((( غرفة لدردشة البنات ))) ممنوع دخول الشباب !!!!

[الامنية]

يادرة راني جبتلك عريس من الصباح وانا نخيرلك
مادامك حابة تتزوجي
انا عليا العريس والبنات كلوحدة ومقدرت

[*جوداء*]

المهم نعرف بنات شابات وكل أصبع باالخدمة وقعدت تقولك أنا مانتزوج أنا نخدم حتى بارت
راكي تقريسي فينا ....الزواج مكتوب ويلا ماكتبش ربي نسرقوا؟؟؟
ويلا خلات الخدمة وماتزوجتش تولي لا زواج لا خدمة؟؟تخرج فاييت
وزيد الخدامات راهم يتخاطفوا عليهم ههههههههههههههه

[*جوداء*]

المشاركة الأصلية كتبت بواسطة الامنية

يادرة راني جبتلك عريس من الصباح وانا نخيرلك
مادامك حابة تتزوجي
انا عليا العريس والبنات كلوحدة ومقدرت

علابيها غبتي ومابنتيش هههههههههههه
على ذوك لي لونتي
تقول طبيب

[*جوداء*]

ماكنت نصيبهم حتى بسيف وزايدة من الفوق تتقلشي

أيا خيري ولا نضربك
ههههههههههههههههههههههههه
ياااااو الله يسمح

[أم ريان الجنة]

شوفي أختي راجية رضى الله رودي بالك يسمعك الشيخ تقولي رزقنا نجيبوه بيدنا والله مايديك

نقلك ربي هو يرزق العبد والعبد هو يروح يجيبوا

المهم نعرف بنات شابات وكل أصبع باالخدمة وقعدت تقولك أنا مانتزوج أنا نخدم حتى بارت

وراهي قاعة وحاتها تغيض

لا ياأختي كاينة العنوسة

إييه نتينا قلتيها بفمك الرزق يجيبوا ربي ماشي المجاهدين ومماناش طامعين فيهم
وتاكلين على رواحنا بصح يا لالا حبيتي تلصقي في شيباني
نتينا مريضة واش يرفدني ولا نرفدو
لالا غي خليه عندك
هذيك السلعة بايرة ههههههههههه

[الامنية]

جاوبوني واشي عجبكم العريس

[*جوداء*]

صحيتي ياالأمنية

ماتخافيش علي أنا

بابا وماما راهم يحوسولي على عريس
ربي يسهل قالك اخطب لبنتك مشي لابنك

[*جوداء*]

راني شفتلك عريس الي جابتولي الأمنية راهوا ليك وخلاص ولا ماقبلتيش تشوفي لا ماضربتكش غيرا حكمك النعاس
ههههههههههههههههه
نتي بديتي سلكي روحك
ماتحصليش السلعة فيا

[أم ريان الجنة]

نوليو للمهم شيراز ماجاوبتينيش
بصح إذا ماحبيتيش المهم كي عطيتيني الفكرة أنا كنت رايحة نخرج الدراهم من لونساج وحابة شكون دي تعاوني باش ما يلصقوش في كاش راجل

[الامنية]

يابنات دنيا تودرت

نروحو نحوسو عليها في كل شىء ممكن

[أم ريان الجنة]

شوفي راجية رضى الله الناس يتفاتنوا عليهم وأنتي ماكيش قابلة

شوفي ستة أشهر ويموت ومبعد أنتي تورثي كلش ياالمهبولة ......متعرفيش كامل تقضي صوالحك

وأنتي ياالأمنية العريس لاباس عليه مايخصوا والوا وباين راسوا معمر باالعلم

وأنتي ياشيراز قتلك هذاك ليك يعني ليك أنا عندي

خلاص ........مبارك للشيراز

لالا يا لالة
ما عندي ما ندير به
الدراهم ماشي كلشي
ريك حابة كي ندابز معاه يقولي
عيب الراجل هو جيبوا
والا ريك احبتني نموت غي ماتتقلقيش أنا بسبع رواح
ريني عارفة ديك الكاليتي نتاع الناش
غي ماشقاش
ريني مهنية هكذا
وإلا كان على لولاد نربي يتامى وندي فيهم الأجر بزاف عليا

[*جوداء*]

وأنتي ياشيراز قتلك هذاك ليك يعني ليك أنا عندي

خلاص ........مبارك للشيراز
وانا ماعنديش ومايخصنيش يا الحنونة....الهدية لاتهدى ولا تباع راهي هداتولك الامنية غير تهلاي فيه

[أم ريان الجنة]

دينا المسكينة شوكيتوها

شوفو يا لبنات
ريه يأذن نروح نصلي
تبقاو على خير

[*جوداء*]

المشاركة الأصلية كتبت بواسطة الامنية

يابنات دنيا تودرت

نروحو نحوسو عليها في كل شىء ممكن

دنيا كي يهدرولها على الرجال قلبها يسقف عليها حتى كي تحبسو الموضوع ترجع

[الامنية]

ايا سلام يابنات القراية راهي تستنى فيا
الي تدخل سلمولي عليها
وقولو لدنيا رانا حبسنا الموضوع

غير ادخلي