اقتباس:
المشاركة الأصلية كتبت بواسطة *أم سارة*
والله يا اختي سيرين غير كنت نفكر في شعورك انت وام الولدين اليوم بما أنهم اولادكم الاوائل حسيت في مكانكم بخليط الاحاسيس اللي قلتي عليها بما ان سارة ريم ابنتي الاولى......وخاصة انت لاني دائما نرجع لهمزة وصل 2 ونلقى نفس التساؤلات اللي عندي هذا العام كانت عندك السنة الماضية ...نفس الانشغالات..كيفاش نحضروهم للخامسة...هل يقدرو يكتبو وضعية في الفرنسية وكان الاخ اغيلاس جاوبك على معظم التساؤلات جزاه الله عنا كل خير ....اليوم يكون ان شاء الله ذكرى جميلة لانك تحسي ابنك كبر مجرد التفكير في هذا الاحساس خلى عيوني امتلأت دموعا...ربي يفرحكم بيهم وتعبكم معاهم يلقى ثمار طيبة ولعقوبة لينا السنة القادمة باذن الله وتكونو موجودين لمساندتنا وتذكيرنا بتجاربكم....التألق ان شاء الله لعادل...وليونس....وابتهال واسماء وفردوس وعبد الحميد ومنى.............وكل ابناءنا في الهمزة واعذروني مارانيش حافظة كل الاسماء
|
أهلبا أم ريم. أنا متأكدة أن الضغط على الطفل الأول ليس كالثاني. وهذا الضغط أيضا يكون حسب الطفل لأنو كاين اللي يسمع وكاين اللي يتحايل.....هههههه ربي يحفظ كل الأطفال.
بالنسبة للوضعية في الفرنسية والله رانا على أبواب الشهادة واللي متأكدة منو أنو الاجابة تكون حسب موضوع الوضعية فاذا كان الموضوع درس قبلا أو كلماته مفهومة فهنا التلميذ اللي كان يتبع في القسم أكيد راح يسلك راسو.واذا كان الموضوع جديد تماما أو الكلمات صعبة فهذا سيكون تاثيره على الجميع وليس على ابني فقط****هههههه نصبر في روحي***
اقتباس:
المشاركة الأصلية كتبت بواسطة yacidani
أخت سرين
و الله راني حاسة بيك .....و كيما قلتي أول أبناء دايما حقل تجارب
ان شاء الله التفوق لــ عادل و كل الممتحنين همزة وصل ربي معهم
|
ههههههههه أم ياسين بصراحة راني نتخيل فيك وفي شعرك خفت يولي أبيض لما يلحق ياسين للخامسة.
وكيما قلت خصوصا الابن الأول .لأننا في بعض الأحيان نقوم بتصرفات لا نعرف ان كانت صائبة أولا.
شكرا للدعاء لعادل ولكل الممتحنين ****زيدو شوية خصوصا لم يبقى الكثير**
اقتباس:
المشاركة الأصلية كتبت بواسطة ام الاحباب
اهلا سيرين ...راك شاطرة ما شاء الله ..انا لم اطبعها بعد لانني لا اتذكر كلمة السر ..ابوها هو اللي سجلها في الاول ...
انا راني كيما انت عندي نفس الاحساس رغم انو اسماء ليست الاولى ..بصح راني خايفة ..وما كنتش خايفة مع مريم رغم اني لم ابذل معها واش راني نبذل مع اسماء -بل بالعكس كنت فرحانة بزاف - ربي يوفقهم ..ويثبتهم....ويثبتهم... ويثبتهم ههه هذا اللي خوفني خاطر اسماء طايرة...
.
|
أم أسماء. تعرفي عادل يخاف بزاف من معلمة هاد العام.وهي قالت 5ماي يعني لازم يقولها**خلاص راني طبعتها** .والا تبدأ حالة البكاء تاعو. مع أني فهمتو أنهم يبداوا من5 الى 30ماي. ولكن الخوف واش يعمل..........
بالنسبة لأسماء فكرتيني اليوم بعادل عملو موضوع في الرياضيات .طلبت منهم محيط المثلث وهو عمل قانون المساحة...........ربي يستر.
اقتباس:
المشاركة الأصلية كتبت بواسطة ام محمد و ملاك
ربي يفرحك بيه يا رب و تفرحى بنجاحو قلبى معك
|
ان شاء الله أختي. والله ما تحسي حتى تلقاي محمد ان شاء الله في الخامسة.
اقتباس:
المشاركة الأصلية كتبت بواسطة آيات سرمدية
السلام عليكم ورحمة الله وبركاته
دعواتنا متواصلة للجميع......وإن شاء الله......سيكلل نجاح أصحاب الشهادات.....بنتائج تسر الخاطر.......تفائلوا فقط أحبتي فلكل مجتهد نصيب.....وانقلوا تفاءلكم......الى ابناءكم.......وباذن الله ستجدونه.......أحسنوا الظن به إلى ابعد الحدود.....وما التوفيق الا من عنده سبحانه....
|
زيدينا----زيدينا من الدعوات أم سرمد.
اقتباس:
المشاركة الأصلية كتبت بواسطة منى ام
احب ان اعرف على نفسي فانا ام لثلاث دكور الكبير في الثالثة متوسط والاوسط يالثالثة ابتدائي اما الاخير فهو في الاولى ابتدائي اما بالنسبة للشهادة فهي هاجس كل ام ولا مفر منها والاصعب انها تتكرر الله في عون الجميع مدام العبد يدكر ربه وفي عون ااخيه
|
أهلا بالعضوة الجديدة. يعني هاد العام راكي متهنية ماعندكش تاع الشهادة. حتى للعام القادم ان شاء الله.