وصفات حراير الكوزينة الجزء الثاني - الصفحة 65

idron0 · 2015-08-13, 10:08

خبيزات السلق ام رحاب

رطل فرينة مغرف وانص خميرة ملح نص كاس زيت حبة بيض وتلميها بالماء وتخليها تخمر
الحشو حزمة تاع السلق انفورها وانعصرها مليح وانحطلها الملح فلفل اكحل سنينة ثوم نص ربطة كسبر يعني حشيش مقطفة انخليهم فوق التار وانزيدلهم 2 حبات فلفل حلو مشوي ومقطع صغير وانزيدلهم زيتون اخضر وانحط كل حبة انحطلها قطعة تاع الجبن من فوق وانشكلهل على شكل وردات واندهنهم من الفوق بالبيض وانرشهم بالجلجلان.

إضغط هنا لرؤية الصورة بحجمها الطبيعي.

idron0 · 2015-08-13, 17:40

سوفلي نتاع السنيوة ام رحاب

كيلي بكاس ايعود شوية كبير كيلي كاس حليب دافي وبنفس الكاس كيلي ربع كاس زيت واتحطي مغرفة سكر ملح مغرف ونص خميرة الخبز ودزيدي كاس فرينة وخليهم يخمرو 15 دقيقة امبعد عاودي لميهم بالفرينة وخليهم يخمرو وحليهم في السنيوة الطبقة الاولى وديري الحشو وعاودي غطيهم وزينيها من فوق كيما حبيتي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

idron0 · 2015-08-13, 17:46

بتزا oum anas 69

العجينة درت زوج قرصات كبار..في العجانة درت رطل فرينة +زيت قيس فنجان +شوية سكر +ملح+ملعقة أكل خميرة حبز و أعجنت بالحليب الدافئ شوية .... خليها تتدلك مليح ... خليتها طرية مليح .. تكوريها و تعملي بالسكين علامة + باش تسهل التخمير.. غطيها بالنيلون +سرفيتة قماش
الحشو .. قليت لحم مرحي +بصل مقطع +فلفل حار +حلو+طماطم مقطعة +سنة ثوم +ملح
حليت العجينة رقيقة +ثقبتها بالفرشيطة مليح +حطيت صلصة طماطم جاهزة +الحشو +زيتون مقطع + جبن بكثافة+ رشة زيت عادي أو زيت زيتون و دخلتها للفور مسخن مسبقا مليح و هبطت السني للرف الأسفل الأخير طابت في دقائق لأنو العجينة رقيقة مممم هشاشة و رقة و طراوة مع كاس عصير برتقال يا عيني ياعيني.

إضغط هنا لرؤية الصورة بحجمها الطبيعي.

x ام رحاب x · 2015-08-13, 21:12

الله ايخليك حبيبتي ايدرونو على هاد التعب جعله الله في ميزان حسناتك حنونة

idron0 · 2015-08-14, 18:44

كروكات البدنجال oum islem

نقشر البدنجال اما اذا كانت القشرة طرية نستعملها ونقطعو دوائر ونطيبو على البخار بدون ما نغطي الكسكاس
لما يطيب ويقطر من الماء نهرسه بالفرشاة نضيف لحم او دجاج مرحي وقطع جبن ثوم مفروم او بودرة توابل ملح كمون عكري معدنوس او كسبر اخضر
ونخلط جيدا بالفرشاة نضيف لا شابلير ما لازمش يجي كما لعجينة يبقى شوية طري
ندير كويرات بواسطة ملعقتين ونحط في الخبز يابس ومرحي نسخن المقلاة وندهنها بشوية زيت ونحط الكويرات يطيبو من الوجه الاول ونقلب
بسباتيل عريضة على الوجه الثاني باه تبقى محافضة على الشكل الدائري
ونقدمها مع صلصة الطماطم الحارة هايلين .

إضغط هنا لرؤية الصورة بحجمها الطبيعي.

idron0 · 2015-08-14, 18:47

العدس oum islem

في الميكسار ديري حبة بصل وحبة طماطم نحي منها القشور والبذور وحبتين او ثلاث ثوم ارحيهم مليح
حطيهم في كوكوط مع ملعقة زيت نباتي وملعقة زيت زيتون وورقة رند وكاس عدس منقي ومغسول وقلي مليح على نار هادئة
زيدي الماء المغلي حتى تغطي كمية العدس بزيادة ثم اضيفي الملح والفاح والعكري والفلفل حار اخضر وعود كرافس وطماطم مصبرة وحبة بطاطا مقطعة
اغلقي الكوكوط وخليه يطيب على نار متوسطة لما يطيب ما تخليهش ينشف بزاف من الصوص تاعو قطعي عليه الكسبر اخضر وملعقة زيت زيتون
ورشة كمون وبصل اخضر مقطع وبالصحة والعافية
وطبعا اذا عندك اللحم او الدجاج حطيه مع الاول كي تبداي تقلي باه يتقلش العدس مسكين.

إضغط هنا لرؤية الصورة بحجمها الطبيعي.

ام ساجد · 2015-08-14, 20:03

ايدرونو بارك الله فيك وجزاكي كل الخير على تعبك واهتمامك

idron0 · 2015-08-16, 08:51

تارتولات الليمون ام وابنة

وصفة العجينة رووووعة تذوب في الفم
حطي 250 غ خليط زيت و مرغرين و ممكن زيت وحدو خلطي مع حبة بيض كبيرة و رشة ملح و ملعقة كبيرة سكر رطب و ملعقتين كبار ماء و ملعقتين كبار حليب و ملعقتين قاطو مرحي و شوية لافاني تع الميزان و لمي مليح بالفرينة حتى تتحصلي على عجينة تشبه عجينة الصابلي ماشي ناشفة و ماشي طرية بزاف خليها ترتاح عالاقل عشرين دقيقة
احكمي بلاستيك و اطرحي شويا بيدك ثم حطي فوقها بلاستيك و حليها بالحلال ماشي خشينة بزاف و ماشي رقيقة قطعي بكأس مناسب و حطي في ليمول مرشوشين بالفرينة
كي تكملي أثقبيهم بالفرشيطة اربع مرات او خمسة
حطيهم يطيبو في فرن سخون انا نحب نحمرهم شوية ماشي بزاف
ننحيهم و ما نمسهمش خلاص حتى يبردوا ملييييح بش ننحيهم من ليمول

الكريمة عبارة عن باكي اميلا ليمون مع كاس معمر شانتيي و نطلعهم بكأس حليب بارد زدتلو ملعقة واحدة عصير الليمون و كي تطلع نحطها في الثلاجة ربع ساعة ثم نحطها في لابوش ادوي و نعمر القوالب و من الفوق رشة زاست تع الليم هذاك وش كان عندي بصح اعطاهم ريحة رهيبة.

إضغط هنا لرؤية الصورة بحجمها الطبيعي.

idron0 · 2015-08-16, 12:27

الشرمولة ام سارة18

هنالك عدة طرق انا طريقتي هي سلق الجزر او اطهيها على البخار ثم ضعي التوابل زيت زيتون3ملاعق كبيرة في مقلاة عميقة ودعها 5دقايق على النار من جهة قطري الجزر وقطعيها دواير ثم ضفها للشرمولة ودعها 5د اخرىمع التحريك بهدوء التوابل عي م ص كمون م ص بابريكة نصف م ص فلفل نصف م ص هريسة ملح معدنوس 3سنات توم
الطريقة2
اخلطي التوابل وضف الجزر وخلط الكل ضيفي فنجان ماء واتركي الكل يغلي تم ضف المعدنوس و م خل واطفي النار غطيها لتشرب عدة دقايق
اما اللفت المفور اللي نعرف عبارة عن زرودية لفت بطاطا مفورين ومقطعين تطهى على البخار20د ثم ضف الملح ودعها تطهى10د اخرى تحققي بالسكين من طهيها ثم ضعها في وعاء ضف المعدنوس والتوابل كمون ملح فلفل اسود فيلي زيت الزيتون وبعض قطرات الليمون وفي الاخير معدنوس وتقدم.

idron0 · 2015-08-16, 12:31

الشرمولة ام رحاب

في طنيجرة اتحطي شوية اللحم هادا اختياري واتخليه يتقلا مليح مع الزيت امبعد اتحطي في مهراس الثوم والملح وحبة فلفل ادريس واتدرسيهم مليح وديريهم في الطنيجرة تاعك اتحطي شوية فلفل اكحل وشوية كمون واتغلقي عليهم واتخلي اللحم ايطيب امبعد نقي الزرودية تاعك وفوريها مليح وكي ايطيب اللحم تاعك ارميها وخليها تعقد مليح ولازم ماتكونش فيها الماء بزاف اجي سامطة ولازم اتكون حمرا ومزيتة من فوق والبنة لازم اتكون بنينة ايلا تبعتي طريقتي.

ندى الحياة69 · 2015-08-16, 13:58

ربي يخليكم روووووووعة

ام و ابنة · 2015-08-17, 15:53

الاخت ادرونو صاحبة العطاء المميز بصمت مهيب
ربي يجازيك كل خير و يفتح في وجهك الأبواب
محبتك في الله ام و ابنة

idron0 · 2015-08-17, 17:10

تارتولات بالمكسرات اسمهان79

العجينة عملت 2 زبدة ستار يعني 400 غ خدمتهم مليح بيدي ثم كأس سكر رطب 2 بيض وخلطت مليح ثماالفرينة نشفي بيها و2 ملاعق كبار ماء باه لعجينة ما تتكسرلكش ثم اعملي في ليمول وطيبي
عمريهم بنيسلي كراميلزي وزيني بالمكسرات أو أي شيئ تحبيه أنا دالي 2 باطات ونصف نيسلي وخرجلي 63 حبة .

سر سعادتي.. · 2015-08-17, 17:27

خبز بلايوورت الطبيعي لأم أماني 77

المقادير: 2 علب ياوورت طبيعي، والعلبة تاع لايوورت نكيلو بيها نديرو علبة حليب دافي+علبة زيت + ملعقة كبيرة خميرة خبز+ملعقة كبيرة سكر+ 1خميرة كيميائية+ملح + فرينة 500 حتى 600 غرام عينك ميزانك... المهم تخلط جميع المكونات وتعجن وحد 15 دقيقة ونخلوها ترتاح ومن بعد قرصيها تحبي ديريها خبزة وحدة كبيرة ولا زوج متوسطين المهم غطيهم وخليهم يرتاحو شوي ومن بعد اخفقي صفار البيض مع شوي خل وحليب وادهني سطح الخبزات ورشي فوقهم سينوج ولا جلجلان ولا لاثنين والى الفرررررررررن والف هنا وشفا

idron0 · 2015-08-17, 17:33

دولمة حوت الرجاء الاماني المجد

تنقي الحوت زين وتنحيلو الراس والاحشاء ثم ترحيه في الحيوة انبعد نصورهالك ثم اضيفلو الثوم والكمون وشويا هريسة وملح و2 مغارف كبار لاشبلر ومغرف روزكبيرة وكوريهم دي بولات وقليهم غير شويا باه يدوا بنة القليان حضري لاسوس ارحي البصل مع الثوم ثم ضعيهم يتحمص ثم اضفي طماطم رابي وملح والكمون وطماطم مصبرة ثم اضفي الماء ساخن وعندما تاخد غلية اضفي بولات السردين وخليهم ايطيبو وكتشفيها طابت طفي عليها وخلي فيها لاصوص.

إضغط هنا لرؤية الصورة بحجمها الطبيعي.