همزة وصل بين المعلم والولي : في طبعته الثالثة

[أم الولدين]

أم الاحباب
شوفي يونس من بعد العطلة تقريبا بعد صلاة المغرب اعطيه موضوعين واحد للغة و الثاني للرياضيات
اللغة مرات يحله شفوي لانه يبدأ بالرياضيات وتلاحظين الوقت قصير بعد المغرب لغاية العشاء
من اسبوع للعلم عم يونس بالسنة الخامسة يسكنون بجانبنا طبعا عم يونس يدرس بمدرسة الحي
ويونس بجانب عملي المهم بالاونة الاخيرة و لانه عم يونس لاباس به بالرياضيات على الساعة السادسة
عدى الاربعاء و الخميس ( يونس عنده مسجد ) قلت من الاساعه السادسة اعطيهم تقريبا موضوعين ثلات في الرياضيات على حسب الموضوع ومرات إدا بقي الوقت اعطيهم مباشرة وضعية ادماجية اقترحها عليهما
ولكن لاحظت اني كثرت الرياضيات وخايفة يونس من النوع مايحبش كثرة المواضيع خصوصا بالرياضيات
مجرد احساس خايفة تاثر عليه بالضغط فكرت من اليوم إن شاء الله موضوع واحد لكل مادة
للعم الفرنسية ولا موضوع من بداية المراجعة لست ادري لمادا ممكن لانه مواضيع اللغة و الرياضيات متواجدة عندي بكثرة
طيب اقتراحي بنات لنأخد المواضيع المتوقعة وليست محصورة كما تعلمون لناخدها بعين الاعتبار و نضع
هنا خصوصا الوضعية نضع كل مرة وضعية مبسطة حتى و إن حفظوها راح تفيدهم
مرة الوطن - الرياضة - الثلوت - الماء -الصيف - الدراسة و الاجهتاد - بلادي الجزائر
هده تقريبا ما اتدكر من المواضيع التي توقعها الاستادة الكرام و كما تتدكرون العام الماضي موضوع المطالعة كان ضمن المواضيع المتوقعة
بانتظار ردودكم

[أم الولدين]

الاخت السائلة عن موضوع الطفولة إن شاء الله يعجبك

https://www.djelfa.info/vb/showthread.php?t=1797820

[أم الولدين]

الى الغد بحول الله
اعتدر من الاخت ام محمد النت عملتها بيا معدرة اختي الوعد على كاهني كالجبل
من طباعي مانحبش نوعد ومانوفيش إن شاء الله يتصلح الحال
للعلم الردود الاخيرة لم ار ردود للاستاد نور الدين إن شاء الله يكون باتم الصحة و العافية ويعود عن قريب
الاستاد عبد الناصر نعلم انه مشغول مع تلاميده نداااء لا تنس استادنا الكريم اولادك بالهمزة بحاجة ولو بطلتك
الاستادة عطوووفة كما سبق الاخوة وقالو فارقتنا للاسف قبل الاوان
الاخ اغيلاس تواجدك فعال اخواتك و اخوانك الصغار بحاجة لعمهم اغيلاس لا تبخل عنا لولو بالدعاااء
دمتم جمييعا بخير

[*أم سارة*]

الخوامس...رانا حاسين بيكم وعلابالنا ان الوقت ضيق خاصة مع اقتراب الموعد اضافة لمواد الحفظ اقتراحي اي حاجة تنقص تحبو تبحثو عليها مثلا تعبير عن موضوع معين شواهد مواضيع امتحانات عن موضوع محدد اطلبو منا نبحثولكم ....انا شخصيا مستعدة للمساعدة وانتوما توفرو وقت للاهتمام بالابناء واعدادهم للامتحان وتنظيم المراجعة

[*أم سارة*]

الخوامس....هذه المجموعة فيها امتحان فرنسية خاص بوصف شخص + مجموعة امتحانات من المغرب جمعتها يمكن تختارو منها تمرين او نص مفيد

https://up./downloadf-top4top_3c7d4f740b1-rar.html

[~ حراير ~]

السم عليكم و رحمة الله تعالى و بركاته
يا اهل الهمزة الكرام

نتمنى انه الجميع بخير

اشتقنالكم

كيف حال الخوامس و امهات الخوامس

[*أم سارة*]

المشاركة الأصلية كتبت بواسطة ~ حراير ~

السم عليكم و رحمة الله تعالى و بركاته
يا اهل الهمزة الكرام

نتمنى انه الجميع بخير

اشتقنالكم

كيف حال الخوامس و امهات الخوامس

أشرقت الأنوار وهلت البشائر بقدوم سيدة الهمزة الأولى......اختي حراير طاااااااااااال غيابك عنا جددددددداااا واشتقنا لك عسى المانع كان خيرا....ماأخبار الأميرات ...كيف أحوالهن الصحية والدراسية وحالك معهن.....

[آيات سرمدية]

وعليك السلام.....ومنك السلام.........اهلا بعودة الاحبة..........راكي طولتي علينا؟؟؟؟؟؟؟؟ اخت حراير......راكي مليحة؟؟؟؟؟؟والبنات واش راهم؟؟؟؟؟؟؟

[~ حراير ~]

السلام عليكم و رحمة الله تعالى و بركاته

شكرا صديقاتي و زميلاتي في الامومة ام سرمد و ام سارة و مبروك تعديل الاسم

الحمدلله درك راني بخير و لكن فاتت عليا تعبة هي الي خلاتني بعدت و حتى كرهت الدراسة و التدريس بناتي تمرمدو للاسف

راني من مدة حابة ندخل نشجع الخوامس في الحق العام الماضي ام عادل و ام الاحباب و ام الزهراء و كل الامهات ماقصروش معانا و انا مقصرة في المشاركة لكن الله عالم بالنيات كل وقت ندعيلهم خاصة عادل لانه الاخت سيرين ديما تتخوف من اه تلميذ ممتاز و يطيح في النقطة بسبب او باخر

ربي يكلل تعبهم بنجاح باهر و نفرحو بيهم

بناتي الحمدلله بخير
في الفصل الثاني نضن حكيت لحبيبتي عطوفة فقط اريج جابت معدل 17 و هاد المعدل نقولو لكل ام عانت و عان ولدها في الابتدائي من نقاط متدنية او من عدم تركيز
في الحق انه استذة اللغة الي نبهتها لامر مهم و هو مواد الحفظ قالتلها لازم تجيبي فيهم عشرينات و هاداك هو الي كان
رغم انه هاد الفصل تقولي كون نجيب 13 راني مليحة لانها بنتي مسكينة هي سيدة البيت بسبب مرضي و تعبي

اما افنان و سلسلسبيل فحافظوو على مستواهم لحد الان و الحمدلله فقط افنان في اللغة و الرياضيات وين رايحة رايحة تزيد تنقص في نقاطها الغريب انه في الدار تحل وضعيات صعيبة و حتى اكبر ساعات على سنها و تحل من الخوامس منين تروح للقسم الله اعلم ما يحدث و لعمال على الله

فهمت من قبل انكم كنتم تامين في مشروع الفرنسية و لكن اليوم عرفت انه مكانش المشاركين خسارة

سلسبيل راهي حفظت كل النصوص الي قراوهم تاع الكتاب و تحسنت بزاف في الاملاء و الحمدلله و القراءة ايضا
اما افنان كنت بديتلها في حفظ وضعيات الاخ اغيلاس لكن وحدها تحفظ بسبب تعبي و درك حبسو في زوج سلسبيل ان شاء الله الاحد يبداو الامتحانات
و افنان مازال مقالتلهم

راني حاولت نلخص هيهيهيهيه هاد الي يغيب وش يصرالو



اعيد تحياتي لامهات الخوامس و بالتوفيق ليكم و لوليداتكم

[MANOU1]

ام سرمد
انا تاني مادا بيا نكمل معاكم لكن ملقيتش الوقت راهم يديرو في الفروض
و مثلا هذا الاسبوع دارو ثلاث مواد لغة و غدا ان شاء الله فرنسية و اسلامية
خفت نضغط عليها اكثر تكره
اذا سمحتي تساعديني و تقوليلي كيفاه راكي مدايرة مع ولدك ؟

[آيات سرمدية]

الحمد لله في كل الأحوال.......اختي حراير......راكي في نعمة ومتقوليش مريضة......فزادهم الله مرضا......راني علابالي بلي على بالك

ربي يقدرك وتكملي الشيء الي بقى على خير.......


قي ما يخص مشروع الفرنسية........لا ماحبسناش خلاص......راني وراهم بالتي هي احسن.......لكن المشاركات الغايبات ياسر.....

[~ حراير ~]

بارك الله فيك ام سرمد الحاجة لمليحة انه الهمزة ديما تلقى المجتهد الي يقوم بيها

و بارك الله فيك على التصحيح و الدعاء فعلا راني في نعمة الحمدلله حمدا كثيرا طيبا مباركا فيه

هيهيهيه فعلا راكي معايا هاد دعوتك تاع مثل العنانبة استجابلها ربي ان شاء الله

[آيات سرمدية]

اختي....ام لينة......راني عاملتلوا استعمال زمن في راسي يتماشى مع استعمال الزمن المدرسي.......ومع وقتي ووقتوا.......يعني الحمد لله كلش بميعاد.....وتخطيط......


اما المراجعة والحفظ وحل المواضيع فهي دورية على مدار الأسبوع.......يعني وقت الفروض والإختبارات معنديش مشكل لانه كيما يقولو راهو ajour....بما اني ماشية معاه على قدم وساق.......ولكن النتائج لا ترقى دائما الى المستوى الي نحبو.....ولكن راني راضية عليه والشكر لله....

[صابر 2008]

دخول على السريع
أرحب بعودة الأخت أم أريج نورت الهمزة حقا بعودتك
ومكانك كان فارغا هاهنا
كيف حال الأميرات خصوصا أفنان
و الحمد لله على عودتك
وانك بخير

[ام الاحباب]

المشاركة الأصلية كتبت بواسطة *أم سارة*

الخوامس...رانا حاسين بيكم وعلابالنا ان الوقت ضيق خاصة مع اقتراب الموعد اضافة لمواد الحفظ اقتراحي اي حاجة تنقص تحبو تبحثو عليها مثلا تعبير عن موضوع معين شواهد مواضيع امتحانات عن موضوع محدد اطلبو منا نبحثولكم ....انا شخصيا مستعدة للمساعدة وانتوما توفرو وقت للاهتمام بالابناء واعدادهم للامتحان وتنظيم المراجعة

الله يحفظك ويخليك اختي ..