بيتك جنتك ورضاء ربك مبتغاك

[oummalak]

المشاركة الأصلية كتبت بواسطة نبض الفؤاد

بنت الجزاير كيفاه سمحيلي انا العجوزة فيكم مانشدش الاسماء بنتي عندها لا نيمي شربت الدوا وعجزت على العدس ان شاء الله نديرو سمعت وراني نعطيها البرقوق المجفف و ماء الحلبة غير كيما بديتهم

بنت الجزائر راهي ميمي هكدا قالتنا
ربي يشفيلك بنتك انا تاني وليدي عندو 14عام تحسبي عندو 8سنين بلانيمي الي دائما فيه

[it's me]

bonjour wchrakooooooooom

[oummalak]

[بنت الجزاير الغالية]

حليمة باهية شيخ القبيلة ضحكتيني من القلب أنا عيطيلي ميمي و حتى أنا راني نديرو قبل العصر واحد ماهو في الدار حتى بنتي الصغيرة راقدة نلبس واحد البودي خفيف و بونطكور و نجيب البساط و نعطي الحس و كي نكمل نرجعغ كل شي و كأنه شيئا لم يكن ( اللي يشوف هكه يقول تسرق)ههههههه

[ام باديس]

ااريد الانضمام هذا هو المشكل الي راح يهبلني كل مانقول خلاص راني نضمت روحي يعاود بتخلط كل شيئ علي عندي اربعة والصغير عندو عام ماقدرتش نلحق الشغل تاع الدار بجهة.......الاطفال ......الزوج.......والصغير نهار كامل وهو يرضع والامر الخطير ترك الصلاة ........كيفاش نضم

[بنت الجزاير الغالية]

المشاركة الأصلية كتبت بواسطة it's me

bonjour wchrakooooooooom

بونجور واش راكي منى

[fati 17]

صباح النور واش راكم انا صبحت مريضة من الغبار انتاعالبارح الحساسية ومعاها الزكام والحمة خايفة نخرج للحواش مرعوبة من الغبرة

[fati 17]

المشاركة الأصلية كتبت بواسطة ام باديس

ااريد الانضمام هذا هو المشكل الي راح يهبلني كل مانقول خلاص راني نضمت روحي يعاود بتخلط كل شيئ علي عندي اربعة والصغير عندو عام ماقدرتش نلحق الشغل تاع الدار بجهة.......الاطفال ......الزوج.......والصغير نهار كامل وهو يرضع والامر الخطير ترك الصلاة ........كيفاش نضم

مرحبة بيك معانا الا ترك الصلاة حبيبتي اول عمل يسال عليه العبد وبه تقاس العبادات الاخرى انشاالله ربي يوفقك معانا

[بنت الجزاير الغالية]

المشاركة الأصلية كتبت بواسطة ام باديس

ااريد الانضمام هذا هو المشكل الي راح يهبلني كل مانقول خلاص راني نضمت روحي يعاود بتخلط كل شيئ علي عندي اربعة والصغير عندو عام ماقدرتش نلحق الشغل تاع الدار بجهة.......الاطفال ......الزوج.......والصغير نهار كامل وهو يرضع والامر الخطير ترك الصلاة ........كيفاش نضم

أهلا بيك أم باديسش منورة الموضوع و معانا إن شاء راح تتنظمي بالسيف وباستمتاع
بصح نوصيك وصية من أخت إياك و إياك ترك الصلاة و الله لوكان تقراي على تارك الصلاة واش يصرالو على بالك ما تزيديش توخريها فمابالك تركها
قال الرسول صل الله عليه و سلم : العهد الذي بيننا و بينهم الصلاة فمن تركها فقد كفر
يقصد بينا و بين الكفار و سمعت عاللي يتركها واش يسمى
إن شاء الله اليوم تعقدي النية المخلصة و تبداي في الصلاة و هذي أول نقطة تحول و الباقي يجي

[بنت الجزاير الغالية]

المشاركة الأصلية كتبت بواسطة fati 17

صباح النور واش راكم انا صبحت مريضة من الغبار انتاعالبارح الحساسية ومعاها الزكام والحمة خايفة نخرج للحواش مرعوبة من الغبرة

صبا الخير فتيحة ألف لا بأس عليك

[it's me]

المشاركة الأصلية كتبت بواسطة بنت الجزاير الغالية

بونجور واش راكي منى

وشراكي ميمي لاباس؟
حطيتلك مرة سؤال في موضوعك تع تنظيم المصروف و ماجاوبتينيييش نحتاج رايك بلييييز

[بنت الجزاير الغالية]

المشاركة الأصلية كتبت بواسطة it's me

وشراكي ميمي لاباس؟
حطيتلك مرة سؤال في موضوعك تع تنظيم المصروف و ماجاوبتينيييش نحتاج رايك بلييييز

واش هو ضرك نجاوبك
معليش عندي مدة ما دخلتش للموضوع وما نيش ناوية ندخله
و إنت تاني سقسيتك أمس بقداه شريتي البوماد تاع الرجل و راني نستنى

[ام باديس]

الاخت فتيحة والاخت بنت الجزائر الغالية كلامكم كي قريتو دمعت عيني وحسيت باحساس منيش عارفة كيفاش نوصفو نشاءالله تعاونوني باش نضم روحي انا المشكل الصغير راكي عارفة التربية خاصة في اليل

[نبض الفؤاد]

يا ميمي انت صاحبة الحركات اللي حطيتي لو كان تشوفي واش صرا فيا؟؟؟؟
و ممبعد خلاص
فاتي لا باس عليك ومنى كيفاه راهي الوالدة و مهدي

[ام منيب]

اصبحنا واصبح الملك لله والصلاة والسلام على رسول الله
انشاء الله كل حباباتي صبحو ملاح
ام ملاك بصحتك الحمام مسبقا
وحنونتي بنت الجزائر الغالية شكرا على الكيفية تاع العدس بالعسل واليوم بحول الله راح نعملها يبدو انك مثلي تحبي تخدمي في قش الطين....الله ...الله انا اليوم راني نطيب في شوربة فارميسال في قدر تاع الطين والمشوط عجنتو وراح نطيبو في طاجين الطين
ما احلاها تقاليييييدنا
وشكرا على الاهتمام
اما سمورتي كوزينتك منضمة ونضيفة الله يبارك لكن قوليلي وين مخبية البلا تاع التارموات وفناجل القهوة تاع كل يوم
انا حاطة البلا واجد فوق البوطاجي لكن ملنيش مرتاحالو ...افيديني يا القافزة