وصفات من حراير مطبخ وش طيبتي اليوم

[فاطمةع]

عذا مقروض تلفتهالكم
ثلاث كيلات سميد تاع المقروض+كيلة سمن ذايب+مغرف كبيرة سكر ناعم +قرصة ملح
نحكو مليح بيديا حتى يتبسس مليح +شوية ماء الزهر
نتركو ليلة كاملة باه يتشرب مليح
للحشو لوز او كوكاو مرحي +شوية سكر +قرفة و نلم بماء الزهر و نشكلكم حرابش و نخليهم
نعاود نحك مليح بيديا خليط السميد الحرشة كمى نقولو و نبدى ناخذ بالشوية نجمعهم بالماء +ماء الزهر و نضع الحربوش في الوسط
و نقطعهم على شكل مقروطات نقليهم و نعسلهم مباشرة
يارب الشرح يكون مفهوم

[fatimazahra09]

ياتيك الصحة جبتينا رمضان يجري والله نديرها و نردلك الخبر

[lilouchaf]

بيسكوي انجليزي ببودرة الشيكولا لام فاطمة الزهراء

6 بيض + 200غ سكر ضربيهم مليح + 100غ زبدة دايبة + 100غ شيكولا بودرة تاع الحليب + 100غ كوكاو مرحي شوي خشين + 300غ فرينة

اما المحرفة وراكي فهمتي علاش على جال 6 بيض ههههههههههههههه

درت في مول صغير

2 بيض + 100غ سكر ضربتهم مليح + فنجان صغير تاع قهوة زيت وفنجال صغير تاع حليب + 2 مغارف كبار بودرة الشيكولا + كمشة كوكاو + 150 غ فرينة ومعاها 1 خميرة والى الفرن

الوصفة الاولى مافيهاش الخميرة

ودوقى خيري راهم ناجحين في زوج

شعاري التحريف يوصل الى احلى وصفة هههههههههههههههه

[ام ايمان 11]

papi للرائعة ام محمد تاج
4بيضات كاس سكر كاس زيت باطة ياؤورت كاس حليب 2 باكيات خميرة وكاس سميد وكاس فرينة ورشة ملح وفاني
اولا نخبط البيض مع السكر والفاني مليح مليح ونضيف رشة ملح ونضيف الحليب والزيت والخميرة والفرينة والسميد ونحطهم في بلاطو مدهون بالزبدة والفرينة ونطيبو مثل المسكوتة
ومن جهة نوجد شاربات خفاف وكي يطيب نسقيوه غير خفافي مايش كيما البسبوسة ونزين بالكاوكاو او النواد كوكو
صدقوني لي يذوقو عندي يدي الوصفة يهبل يهبل .

[راجية غفران ربها]

وصفة طير الرحمة

هذه الوصفة تجي خفيفة بزاف حبيباتي وسهلة ومقاديرها بسيطة موجودة في كل بيت ان شاء الله
تقدري ديريها ليلة من قبل باش تكون هشة في الغد
المقادير;
4بيض
كاس سكر
كاس زيت
كاس ياغورت طبيعي (تقدري تستعملي ياغورت بنكهات مختلفة واذا ماتوفرش تقدري ديري لبن)
2 كاس فرينة
1كاس سميد رطب
ملعقة صغيرة فانيليا
1خميرة كيميائية
نحط السكر والبيض والفانيليا في الخلاط ونضربهم مدة 4 دقائق,نزيد الزيت والياغورت,وفي الاخير الفرينة والدقيق والخميرة
نحط المزيج في المول والى الفرن لمدة 40دقيقة على درجة الحرارة 160
في الاخيركيطيب نخرجو من الفرن نكون وجدت معجون المشماش المخفف بشوية ماء ماشي بزاف ونحطو فوق القاطو ديالنا وهو سخون ونشبحو بالمكسرات او بجوز الهند
المليح في الوصفة انكم ماتحسوش ابدا بالسميد
انا درت ياغورت بنكهة فواكه الغابة ممممممم ذوق رائع جربوه ماتندموش إن شاء الله
هده الوصفة جبتها من احدى الصفحات بالفيس

هااااايلة إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

[راجية غفران ربها]

وصفة قاطو الفوندون لمريم لاميرة
300غ زبدة ستار 200غ سكر رطب مغرفة كبيرة فاني بشور القارص قرصة ملح 3 صفار بيض
تخلطي الزبدة مليح في اتجاه واحد حتى تولي بيضا و مبعد زيدي باقي المقادير و نشفي بالفرينة بنفس التجاه و ديريها بالمحقن و طيبيها و كي تبرد لصقيها كل 2 مع بعض تحبي بلاكغام او بوغ و جي تهببببببببببببل بصح مالازمش طول يعني خبيها هكذاك و كي تحبي تحطي لصقيها بنهار قبل و لغدوة من ذاك تتكل و الا حبيتي تخبيها طول واجدة لصقيها بحلوة الترك و المعجون تاع المشماش و من فوق حطي جوزة لصقيها بنفس الحشو و زيني بجطوط شوكولا
لاكغام او بوغ ديري لي تحبي و الا حابة نعطيك لي نديرها انا ماكان حتى مشكل
إضغط هنا لرؤية الصورة بحجمها الطبيعي.

[راجية غفران ربها]

قاطو لكورنيسكي لمريم لاميرة
200غ فرينة 100غ مارغريف فلوريال تبسيهم مليح و زيديلهم 50 غ سكر رطب 3 صفار بيض قرصة ملح مغرفة كبيرة فاني
لاكغام او سيتغون
160غ عصير قارص 125غ سكر رطب 3 صفار بيض و 2 بيضات و خلطي مليح بارد في بارد ثم حطي فوق النار ناقصة حتي تعقاد بصح لازم تحركي و تنحيها ديري 30 غ زبدة ستار
ديري لعجينة في المول المخصص و حطيها طيب و كي تبرد ادهنيها بالشوكولا طبقة خفيفة برك و كي تنشف عمري بلاكرام و من فوق ديري المورانغ و اقلبيه للفور حطيه من فوق خلاص و شعليلو مدة 10 الى 20 دقيقة حتان تجمد المورانق و زينيه بالبيستاش و خطوط شوكولا
إضغط هنا لرؤية الصورة بحجمها الطبيعي.

[راجية غفران ربها]

االوصفات لنور اليقين 77
سفيرية بالسلق


سفيرية بالسلق و الروز
إضغط هنا لرؤية الصورة بحجمها الطبيعي.


المقادير:
ـ سلق.
ـ حفنة روز صغيرة.
ـ قطعة جاج.
ـ ملح.
ـ فلفل أسود.
ـ زيت.
ـ فصوص ثوم.
ـ ماء.
ـ بيض (حسب كيمة السلق و الروز).
ـ طماطم مصبرة.
ـ لاشبلير.
طريقة التحضير:
أول حاجة نقطعوا السلق كيما العادة و نغسلوه مليح و نديروه في كاسرول مع الماء و الملح و حفنة روز (ما تكثروش) و نخلوه حتى يطيب الروز كي يطيب نقطروه في الكسكاس حتى يتنحى منو هداك الماء
في هاد الأثناء نحضروا لاصوص نحمسوا قطعة الجاج مع فصوص ثوم مرابية و شوي زيت و شوي ماء
بعدما يتحمس نضيفولوا الماء و الملح و الفلفل الأسود و كي يغلى نقصو عليه
و كي يطيب الجاج نديروا طماطم مصبرة
و هذي هي لاصوص وجدت و نحيت منها هداك الجاج
دك نولوا للروز و السلق بعدما يكون تقطر مليح نديروه في إناء و نديرو البيض عليه ماديريهش جاري
بعدها نخلطوه مليح و نلمو بيدينا جزء منو كيما نديروا السفيرية العادية لكن لازم تضغطي مليح باش يخرج الماء مليح و يتعصر باش ما يتفتحش كي تكوني تقليه و هكدا حتى تكملي الكمية
و دك نجيبوا لاشبلير و نغطسوا بالحبة في لاشبلير
و نديروها في المقلة و لازم تكون الزيت سخووووووونة و كي ديرهم تقدري تنقصي شوي الفرن باش يتحمروا بلعقل
هنا بعدما قليتهم
نديروهم في لاصوص
و بعدها كي يغلى نضيفو عليه البيض بعدما نكونوا ضربناه بالشوكة و نخلوه حتى يطيب البيض يكون وجد

[راجية غفران ربها]

سفيرية بالبطاطا
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
المقادير:
ـ بطاطا.
ـ جاج.
ـ فلفل أسود.
ـ قرفة.
ـ ملح.
ـ طماطم مصبرة.
ـ فلفل أحمر.
ـ زيت.
ـ ماء للتمريق .
ـ بياض بيض.
ـ بصلة.
طريقة التحضير:
اول حاجة طبعا نغلي البطاطا في الماء و الملح و نجهزوا المرقة بحيث نحطوا الجاج في الكاسرول نضيفوا عليه البصل و شوي ماء و ملح و فلفل أسود و قرفة و شوي زيت و نحطو الكاسرول في النار
نخلوا الجاج يتحمس مليييييييييييييييييح
من بعد نضيفولوا الماء حتى يتغطى الجاج
و هنا تقدري تضيفي الجزر كي تغلى المرقة نضيفولها الطماطم المصبرة و فلفل أحمر نكونوا حليناه في شوي زيت
و نقصوا عليها كي حتى يطيب الجاج نطفوا النار
نولوا دك لبطاطا المغلية كي توجد نرحيوها بلامولينات و نديروها كويرات
و من بعد نضربوا بياض البيض و نغمسوا الكرية فيه و نديروها في زيت غزيرة و سخونة و كي تتحمر نحوها
نحطوها في كاسرول
و نضع فوقها المرقة و نخلوها تغلى و تتشرب لاصوص مليح و هكذا راهي واجدة

[راجية غفران ربها]

كيكة
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
المقادير:
ـ 5 بيض.
ـ باكي ونص خميرة تاع الحلوى.
ـ فنجال زيت.
ـ فنجال سكر.
ـ مغرفة مبيرة مايزينة.
ـ فرينة.
للكريمة:
ـ سكر قلاص.
ـ كاكاو.
ـ حليب.
ـ كاوكاو

طريقة التحضير:
فقط حبيت نقولكم بلي طريقة التحضير نخلطو بالشوكة (فرشيطة) يعني بلا روبو
خلطي كافة المقادير ما عدا الفرينة و الزيت و كي يتخلطو مليح زيدي الزيت و خلطي و في الاخيرة الفرينة حتى يعقد الخليط
نديروه في المول و نديروه يطيب في درجة حرارة بين 140 و لا 150
و كي تحمر من الفوق ندخل عود اسنان كي يخرج ناشف معنتها طابت الكل راه عارف بهاد الطريقة
المهم من بعد نخرجوها كي تبرد نجهزو كريمة التزيين و هي عبارة عن شوي حليب نحلو فيه شوي سكر قلاص لازم يكون عاقد شوي و من بعد نزيدو الكاكاو حتى نتحصلو على اللون اللي حابين نوصلو ليه و نطلو بها الوجه و نديرو الكاوكاو من فوق
نديروها في الثلاجة باش الكريمة هديك تشد روحها و من بعد نخرجوها و نحطوها وين نحبو يعني ماشي شرط تبقى في الثلاجة المهم كي تجمد الكريمة نخرجوها و تقدم بصحتكم

[راجية غفران ربها]

مقروط شامي لغربة
المقادير :
للعجينة: كيلة دقيق متوسط، 2 كيلات فرينة، كيلة مارغرين أو سمن، 3 صفار بيض، 4 ملاعق كبيرة ممسوحة سكر ناعم، ملعقة متوسطة خميرة كيميائية، قرصة ملح، ملعقة صغيرة فانيليا، نصف كأس صغير ماء الزهر، ماء مطلوب.
للحشو: كيلتان لوز غير مقشر ومرحي أو كاوكاو، كيلة سكر ناعم، 3 ملاعق مارغرين ذائبة، ملعقة صغيرة فانيليا، ماء الزهر
للتزيين: بياض بيض، لوز مرحي خشن أو فستق، عسل.
طريقة التحضير:
ـ غربلي الفرينة والسميد، أضيفي السكر الناعم، قرصة ملح، الفانيليا، صفار البيض وبللي بالماء وماء الزهر حتى تحصلي على عجينة متماسكة ولينة.
ـ شكلي كريات بحجم حبة الماندرين، غطيها واتركيها ترتاح وفي نفس الوقت حضري الحشو بدمج جميع مكوناته.
ـ ابسطي كرية من العجينة بالحلال بسمك 2مم ثم ضعي جزء من الحشو على شكل حربوش.
ـ ضعي الحربوش في وسط العجينة ثم لفيها حوله مرتين وقطعيها على شكل مربعات أو معينات ثم خذي بياض البيض واطلي به وجهها بواسطة فرشاة ومرريه في الفستق المكسر أو اللوز ثم ضعيهم في صينية مدهونة بالزبدة ومرشوشة بالفرينة.
ـ أدخلي الصينية إلى فرن ساخن لمدة 20 دقيقة تقريبا، ولما تطهى الحلويات نتركها ترتاح قليلا ثم نضعها في العسل ثم في حاويات ورقية

إضغط هنا لرؤية الصورة بحجمها الطبيعي.
[

[lyzzabel]

الفول حب بطريقة lyzzabel

انا الفول نديره بعدة طرق بصح هاذي تعجبني بزاف و نتيا شوفي
بعد ما نفوره و هو عاد فالكسكاس نقطع عليه ثوم رقييييق و نديرله ملح و حرور غي شوية و كمون و معدنوس مقطع رقيق ممممم و نغطيه طبعا نكون طفيت عليه من قبل ،، نخليه شوية يشرب البنة بفعل البخار و نخلطه بدون استعمال ملعقة يعني بالكسكاس كيما مين نخلطه البطاطا باش نقلوها فهمتي و نحطه في طبق التقديم و من فوووووق ندير زيت الزيتووووون ممممممم هههه

[lyzzabel]

espadon grille lyzzabel

حبيبتي حلوتي السكرة مواااااااحتيييييين قبل الوصفة ههههه
الاسبادون من رايي الخااااص طبعا ما يحتاجش بزاف التوابل لانه سمك شيك و بنته كلها فيه
ندير عليه اول شيء الزيت انا درت زيت الزيتون و نطليه مليح بيدي و نخليه يريح شوية و ندير الشواية على النار تسخن ملييييح على نار متوسطة و نرشها بشوييييية زيت و نحط les rondelles تاع l'espadon يطيبو ،، و هوما فوق النار نملحهم ما نكثرش الملح خاطرش ما يبغيش الملح بزاف راه يبان فيه و نزيد رشة فلفل اسود تاني غيييير شوية و نخليه ينشوى راه ما يديش الوقت و نقلبه بحرص و نزيد نملحه شوية على الوجه الاخر و نخليه يكمل الطياب و التحمار ممممم بنة لاااا تقاوم

[أم إناس]

اليزبال
طريقة اليزبال في تحويل الكوكاو آلى بيستاش


ترحي كاوكاو كيما تحبيه متوسط ولا خشين
من جهة اخرى ذوبي شوية ملون اخضر مع ماء زهر وبداي زيديه على الكاوكاو بشوية شوية وحكيه بيديك مليح باش يدخل فيه اللون وخليه ينشف مليح
ولا مزروبة ديريه فالفور سخنيه مسبقا على درجة عالية وطفيه من بعد دخلي صني تاع كاوكاو تاعك داخل باش ينشف

[almazalina22]

طريقة فلفل ممممممممم لام ياسين فاطمة الزهراء شكرا مسبقا


المازة الحلوة صح نسيت وماانساني غير الشيطان دوق نقلوهالك ساهلة ماهلة في مقلة ديري الزيت وحطي الفلفل الحلو والحار واقليهم ومنبعد فرغي هداك الزيت باش ماتكثريش المواعن وديري الثوم وقطعي الطوماطيش وغطيهم يتقلاو راح تتطلق الماء انتاعها ومنعد نقي الفلفل واقسميه هكى الاوامر عندي باش يسهال عليهم والله يسهلها علينا الكل وارمي الفلفل على الطوماطيش وخليه يرفد غلي شوي وطفي وبصحتكم


إضغط هنا لرؤية الصورة بحجمها الطبيعي.