دورة فراشات تزهو بالألوان بيوتهن قمة في النظافة و التنظيم و التدبير و الاتقان

[أم ريتاج زهرة]

السلام عليكم ليوم بديت معاكم التغيير و الحمد لله ة الله لبارح أعلنت التغيير و تغيري 180 درجة و حسيت روحي عييت و قلت في نفسي لازم نواصل راني وعدت الحبيبة و الأخوات و المنتدى عامة و راني مع مواصلة تنظيم في منزلي و الحمد لله و نشكر بزاف الأخت حبيبتنا الحبيبة

[عازفة الناي]

كيف تتخلص من العصبيه


اجمعت معظم الابحاث الطبية على ضرورة ان يتخلص المرء من عصبيته حتى لايكون عرضه لأمراض

نفسيه وعضوية كثيرة وأخطرها النوبات القلبية المفاجئة كما ان الانسان العصبي مناعته ضعيفة
وقدرته على مقاومة الامراض اقل كثير من ذلك المرء الذي يتميز بالقدرة على الاسترخاء والهدوء.
والعصبية الى جانب خطورتها الصحية فهي تجعل الانسان غير مرغوب فيه اجتماعيا.
واليك عدة خطوات للانتقال من فئة الاشخاص العصبيين المتوترين دائما الى فئة الاشخاص الذي
لديهم القدرة على السيطرة على النفس وااالاسترخاء والهدوء:
1-فكر في اهداف حياتك وماهي الامور المهمة حقا بالنسبة اليك والى من تحب وخلص نفسك من
الواجبات التافهة حتى تستطيع انجاز الواجبات المهمة على وجه افضل يجعلك تحتفظ بهدوئك
ويخلصك من التوتر الناتج عن الاحساس بأن واجباتك اكثر كثير من الوقت الذي عليك انجاز كل
الاعمال فيه .

2-توقف عن محاولتك ان تكون شخص فائق القدرة وخلص نفسك من الرغبة في الهيمنة التامة على
كل الشؤون دون اهمال شيء لأن هذا لايتم الا على حساب صحتك وحالتك النفسية والمزاجية .

3-اعط نفسك وقتا اطول فيما تظن انه ضروري للوصول الى مكان او تحقيق شيء واعمل حساب أي
عائق يمكن ان يعترضك حتى لاتصاب بالتوتر .

4-لاتضع لنفسك مواعيد صارمة لإنهاء اعمالك وابدأ صباحك مبكرا جدا واعطي لنفسك وقتا كافيا
للانتهاء من ارتداء ملابسك .

5-سهل حل الأمور ولاتغتاظ من اجل امور تافهة مثل تأخر قطار او فظاظة سائق تاكسي وتذكر انه حتى
لو انفجرت عصبيتك لن تتمكن من تبديل مجرى الاحداث .

6-ابتعد عن الاشخاص الذين يغيظونك اما اذا كان عليك رؤيتهم باستمرار فلا تعطيهم اهمية كبرى .

7-خذ قسطا من الراحة والاستجمام بين وقت وأخر حتى تنهي عملك في وقت محدد لأن ذلك يزيل
مشاعر التوتر والقلق بداخلك .

8-تذكر ان العصبية والقلق الدائمين يؤديان بك الى امراض القلق والضغط ويؤثران على حيويتك
ونشاطك واقبالك على الحياة .

9-لا تتوقع الكمال في تصرفات من حولك لأنك ان توقعت هذا فستكون تصرفاتهم مصدر ازعاج لك وخذ
الامور ببساطة واعلم ان من يعقد المسائل ويعطيها حجما اكبر من حجمها هو الخاسر دائما



ودمتم بصحه وعافيه

[أم ريتاج زهرة]

ما شاء الله الأخت عازفة الناي راكي جايبتها

[أم ريتاج زهرة]

فهموني ربي يخليكم ما معنى المناطق الساخنة
و متضحكوش عليا

[ام اكرم31]

فراشتي حبيبة شكرا لكي على نصائح اليوم فعلا مفيدة لان كتير من النساء تركز على الوجه فقط وتنسى الجسم اي تعتني فقط بما هو ضاهر انا شخصيا تكون عنايتي بجسمي فالصيف اكتر منه في الشتاء لاني اخد كل راحتي فالدوش وندوش عدة مرات فاليوم اي كل مرة ندير وصفة

[هنو ام ياسر]

المشاركة الأصلية كتبت بواسطة أم ريتاج زهرة

فهموني ربي يخليكم ما معنى المناطق الساخنة
و متضحكوش عليا

اهلا اختي ما تخافيش ما نضحكوش عليك على خاطر كامل كنا كيفك في البداية.
من الاحسن اختي باش تفهمي واش كاين في الدورة اقراي الصفحة الاولى راها حطت فيها الاخت حبيبة كل روابط التطبيقات بارك الله فيها و بالنسبة لسؤالك ادخلي للرابط و قراي كل الصفحة كي تستفيدي .
ارجو ان اكون قد افدتك.


https://www.djelfa.info/vb/showthread...764625&page=15

[om wassim]

مساء الخير عليكم جميعا
جيادا راكي 444444 ربي يقويك وصفاتك رايحة نكتبهم
انا كي كنت عازبة كنت من عشاق الوصفات و الاعتناء بالجسم بصح دوك ندير غير ماسك ماشي دايما و الغسول راني نسيت كامل رويحتي
لكن راكي حيتي فيا هادوك الايام ههههه

[oum sabrin]

مساء النور حبيباتي الفراشات و غاليتي حبيبة
ما شاء الله على النشاط و التميز
اختي جيادا يعطيك الصحة على الوصفات و الماركات كل شيء رائع مشكورة :1

المشاركة الأصلية كتبت بواسطة omselma

انا ديما تفوتني صلاة الفجر وساعات ربي يغفرلي نسمعو يأذن ونرقد لاني نبات نرضع في وليدي بصح اني ناوية من الغد ان شاء الله نوض نصليه لانو كي قلتي اختي حبيبة لو كان تعود عندنا طريق ولا خدمة نوضو علجالها وهادي كينة منها صح.ام صبرين من فضلك معليش تعطيني على اي اساس ندير توزيع اسبوعي للطياب عندي وقت وانا نحوس نحط توزيع و معرفتش ومعليش تعطيني لاغوسات تاع الحوايج الحلوين على بالي بللي كترت عليك سامحيني برك

اختي ام سلمى فيما يخص مقاييس عمل برنامج الاطباق لازم يكون التنوع يعني مرة طواجن اما بالدجاج او اللحم او اسماك و كدا الخضار بالرغم انو زوجي لا ياكلها الا بالحيلة ما عدا البطاطا طبعا و مرة عجائن ارز او بركوكس او سباقيتي...الخ و مرة حساء بالخضار او عدس او فاصولياء او شربة بيضاء ...الخ و نهار اما بيتزا او سوفلي او بيتزا كوفيرت و عندي يوم الجمعة عندي اما كسكسي بالمرق او مسفوف او رشتة او شخشوخة ..الح و هكدا و الاطباق طبعا تتغير حسب الفصول ففي الشتاء تكثر الحساءات السلاخنة و المراقي اما في الحر فاكثر الغراتان و البيتزات و المحمر و السلطات المتنوعة
اما فيما يخص التحليات فهدا رابط موضوع تطبيقي لسافاران بالبرتقال
تفضلوا

https://www.djelfa.info/vb/showthread.php?t=1754671

و هدا رابط البريوش الدي جربته

https://www.djelfa.info/vb/showthread.php?t=1469857

[أم ريتاج زهرة]

المشاركة الأصلية كتبت بواسطة هنو ام ياسر

اهلا اختي ما تخافيش ما نضحكوش عليك على خاطر كامل كنا كيفك في البداية.
من الاحسن اختي باش تفهمي واش كاين في الدورة اقراي الصفحة الاولى راها حطت فيها الاخت حبيبة كل روابط التطبيقات بارك الله فيها و بالنسبة لسؤالك ادخلي للرابط و قراي كل الصفحة كي تستفيدي .
ارجو ان اكون قد افدتك.


https://www.djelfa.info/vb/showthread...764625&page=15

ربي يخليك الأخت أم ياسر و يخليلك ياسر و صحتك و بارك الله فيك مشكورة

[أم ضياء عبد الرحيم]

[size="5"]

سلام فراشات حلوات

المشاركة الأصلية كتبت بواسطة omselma

بما انو اليوم فقرة الجمال انا نحب نعتني بروحي وجمالي " ان الله جيل يحب الجمال" انا ديما ندير وصفات طبيعية عندي نظرية اي حاجة نوكلها من الفواكه نحطها على وجهي نغسل وجهي بماء العدنوس لتصفية الوجه نحط الموز يخلي الوجه يبرق ندير في الصيف النشاء والدلاع ر وعة وكيما لازم تعتني المراة لازم تعتني برقبتها اي ماسك طبيعي يتحط للوجه لازم نحطو على رقبتنا ...انا بلاما ننسى اسناني نحب نتهلى فيها لازم ديما نغسلهم ونحطلهم ساعات سواك تاع بكري باه تكون تبسيمتي حلوة لزوجي

ما شاء الله ام سلمى يعطيك الصحة و العناية تاعك هايلة جربت من قبل ماء المعدنوس لكن النشاء و الدلاع ما نعرفوش باذن الله نجربو

المشاركة الأصلية كتبت بواسطة ام الخير 05

مساء الخير على الفراشات ما شاء الله عليكم كل وحدة منكن متميزة مساء الخير حبيبتي حبيبة في البداية بعد ما رجعت من دانا ان والاولاد ليقت شوية صعوبة باه نرجع للروتين السابق لكن اليوم الحمد لله كل شيئ تمام كملت شغلي بكري على 10ونص خرجت لولاد رحنا جبنا اختهم من المدرسة ودرنا تحويسة خفيفة في ما يخص العناية بالجمال روتيني اليومي دوش خفيف يوميا الا اذا كنت مريضة او ضرف طارءوممكن نعضو بعد ما نكمل اعمالي ما نستعملش الصابون نستعمل مقشر الطبيعي قهوة+عسل+عصيؤليمون+زيت زيتون ويصلح لكامل الجسم وبعدها اقنعة بمواد طبيعية متنوعة لكن ماشي يومي ونمسح وجهي بمكعبات ماء ورد مقلصة الصراحة راني حابة نشري منتجات اصطناعية خاصة بتاخير التجاعيد وتكون سعرها معقول اذا تقدرو تنصحوني بالمناسبة لما وصلت لسن الثلاثين توقفت على استعمال الفوندتان الا في المناسبات نحس انها تاثر على البشرة والله اعلم
الغالية حبيبة حابة نطلب منك مساعدة انت والاخوات متعلقة بابني هو حساس جدا وانا للاسف ورثت العصبية وكنت نعيط عليه بزاف الان نقصت كثير من العصبية لكن احيانا تنتابني موجة عصبية عارمة خاصة قبل الدورة نحس انو الدم يغلي في راسي وقريب يخرج من وذنيا المهم وليدي رجع خواف خواف خواف وانا السبب وعرفت هذا الشيئ من سبب انو ما يحب غير الديناصورات الاسود الفهود وكل ماهو مفترس راني شاكة باه يحرشهم عليا للاشارة هو شديد الذكاء وانا عندي قابلية اني ننسلخ من هذه الصفة لاني لما نضربومانرقدش اليل الامعاه طبعا بعد ما يرقد باه ما يفيقش بيا وزيد نقلكم حاجة انا دايما حقي ضايع ملي كنت صغيرة وولادي ما شيين في طريقي وانا خايفة عليهم ياريت تساعدوني سلام للجميع

اختي ام الخير ننصحك بالكريم الي حطيتو تاع زيت الاركان كون تلقايه في الجزائر راه رائع و طبيعي
و بالنسبة للعصبية راهي كتبت عازفة كتبت رد ما شاء الله على العصبية
لكن حبيت نقولك على تجربتي مع ابني انا ثاني كنت نقلق عليه بزاف واحد النهار قعدت انا و زوجي و تفاهمنا كي يشوفني قلقانة خصوصا وقت الدورة يهتم زوجي بابني باه ما نقلقش عليه و كي نشوف انا زوجي قلق نهتم بيه انا هكذا نتجنبو نقلقوا عليه و جابة الطريقة نتيجة كبيرة منين يشوفني زوجي قلقت يروح هو لابني يشوفوا واش يحب او يرقدو او يعطيه ياكل المهم يهتم بيه و العكس بالنسبة ليا
يبقى هذا حل مؤقت حتى الانسان يتغلب على العصبية تاعو

المشاركة الأصلية كتبت بواسطة عازفة الناي

مساء الخير
اليوم نضت غسلت وجهي وفرشيت اسناني و صليت
اهلي مسافرين
فطرت وجدت الغداء عجنت الكسرة خليتها ترتاح
لميت الغرف كنستهم بالمكنسة الكهربائية
مسحت الغبرة و مسحت خزانة الاحذية و انا نتجول في المنزل وعندى ورقة وقلم نكتب الاماكن الساااااااااااااخنة
عملت ماسك لوجهي :d:d:d:d:d
غسلت ماعن لفطور
مسحت الغرف بالنشاف و المعطر
غسلت وجهي ومسحتو بماء الورد
طيبت الكسرة وجاو اهلي تغداو لميت لماعن
حليت النت
عشاي نزيد شوي ونحظرووووووو
فحلة ولا لاء هههههههههههههههههههههههههه

ما شاء الله عليك عزافة ميش غير فحلة فحلة و نص ربي يبارك و شكرا على المعلومات المفيدة انا ديما نقول بلي من العصبية الانسان يموت ناقص عمر

المشاركة الأصلية كتبت بواسطة نجاة54

شكرا اختي جيادا على وصفة دوف ساهلة وففيها اشياء معروف انها ترطب وتبيض البشرة وتاني شكرا على مشاركتكي لنا مشترياتك انا مزال مشفتش lait تع mixa شفت غير la creme pour mains بصح نزيد نسقسي عليها لانها ماركة مليحة عجبتني كريمة الاركان طبيعية خير من المواد الكميائية نخاف نوالفها ولما نحبس تدور عليا ربي يجازيك اختي انتضر منكي المزيد

شكرا اختي نجاة على ردك الجميل بالنسبة لكريمة ميكسا هذه الي تستعمل تحت لا دوش راهي جديدة باذن الله تلقايها على حساب ما شفت تبان مليحة و كريم الاركان والله هايلة و خفيفة و ما فيهاش المواد الضارة

المشاركة الأصلية كتبت بواسطة أم ريتاج زهرة

السلام عليكم ليوم بديت معاكم التغيير و الحمد لله ة الله لبارح أعلنت التغيير و تغيري 180 درجة و حسيت روحي عييت و قلت في نفسي لازم نواصل راني وعدت الحبيبة و الأخوات و المنتدى عامة و راني مع مواصلة تنظيم في منزلي و الحمد لله و نشكر بزاف الأخت حبيبتنا الحبيبة

ام رتاج ربي يوفق ان شاء الله مع حبيبة و مع بعض ما نستسلموش

المشاركة الأصلية كتبت بواسطة om wassim

مساء الخير عليكم جميعا
جيادا راكي 444444 ربي يقويك وصفاتك رايحة نكتبهم
انا كي كنت عازبة كنت من عشاق الوصفات و الاعتناء بالجسم بصح دوك ندير غير ماسك ماشي دايما و الغسول راني نسيت كامل رويحتي
لكن راكي حيتي فيا هادوك الايام ههههه

ام وسيم شكرا حبيبتي باذن الله مع بعض نرجو العادات لمليحة و نسترجعوا جمالنا و اشراقتنا

المشاركة الأصلية كتبت بواسطة oum sabrin

[color="plum"]مساء النور حبيباتي الفراشات و غاليتي حبيبة
ما شاء الله على النشاط و التميز
اختي جيادا يعطيك الصحة على الوصفات و الماركات كل شيء رائع مشكورة :1

شكرا اختي ام صابرين

[أم شيماءْ]

سلام يا فراشات الفرفوشات
انا اليوم برنامجي درتو كامل اهاهاها زعمة فحلة
نضت على الخمسة ونصف صليت وقريت شوي قران ومن بعد وجدت الفطو ونوضت بناتي فطرو وراحو يقراو ثم نوضت زوجي فطرت معاه وراح يخدم وانا بديت درت الغداء روز وعجنت مطلوع ومن بعد سيقت تسياق عمييييييييييييييييييييق وكي خلصت جيت للميكرو قرعجت عليكم ههههههه ومبعد جا زوجي تغدينا وغسلت الاواني ثم دوشت وسشورت شعري ومكياج خفيف وليت فراشةهههههههههههه بعد ماكنت دودة مع التسياق ورحت للمنطقة الساخنة وهو البلاكار تاع الكوزينة وضك راني معاكم بعد ما لمعت الحوض
وعندي مشكل ياريت يا حبيبة تعونيني نحيه راني عصبية بزاف مع بناتي هوما عاقلين بزاف وانا نعيط على اتفه الاسباب

[omselma]

المشاركة الأصلية كتبت بواسطة oum sabrin

مساء النور حبيباتي الفراشات و غاليتي حبيبة
ما شاء الله على النشاط و التميز
اختي جيادا يعطيك الصحة على الوصفات و الماركات كل شيء رائع مشكورة :1



اختي ام سلمى فيما يخص مقاييس عمل برنامج الاطباق لازم يكون التنوع يعني مرة طواجن اما بالدجاج او اللحم او اسماك و كدا الخضار بالرغم انو زوجي لا ياكلها الا بالحيلة ما عدا البطاطا طبعا و مرة عجائن ارز او بركوكس او سباقيتي...الخ و مرة حساء بالخضار او عدس او فاصولياء او شربة بيضاء ...الخ و نهار اما بيتزا او سوفلي او بيتزا كوفيرت و عندي يوم الجمعة عندي اما كسكسي بالمرق او مسفوف او رشتة او شخشوخة ..الح و هكدا و الاطباق طبعا تتغير حسب الفصول ففي الشتاء تكثر الحساءات السلاخنة و المراقي اما في الحر فاكثر الغراتان و البيتزات و المحمر و السلطات المتنوعة
اما فيما يخص التحليات فهدا رابط موضوع تطبيقي لسافاران بالبرتقال
تفضلوا

https://www.djelfa.info/vb/showthread.php?t=1754671

و هدا رابط البريوش الدي جربته

https://www.djelfa.info/vb/showthread.php?t=1469857

شكرا جزيلا حبيبتي ربي يعطيك ماتتمناي هكدا هزيت فكرة ورايحة نطبقها ربي يخليك لي ولاحبابك

[أم ضياء عبد الرحيم]

شكرا حبيبتنا حبية على فقرة العناية نصائح قيمة
و بالنسبة لفقرة الامس
بالنسبة لصلاة الفجر كنت نتقاعس عليها بزاف لكن في دارنا امي و ابي كي ينوضوا ينوضوا الدار كاملة امي دور علينا بالواحد و ثاني اختي تضل ورايا حتى نوض ربي يجازيها عني خير الجزاء
و كي تزوجت زوجي ما يروحش يصلي حتى يشوفني نضت و رحت نتوضى واحد الوقت دار فيا الشيطان حالة منين ينوضني زوجي ما نوضش حتى شكاني عند خويا و قالو راهي ولات ما تنوضش للصلاة اديت تبهديلة من عند خويا
الحمد لله الان راني مواضبة عليها خصوصا معاكم حبيباتي و مع دورة حفظ القران نوض نصلي و نبقى نحفظ
ربي يهدينا و يوفقنا

اخواتي حبيت نقولكم على تجربتي مع شعري
كي كنت في مرحلة الباك من التعب و الدراسة و سوء التغذية اصابتني صدمة عصبية فقدت على اثرها شعري في مناطق خصوصا من الامام على اليمين و اليسار الشعر طاح خلاص و اصبحت صلعاء في هته الجهتين جربت قداه من وصفة و شفت قداه من طبيب لكن دون نتيجة حتى جربت خليط من الزيوت و هي عبارة عن زيت الصبار و زيت الجرجير و زيت جوز الهند نخلطها بمقادير متساوية و ندفيهم و ندير بيهم حمام زيتي لشعري و نفرك فروة الراس خصوصا الاماكن الي اصبحت صلعاء درت هذه الوصفة بمعدل اثنين الى ثلاث مرات في الاسبوع لمدة ستة اشهر و صدقوني اخواتي نبتلي شعري كيما كان و المناطق هذيك تغطاو بالشعر و الشعر ككل اصبح اكثر كثافة و نعومة و نبتلي الشعر من القدام الان راه بطول 15 الي عشرين سنتيمتر و بعد هذيك المدة زدت جربة وصفة نخاع البقر نجيبو من عند الجزار نذوبو و نخلطو بهته الزيوت و ندهن فروة الراس و نغطيه و نخليه نصف ساعة الى ساعة و النتيجة رائعة و جربت حتى الحنة
دورت الان في المنتدى و لقيت موضوع شامل على مشاكل الشعر تاع الهام ربي يحفظها موضوع شامل هذا هو الرابط
https://www.djelfa.info/vb/showthread.php?t=1596156
و حبيت انبهكم على ثلاث مكونات في منتجات التجميل اذا لقيتيها في اي منتج ما كان لاه تشريه
و هي البارابان و السيليكون و بارافين paraben silicone paraffine راهي مواد مدمرة للبشرة و الشعر و راهي الهام تكلمت على السيليكون
انا كي كنت بالحمل قالتلي الطبيبة اياك تستعملي اي منتج فيه بارابان لانه خطر خصوصا على الحامل و البارافين راه مشتق من البترول
تقدروا تقراو عليهم راهم مضرين بزاف بالصحة
انا نروح نرقد نقولكم ليلة سعيدة غدا بحول الله

[حبيييبة]

مساء الخير حبيباتي
توحشتكككككككككككككككككككككم

[عازفة الناي]

جيادا الله على الماسكات راني حفظتهم
الاخت حبيبة توحشناااااااااااااااااااااااااااااك والله الدورة و الافكااااااااااااااااااااااااااار ساعدوني بزاااااااااااااااف بارك الله فيك