كبيرة زيت الزيتون او زيت المائدة
ماء دافي

خلطي كي تولي متجانسة خليها ترتاح 30د

ديري المقلة تسخن مليح

في تلك الاثناء

فرشي الفرينة و احكمي une boule و حليها رقيييييييييييقة كامل

و حطيها فوق المقلة كي تشم النار اقلبيها

راح تجي زوج ورقات .