الجزء 101 من ركن واش طيبتي اليوم

[touta2010]

المشاركة الأصلية كتبت بواسطة ام اماني77

خخخخخخ ياتويتة عندي شحال وانا نخمم فيها وحشمت نسقسيها حسبته شيخها خخخخخ
حقة نسيت نرحب بابنة العم راهي غايبة اليوم علينا

شكرا حنونة
بنت عمي تخدم تدخل حتى المغرب كي الخفاش
شفتي اخبار اليوم فالمسابقة

[ام فضيلة]

شكرا ام اماني راني شفته في انتظار مواضيعك باذن الرحمان

[ome loudjeine]

المشاركة الأصلية كتبت بواسطة touta2010

خبز الشعير هو خبز الزرع ولالا
ادا هو نقولك كي تعمليه

سلام حبيبتي توتة وربي يفرحك راكي منحيتنا على بالك ويعطيك واش في قلبك.
مادابيا اختي ماعلباليش واش هو خبز الزرع راجلي جابلي الحرشة تاع الشعير وقالي ديريلي كسرة الشعير.

[ام اماني77]

اختي فضلة اصبري عليا منا لليل باذن الله نحطه موضوع ضرك عندي شوية شغالات

[touta2010]

ام اماني ننتضر وصفة الكيك بالفلان بليييز
واش معنى خبز شعير

[ام اماني77]

ام لجين صيامك في الجنة ان شاء الله تنجحي في الخبز انا شخصيا جامي عملته

[قمر 77]

المشاركة الأصلية كتبت بواسطة الدنيا

السلام عليكم
ليكم وحشة يا حبيباتي
بوركولي ربي فتح عليا بخدمة الحمد لله

يويو مبروك نشالله فاتحة خير عليك اختي و تربحي عليها

[ome loudjeine]

المشاركة الأصلية كتبت بواسطة قمر 77

ام لجين يعطيك الصحة على طياباتك ربي كي ديري كسرة الشعير قوليلي كيفاش جاتك حابة نتعلملها
ربي يكون في عونك على الريجيم رانا قع من الزيادة خرجت كروشنا و رانا ضاربي النح الله يستر

يعطيك الصحة حبيبتي قمر.
ان شاء الله تصلحلي ونمنع من لسان راجلي من البارح وهو يعايرهههه.
بالنسبة للوزن والله غفلت على روحي لقيت عرام كيلوات زايدين ربي يقدرني راني ديسيديت ان شاء الله مانرجعش لورا ادعيولي.

[ام اماني77]

تويتة نظن الشعير هي النخالة ولا راني غالطة خخخخخ

[ام اماني77]

المشاركة الأصلية كتبت بواسطة touta2010

شكرا حنونة
بنت عمي تخدم تدخل حتى المغرب كي الخفاش
شفتي اخبار اليوم فالمسابقة

ان شاء الله تدخل وتزهيو الركن

واش من اخبار ماشفتش
نضرب طلة ونرجع

[ome loudjeine]

المشاركة الأصلية كتبت بواسطة ام اماني77

ام لجين صيامك في الجنة ان شاء الله تنجحي في الخبز انا شخصيا جامي عملته

يعطيك الصحة حبيبتي ام اماني.
هدا شرف كبير ليا وشكرا ليك الصراحة راكي مبدعة ربي يحفظك ويخليك ويجازيك كل خير.
ان شاء الله لاكان نجحلي راني نصورو تشوفيه.

[oum ibrahim]

ام تاجو واااااااااااااعتين جعت و يهون عليك حبوبي عمادو راهو يبكي ؟؟؟؟؟؟؟؟
ام اماني يا ام اماني يعطيك الربح واش هذا الخيرات وين يبان باتيسريا قدام الاطايب الي حطيتيها من فضلك عندي منك طلب اذا ممكن تصوريلنا الاداة الي تديري بيها الشوكولا الي فوق الكيكة و على فكرة طبقت السويسرول نتاعك من قبل اممممممممممممممممم في انتظار الوصفات على احر من الجمر و ما تنسايش وصفة البريوش بالكرام باتيسيير راني ما نسيتوش

[قمر 77]

و الله ام لجين ندعيلك و تدعيلي رانا كيفكف لسان رجالنا نهار كامل قدام النت و ما يعجبهم والو و لو كان نهدرو يعود فينا غير اللسان ربي يجيب الخير

المشاركة الأصلية كتبت بواسطة ome loudjeine

يعطيك الصحة حبيبتي قمر.
ان شاء الله تصلحلي ونمنع من لسان راجلي من البارح وهو يعايرهههه.
بالنسبة للوزن والله غفلت على روحي لقيت عرام كيلوات زايدين ربي يقدرني راني ديسيديت ان شاء الله مانرجعش لورا ادعيولي.

[touta2010]

المشاركة الأصلية كتبت بواسطة ome loudjeine

سلام حبيبتي توتة وربي يفرحك راكي منحيتنا على بالك ويعطيك واش في قلبك.
مادابيا اختي ماعلباليش واش هو خبز الزرع راجلي جابلي الحرشة تاع الشعير وقالي ديريلي كسرة الشعير.

الشعير لي ينحو منه الدشيشة ولالا
لازم تكون عندك خميرة قبل بليلة
تعملي كمية من الشعير والخميرة والملح وخميرة خبز وتلميه بالما دافى
تخليها تخمر بعد تديرها خبيزات لازمش تنشفيها بزاف وتسقمي الخبزة بالبن
وطيبيها
الخميرة..كمية من الزرع قليل خل ونفخيها بالماءوخليها تبات

[sara74]

ام اماني اسمحيلي ممكن وصفة الجينواز الناجحة انا عملت عليها طلب ولا احد جاوبني