الجزء 125 من واش طيبتي اليوم.....مرحبا بالغوالي

[أم ملك]

صباح الخير عليكم كامل
إسمهان مرحبا إن شاء الله تكوني ريحتي شوية
ليزا ربي يرحم ميمتك و خيتك برحمته الواسعة و رانا قاع خياتك
أم التوأم ربي يسلك خيتك على خير و ترجع للدار هي و البيبي اليوم إن شاء الله
رفيف ربي يسهل و ييسر ولادتك و جميع الحوامل
كوكا شكرا على المواعضلي راكي تتقلي فيها سلمتي و جزاك الله الخير الكثير
عازفة مبروك روجوع النت و الكيكة أمممممم هايلة بصحتكم
أم يسرا مرحبا و ربي يمتعك بالصحة و كل شيء حطيتيه روعة
أم ياسين صباح اﻷنوار و السوفلي لي درتيه هايل بصحتكم
المازة مرحبتين شفتي مين يكون عندك حيوان و تحسيه ضعيف و يموت قدامك و أنت ما قادرة تديري والو صعيب الحال مرة صراتلي مساكن
رحمة وهيبة و كل المتواجدات صباح اﻷنوار
زينب ربي يرحم و ليد خالتك و يلهم ذويه الصبر و السلوان طمنينا على خالتك حبيبتي و الله قلبي و بالي عندها تمنيت لوكان قدرت نروح نشوفها
وهيبة إستعيني بالله و هداك غير الشيطان الله يلعنو و حقيقة قربت المنية و الزاد قليل يا رب أنت ربنا فلا تكلنا إلى أنفسنا طرفة عين.
ﻻ إله إلا الله وحده لا شريك له له الملك وله الحمد وهو على كل شيء قدير.

[ام رويدة]

السلام عليكم ورحمة الله
اسعد الله يومكم بكل خير

لطيفة يعطيك الصحة على وصفة السلق خفيفة وظريفة

زينب شكرا على وصفة الكسرة والخرشف وفكرة الحليب الرايب مليحة

الاخت ريفية البارح قتلتنا في التدبيرة تاعها فرارة الحليب تبسس نجربوها ان شاء الله..شكرا ريفية

عازفة كل نهار تخرجيلنا بخرجة..ما خلات فيا والو هديك التارت

كون غير تحطيهم مواضيع احسن

ليزا العزيزة الللف شكر على وصفة الشوفلوغ تهههببل نجربها ان شاء الله

ام يسرى اطباقك دائما في القمة سيرتو البيتزا تقققتل

فضيلة وان كان الطبق ما نعرفوش بصح يبان يشهي يعطيك الصحة

ايروندو هلت الانوااار الف مرحبا رجاااءا شاركينا اخية

قمر الزمان حلويات رائعة وفريكاسي اروووع يادرا عجبك انا جامي سييتو

قولولي يتباع في مطاعم الاكل السريع ماكنتش نعرفو عرفتو معاكم

رفييييييييف كييف الاحوووواااال...كيف حال الام الحنون ان شاء الله ريحت شوية روحي تمشي واش راكي قاعدة مع الميكرو

ربي يعطيك وقفة ساااهلة يااارب وتفرحينا باحلى بيبي

ام سرااااد دخلتي بقوة وممبعد نقص حسك هادي ما نقبلهاش..نحب العياط في الكوزينة هههه

[أم ملك]

لازم الحياة تستمر هاد القانون فوق الجميع كتبتها لروحي البارح مين شفت خبر وفاة وليد خالة زينب طفيت كل شيء و رقدت و قلت الناس تموت و احنا لاهيين هنا و ما بغيتش نزيد ندخل نهائيا و لكن لقيت لازم نعينو أنفسنا بهاد اللمة الطيبة إن شاء الله
زينب أسمحيلي هدا قانون الكوزينة لازم نهدرو على الطياب
هدي كيكة درتها البارح لختي عيد ميلاد ولدها عيطتلي على 3 و قاتلي جيبيهالي على 5 و كان ما عنديش بزاف حوايج و مالقيتش شكون يشريلي درتها بواش كان عندي ما تضحكوش عليا


درتها بربعة جينواز بنتها هايلة لكن الديكور كان ناقص بزاف كل شيء قليل ما عنديش
للفطور إن شاء الله نديرلهم شواء و شيفلور مقلي و لله الحمد و المنة
مع السلامة نتلقاو من بعد إدا كتب ربي

[ام رويدة]

المشاركة الأصلية كتبت بواسطة ام رشدى

ام يسرا على السلامة والله ليكي وحشة الصور ماضهروش مي انشوفهم في الالقتباي انشاء الله
اختي ام رويدا البارح جربت كيكة القارس جاتني خفيفة وطلعت مي درتها حااااااااااااااامضة يعني كثرت القارص
ادا ممكن الكاس الي عبرتي بيه في الشاربات وفي العجين انا عبرت بكاس القاوز هردتها ههه وشكرا على تعبك والللللللللف شكر على وصفة لكرمب غدوا بادن الرحمان نجربها

ام رشدي خسااااارة

قوليلي ما تكلتش...رميتيها

الكاس الي عبرت بيه انا صغير ماشي هدوك الطوال..هدي نقطة انا ما قلتهالكش
نص كاس بيه في العجينة تجي عادي ما تجيش كااامل قارصة

شوفي اوصفة الاصلية نص كاس للعجينة وكاس للسيرو بصح كاس صغير

انا خفت ندير كاس تجي حامضة درت نص كاس ماجاتنيش قاااع فيها بنة القارص صافي انا حطيتلك الوصفة الاصلية
ونسيت ننبهك للكاس بلي يكون صغير نصورهولك ونوريهولك باذن الله

وفي الاخير المفروض كل واحد وذوقو انا نحب ذوق القارص يبان نقدرو نتحكمو في السيرو تاعنا نخففوه شوية بزيادة ونحلوه مليح او حتى نديرو كمية قليلة من العصير..نتمنى تكوني فهمتيني
نشوف شكون نقلت الوصفة لوصفات الحراير نعطيها التنبيه
سامحيييني اختي العزيزة

[ام رويدة]

المشاركة الأصلية كتبت بواسطة أم التوأم

صباح الأنوار والمسرات بذكر الرحمن كيف أصبحت أختي وهيبة وأختي الريفية وصباح الخير لكامل الملتحقات
تفضلو الحلوة في انتضار قهوة أختي دائمة الحمد اللي عودتنا عليها


أخواتي لي طلب ربي يجازيكم كل خير أختي راهي في المستشفى من البارح ومازال ما ولدتش والله راني خايفة عليها دعواتكم ليها ربي يسهل ولادتها يارب واسمحولي لأني خرجت على الموضوع والله راني مرقدتش بقيت غير نستنى وضرك كعيطتلها قاتلي مازال ما ولدتش راهي في حالة دعواتكم خياتي لعزاز

ممم تبن هااايلة يعطيك الصحة واش من وصفة

ربي يسلكها على خير ويعطيها وقفة ساااهلة
واذا كانت الولادة الاولى تاعها عادي ما تقلقيش روحك طول شوية

[ام رويدة]

المشاركة الأصلية كتبت بواسطة kaouka

تفضلو باه تفطرو سفنج تاع زمان خخخخخههههههه انا راح نرجع للوراء

مممم راكي شاطرة الله يبارك قوليلي سميد ولا فرينة
وربي يجازيك على التذكير ويجعلو في ميزان حسناتك يااارب

المشاركة الأصلية كتبت بواسطة ام سمسومة 89

انا اليوم راجلي غائب عندو طريق و انا استغليت غياب. ههههه رايحة ندير ميناج عميق و غدايا غير انا و بنتي كي نخلص كشم
ا نزيد على تاع البارح بر. كي نخلص العمل راني نطل عليكم سلام
كاوكا الله الله عليك يا الفحلة راهو السفنج يسخفففغفف

ربي يعينك سمسومة

المشاركة الأصلية كتبت بواسطة fofol

أهلاً ومرحبا بكم جميعاً

يصعد صباحكم اخواتي أعضاء المنتدى

أنا عشيا البارح جلبان بالجاج

بنسبة للخت أنقلك انشاء الله تسلك أختي على خير ولادة سهلا انشاء الله


تحياتي لكم ودي

اهلا بيك فوفول...بصحتكم العشاء

المشاركة الأصلية كتبت بواسطة الريفية

كوكا يسعد ربي ايامك ويغلي شانك وشكرا على السفنج وعلى التغذية الروحانية
فوفول و اختي وهيبة صباح الخير نعم راني جديدة
غداية بإذن الله الشباتي التونسي للأخت زينب 83 ربي يعطيها الخير

صباح الانوار ريفية بصحتكم الشباتي

[ام رويدة]

المشاركة الأصلية كتبت بواسطة اسمهان79

السلام عليكم ورحمة الله وبركاته
صباح الخيرات والمسرات والأخبار اللي تسعد القلوب وتنور الدروب
صباح احلى حب واحلى وحش توحشتكم توحشتكم فوق ما تتصورو وووووووووو حبيباتي بطبوطاتي سميناتي رشيقاتي اليو راني صبحت نسوج في كوزينتي توحشتها بزاف الف شكر على كل وحدة سألت عليا ودعاتلي بدعوة الخير اللي اكيد من قلوبكم الطيبة السكر للحبيبة وهيبة وزينوبة وكوكا وام كمليا وطوكيو وسوسو على الرسائل اللي دخلت الفرحة لقلبي ودعوات وهيبة اللي حسيتهاوالله اقرب من الاخت ومساعدة زينب وحيرتها عليا ونقولك حبيبتي الف الف الف مبروك والله تستاهلي كل خير وربي يرضى عليك وعلى أهل بيتك وَيَا رب يكون زوجك رجع لاباس
ومبروك الكوزينة الجديدة لام رويدة نرجعلك بالباروك ان شاء الله سامحيني برك حبيبتي
تحياتي ليكم وحدة وحدة وبارك الله فيكم وفي كل ما قدمتموه
نروح نشوف داري واحوالي ونرجع نراجع ان شاء الله سلاااااااام كبير ليكم يا احلى لمة

هلت الانواااار والحمد لله على سلاااامتك...نورينا برك ماعلش بلا بارووك هداك اللي في التوقيع يكفي بابزيااادة

[ام رويدة]

المشاركة الأصلية كتبت بواسطة almazalina22

حبيباتي صبااااح الانوار توحشتكم راني من الخميس بلا نت حتى اليوم خلصها حسيت روحي ضااايعة


ام اسمهاااان الحمد لله كي وليتي وزل عليك توحشناك وتحيرنا عليك مواااااح والصور نتاع القطط الموقع هبلني وراهم يهربو مني خخخخخخخ



وهيبة ام ياسين صباح الانوار

ام ياسين واش قريب العيد ولا مازال ههههههههه

ام رويدة عظم الله اجركم وربي يرحمها ويتولى اولادها برحمتو والله قسمت قلبي خاااااصة اولادها صغار


انا البارح قلتلهم ققط ماقدروش يعيشو بلا امهم فما بالكم بالانسان والله ماتو كامل مازال واحد اليوم صبح مريض ماعرفت واش ندير

اسمحولي خرجت على الموضوع غدايا مودر بلاك بيتزا ولا لوبيا راني مشمختها وراهي في الكونجلي وسلطة وعصير الهام زدت درتو البارح بصح جاني مر واقيلا خليتو بطى بزاف في الماء سلام نزيد نراجع ونرجع

امين يارب شكرًا اختي المازة....

صح الام ما يعوضها حتى واحد في الدنيا غير رحمة ربي

كما قلتي الحيوان وما يقدرش يعيش بلا ام

رب يحفظ امهاااتناا ويرحم الاموااات منهن امييين

[fadila34]

صباح الخير على احلة خوتات عندي نا شاء الله ركم كااااااااااامل بخير
انا غدية جلبانة والحمد لله

[almazalina22]

ياااااااااااااااااااااارب رحمتك ذرك وين شفت بلي وليد خالة زينب توفي ربي يرحمو ويصبر امو على فراقو زينب عظم الله اجركم


ام ملك جيت نرضع القط اللي بقى لقيتو ماااات ياااااااااااااااااااااارب صبرنا على هم الدنيا ووفينا مومنين


اسفة غدايا لوبيا وراه المووورال 000000000000000000 ويكاند كاملة وانا نبكي ربي يفرج علينا جيت نطلع المورال زاد هبط الى الملتقى

[*وردة الشرق*]

صباح الانوار على حبوباتي الحلوين كيف احوالكن نتمنى تكونو بخير
اسمهان الف الحمد لله على السلامة حنونةوالله تواحشناك برشا برشا
وهيبة الحبوبة .كوكا .ام التوام.ام ملك .فولفول.فضيلة .ام سمسومة .الريفية ..المازلينا
ام ياسين المسرارة الحلوة مازالك صايمة حبيبتي
رحمة صباح الفل تفضلي الرابط اختي وارواحي حبيبتي مرحبا بيك حنونة
https://www.djelfa.info/vb/showthread...778740&page=22
المشاركة رقم :321

[mebanada]

شكرااااااااااااااااا

[wahibaazel]

المازة جربتلك التاي وخرج روووعة يعطيك الصحة عزيزتي ،رحمة الحمد لله ربي يحفظك حنونة ،ام ملك ،رويدة ،زينب66اهلا حبيبتي ،فضيلة وكاينة اخت نسيت اسمها ربي يعونكم .

[مريم*]

صباح االنور .شكرا حبيباتي

[ام سراج وملاك]

صباح النور على احلى بنات في الكوزينة