وصفات حراير الكوزينة الجزء الثاني

[idron0]

قاطو السلاك fadila34

500غ مقارين+250غ سكر رطب+4بيضات+1خميرة+فانى+كاكاو+فرينة +نشاء
الحشو 3كيلة كاوكاو+كيلة سكر+ماء زهر مثل عقدة التشارك
تجمعى مقادير العجينة مع بعض وتنحي شوية وتزيدله الكاكاو تحطي السلاك فى النشاء مليح وتحطي كورية صغيرة مثل حبة الزيتون وتحطي عليها عجينة بيضاء وتطرحيها على طول السلاك وتحطي الحشو وتغلقى وتخبطي السلاك وتعدلى وكي يطيب وتكملي عسليه.
ملاحظة:500غمقارين يقطع 60حبة.

إضغط هنا لرؤية الصورة بحجمها الطبيعي.

[idron0]

طاجين الجبن ام و ابنة

نعملو اما بصدر الدجاج او اللحم مرحي او الداند او بقايا الدجاج يعني على حسب المتوفر
نعمل صوص بيضاء بعظام الدجاج و البصل و الثوم و المعدنوس و الزيتون الاخضر المقطع بعد ما نخليه في شوية ماء بارد، عائلتي ما يحبوش الفطر و يكون المرق قليل و ثقيل و ممكن نزيدلو شوية كرام فراش
نخلط صدر الدجاج اللي يكون طايب و مفتت او اللحم مرحي او او المهم يكون طايب مع خبز محمص و مرحي و انواع من الجبن حسب المتوفر مع معدنوس و قليل من المرق و بيض على حسب الكمية و ممكن حبة جامبو و لكن انا ما نعملوش نخاف على اولادي منو خخخخ و احيانا نضيف كمية قليلة من البطاطا مقطعة مكعبات صغيرة و مقلية نحط الخليط في صحن بايركس مدهون بالزبدة و مرشوش بالخبز محمص و مرحي و نرش فوقو الجبن المبشور و الشابلير
عند التقديم نقطعو و يقدم وحدو او مصحوب بقليل من المرق.

[idron0]

طاجين الجبن ام ساجد

ندير صوص بيضاء مع صدر دجاج ونخليها ثقيلة نضيف القليل من البطاطا مقلية ومعدنوس وبيض وشوي شابلير وكمية من الجبن ونخلط ونحط الخليط في بايركس مدهون بالزبدة ونزين بالفرماج من فوق وندخل للفرن يطيب.

[idron0]

طاجين الجبن mariya

نحضر صوص بيضاء بقطعة دجاج و تكون قليلة ونز نقلي بطاطا مربعات ونخلط معاها زيتون اخضر مقطع و دبشة والدجاج مفتت و الفرماج و نحطهم في بايركس ثم نخلط كمية قليلة من الصوص مع البيض حسب الحاجة وشوي ملح و نفرغهم على الطبق ونرشهم بالجبن المبشور و ندخلهم للفرن.

[لجزائرية]

يعطيك الصحة

[idron0]

غريبية باللوز وداد ام محمد

كيلة سمن نصف كيلة سكر قلاصي +فاني +لوز غبرة +فرينة
الطريقة بالباتور تحكمي السمن والسكر قلاصي والطلعيهم مليح كيما الكريمة طلعي حتى تبيض وزيدي اللوز غبرة كمية صغيرة والفاني و الفارينة بلعقل برك لزم لعجينة تكون طرية
ومبعد شكليه هليلات بالطابع ومبعد ادهنيها بالبيض وذري عليها اللوز المرحي
وطييها على 170دفي الرف الاعلى ومتمسيهاش خليها نترد ونحيها من السنيوة.

إضغط هنا لرؤية الصورة بحجمها الطبيعي.

[<Abdouu>]

هايلة اختي بارك الله فيك

[idron0]

طاجين التفاح ساجدة82

نحط قطعه زبده في طنجره شويه قرفه غبره القليل جدا وعود قرفه كامل انيس على شكل نجمه يعطيه البنه والماء على حسب كميه التفاح ونص كاس سكر مثلا كاس اوكثر ماء مع نص سكر وخليه يغلي قشري التفاح وقطعيه مثل ابراج البرتقال ولوحيه يطيب مايتعطلش بزاف والسكر انت وذوقك ضيفي واحد الشويه خاصه اذا كان التفاح حامض تولي لاصوص شغل عسل وزيدي ادا بغيتي الزبيب وتقدري تستغناي عليه .

[نهلة25]

الله يبارك فيكن

[idron0]

القلاصاج حياتي كلها امل

اولا اخدمى سيرو خفيف ،ديري كاس سكر وزوج كيسان ما وترونش قارص وخليه يغلي غير يغلي احسبي 10 د وطفي عليه وخليه يبرد
حطي كاس عصير قارص وكاس ماء الزهر وكاس سيرو والسكر ناعم يكون مغربل زوج مرات
حطي شوية سيرو وشوية قارص وشوية ماء الزهر وزيدي بياض بيضة،مغرف زيت ،وابقاي تزيدي ف السكر حتان تتحصلي على عجينة ،ادلكى هاديك العجينة مليح مليح ،لازم تدلكيها ،
بعدها ابداي تزيدي مرة سيرو وسكر ومرة عصير القارص وسكر وراكى تخلطي ،حتى تتحصلي على الكمية المطلوبة والقوام المناسب يعنى ادا درتى كونتيتى مرة زيدي عصير ليمون وسكر ناعم ومرة سيرو وسكر ناعم وابقاي مرة بمرة حتان ديري الكونتيتى اللي راكى حابنتها
كى تكملي كامل خلي القلاصاج تاعك يرتاح خمس دقائق ،باه يخرجو هادوك لي بول داغ ههههه الفقاعات الهوائية
بعدها حطي الحبات تاعك فوق مشبك وفرغي فوقهم القلاصاج بالمغرفة وحاولي توصلي القلاصاج للاماكن اللي مالحقهاش وعدليه بصباعك ،وخلي الفائض يهبط وحدو ،خليه حتان ينشف تماما ،احكمى الحبة تاعك واتحفيها ونقيها من الاسفل بالموس نحى القلاصاج الزايد من التحت واحكمى بانسو ولا اسفنجة ديريها ف الناكخى وامسحى بيها كامل الحبة ،تتحصلي على قلاصاج طررررى ويبرق
الملون ادا استعملتيه ذوبيه ف عصير الليمون وادا سائل استعمليه مباشرة .

[idron0]

السفنج omjoujou

للامانة هاد الوصفة سمعتها فا الاداعة و هزيتها عندي مدة وانا معتمدتها
1كغ فربنة 4بيضات مغرفة سكر نصف كاس حليب دافي مغرفة خميرة تاع الخبز 250غ زبدة
نخلط الفرينة مع السكر والبيض وامبعد نضيف الخميرة و الحليب الدافي و ادا متلمتش نضفلها شوي ما دافي حتى نتحصل على عجينة طرية
وامبعد نحكم هديك الزبدة نعجن بها العجينة
نخلي العجينة ترتاح و تخمر
كي تخمر العجينة نشكل لوزات و نقليهم في زيت سخونة و مبعد نمرمدهم في سكر رطب.
ملاحظة:نقدرو بنفس العجينة نديروها بريوش كيما قالت صاحبة الوصفة يعني كي تخمار العجينة تشكليها الشكل لي تحبيه و دهنيهابصفار بيض و دردري عليها سكر عادي ولا جلجلانيةوخليها تزيد تخمار وامعد دخليهم الفور سخون وطبعا تكوني سخنتيه مسبقا.
والله جربت الوصفة و درت سفنج ودرت بريوش\ خرجولي رووووووووووووووووووووووعة.

[idron0]

فارميسال او دويدة مفورة بالجاج ام ساجد

بصل مرحي كمية مليحة +دجاج اولحم + زيت+نقليهم مليح مليح +قليل من راس الحانوت مهرس مع الثوم +زنجبيل +فلفل ابيض او اسود +شوي قرفة
وملح ونمرق نضيف الجلبانة وممكن حمص كيما تحبي احنا نعملولها الجلبانة والجريوات القرعة يعني ونمرق بالماء ونخليها طيب
الدويدة نعملها شوي زيت وملح ونحدها تفور المرة الاولى نهبطها ونرشها بالمء ونرجعها تفور ونزيد الثالثة وفي الاخير نعملها شوي زبدة ونصب عليها الصوص
ونخلطها ةنحطها في طبق الفرن ونزين باللحم والجلبانة والجريوات وندخلها للفرن 10 دقائق ونخرجها ونزيد نزين بالبيض مغلي وتقدم.

[idron0]

سفنج البيض ساجدة 82

كميه البيض على حسب الكميه اللي باغيه تخدمي قليل وللا بزاف مثلا حوالي 5 بيض مع حليب دافئ حوالي ّزوج ك يسان نخلطهم مليح قليل من الملح ملعقه طعام ممسوحه خميره خبز سميد متوسط قليل من ماء الزهر اوفاني نتحصلو على كثافه مثل تاع لبغرير نخليوه يخمر من بعد نسخنو الزيت جيدا ونبدا القلي بملئ ملعقه وسكبها في الزيت يعني تكون عندنا شحال من حبه في المقله الواحده ثم يستقطر من الزيت ويرش بسكر احرش او قلاصي وممكن عسل.

[طائرة الشرق]

تسلم أيديكم. و الله يبارك فيكم

[idron0]

المدلين الرجاء الاماني المجد

3بيضات 8ملاعق كبارسكر 8 ملاعق زيت كبار8ملاعق كبارحليب سائل 1خميرة لافاني ملعقة صغيرة بيكربونات 2ملاعق كبيرةماء دافئ 3ملاعق كاكاو علبة شكلاطة دائبة مع شويا حليب كاس فرينة خلطي المواد السائلة البتور ثم اضفي الفرينة وضعيهم في كيسات وكيسات في لمول انتع الحديد انتع المادلين وخليهم ايطيبو.