الجزء 122 مرحبابيكم عندي نتمنالكم اقامة طيبة

[*وردة الشرق*]

صباح الانوار وهيبة وطالبة الجامعة وقمر كيف الحال نتمنى تكونو بالف خير
يوم سعيد وموفق للجميع

[طالبة الجامعة]

المشاركة الأصلية كتبت بواسطة قمر 77

البنات يعطيكم الصحة قمتو بالواجب و حافظتو على الكوزينة البارح كنت رايحة نبكي النت و ما دارت فيا ما قدرت نحمل ما قدرت نجاوب راح نخرج من عقلي و انا نشوف فيكم هكذاك تحتجو والله راح نهبل من النتدرك نروح ندي اولادي للمدراس ما يتلقوهمش لاخر دقيقة بالفروض و مبعد نروح لمدرسة وليدي الصغير نشوف النتائج نتاعو ونهدر مع المعلمين و ممكن نسافرو بعدهااذا ما صبتش النت حبيباتي اتهلاو في رواحكم و في الكوزينة راها امانة بين ايديكم و راكم فحلات على بالي

الله يسهل عليك

[ام رشدى]

صبااااااح الانوار والخيرات والمسرات
اختي زينب 66 تسلم عيونك والللللف شكر على الوصفة
عازفة خليتيني علما رقدت وحطيتي الخيرات راني نستنا في سهمي دبري راسك

[om kamilia]

احلى صباح لاحلى لمة سمحولي الفارة راهي تهررب لي بصعوبة باه نكتب

[قمر 77]

طالبة زينوبة ايصبحكم بالخير راني كنت نراجع شوية ربي يبارك فيكم راكم قايمين بيها اتهلاو راها امانة انا ولادي راهم روطار و ان ما نيش قادرة تطلق الميكرو ما نيش مصدقة باللي راها تمشي النت كي عدت خارجة سلاااااااااااااااااااااااااااااااااااام

[oum islem]

صباحكم مدجج بالخيرات وبالاخبار السارة الله غالب ام عاصم عجبتني :d::d:d
قمر77 وطالبة الجا معة ووهيبة يسعد صباحكم وربي يجازيك خير وهيبة في ميزان حسناتك
البنات الاولاد قالو غدانا شاباتي وعندي اشغال اخرى قلت شي حاجة سهلة وسريعة
صباحكم سعيد يا الملتحقات

[kaouka]

صباح الخير وشراكم ﻻباس وش غداكم ليوم

[طالبة الجامعة]

المشاركة الأصلية كتبت بواسطة ام محمد اسلام الله

اطباقك بزاف رووووووووووووووووووووووعة 444444444444444444 ممكن وصفة الحلوة الثانية

[oum islem]

كاوكا ام رشدي ام كاميليا وزينب66 صباحكم سعيد
زينب 83 ما شاء الله على وليدك ربي يتملو ان شاء الله انا اولادي لي في الابتدائي س 3 جاب 9.05 اما لي في المتوسطة 11.85 مع انو كان ممتاز في الابتدائي
خممت ندير شربة فريك وكسرة والشاباتي نخليه للعشاء لا احيانا ربي

[طالبة الجامعة]

المشاركة الأصلية كتبت بواسطة om kamilia

احلى صباح لاحلى لمة سمحولي الفارة راهي تهررب لي بصعوبة باه نكتب

وصباحك احلى واسعد

[wahibaazel]

صباح الخير قمر ،ام كاميليا كوكا ام اسلام ام رشدي زينب ،ياخي مانسيت حتي وحدة.
الغدا ربما نعمل فلفل محشي ،وطرانش انتاع الحوت نعملو لصاحب زوجي .حوت ليسبادون كيفاه نعملو لازم ما نقليهش ،شوفولي روسات وحدة اخرى يا لعزيزات .
كيكة زينب راهي طيب تديها بنتي معاها للحفلة.

[kaouka]

رجعت وشفت لخير لي حطيتو
انا نروح نقرأ من بعد نشاء الله

[ام محمد و ملاك]

السلام عليكم
نحب ديما نشارك معاكم لكن الله غالب هاتفى معطل

هدا التارت درتها لولدى داها معاه للحفلة مكاف
أة ليه و الحمد لله

[*أم كوثر*]

السلام عليكم ورحمة الله
الف مبروك النجاح والتالق لاولادكم
ربي ينجحهم ان شاء الله
وبصحتكم الاطباق لي حطيتوها
ماشاء الله عليكم

تفضلوا هنا للي تحب جو المنافسة

مهرجان السفرة المميزة

[أم ملك]

صباح الخيرات و المسرات
وهيبة ربي يشافي صديق زوجك و إن شاء الله ربي يجازيك على ما تقومين به
شفتي هديك الفاكهة لحطتها زينب يقولو فعالة في علاج مرض السرطان و الله تعالى أعلم علاه ما تقراوش عليها و قولو للسيد المريض عليها فلربما يلقى نتيجة و ربي يخفف عليه و يشافيه و يعافي كل مسلم.
لبنات الفطور مودر تاع الصح قولو لنا واش رايحين تديرو بلاك ندو أفكار
مطبخ اﻷحلام وين راكي راني شفتك دخلتي في موضوع أم كوثر طلي علينا و إدا زعفانك حقك علينا